འཆར་སྣང་སབ་སིབ།
བརྩེ་བའི་དུང་བ་ཉིད་སྐྱིད་དུ་སྒོམ་པས།།
རང་སེམས་དྲན་སྣང་དེ་བདེ་བར་མ་འཁུམས།།
རང་ལུས་གཙང་མ་དེ་ཡག་པོར་མ་སྡོད།།
དུང་བའི་དུང་སེམས་ཀྱི་ན་ཟུག་མ་བཟོད།།
ལྷུན་ཆགས་གཤིས་བཟང་གི་མི་གཤིས་དྲང་མོ།།
ལྷན་དུ་གྱེས་ཁ་མའི་ཡིད་སེམས་སྡུག་པོ།།
སུ་དང་གིས་དེ་དྲན་རག་བར་དུ།།
ངས་ཀྱང་རང་ཉིད་དེ་སྟོང་བར་སྒོམ་ཐུབ།།
ཆགས་པས་ས་བོན་གྱིས་བསྐྱེད་པའི་ན་ཟུག།།
ཆགས་པས་ཞེ་སྡང་གི་བག་ཆགས་ཟབ་མོ།།
ཆགས་པ་ཁྱེད་རང་གི་རང་གཤིས་གཏོར་ཚེ།།
ཆགས་པས་རང་ཉིད་དེ་སྡུག་ལ་གཏད་འགྲོ།།
ཕྱི་རོལ་འཇིག་རྟེན་གྱི་སྣང་བ་མཚར་བོར།།
ཕྱི་ནས་མི་ལྟ་ཉིད་ཐབས་མེད་ཡིན་སོང་།།
ཕྱི་ནས་ཕྱི་རོལ་ལ་བལྟས་ཏེ་བསྡད་ན།།
ཕྱིར་ལ་ཡོངས་ཞེས་ཏེ་གོ་སྐབས་ཡོད་དཀའ།།
རྩོམ་ཁུངས། ངེད་དྲ་བ།