བཤེར་འཚོལ།
བྲག་དམར་མཆོང་ལུང་གི་བསྟོད་མགུར་བཞུགས་སོ།།
༄༅།།ཨེ་མ་རི་ཁྲོད་དབེན་པའི་གནས། །
རྒྱལ་བ་བྱང་ཆུབ་མཉེས་པའི་ས། །
གྲུབ་ཐོབ་རྣམས་ཀྱིས་བཞུགས་པའི་ཤུལ། །
མི་ང་རང་གཅིག་པུར་འདུག་པའི་ཡུལ། །
བྲག་དམར་མཆོང་ལུང་ཁྱུང་གི་རྫོང་། །
སྟེང་ན་ལྷོ་སྤྲིན་ཁོར་མ་ཁོར། །
འོག་ན་གཙང་ཆབ་གྱ་མ་གྱུ། །
བར་ན་རྒོད་པོ་ལང་མ་ལིང་། །
རྩི་ཤིང་སྣ་ཚོགས་བན་མ་བུན། །
ལྗོན་ཤིང་གར་སྟབས་ཤིགས་སེ་ཤིག །
བུང་བ་གླུ་ལེན་ཁོ་རོ་རོ། །
མེ་ཏོག་དྲི་ངད་ཆི་ལི་ལི། །
བྱ་རྣམས་སྐད་སྙན་ཀྱུ་རུ་རུ། །
དེ་འདྲའི་བྲག་དམར་མཆོང་ལུང་ན། །
བྱ་དང་བྱིའུ་གཤོག་རྩལ་སྦྱོང་། །
སྤྲ་དང་སྤྲེའུ་ཡང་རྩལ་སྦྱོང་། །
རི་དྭགས་སྣ་ཚོགས་བང་རྩལ་སྦྱོང་། །
ང་མི་ལ་རས་པ་ཉམས་རྩལ་སྦྱོང་། །
ཉམས་རྩལ་བྱང་ཆུབ་སེམས་གཉིས་སྦྱོང་། །
ང་དང་དབེན་གནས་གཞི་བདག་མཐུན། །
ཁྱེད་འདིར་ཚོགས་འབྱུང་པོ་མི་མ་ཡིན། །
བྱམས་སྙིང་རྗེའི་བདུད་རྩི་འདི་འཐུངས་ལ། །
རང་རང་སོ་སོའི་གནས་སུ་དེངས། །
རྩོམ་སྒྲིག་པ། གངས་དགའ།
རྒྱལ་བ་བྱང་ཆུབ་མཉེས་པའི་ས། །
གྲུབ་ཐོབ་རྣམས་ཀྱིས་བཞུགས་པའི་ཤུལ། །
མི་ང་རང་གཅིག་པུར་འདུག་པའི་ཡུལ། །
བྲག་དམར་མཆོང་ལུང་ཁྱུང་གི་རྫོང་། །
སྟེང་ན་ལྷོ་སྤྲིན་ཁོར་མ་ཁོར། །
འོག་ན་གཙང་ཆབ་གྱ་མ་གྱུ། །
བར་ན་རྒོད་པོ་ལང་མ་ལིང་། །
རྩི་ཤིང་སྣ་ཚོགས་བན་མ་བུན། །
ལྗོན་ཤིང་གར་སྟབས་ཤིགས་སེ་ཤིག །
བུང་བ་གླུ་ལེན་ཁོ་རོ་རོ། །
མེ་ཏོག་དྲི་ངད་ཆི་ལི་ལི། །
བྱ་རྣམས་སྐད་སྙན་ཀྱུ་རུ་རུ། །
དེ་འདྲའི་བྲག་དམར་མཆོང་ལུང་ན། །
བྱ་དང་བྱིའུ་གཤོག་རྩལ་སྦྱོང་། །
སྤྲ་དང་སྤྲེའུ་ཡང་རྩལ་སྦྱོང་། །
རི་དྭགས་སྣ་ཚོགས་བང་རྩལ་སྦྱོང་། །
ང་མི་ལ་རས་པ་ཉམས་རྩལ་སྦྱོང་། །
ཉམས་རྩལ་བྱང་ཆུབ་སེམས་གཉིས་སྦྱོང་། །
ང་དང་དབེན་གནས་གཞི་བདག་མཐུན། །
ཁྱེད་འདིར་ཚོགས་འབྱུང་པོ་མི་མ་ཡིན། །
བྱམས་སྙིང་རྗེའི་བདུད་རྩི་འདི་འཐུངས་ལ། །
རང་རང་སོ་སོའི་གནས་སུ་དེངས། །
རྩོམ་སྒྲིག་པ། གངས་དགའ།
རྩོམ་ཁུངས། ངེད་དྲ་བ།