བཤེར་འཚོལ།
ཐུགས་སྐྱོ་བའི་གདུང་དབྱངས་བླ་མ་དྲན་དྲུག་གི་མགུར་ཞེས་བྱ་བ།
༄༅།། ཕ་དྲན་པས་གདུང་སེལ་མར་པའི་ཞབས། །
སྤྲང་གདུང་དབྱངས་ཐལ་ལོ་མར་པ་རྗེ། །
བྲག་དམར་མཆོང་ལུང་ཤར་ཕྱོགས་ན། །
ཆུ་འཛིན་སྤྲིན་དཀར་ལང་མ་ལིང་། །
སྤྲིན་དཀར་པོ་ལྡིང་བའི་འོག་ཅིག་ན། །
རྒྱབ་རི་གླང་ཆེན་འགྱིངས་པའི་མདུན་ཞིག་ན། །
མདུན་རི་སེང་ཆེན་འགྱིང་འདྲའི་སྟེང་ཞིག་ན། །
གནས་ཆེན་གྲོ་བོ་ལུང་གི་དགོན་པ་ན། །
རྡོ་ཆེན་ཨ་མོ་ལི་གེའི་ཁྲི་སྟེང་ན། །
གདན་ཁྲི་སྙན་ས་ལེའི་པགས་སྟེང་ན། །
དེ་ན་སུ་བཞུགས་སུ་མི་བཞུགས། །
དེ་ན་སྒྲ་སྒྱུར་མར་པ་བཞུགས། །
དུས་ད་ལྟ་བཞུགས་ན་དགའ་བ་ལ། །
ང་མོས་གུས་ཆུང་ཡང་མཇལ་སྙིང་འདོད། །
གདུང་སེམས་ཆུང་ཡང་མཇལ་སྙིང་འདོད། །
ང་བསམ་ཞིང་མཚན་ལྡན་བླ་མ་དྲན། །
བསྒོམ་ཞིང་མར་པ་ལོ་ཙྪ་དྲན། །
ཡུམ་མ་ལས་ལྷག་པའི་བདག་མེད་མ། །
དུས་ད་ལྟ་བཞུགས་ན་དགའ་བ་ལ། །
ས་བསྐོར་ཐག་རིང་ཡང་མཇལ་སྙིང་འདོད། །
ལམ་བགྲོད་པར་དཀའ་ཡང་མཇལ་སྙིང་འདོད། །
བསམ་ཞིང་མཚན་ལྡན་བླ་མ་དྲན། །
བསྒོམ་ཞིང་མར་པ་ལོཙྪ་དྲན། །
རྒྱུད་ཟབ་མོ་དགྱེས་པ་རྡོ་རྗེ་དེ། །
དུས་ད་ལྟ་གསུངས་ན་དགའ་བ་ལ། །
ང་ཤེས་རབ་ཆུང་ཡང་འཛིན་སྙིང་འདོད། །
བློ་གྲོས་ཆུང་ཡང་སྐྱོར་སྙིང་འདོད། །
བསམ་ཞིང་མཚན་ལྡན་བླ་མ་དྲན། །
བསྒོམ་ཞིང་མར་པ་ལོཙྪ་དྲན། །
སྙན་བརྒྱུད་བརྡ་ཡི་དབང་བཞི་དེ། །
ད་ལྟ་བསྐུར་ན་དགའ་བ་ལ། །
ང་འབུལ་བ་ཆུང་རུང་ཞུ་སྙིང་འདོད། །
དབང་ཡོན་མེད་རུང་ཞུ་སྙིང་འདོད། །
བསམ་ཞིང་མཚན་ལྡན་བླ་མ་དྲན། །
བསྒོམ་ཞིང་མར་པ་ལོཙྪ་དྲན། །
ཁྲིད་ཟབ་མོ་ནཱ་རོ་ཆོས་དྲུག་དེ། །
ད་ལྟ་གསུང་ན་དགའ་བ་ལ། །
ང་སྙིང་རུས་ཆུང་རུང་ཞུ་སྙིང་འདོད། །
ང་སྒོམ་བསྲན་ཆུང་རུང་བསྒོམ་སྙིང་འདོད། །
བསམ་ཞིང་མཚན་ལྡན་བླ་མ་དྲན། །
བསྒོམ་ཞིང་མར་པ་ལོཙྪ་དྲན། །
མཆེད་གྲོགས་དབུས་གཙང་དད་འདུས་དེ། །
ད་ལྟ་བཞུགས་ན་དགའ་བ་ལ། །
ང་ཉམས་རྟོགས་ངན་རུང་བསྡུར་སྙིང་འདོད། །
གོ་བ་ཞན་རུང་བསྡུར་སྙིང་འདོད། །
བསམ་ཞིང་མཚན་ལྡན་བླ་མ་དྲན། །
བསྒོམ་ཞིང་མར་པ་ལོ་ཙྪ་དྲན། །
སྤྲང་མོས་གུས་ཀྱི་ངང་ནས་འབྲལ་མེད་ཀྱང་། །
བླ་མ་སྙིང་ནས་དྲན་པ་ཡི། །
འདོད་པས་གདུངས་ནས་བཟོད་བླག་གླགས་མེད། །
དབུགས་སྟོད་དུ་འཚངས་ནས་སྐད་མ་ཐོན། །
བུ་ཡི་གདུང་བ་སེལ་ཅིག་བཀའ་དྲིན་ཅན། །
རྩོམ་སྒྲིག་པ། གངས་དགའ།
སྤྲང་གདུང་དབྱངས་ཐལ་ལོ་མར་པ་རྗེ། །
བྲག་དམར་མཆོང་ལུང་ཤར་ཕྱོགས་ན། །
ཆུ་འཛིན་སྤྲིན་དཀར་ལང་མ་ལིང་། །
སྤྲིན་དཀར་པོ་ལྡིང་བའི་འོག་ཅིག་ན། །
རྒྱབ་རི་གླང་ཆེན་འགྱིངས་པའི་མདུན་ཞིག་ན། །
མདུན་རི་སེང་ཆེན་འགྱིང་འདྲའི་སྟེང་ཞིག་ན། །
གནས་ཆེན་གྲོ་བོ་ལུང་གི་དགོན་པ་ན། །
རྡོ་ཆེན་ཨ་མོ་ལི་གེའི་ཁྲི་སྟེང་ན། །
གདན་ཁྲི་སྙན་ས་ལེའི་པགས་སྟེང་ན། །
དེ་ན་སུ་བཞུགས་སུ་མི་བཞུགས། །
དེ་ན་སྒྲ་སྒྱུར་མར་པ་བཞུགས། །
དུས་ད་ལྟ་བཞུགས་ན་དགའ་བ་ལ། །
ང་མོས་གུས་ཆུང་ཡང་མཇལ་སྙིང་འདོད། །
གདུང་སེམས་ཆུང་ཡང་མཇལ་སྙིང་འདོད། །
ང་བསམ་ཞིང་མཚན་ལྡན་བླ་མ་དྲན། །
བསྒོམ་ཞིང་མར་པ་ལོ་ཙྪ་དྲན། །
ཡུམ་མ་ལས་ལྷག་པའི་བདག་མེད་མ། །
དུས་ད་ལྟ་བཞུགས་ན་དགའ་བ་ལ། །
ས་བསྐོར་ཐག་རིང་ཡང་མཇལ་སྙིང་འདོད། །
ལམ་བགྲོད་པར་དཀའ་ཡང་མཇལ་སྙིང་འདོད། །
བསམ་ཞིང་མཚན་ལྡན་བླ་མ་དྲན། །
བསྒོམ་ཞིང་མར་པ་ལོཙྪ་དྲན། །
རྒྱུད་ཟབ་མོ་དགྱེས་པ་རྡོ་རྗེ་དེ། །
དུས་ད་ལྟ་གསུངས་ན་དགའ་བ་ལ། །
ང་ཤེས་རབ་ཆུང་ཡང་འཛིན་སྙིང་འདོད། །
བློ་གྲོས་ཆུང་ཡང་སྐྱོར་སྙིང་འདོད། །
བསམ་ཞིང་མཚན་ལྡན་བླ་མ་དྲན། །
བསྒོམ་ཞིང་མར་པ་ལོཙྪ་དྲན། །
སྙན་བརྒྱུད་བརྡ་ཡི་དབང་བཞི་དེ། །
ད་ལྟ་བསྐུར་ན་དགའ་བ་ལ། །
ང་འབུལ་བ་ཆུང་རུང་ཞུ་སྙིང་འདོད། །
དབང་ཡོན་མེད་རུང་ཞུ་སྙིང་འདོད། །
བསམ་ཞིང་མཚན་ལྡན་བླ་མ་དྲན། །
བསྒོམ་ཞིང་མར་པ་ལོཙྪ་དྲན། །
ཁྲིད་ཟབ་མོ་ནཱ་རོ་ཆོས་དྲུག་དེ། །
ད་ལྟ་གསུང་ན་དགའ་བ་ལ། །
ང་སྙིང་རུས་ཆུང་རུང་ཞུ་སྙིང་འདོད། །
ང་སྒོམ་བསྲན་ཆུང་རུང་བསྒོམ་སྙིང་འདོད། །
བསམ་ཞིང་མཚན་ལྡན་བླ་མ་དྲན། །
བསྒོམ་ཞིང་མར་པ་ལོཙྪ་དྲན། །
མཆེད་གྲོགས་དབུས་གཙང་དད་འདུས་དེ། །
ད་ལྟ་བཞུགས་ན་དགའ་བ་ལ། །
ང་ཉམས་རྟོགས་ངན་རུང་བསྡུར་སྙིང་འདོད། །
གོ་བ་ཞན་རུང་བསྡུར་སྙིང་འདོད། །
བསམ་ཞིང་མཚན་ལྡན་བླ་མ་དྲན། །
བསྒོམ་ཞིང་མར་པ་ལོ་ཙྪ་དྲན། །
སྤྲང་མོས་གུས་ཀྱི་ངང་ནས་འབྲལ་མེད་ཀྱང་། །
བླ་མ་སྙིང་ནས་དྲན་པ་ཡི། །
འདོད་པས་གདུངས་ནས་བཟོད་བླག་གླགས་མེད། །
དབུགས་སྟོད་དུ་འཚངས་ནས་སྐད་མ་ཐོན། །
བུ་ཡི་གདུང་བ་སེལ་ཅིག་བཀའ་དྲིན་ཅན། །
རྩོམ་སྒྲིག་པ། གངས་དགའ།
རྩོམ་ཁུངས། ངེད་དྲ་བ།