བཤེར་འཚོལ།
གནམ་ལོ་གསར་པའི་སྨོན་འདུན།
ལོ་ཟླའི་འཕོ་འགྱུར་ཆུ་བོའི་རྒྱུན་དང་འགྲོགས་ནས།།
ཤིང་མོ་སྦྲུལ་འདི་ང་ཚོའི་བགོ་སྐལ་སླེབ་བྱུང་།།
ཨ་མས་གནངས་བའི་ཡི་གེ་འདབ་མ་དྲུག་ལྡན།།
རྣམ་དག་སེམས་ཀྱིས་ལན་གསུམ་ངག་ནས་སྐྱོར་ན།།
རྣམ་ཀུན་སེམས་སུ་བརྣགས་པའི་རེ་བའི་སྨོན་པ།།
ཡིད་ལ་འདོོད་པ་བཞིན་དུ་མྱུར་དུ་འགྲུབ་ཡོང་།།
གནམ་ལོ་གསར་དུ་ཚེས་པའི་དུས་བཟང་འདི་ལ།།
བདུད་རྩི་སྔོན་མོ་ཚེ་རབས་ལྷ་ལ་མཆོད་ན།།
རྒན་པའི་ཚེ་ཐག་ཆུ་བོའི་རྒྱུན་ལྟར་རིང་ཞིང་།།
གཞོན་པའི་འདབ་ལག་ཡར་ངོས་ཟླ་ལྟར་འཕེལ་བའི།།
རེ་བའི་འདུན་མ་ཚེ་རབས་ལྷ་ཡིས་གནང་ངེས།།
ཞིམ་མངར་བཅུད་ཀྱིས་གཏམས་པའི་ཟས་ཀྱི་དང་མ།།
ཕ་་མེས་ཡང་མེས་རྒྱུད་པའི་མེས་པོའི་སྲུང་མར།།
ལྷག་བསམ་དཀར་པོས་དམ་ཚིག་གཙང་མས་མཆོད་ན།།
གཟུགས་མེད་གློ་བུར་བྱུང་བའི་རྐྱེན་ངན་བར་ཆད་།།
མི་མངོན་དབྱིངས་ནས་སྐྱོབས་པའི་སྡོང་གྲོགས་མཛད་ངེས།།
གཏེར་གྱི་བང་མཛོད་གྱུར་པའི་ཕ་ས་སྣུམ་པོ།།
དཀར་ནག་གཅིག་ཏུ་འདྲེས་འདྲའི་གཡང་གི་འཚོ་རྟེན།།
འཇིག་རྟེན་བྱེད་པོས་བཟོས་འདྲའི་ཞིང་ས་གཤིན་པོ།།
རང་གཤིས་བལ་ལས་འཇམ་པའི་གདོད་མའི་གཤིས་ཀ།
ཉམ་ཆུང་བྱམས་ཀྱིས་བསྐྱངས་བའི་བརྩེ་བའི་བདག་ཉིད།།
རང་རིགས་གཏན་དུ་གནས་པའི་སྲོག་གི་ཀ་བ།།
མུ་ཏིག་བསྟར་ལ་བརྒྱུས་འདྲའི་དབྱངས་གསལ་སོ་བཞི།།
ཁོ་ལག་ཡོངས་སུ་རྫོགས་པའི་ཕ་སྐད་དག་མ།།
མི་ཉམས་ཡུན་དུ་གནས་པའི་སེམས་ཀྱི་སྨོན་པ།།
མི་བཟོད་དགུན་གྱི་རླུང་དང་ལྷན་ཅིག་སྡེབ་ནས།།
མི་འཇིག་གངས་ཀྱིས་བསྐོར་བའི་གངས་རིའི་འདབས་ནས།།
མི་ལུས་བསྐལ་བཟང་ཐོབ་པའི་མི་ངས་སྤྲིངས་སོ།།
རྩོམ་སྒྲིག་པ། ལྷ་སྐྱིད།
ཤིང་མོ་སྦྲུལ་འདི་ང་ཚོའི་བགོ་སྐལ་སླེབ་བྱུང་།།
ཨ་མས་གནངས་བའི་ཡི་གེ་འདབ་མ་དྲུག་ལྡན།།
རྣམ་དག་སེམས་ཀྱིས་ལན་གསུམ་ངག་ནས་སྐྱོར་ན།།
རྣམ་ཀུན་སེམས་སུ་བརྣགས་པའི་རེ་བའི་སྨོན་པ།།
ཡིད་ལ་འདོོད་པ་བཞིན་དུ་མྱུར་དུ་འགྲུབ་ཡོང་།།
གནམ་ལོ་གསར་དུ་ཚེས་པའི་དུས་བཟང་འདི་ལ།།
བདུད་རྩི་སྔོན་མོ་ཚེ་རབས་ལྷ་ལ་མཆོད་ན།།
རྒན་པའི་ཚེ་ཐག་ཆུ་བོའི་རྒྱུན་ལྟར་རིང་ཞིང་།།
གཞོན་པའི་འདབ་ལག་ཡར་ངོས་ཟླ་ལྟར་འཕེལ་བའི།།
རེ་བའི་འདུན་མ་ཚེ་རབས་ལྷ་ཡིས་གནང་ངེས།།
ཞིམ་མངར་བཅུད་ཀྱིས་གཏམས་པའི་ཟས་ཀྱི་དང་མ།།
ཕ་་མེས་ཡང་མེས་རྒྱུད་པའི་མེས་པོའི་སྲུང་མར།།
ལྷག་བསམ་དཀར་པོས་དམ་ཚིག་གཙང་མས་མཆོད་ན།།
གཟུགས་མེད་གློ་བུར་བྱུང་བའི་རྐྱེན་ངན་བར་ཆད་།།
མི་མངོན་དབྱིངས་ནས་སྐྱོབས་པའི་སྡོང་གྲོགས་མཛད་ངེས།།
གཏེར་གྱི་བང་མཛོད་གྱུར་པའི་ཕ་ས་སྣུམ་པོ།།
དཀར་ནག་གཅིག་ཏུ་འདྲེས་འདྲའི་གཡང་གི་འཚོ་རྟེན།།
འཇིག་རྟེན་བྱེད་པོས་བཟོས་འདྲའི་ཞིང་ས་གཤིན་པོ།།
རང་གཤིས་བལ་ལས་འཇམ་པའི་གདོད་མའི་གཤིས་ཀ།
ཉམ་ཆུང་བྱམས་ཀྱིས་བསྐྱངས་བའི་བརྩེ་བའི་བདག་ཉིད།།
རང་རིགས་གཏན་དུ་གནས་པའི་སྲོག་གི་ཀ་བ།།
མུ་ཏིག་བསྟར་ལ་བརྒྱུས་འདྲའི་དབྱངས་གསལ་སོ་བཞི།།
ཁོ་ལག་ཡོངས་སུ་རྫོགས་པའི་ཕ་སྐད་དག་མ།།
མི་ཉམས་ཡུན་དུ་གནས་པའི་སེམས་ཀྱི་སྨོན་པ།།
མི་བཟོད་དགུན་གྱི་རླུང་དང་ལྷན་ཅིག་སྡེབ་ནས།།
མི་འཇིག་གངས་ཀྱིས་བསྐོར་བའི་གངས་རིའི་འདབས་ནས།།
མི་ལུས་བསྐལ་བཟང་ཐོབ་པའི་མི་ངས་སྤྲིངས་སོ།།
རྩོམ་སྒྲིག་པ། ལྷ་སྐྱིད།
རྩོམ་ཁུངས། ངེད་དྲ་བ།