༄༅། །ཁ་ཆེ་ཕ་ལུའི་འཇིག་རྟེན་ལས་འབྲས་རྩི་ལུགས་ཀྱི་བསླབ་བྱ་བཞུགས་སོ། །༼༣༽

           བསླབ་བྱ་ལེའུ་ལྔ་པ།
  དབྱར་ཁ་ལྕགས་དང་དགུན་ཁ་རྫ་ལ་ལྟོས། །དབྱར་དགུན་མེད་པ་དམར་པོའི་ལྕེ་ལ་ལྟོས། །སྙིང་གཏམ་སྙིང་གི་གྲོགས་ལ་ཤོད་ཚོད་གྱིས། །སྔ་གྲོགས་དགོང་དགྲར་སོང་བ་མང་པོ་ཡོད། །གསེར་དངུལ་མི་ལ་བཅོལ་དགོས་བྱུང་ཡང་ཆོལ། །འཆོལ་པོ་སྟོར་ཀྱང་བཙལ་ནས་རྙེད་པ་རེད། །སྙིང་གཏམ་མི་ལ་འཆོལ་འཆོལ་མང་དྲགས་ན། །ལག་མགོ་ཁ་ལ་བཅུག་ནས་སྡོད་དགོས་ཡོང་། །གཏམ་གྱི་བདུད་པོ་སྙིང་གི་དོང་དུ་ཚུད། །ཁ་ལ་ལྕགས་དང་ལྕེ་ལ་སྒོ་ལྕགས་རྒྱོབ། །བདུད་པོ་དོང་ནས་ཤོར་ན་མི་ཕོ་གསོད། །ཨ་ཙི་བྱས་པ་ཙམ་གྱིས་ཅི་ལ་ཕན། །མི་ཤོད་དགུ་ཤོད་བཤད་རྒྱུ་མང་དྲགས་ན། །མི་ལ་མ་ཤོད་ཟེར་གྱིན་སྡོད་དགོས་ཡོང་། །ནར་ནར་ལྕེ་ལ་བདག་པོ་མ་བརྒྱབ་ན། །རིལ་རིལ་དབུ་ལ་འོ་རྒྱལ་བཟོས་ཡོང་ངོ་། །མ་བཤད་གཏམ་དེ་ག་དུས་བཤད་བཤད་རེད། །བཤད་ནས་འགྱོད་དགོས་བྱུང་ན་ཐ་མའི་ལས། །མ་བཤད་བར་དུ་གཏམ་ལ་རང་དབང་ཐོབ། །བཤད་ན་གཏམ་གྱི་དབང་དུ་ཤོད་མཁན་ཚུད། །བཟང་པོ་ཡོངས་ལ་ངན་པ་ལབ་ཉེན་ཆེ། །བཟང་པོའི་བསླབ་བྱ་ངན་པའི་དགྲ་ལ་འགྲོ། །དེ་ལས་བཟང་ངན་ཚང་མ་བཟང་པོས་སྐྱོངས། །བཟང་པོ་དགྲ་མགོ་ངན་པས་བཟློག་པས་བསྟུན། །གཏམ་ལ་དྲང་བའི་མི་དེ་སེམས་ལ་དྲང་། །སེམས་པ་དྲང་ན་ཆོས་ཀྱི་ལམ་ཁ་ཟིན། །ད་ལྟ་དེ་ལས་ཕུགས་ཡུལ་སྐྱིད་ཀྱང་སྐྱིད། །འདི་ཕྱི་གཉིས་ཀྱི་བསམ་དོན་ལྷུན་གྱིས་འགྲུབ། །ཁ་ཆེ་ཕ་ལུའི་འདོད་དང་སྣག་སྨྱུག་ཐུག །དཀར་པོའི་ཐོག་ཏུ་ནག་པོའི་བྲིས་ཆ་གསལ། །བྲིས་མི་ས་འོག་བྲིས་ཆ་ས་ཡི་ཐོག །འཛམ་གླིང་མ་བསྙེལ་བསམ་བློའི་དྲན་གསོ་མཛོད། ། ། །
           བསླབ་བྱ་ལེའུ་དྲུག་པ།
  འཛམ་གླིང་མེ་ལོང་ཕར་བལྟ་ཚུར་བལྟ་རེད། །འཁོར་བ་བྲག་རི་བཞིན་དུ་ཁ་ལན་སློག །རང་གིས་གར་བལྟས་མེ་ལོང་ནང་དུ་གསལ། །རང་གིས་གང་ལས་བྲག་རིས་ཁ་ལན་སློག །བཟང་ན་བཟང་དང་ངན་ན་ངན་གྱི་ལན། །འདི་ནི་ཡོང་རྒྱུ་འཇིག་རྟེན་འཁོར་བའི་ལས། །ཚང་མས་སྨོད་པའི་འདོད་པ་མེད་ཟེར་ན། །གཞན་ལ་མ་ལབ་རང་ལ་དོགས་ཟོན་གྱིས། །ཚང་མ་རང་གི་མདོག་དང་མཐུན་ཡོང་ངོ་། །གང་བྱས་ལག་པའི་མཐིལ་དུ་གསལ་ཡོང་ངོ་། །གཞན་ལ་དགའ་ཚོད་ཁྱེད་རང་དགའ་མེད་ཡིན། །གང་ལྟར་བཟང་ལ་བཟང་དང་ངན་ལ་ངན། །དུག་ཤིང་སྡོང་པོས་ཁམ་བུ་སྟེར་མདོག་མེད། །ཁམ་བུ་དགོས་ན་ཁམ་སྡོང་འགྲམ་ལ་སོང་། །རིན་ཆེན་གསེར་གྱི་འདོད་པ་ཡོད་ཟེར་ན། །དོན་མེད་མུན་པའི་གླིང་དུ་མ་སོང་ཞིག །གཞན་ནས་ལགས་ལགས་ལུགས་ལུགས་དགོས་ཟེར་ན། །རང་ལ་ལགས་ལགས་ལུགས་ལུགས་མང་ཉུང་དགོས། །ཆེ་འདོད་ཅན་ལ་ཆེ་བ་ཡོང་བ་དཀའ། །དེ་ཡི་ཐབས་ལ་ཆེ་འདོད་བཞག་པ་དགའ། །བྱམས་པོ་བྱས་ན་དགྲ་ཡང་གཉེན་ལ་འགྲོ། །རྩུབ་ཚོད་མ་ཟིན་བུ་ཡང་ཞེན་པ་ལོག །ཐོད་པའི་རི་མོ་གྱེན་ལ་ཡོད་པའི་མི། །སོ་དཀར་འཛུམ་ལེགས་མི་སེམས་འཛིན་པར་མཁས། །ལས་བཟང་བྱས་ནས་ཐར་པའི་ལམ་བུ་ལ། །གཏམ་བཟང་ཁྱེར་ནས་སོང་ཞིག་ཕ་ཡི་བུ། །རི་མོ་ཐུར་ལ་ཡོད་པའི་མི་ངན་ལ། །དུག་སྦྲུལ་ཁྱི་སྨྱོན་གཉིས་ཀྱི་བརྟག་དཔྱད་ཚང་། །ཉིན་མཚན་མེད་པར་རྨུག་རྒྱུ་ཁོ་ལས་མེད། །ལག་ལེན་ངན་པས་ཐལ་བ་བསླངས་ནས་འགྲོ། །བཟང་པོ་འོངས་པའི་རྗེས་ལ་གཏམ་བཟང་ཡོད། །བཟང་པོའི་ལོ་ལ་བཟང་པོའི་འབྲས་བུ་སྨིན། །ངན་པའི་འབྲས་བུ་ངན་པའི་སྐེ་ལ་འཁྲིལ། །ངན་པའི་རྗེས་ལ་ལྟས་ངན་གཏམ་ངན་ཡོད། །
རྒྱ་སྨྱུག་སེར་པོའི་ཁ་ནས་ཚིག་གསུམ་ལུས། །རྒྱ་ཤོག་དཀར་པོའི་སེམས་ལ་གསལ་ཡོང་ངོ་། །རྒྱ་སྐད་བོད་ཀྱི་སྐད་ལ་འགྱུར་སོང་ངོ་། །ཁ་ཆེ་ཕ་ལུའི་བློ་ཐག་ཆོད་སོང་ངོ་། ། ། །
            བསླབ་བྱ་ལེའུ་བདུན་པ།
  དམའ་ས་བཟུང་ནས་གང་ཅིར་བཟོད་པ་སྒོམ། །དོན་གྱི་རྡོ་ཁ་རང་གི་སྙིང་དུ་ཞོག །མི་སེམས་འཛིན་པའི་སྐད་ཆ་ཤོད་ཀྱིན་སོང་། །རང་དོན་སྒྲིག་པའི་ཇུས་ཆ་གཏོང་གིན་སོང་། །སྟོང་པ་ཁ་ཡིས་ཁེངས་པའི་དོན་རྩ་ལོངས། །དེ་འདྲའི་ཐབས་ལ་དམའ་ས་བཟུང་བ་དགའ། །དམའ་ས་བཟུང་བའི་མི་ལ་དགའ་མཁན་མང་། །དེ་འདྲའི་མི་ལ་ཡིད་ནས་དགའ་མཁན་མང་། །མི་ཚེ་ཇ་ཆང་ལོངས་སྤྱོད་ངང་ལ་འགྲོ། །འདིར་བཞུགས་འདིར་འབྱོན་ཟེར་མཁན་མང་པོ་ཡོང་། །འདོད་པའི་རྟ་རྒོད་ཚོད་ཀྱི་སྲབ་ཁ་འཐེན། །གང་ས་ཅི་ཐད་རང་ཚོད་རང་གིས་ཟུང་། །འགྲོ་ཚོད་སྡོད་ཚོད་ཤོད་ཚོད་བྱེད་ཚོད་དང་། །སྐྱིད་པོ་བྱེད་ཚོད་སྡུག་པོའི་འཁུར་ཚོད་དང་། །ཞིམ་པོའི་ཟ་ཚོད་འཇམ་པོའི་གྱོན་ཚོད་རྣམས། །མི་ལ་ཚང་ན་མཁས་པའི་ཡང་རྩེ་ཡིན། །དེ་འདྲས་མི་ལ་སྐར་མའི་བདག་པོ་རྙེད། །ད་ལྟ་དེ་ལས་ཕུགས་ཡུལ་ལས་འབྲས་ཡང་། །འདོད་པ་ཚོད་ཀྱི་ཕྱི་ལ་ཤོར་དང་གཅིག །
ཚོད་ལ་སེམས་ཀྱི་བཀོད་པ་མེད་དང་གཉིས། །དེ་འདྲའི་མི་དང་བསྡེབས་ནས་བསྡད་གཞན་འདྲ། །དེ་འདྲའི་ཆག་སྒོའི་ནང་ལ་ཁྲིད་ཡོང་ངོ་། །ལས་ལ་ཚོད་མེད་ཐ་མ་ཕུང་བའི་གཞི། །ཚོང་ལ་ཚོད་མེད་མཐའ་གཞུག་ཕམ་པའི་གཞི། །ཁ་ལ་ཚོད་མེད་རྐུབ་ལ་ཉོ་བའི་གཞི། །དགོད་ལ་ཚོད་མེད་མཐའ་གཞུག་ངུ་བའི་གཞི། །འཁོར་བའི་གཡས་གཡོན་གཡང་དང་གད་པའི་གླིང་། །ཟག་ན་ཟག་ཆོག་རིལ་ན་རིལ་ཆོག་རེད། །དེ་འདྲའི་ལམ་དུ་འགྲོ་བཟོ་སྡོད་མཁས་མཛོད། །གདོང་དྲུག་འཁོར་བ་འབྲོག་པའི་ཤོ་དང་འདྲ། །སྤ་ར་ལྕ་མོ་གང་ཐོན་ངེས་མེད་རེད། །ཁེ་གྱོང་སྙིང་ལ་བཅངས་ནས་འགྲོ་ལུགས་མཛོད། །ཁེ་ཡི་སྒོ་མོ་དབྱེ་རྒྱུའི་ཐབས་ལ་ལྟོས། །གྱོང་གི་ལམ་བུ་དགག་རྒྱུའི་ཇུས་ལ་ལྟོས། །ཁེ་གྱོང་གཉིས་ལ་སྦོམ་ཕྲ་ཤོར་བའི་དུས། །སྡུག་སྙིང་མནན་ནས་སྡུག་ཚོད་བཟུང་བ་དགའ། །ཚོད་མེད་ཁ་ཆེ་ཕ་ལུའི་ཚོད་ནས་ཤོར། །རིན་ཐང་སྐོར་དུས་སྐོར་ཐང་མ་ལོག་མཛོད། །ནོམ་པ་འཛིར་ནས་ཡོད་དོ་ཕ་ཡི་བུ། ། ། །
 

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

༄༅། །ཁ་ཆེ་ཕ་ལུའི་འཇིག་རྟེན་ལས་འབྲས་རྩི་ལུགས་ཀྱི་བསླབ་བྱ་བཞུགས་སོ། །༼༣༽

           བསླབ་བྱ་ལེའུ་ལྔ་པ།
  དབྱར་ཁ་ལྕགས་དང་དགུན་ཁ་རྫ་ལ་ལྟོས། །དབྱར་དགུན་མེད་པ་དམར་པོའི་ལྕེ་ལ་ལྟོས། །སྙིང་གཏམ་སྙིང་གི་གྲོགས་ལ་ཤོད་ཚོད་གྱིས། །སྔ་གྲོགས་དགོང་དགྲར་སོང་བ་མང་པོ་ཡོད། །གསེར་དངུལ་མི་ལ་བཅོལ་དགོས་བྱུང་ཡང་ཆོལ། །འཆོལ་པོ་སྟོར་ཀྱང་བཙལ་ནས་རྙེད་པ་རེད། །སྙིང་གཏམ་མི་ལ་འཆོལ་འཆོལ་མང་དྲགས་ན། །ལག་མགོ་ཁ་ལ་བཅུག་ནས་སྡོད་དགོས་ཡོང་། །གཏམ་གྱི་བདུད་པོ་སྙིང་གི་དོང་དུ་ཚུད། །ཁ་ལ་ལྕགས་དང་ལྕེ་ལ་སྒོ་ལྕགས་རྒྱོབ། །བདུད་པོ་དོང་ནས་ཤོར་ན་མི་ཕོ་གསོད། །ཨ་ཙི་བྱས་པ་ཙམ་གྱིས་ཅི་ལ་ཕན། །མི་ཤོད་དགུ་ཤོད་བཤད་རྒྱུ་མང་དྲགས་ན། །མི་ལ་མ་ཤོད་ཟེར་གྱིན་སྡོད་དགོས་ཡོང་། །ནར་ནར་ལྕེ་ལ་བདག་པོ་མ་བརྒྱབ་ན། །རིལ་རིལ་དབུ་ལ་འོ་རྒྱལ་བཟོས་ཡོང་ངོ་། །མ་བཤད་གཏམ་དེ་ག་དུས་བཤད་བཤད་རེད། །བཤད་ནས་འགྱོད་དགོས་བྱུང་ན་ཐ་མའི་ལས། །མ་བཤད་བར་དུ་གཏམ་ལ་རང་དབང་ཐོབ། །བཤད་ན་གཏམ་གྱི་དབང་དུ་ཤོད་མཁན་ཚུད། །བཟང་པོ་ཡོངས་ལ་ངན་པ་ལབ་ཉེན་ཆེ། །བཟང་པོའི་བསླབ་བྱ་ངན་པའི་དགྲ་ལ་འགྲོ། །དེ་ལས་བཟང་ངན་ཚང་མ་བཟང་པོས་སྐྱོངས། །བཟང་པོ་དགྲ་མགོ་ངན་པས་བཟློག་པས་བསྟུན། །གཏམ་ལ་དྲང་བའི་མི་དེ་སེམས་ལ་དྲང་། །སེམས་པ་དྲང་ན་ཆོས་ཀྱི་ལམ་ཁ་ཟིན། །ད་ལྟ་དེ་ལས་ཕུགས་ཡུལ་སྐྱིད་ཀྱང་སྐྱིད། །འདི་ཕྱི་གཉིས་ཀྱི་བསམ་དོན་ལྷུན་གྱིས་འགྲུབ། །ཁ་ཆེ་ཕ་ལུའི་འདོད་དང་སྣག་སྨྱུག་ཐུག །དཀར་པོའི་ཐོག་ཏུ་ནག་པོའི་བྲིས་ཆ་གསལ། །བྲིས་མི་ས་འོག་བྲིས་ཆ་ས་ཡི་ཐོག །འཛམ་གླིང་མ་བསྙེལ་བསམ་བློའི་དྲན་གསོ་མཛོད། ། ། །
           བསླབ་བྱ་ལེའུ་དྲུག་པ།
  འཛམ་གླིང་མེ་ལོང་ཕར་བལྟ་ཚུར་བལྟ་རེད། །འཁོར་བ་བྲག་རི་བཞིན་དུ་ཁ་ལན་སློག །རང་གིས་གར་བལྟས་མེ་ལོང་ནང་དུ་གསལ། །རང་གིས་གང་ལས་བྲག་རིས་ཁ་ལན་སློག །བཟང་ན་བཟང་དང་ངན་ན་ངན་གྱི་ལན། །འདི་ནི་ཡོང་རྒྱུ་འཇིག་རྟེན་འཁོར་བའི་ལས། །ཚང་མས་སྨོད་པའི་འདོད་པ་མེད་ཟེར་ན། །གཞན་ལ་མ་ལབ་རང་ལ་དོགས་ཟོན་གྱིས། །ཚང་མ་རང་གི་མདོག་དང་མཐུན་ཡོང་ངོ་། །གང་བྱས་ལག་པའི་མཐིལ་དུ་གསལ་ཡོང་ངོ་། །གཞན་ལ་དགའ་ཚོད་ཁྱེད་རང་དགའ་མེད་ཡིན། །གང་ལྟར་བཟང་ལ་བཟང་དང་ངན་ལ་ངན། །དུག་ཤིང་སྡོང་པོས་ཁམ་བུ་སྟེར་མདོག་མེད། །ཁམ་བུ་དགོས་ན་ཁམ་སྡོང་འགྲམ་ལ་སོང་། །རིན་ཆེན་གསེར་གྱི་འདོད་པ་ཡོད་ཟེར་ན། །དོན་མེད་མུན་པའི་གླིང་དུ་མ་སོང་ཞིག །གཞན་ནས་ལགས་ལགས་ལུགས་ལུགས་དགོས་ཟེར་ན། །རང་ལ་ལགས་ལགས་ལུགས་ལུགས་མང་ཉུང་དགོས། །ཆེ་འདོད་ཅན་ལ་ཆེ་བ་ཡོང་བ་དཀའ། །དེ་ཡི་ཐབས་ལ་ཆེ་འདོད་བཞག་པ་དགའ། །བྱམས་པོ་བྱས་ན་དགྲ་ཡང་གཉེན་ལ་འགྲོ། །རྩུབ་ཚོད་མ་ཟིན་བུ་ཡང་ཞེན་པ་ལོག །ཐོད་པའི་རི་མོ་གྱེན་ལ་ཡོད་པའི་མི། །སོ་དཀར་འཛུམ་ལེགས་མི་སེམས་འཛིན་པར་མཁས། །ལས་བཟང་བྱས་ནས་ཐར་པའི་ལམ་བུ་ལ། །གཏམ་བཟང་ཁྱེར་ནས་སོང་ཞིག་ཕ་ཡི་བུ། །རི་མོ་ཐུར་ལ་ཡོད་པའི་མི་ངན་ལ། །དུག་སྦྲུལ་ཁྱི་སྨྱོན་གཉིས་ཀྱི་བརྟག་དཔྱད་ཚང་། །ཉིན་མཚན་མེད་པར་རྨུག་རྒྱུ་ཁོ་ལས་མེད། །ལག་ལེན་ངན་པས་ཐལ་བ་བསླངས་ནས་འགྲོ། །བཟང་པོ་འོངས་པའི་རྗེས་ལ་གཏམ་བཟང་ཡོད། །བཟང་པོའི་ལོ་ལ་བཟང་པོའི་འབྲས་བུ་སྨིན། །ངན་པའི་འབྲས་བུ་ངན་པའི་སྐེ་ལ་འཁྲིལ། །ངན་པའི་རྗེས་ལ་ལྟས་ངན་གཏམ་ངན་ཡོད། །
རྒྱ་སྨྱུག་སེར་པོའི་ཁ་ནས་ཚིག་གསུམ་ལུས། །རྒྱ་ཤོག་དཀར་པོའི་སེམས་ལ་གསལ་ཡོང་ངོ་། །རྒྱ་སྐད་བོད་ཀྱི་སྐད་ལ་འགྱུར་སོང་ངོ་། །ཁ་ཆེ་ཕ་ལུའི་བློ་ཐག་ཆོད་སོང་ངོ་། ། ། །
            བསླབ་བྱ་ལེའུ་བདུན་པ།
  དམའ་ས་བཟུང་ནས་གང་ཅིར་བཟོད་པ་སྒོམ། །དོན་གྱི་རྡོ་ཁ་རང་གི་སྙིང་དུ་ཞོག །མི་སེམས་འཛིན་པའི་སྐད་ཆ་ཤོད་ཀྱིན་སོང་། །རང་དོན་སྒྲིག་པའི་ཇུས་ཆ་གཏོང་གིན་སོང་། །སྟོང་པ་ཁ་ཡིས་ཁེངས་པའི་དོན་རྩ་ལོངས། །དེ་འདྲའི་ཐབས་ལ་དམའ་ས་བཟུང་བ་དགའ། །དམའ་ས་བཟུང་བའི་མི་ལ་དགའ་མཁན་མང་། །དེ་འདྲའི་མི་ལ་ཡིད་ནས་དགའ་མཁན་མང་། །མི་ཚེ་ཇ་ཆང་ལོངས་སྤྱོད་ངང་ལ་འགྲོ། །འདིར་བཞུགས་འདིར་འབྱོན་ཟེར་མཁན་མང་པོ་ཡོང་། །འདོད་པའི་རྟ་རྒོད་ཚོད་ཀྱི་སྲབ་ཁ་འཐེན། །གང་ས་ཅི་ཐད་རང་ཚོད་རང་གིས་ཟུང་། །འགྲོ་ཚོད་སྡོད་ཚོད་ཤོད་ཚོད་བྱེད་ཚོད་དང་། །སྐྱིད་པོ་བྱེད་ཚོད་སྡུག་པོའི་འཁུར་ཚོད་དང་། །ཞིམ་པོའི་ཟ་ཚོད་འཇམ་པོའི་གྱོན་ཚོད་རྣམས། །མི་ལ་ཚང་ན་མཁས་པའི་ཡང་རྩེ་ཡིན། །དེ་འདྲས་མི་ལ་སྐར་མའི་བདག་པོ་རྙེད། །ད་ལྟ་དེ་ལས་ཕུགས་ཡུལ་ལས་འབྲས་ཡང་། །འདོད་པ་ཚོད་ཀྱི་ཕྱི་ལ་ཤོར་དང་གཅིག །
ཚོད་ལ་སེམས་ཀྱི་བཀོད་པ་མེད་དང་གཉིས། །དེ་འདྲའི་མི་དང་བསྡེབས་ནས་བསྡད་གཞན་འདྲ། །དེ་འདྲའི་ཆག་སྒོའི་ནང་ལ་ཁྲིད་ཡོང་ངོ་། །ལས་ལ་ཚོད་མེད་ཐ་མ་ཕུང་བའི་གཞི། །ཚོང་ལ་ཚོད་མེད་མཐའ་གཞུག་ཕམ་པའི་གཞི། །ཁ་ལ་ཚོད་མེད་རྐུབ་ལ་ཉོ་བའི་གཞི། །དགོད་ལ་ཚོད་མེད་མཐའ་གཞུག་ངུ་བའི་གཞི། །འཁོར་བའི་གཡས་གཡོན་གཡང་དང་གད་པའི་གླིང་། །ཟག་ན་ཟག་ཆོག་རིལ་ན་རིལ་ཆོག་རེད། །དེ་འདྲའི་ལམ་དུ་འགྲོ་བཟོ་སྡོད་མཁས་མཛོད། །གདོང་དྲུག་འཁོར་བ་འབྲོག་པའི་ཤོ་དང་འདྲ། །སྤ་ར་ལྕ་མོ་གང་ཐོན་ངེས་མེད་རེད། །ཁེ་གྱོང་སྙིང་ལ་བཅངས་ནས་འགྲོ་ལུགས་མཛོད། །ཁེ་ཡི་སྒོ་མོ་དབྱེ་རྒྱུའི་ཐབས་ལ་ལྟོས། །གྱོང་གི་ལམ་བུ་དགག་རྒྱུའི་ཇུས་ལ་ལྟོས། །ཁེ་གྱོང་གཉིས་ལ་སྦོམ་ཕྲ་ཤོར་བའི་དུས། །སྡུག་སྙིང་མནན་ནས་སྡུག་ཚོད་བཟུང་བ་དགའ། །ཚོད་མེད་ཁ་ཆེ་ཕ་ལུའི་ཚོད་ནས་ཤོར། །རིན་ཐང་སྐོར་དུས་སྐོར་ཐང་མ་ལོག་མཛོད། །ནོམ་པ་འཛིར་ནས་ཡོད་དོ་ཕ་ཡི་བུ། ། ། །
 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།