ཁང་བ་སྔོན་པོའི་གཏམ་རྒྱུད།

བྱ་མདོ་དོན་གྲུབ་ཚེ་རིང་། མཆོད་མེ་བོད་ཀྱི་རྩོམ་རིག་དྲ་བ། 2009-04-05


ཕ་རོལ་གན་ན་ཆུ་ཆེན་རབ་མེད་ཅིག།
གཙང་པོའི་གཞུང་ན་གྲུ་མཁན་སྟོད་རྗེན་ཞིག།
ཆུ་དེའི་ངོགས་ན་བྱེ་མའི་ལ་རྒོད་ཅིག།
དེ་ཡི་རྒྱབ་ན་ཁང་པ་སྔོན་པོ་ཞིག།

ཨ་ཕས་མ་འགྲོ་མ་འགྲོ་སྡོད་ཅིག་གསུངས།།
ཨ་ཁུས་རིང་ཞིག་སོང་ནས་མྱུར་ལོག་གསུངས།།
གྲོགས་པོས་ཅིས་ཀྱང་བགྲོད་དགོས་རིག་པའི་བུ།།
བུ་ཆུང་སྨྲ་བཅད་ངག་བསྡམས་བརྟུལ་ཞུགས་འཛིན།།

རིག་ན་སྙིང་རླུང་སྐུལ་བའི་དམར་ཆུང་སྲོག།
ཐོས་ན་སྨྲེང་བ་འགུག་པའི་སྙན་མོ་དབྱངས།།
ཁང་པ་སྔོན་པོ་ཁྱོད་ལ་བུ་ལོན་རེ།།
ག་དུས་ཟུག་སོང་ང་ཉིད་བློ་མ་བདེ།།

ལྟོགས་ཀྱིས་དོགས་ནས་བག་ལེབ་རུམ་གང་ཁྱེར།།
སྐོམ་གྱིས་དོགས་ནས་ཆུ་འཁྱག་ཕོར་གང་ཐོགས།།
ཟིན་གྱིས་རེ་ནས་ཚེར་མ་རྡོག་པས་མནན།།
འཆོར་གྱིས་དོགས་ནས་གཙུག་ལ་སྒྲོན་མེ་བཏེགས།།

ལག་པ་བསྲིངས་དུས་ཁྱོད་ནི་ཐོལ་གྱིས་ཡལ།།
ཞིབ་ཏུ་གསན་སྐབས་ཁྱོད་ཀྱིས་བསླུ་དབྱངས་སྒྲོཊ།
དོན་དམ་གནས་སམ་སྟོང་བའི་སེམས་འགྱུ་ཞིག།
ཁང་པ་སྔོན་པོ་ཁྱོད་ལ་ཡང་ཡང་ཟུག།

ཚེ་ཐུང་རྨི་ལམ་སྒྱུ་མའི་རོལ་གར་གྱིས།།
ལས་ཀྱི་འཇུག་ངོགས་འདི་ལ་སྤྲོ་འཆམ་བྱེད།།
ཀོ་གྲུ་ཀོ་གྲུ་ད་ནི་ཚུར་ཤོག་དང༌།།
གཙང་པོའི་གཞུང་འདིར་བདེ་བླག་ཁྱེར་ཅིག་བརྗོད།།

ཁྱོད་ཀྱིས་ཆུ་མོའི་སྒལ་གཞུང་གཏུབས་སོང་ཞེས།།
འཐོར་རླུང་དྲག་པོས་རླབས་ཀྱི་ཆོ་འཕྲུལ་བསྒྱུར།།
འབབ་ལམ་དཀྲུགས་ནས་རྒྱུན་སྲོལ་བཅད་སོང་ཞེས།།
ལྟོ་དཀར་ཉ་མོའི་ཚོགས་ཀྱིས་ཀླུ་དབང་བསྟེན།།

གྲུ་ཁེམ་སྣེ་མོས་སྐྱོམ་རྒྱག་ཕབ་པའི་ཚེ།།
གྲུ་མཁན་སྟོད་རྗེན་དཔུང་ཡའི་བརྐྱངས་ཞགས་ཀྱིས།།
རླབས་རིས་འཚུབ་མའི་ཆུ་ཀླུང་རིང་མོ་ལས།།
དབུགས་ཀྱི་ཐ་མའི་འཁོར་ལོ་ཤེད་ཀྱིས་བསྐོར།།

གཙང་པོའི་ཕར་ངོགས་དེ་ནས་ཕྱི་མིག་ཅིག།
ད་དུང་བགྲོད་དགོས་སྙམ་པའི་རྟོག་པ་ཞིག།
བག་ལེབ་སྐམ་པོའིསྟེང་ན་སོ་ཤུལ་ཞིག།
ཆུ་འཁྱག་ཕོར་བའི་ནང་ན་བྱེ་ཟེགས་ཤིག།
 
བྱེ་མའི་ལ་རྒོད་འདབས་ནས་ངལ་ཙམ་གསོས།།
ལྷམ་སྒྲོག་ཕྲ་མོ་ལག་པས་ཡང་ཡང་བསྡམས།།
རྡོག་ཁྲེས་ཕྲ་མོ་རྒྱབ་ལ་དལ་གྱིས་བླངས།།
སེམས་ཐག་བཅད་དེ་གཅིག་པུ་བགྲོད་མགོ་ཚུགས།།

རླུང་ནག་འཚུབ་མས་འཛིན་མའི་ངོ་གདོང་གཡོགས།།
ཤུ་སྒྲ་དྲག་པོས་སྒྲོག་གུ་ངང་གིས་གྲོལ།།
ཁ་ཕྱོགས་འཛོལ་བས་ཡང་འཁོར་བསྐྱར་འཁོར་རྒྱག།
ནམ་མཁའིལྷ་མོས་སྡོངས་གྲོགས་མཛད་པར་ཞུ།།

རླུང་ཆེན་འཇགས་ཀྱང་རྗེས་ཤུལ་སོར་གང་མེད།།
སྨག་རུམ་སྟུག་པོས་འོད་ཁྱིམ་ཁྱུར་མིད་བཏང།།
རྒྱང་ན་གཅན་གཟན་གཏུམ་པོ་བརྒྱལ་བ་ཐོས།།
དྲུང་ན་བྱ་བྱེའུ་འབའ་འབུའི་སྡུག་སྐད་འབྱིན།།

བརྒྱལ་བ་སངས་ནས་མིག་ཟུང་ཕྱེ་བའི་ཚེ།།
མདུན་ལ་ཟས་ཀྱི་མཆོད་པ་མང་བཤམས་ནས།།
གདོང་ལ་འཛུམ་གྱི་རི་མོ་ཆགས་པ་མོས།།
བྱང་ལ་མཛུབ་མོས་འཛུགས་བཞིན་དབྱིངས་རིམ་བསྟོད།།

ཤེའུ་རྩེད་འཇོ་གར་ལ་རོལ་བཞིན་འོངས།།
གཅེས་དུང་ཚུལ་གྱིས་མིག་ཆུང་རིག་རིག་གིས།།
མདུན་ནས་བསུས་ཏེ་བྱེ་མའི་རྒྱབ་རོལ་ཏུ།།
དོགས་པ་མེད་པར་ཤར་མར་གཤེགས་ནས་སོང༌།།

ཁང་པ་སྔོན་པོའི་རྩེ་ན་འོད་ཁྱིམ་ཞིག།
ཁང་པ་སྔོན་པོའི་སྐེད་ན་ཚོན་མདངས་བཀྲ།།
ཁང་པ་སྔོན་པོའི་འདབས་ན་མེ་ཏོག་བཞད།།
དེ་རུ་བགྲོད་ན་ད་དུང་བར་ཐག་ཅིག།

བག་ལེབ་སྣོད་ཕད་སྟོངས་ནས་ཉིན་ལྔ་ཕྱིན།།
ཆུ་འཁྱག་ཕོར་བ་ཆག་ནས་ཞག་བདུན་འདས།།
ལྷམ་མཐིལ་ཟད་ཅིང་བརྟོལ་ནས་ཟླ་གཅིག་འགོར།།
གདོང་ལ་སྨྲ་རའི་དམག་གིས་ཀུན་ནས་བསྐོར།།

ཁྱིམ་གཞིས་གཉེན་ཉེའི་མིང་ཙམ་སྟོངས་ན་ཡང༌།།
ཁེར་རྐྱང་སེམས་ལ་དྲོད་ཐིགས་ཤས་ཙམ་ལྷུང༌།།
བརྩེ་བའི་སྐྱེད་མའི་ཕྱག་འཇམ་དབེན་ན་ཡང།།
གྲོགས་པོའི་གདམས་ངག་སེམས་པའི་གསོས་སུ་སྨིན།།

འཇིག་རྟེན་སྐྱིད་ཀྱི་ལོངས་སྤྱོད་དོར་ནས་ནི།།
ཁང་པ་སྔོན་པོའི་དཔལ་ལ་དོན་གཉེར་གྱིས།།
འགྲོ་ལ་ཕན་པ་ཅུང་ཟད་བསྒྲུབ་པ་ལས།།
མིང་གི་རི་མོ་འཇོག་མཁས་ཁྱོད་རྒྱལ་ཅིག།
 

 

རྩོམ་ཁུངས།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཁང་བ་སྔོན་པོའི་གཏམ་རྒྱུད།

2009-04-05 བྱ་མདོ་དོན་གྲུབ་ཚེ་རིང་། ཀློག་གྲངས། མཆན ཡོད།


ཕ་རོལ་གན་ན་ཆུ་ཆེན་རབ་མེད་ཅིག།
གཙང་པོའི་གཞུང་ན་གྲུ་མཁན་སྟོད་རྗེན་ཞིག།
ཆུ་དེའི་ངོགས་ན་བྱེ་མའི་ལ་རྒོད་ཅིག།
དེ་ཡི་རྒྱབ་ན་ཁང་པ་སྔོན་པོ་ཞིག།

ཨ་ཕས་མ་འགྲོ་མ་འགྲོ་སྡོད་ཅིག་གསུངས།།
ཨ་ཁུས་རིང་ཞིག་སོང་ནས་མྱུར་ལོག་གསུངས།།
གྲོགས་པོས་ཅིས་ཀྱང་བགྲོད་དགོས་རིག་པའི་བུ།།
བུ་ཆུང་སྨྲ་བཅད་ངག་བསྡམས་བརྟུལ་ཞུགས་འཛིན།།

རིག་ན་སྙིང་རླུང་སྐུལ་བའི་དམར་ཆུང་སྲོག།
ཐོས་ན་སྨྲེང་བ་འགུག་པའི་སྙན་མོ་དབྱངས།།
ཁང་པ་སྔོན་པོ་ཁྱོད་ལ་བུ་ལོན་རེ།།
ག་དུས་ཟུག་སོང་ང་ཉིད་བློ་མ་བདེ།།

ལྟོགས་ཀྱིས་དོགས་ནས་བག་ལེབ་རུམ་གང་ཁྱེར།།
སྐོམ་གྱིས་དོགས་ནས་ཆུ་འཁྱག་ཕོར་གང་ཐོགས།།
ཟིན་གྱིས་རེ་ནས་ཚེར་མ་རྡོག་པས་མནན།།
འཆོར་གྱིས་དོགས་ནས་གཙུག་ལ་སྒྲོན་མེ་བཏེགས།།

ལག་པ་བསྲིངས་དུས་ཁྱོད་ནི་ཐོལ་གྱིས་ཡལ།།
ཞིབ་ཏུ་གསན་སྐབས་ཁྱོད་ཀྱིས་བསླུ་དབྱངས་སྒྲོཊ།
དོན་དམ་གནས་སམ་སྟོང་བའི་སེམས་འགྱུ་ཞིག།
ཁང་པ་སྔོན་པོ་ཁྱོད་ལ་ཡང་ཡང་ཟུག།

ཚེ་ཐུང་རྨི་ལམ་སྒྱུ་མའི་རོལ་གར་གྱིས།།
ལས་ཀྱི་འཇུག་ངོགས་འདི་ལ་སྤྲོ་འཆམ་བྱེད།།
ཀོ་གྲུ་ཀོ་གྲུ་ད་ནི་ཚུར་ཤོག་དང༌།།
གཙང་པོའི་གཞུང་འདིར་བདེ་བླག་ཁྱེར་ཅིག་བརྗོད།།

ཁྱོད་ཀྱིས་ཆུ་མོའི་སྒལ་གཞུང་གཏུབས་སོང་ཞེས།།
འཐོར་རླུང་དྲག་པོས་རླབས་ཀྱི་ཆོ་འཕྲུལ་བསྒྱུར།།
འབབ་ལམ་དཀྲུགས་ནས་རྒྱུན་སྲོལ་བཅད་སོང་ཞེས།།
ལྟོ་དཀར་ཉ་མོའི་ཚོགས་ཀྱིས་ཀླུ་དབང་བསྟེན།།

གྲུ་ཁེམ་སྣེ་མོས་སྐྱོམ་རྒྱག་ཕབ་པའི་ཚེ།།
གྲུ་མཁན་སྟོད་རྗེན་དཔུང་ཡའི་བརྐྱངས་ཞགས་ཀྱིས།།
རླབས་རིས་འཚུབ་མའི་ཆུ་ཀླུང་རིང་མོ་ལས།།
དབུགས་ཀྱི་ཐ་མའི་འཁོར་ལོ་ཤེད་ཀྱིས་བསྐོར།།

གཙང་པོའི་ཕར་ངོགས་དེ་ནས་ཕྱི་མིག་ཅིག།
ད་དུང་བགྲོད་དགོས་སྙམ་པའི་རྟོག་པ་ཞིག།
བག་ལེབ་སྐམ་པོའིསྟེང་ན་སོ་ཤུལ་ཞིག།
ཆུ་འཁྱག་ཕོར་བའི་ནང་ན་བྱེ་ཟེགས་ཤིག།
 
བྱེ་མའི་ལ་རྒོད་འདབས་ནས་ངལ་ཙམ་གསོས།།
ལྷམ་སྒྲོག་ཕྲ་མོ་ལག་པས་ཡང་ཡང་བསྡམས།།
རྡོག་ཁྲེས་ཕྲ་མོ་རྒྱབ་ལ་དལ་གྱིས་བླངས།།
སེམས་ཐག་བཅད་དེ་གཅིག་པུ་བགྲོད་མགོ་ཚུགས།།

རླུང་ནག་འཚུབ་མས་འཛིན་མའི་ངོ་གདོང་གཡོགས།།
ཤུ་སྒྲ་དྲག་པོས་སྒྲོག་གུ་ངང་གིས་གྲོལ།།
ཁ་ཕྱོགས་འཛོལ་བས་ཡང་འཁོར་བསྐྱར་འཁོར་རྒྱག།
ནམ་མཁའིལྷ་མོས་སྡོངས་གྲོགས་མཛད་པར་ཞུ།།

རླུང་ཆེན་འཇགས་ཀྱང་རྗེས་ཤུལ་སོར་གང་མེད།།
སྨག་རུམ་སྟུག་པོས་འོད་ཁྱིམ་ཁྱུར་མིད་བཏང།།
རྒྱང་ན་གཅན་གཟན་གཏུམ་པོ་བརྒྱལ་བ་ཐོས།།
དྲུང་ན་བྱ་བྱེའུ་འབའ་འབུའི་སྡུག་སྐད་འབྱིན།།

བརྒྱལ་བ་སངས་ནས་མིག་ཟུང་ཕྱེ་བའི་ཚེ།།
མདུན་ལ་ཟས་ཀྱི་མཆོད་པ་མང་བཤམས་ནས།།
གདོང་ལ་འཛུམ་གྱི་རི་མོ་ཆགས་པ་མོས།།
བྱང་ལ་མཛུབ་མོས་འཛུགས་བཞིན་དབྱིངས་རིམ་བསྟོད།།

ཤེའུ་རྩེད་འཇོ་གར་ལ་རོལ་བཞིན་འོངས།།
གཅེས་དུང་ཚུལ་གྱིས་མིག་ཆུང་རིག་རིག་གིས།།
མདུན་ནས་བསུས་ཏེ་བྱེ་མའི་རྒྱབ་རོལ་ཏུ།།
དོགས་པ་མེད་པར་ཤར་མར་གཤེགས་ནས་སོང༌།།

ཁང་པ་སྔོན་པོའི་རྩེ་ན་འོད་ཁྱིམ་ཞིག།
ཁང་པ་སྔོན་པོའི་སྐེད་ན་ཚོན་མདངས་བཀྲ།།
ཁང་པ་སྔོན་པོའི་འདབས་ན་མེ་ཏོག་བཞད།།
དེ་རུ་བགྲོད་ན་ད་དུང་བར་ཐག་ཅིག།

བག་ལེབ་སྣོད་ཕད་སྟོངས་ནས་ཉིན་ལྔ་ཕྱིན།།
ཆུ་འཁྱག་ཕོར་བ་ཆག་ནས་ཞག་བདུན་འདས།།
ལྷམ་མཐིལ་ཟད་ཅིང་བརྟོལ་ནས་ཟླ་གཅིག་འགོར།།
གདོང་ལ་སྨྲ་རའི་དམག་གིས་ཀུན་ནས་བསྐོར།།

ཁྱིམ་གཞིས་གཉེན་ཉེའི་མིང་ཙམ་སྟོངས་ན་ཡང༌།།
ཁེར་རྐྱང་སེམས་ལ་དྲོད་ཐིགས་ཤས་ཙམ་ལྷུང༌།།
བརྩེ་བའི་སྐྱེད་མའི་ཕྱག་འཇམ་དབེན་ན་ཡང།།
གྲོགས་པོའི་གདམས་ངག་སེམས་པའི་གསོས་སུ་སྨིན།།

འཇིག་རྟེན་སྐྱིད་ཀྱི་ལོངས་སྤྱོད་དོར་ནས་ནི།།
ཁང་པ་སྔོན་པོའི་དཔལ་ལ་དོན་གཉེར་གྱིས།།
འགྲོ་ལ་ཕན་པ་ཅུང་ཟད་བསྒྲུབ་པ་ལས།།
མིང་གི་རི་མོ་འཇོག་མཁས་ཁྱོད་རྒྱལ་ཅིག།
 

 

རྩོམ་ཁུངས།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།