བཤེར་འཚོལ།
སྙན་ངག་ལྷ་མོར་ནུ་ཞོ་སློང་བའི་གཏམ་རིག་བྱེད་ཡན་ལག་དགུ་པ་ཞེས་བྱ་བ།
དགའ་བ་བརྒྱ་བའི་བཞིན་རས་ལས་ཕྱུང་བའི།།
སྤྲིན་བྲལ་ཟླ་བ་སྟོང་གི་དཔལ་འཛིན་ཅིང་།།
ལྷོ་ཕྱོགས་ཡིད་ཀྱི་མཚོ་མོར་གནས་འཆའ་བ།།
རིག་བྱེད་ནང་གི་གཙོ་མོ་དབྱངས་ཅན་ཡིན།།
སྔོན་རབས་སྲིད་པའི་མེས་པོ་ཚངས་ཆེན་ལྷས།།
མཆོད་སྦྱིན་དགྲ་ཡང་བསྐྱེད་པར་འཕྱ་སྨོད་ཀྱི།།
ཉེས་སྒྲིབ་སྨད་སླར་འདི་ན་བགྲངས་བྱ་སྟོང་།།
ཏིང་འཛིན་གདན་དུ་ལྷ་མོ་བཞིན་ལེགས་བསྐྱེད།།
དཀར་དཀར་ཚེམས་ཀྱི་དཀྱིལ་འཁོར་ཀུན་ནས་དཀར།།
སྙན་སྙན་དྲི་ཟའི་རྒྱུད་མངས་ཤིན་ཏུ་སྙན།།
མཛེས་མཛེས་ཞི་བའི་ཉམས་དགུའི་སྒྱུ་འཕྲུལ་མཛེས།།
ལེགས་ལེགས་ཟླ་ཚེས་གསར་བའི་རྒྱན་འདི་ལེགས།།
སྤྲིན་དཀར་རྡུལ་མང་བརྩེགས་པའི་བཞིན་རས་ལ།།
གཡོ་ལྡན་རི་དྭགས་མིག་གི་ཕྲ་རྒྱན་བཏབ།།
ཁུར་ཚོས་དམར་པོ་མདངས་ལ་ཆགས་པ་ཡིས།།
འདོད་ལྡན་སྙིང་ལ་མཚོན་ཆ་ཅི་ཡང་བསྣུན།།
དཀར་ལ་ཟླུམ་པའི་མྱོས་བུམ་འོ་མའི་མཛོད།།
དམར་ལ་མངར་བའི་མཆུ་སྒྲོས་བསུང་ངད་ཅན།།
འདི་ཙམ་ཁོ་ནས་སྲིད་འདིར་དབང་བྱས་པས།།
མཁྱེན་བརྩེ་གློག་གི་རྩེ་འཇོ་གཏོལ་བ་བྲལ།།
ཕྱག་མཚན་དྲི་ཟའི་རྒྱུད་མང་རིན་ཆེན་ཁྱིམ།།
འཇམ་མཉེན་ཕྱག་སོར་འདུ་བྱེད་བསྒྱུར་བའི་མུར།།
ལེགས་བྲིས་བུས་པ་དག་ཀྱང་ལྷག་གྱུར་ཏེ།།
སུམ་རྩེན་སྟོང་བའི་དོགས་པས་ལྷ་དབང་སྙུན།།
ཉམས་དགའ་དབེན་གནས་དྲི་ཟའི་སྐྱེ་ཚལ་ན།།
ཀུ་མུད་གཉེན་བྱེད་འཐུངས་བའི་ཆུ་སྐྱེས་ཞལ།།
དེ་ལས་འོང་བའི་དྲི་བསུང་རྩེན་པའི་གར།།
རྐང་དྲུག་གཞོན་ནུས་སྙན་ངག་ཅི་དགར་གྱེར།།
མཐོན་མཐིང་ལན་བུ་སྔོ་བསངས་བུ་མོའི་འོག།
རི་དྭགས་མཚན་མའི་མདངས་ལ་གནས་པ་ཡིས།།
སྙན་ངག་བདུད་རྩིའི་ག་པུར་རྒྱུན་འཇོ་བ།།
འདི་ཀོ་ཁྱེད་ཀྱི་མཐུ་སྟེ་བསམ་མི་ཁྱབ།།
གང་ཞིག་བདེན་པར་སྤྱོད་ཅིང་གཙང་མར་གནས།།
དཀའ་ཐུབ་རི་ལའང་དབྱངས་ཅན་གྱེར་བས་ན།།
ནང་གི་དུང་བ་ནང་ནས་མ་ལྷོད་པར།།
བྱིན་རླབས་ནུ་ཞོ་སྩོལ་ཅིག་སྙན་ངག་མ།།
རྩོམ་སྒྲིག་པ། གངས་དགའ།
སྤྲིན་བྲལ་ཟླ་བ་སྟོང་གི་དཔལ་འཛིན་ཅིང་།།
ལྷོ་ཕྱོགས་ཡིད་ཀྱི་མཚོ་མོར་གནས་འཆའ་བ།།
རིག་བྱེད་ནང་གི་གཙོ་མོ་དབྱངས་ཅན་ཡིན།།
སྔོན་རབས་སྲིད་པའི་མེས་པོ་ཚངས་ཆེན་ལྷས།།
མཆོད་སྦྱིན་དགྲ་ཡང་བསྐྱེད་པར་འཕྱ་སྨོད་ཀྱི།།
ཉེས་སྒྲིབ་སྨད་སླར་འདི་ན་བགྲངས་བྱ་སྟོང་།།
ཏིང་འཛིན་གདན་དུ་ལྷ་མོ་བཞིན་ལེགས་བསྐྱེད།།
དཀར་དཀར་ཚེམས་ཀྱི་དཀྱིལ་འཁོར་ཀུན་ནས་དཀར།།
སྙན་སྙན་དྲི་ཟའི་རྒྱུད་མངས་ཤིན་ཏུ་སྙན།།
མཛེས་མཛེས་ཞི་བའི་ཉམས་དགུའི་སྒྱུ་འཕྲུལ་མཛེས།།
ལེགས་ལེགས་ཟླ་ཚེས་གསར་བའི་རྒྱན་འདི་ལེགས།།
སྤྲིན་དཀར་རྡུལ་མང་བརྩེགས་པའི་བཞིན་རས་ལ།།
གཡོ་ལྡན་རི་དྭགས་མིག་གི་ཕྲ་རྒྱན་བཏབ།།
ཁུར་ཚོས་དམར་པོ་མདངས་ལ་ཆགས་པ་ཡིས།།
འདོད་ལྡན་སྙིང་ལ་མཚོན་ཆ་ཅི་ཡང་བསྣུན།།
དཀར་ལ་ཟླུམ་པའི་མྱོས་བུམ་འོ་མའི་མཛོད།།
དམར་ལ་མངར་བའི་མཆུ་སྒྲོས་བསུང་ངད་ཅན།།
འདི་ཙམ་ཁོ་ནས་སྲིད་འདིར་དབང་བྱས་པས།།
མཁྱེན་བརྩེ་གློག་གི་རྩེ་འཇོ་གཏོལ་བ་བྲལ།།
ཕྱག་མཚན་དྲི་ཟའི་རྒྱུད་མང་རིན་ཆེན་ཁྱིམ།།
འཇམ་མཉེན་ཕྱག་སོར་འདུ་བྱེད་བསྒྱུར་བའི་མུར།།
ལེགས་བྲིས་བུས་པ་དག་ཀྱང་ལྷག་གྱུར་ཏེ།།
སུམ་རྩེན་སྟོང་བའི་དོགས་པས་ལྷ་དབང་སྙུན།།
ཉམས་དགའ་དབེན་གནས་དྲི་ཟའི་སྐྱེ་ཚལ་ན།།
ཀུ་མུད་གཉེན་བྱེད་འཐུངས་བའི་ཆུ་སྐྱེས་ཞལ།།
དེ་ལས་འོང་བའི་དྲི་བསུང་རྩེན་པའི་གར།།
རྐང་དྲུག་གཞོན་ནུས་སྙན་ངག་ཅི་དགར་གྱེར།།
མཐོན་མཐིང་ལན་བུ་སྔོ་བསངས་བུ་མོའི་འོག།
རི་དྭགས་མཚན་མའི་མདངས་ལ་གནས་པ་ཡིས།།
སྙན་ངག་བདུད་རྩིའི་ག་པུར་རྒྱུན་འཇོ་བ།།
འདི་ཀོ་ཁྱེད་ཀྱི་མཐུ་སྟེ་བསམ་མི་ཁྱབ།།
གང་ཞིག་བདེན་པར་སྤྱོད་ཅིང་གཙང་མར་གནས།།
དཀའ་ཐུབ་རི་ལའང་དབྱངས་ཅན་གྱེར་བས་ན།།
ནང་གི་དུང་བ་ནང་ནས་མ་ལྷོད་པར།།
བྱིན་རླབས་ནུ་ཞོ་སྩོལ་ཅིག་སྙན་ངག་མ།།
རྩོམ་སྒྲིག་པ། གངས་དགའ།
རྩོམ་ཁུངས། ངེད་དྲ་བ།