བཤེར་འཚོལ།
མཚན་ཞག་གཅིག་གི་སྐར་མ།(ཞར་བཀོད་གཅི་ག་ཡོད)
རི་བོའི་ཉག་ལམ་ཁ་བའི་པད་མོ་བཞད།།
རྟ་ཕོའི་གཞུང་ལ་ཟླ་འོད་ཁམས་ཀྱང་དྭངས།།
སྤྲིན་པའི་ཡལ་གར་སྐར་མའི་ཁུ་བྱུག་བབ།།
ང་ཡི་རི་དང་ལུང་པའི་གཙང་འགྲམ་དུ།།
སྐྱེ་འཆིའི་རི་དྭགས་ཚང་ཁ་ཤིག་ཤིག་གིས།།
སྨུག་པའི་ཀློང་ནས་འདྲོགས་ཏེ་གང་སར་གྱེས།།
སྒྱུ་མའི་དར་ལྗང་རླུང་ཁར་ཟད་པའི་ཤུལ།
ཆར་པ་འབབ་སྙམ་སེམས་པ་སྔར་ནས་སྐྱོ།།
འཁོར་བའི་གླིང་ཕྲན་སྟོང་གི་ས་མཚམས་ནས།།
ཡང་ཡང་འཕྲད་ཡོང་བསམ་བཞིན་རེ་སྟོང་བཅང་།།
སྐྱིད་ལ་རྙིང་དུས་མེད་ཀྱང་སྡུག་བསྔལ་བསྐྱེད།།
ཆགས་སྡང་གོས་དང་གོང་བའི་མཐུད་སྟངས་ཀྱིས།།
ཆང་ལ་བཟི་ཁ་མེད་ཀྱང་འཐུང་སྙིང་བྲོ།།
བརྩེ་བའི་མྱ་ངན་ཁུར་བའི་ནགས་ཚལ་དུ།།
བྱ་རྒོད་བསྟུད་མར་འཕུར་རུང་ཕྱིར་ལོག་མེད།།
ལས་ཀྱི་ཆུ་ཟིལ་འཐོར་བའི་སྒེའུ་འགྲམ་དུ།།
མགོ་བོ་ཅུང་ཙམ་སྔས་ཀྱང་བློ་མ་བདེ།།
༢༠༢༥.༣.༢༠ མཚན་མོར།
འགྱོད་མེད་ཀྱི་གླུ།
རླུང་ཆེན་བསྟུད་མར་ལྡང་བའི་ཉག་ག་ན།།
ཆུ་ཤེལ་ཟླ་བའི་གཡེར་ཁ་རླུང་གིས་བསྐྱོད།།
གནམ་ས་ལག་འཇུ་བྱས་པའི་ཐག་རིང་ནས།།
འདས་སོང་བརྩེ་བའི་ཤ་ཁྱུ་འདྲོགས་པ་མཐོང་།།
མཚན་མོའི་མྱ་ངན་ཁུར་བའི་ནགས་ཚལ་དུ།།
ལས་ཀྱི་པདྨོ་བཞད་པས་དགུན་ཁ་ཚེས།།
རྒོད་པོ་བྲག་ཐེམ་ལྷུང་བའི་གཤོག་འགྱུར་གྱིས།།
འཁོར་བའི་སྙིང་པོ་ཟེར་བ་འཛིན་ཐབས་བྲལ།།
ཞལ་གྱི་མེ་ཏོག་སྙིང་ལ་འཁྲུངས་བ་ཡིས།།
སྐྱེ་བའི་སྔ་གཞུག་ཙམ་ལའང་འབྲལ་མི་འདོད།།
སེམས་ཀྱི་མདུད་པ་གནམ་ལ་བསྲིངས་བ་ན།།
སྐར་མའི་ཚོཊ་ཀྱང་འདར་བཞིན་བྲོས་པར་བརྩམས།།
ཉི་ཤུའི་ན་ཚོད་ལྷག་མའི་ཆགས་སྡང་གིས།།
རེ་སྟོང་དབུགས་ཀྱི་དར་ཆེན་མཁའ་ལ་ལྡིང་།།
འགྱོད་གདུང་སྨུག་པ་འཐིབ་པའི་རི་རྩེ་ལ།།
ཁ་བ་ལྷབ་ལྷུབ་འབབ་ན་ལྷག་པར་སྐྱོ།།
བརྩེ་བའི་གནམ་ངོ་འཐིབ་པའི་ས་སྲོད་ལ།།
སེམས་ཅན་རི་དྭགས་བཞིན་དུ་ས་མཐར་འཁྱམ།།
ཉི་ཟླའི་ས་ཚིག་བོར་བའི་རྩྭ་ཐང་དུ།།
ཁྱོད་དང་ཡང་བསྐྱར་འཕྲད་པས་ཅི་ཞིག་བྱ།།
༢༠༢༥.༣.༢༠ མཚན་མོར།
རྩོམ་སྒྲིག་པ། གངས་དགའ།
རྟ་ཕོའི་གཞུང་ལ་ཟླ་འོད་ཁམས་ཀྱང་དྭངས།།
སྤྲིན་པའི་ཡལ་གར་སྐར་མའི་ཁུ་བྱུག་བབ།།
ང་ཡི་རི་དང་ལུང་པའི་གཙང་འགྲམ་དུ།།
སྐྱེ་འཆིའི་རི་དྭགས་ཚང་ཁ་ཤིག་ཤིག་གིས།།
སྨུག་པའི་ཀློང་ནས་འདྲོགས་ཏེ་གང་སར་གྱེས།།
སྒྱུ་མའི་དར་ལྗང་རླུང་ཁར་ཟད་པའི་ཤུལ།
ཆར་པ་འབབ་སྙམ་སེམས་པ་སྔར་ནས་སྐྱོ།།
འཁོར་བའི་གླིང་ཕྲན་སྟོང་གི་ས་མཚམས་ནས།།
ཡང་ཡང་འཕྲད་ཡོང་བསམ་བཞིན་རེ་སྟོང་བཅང་།།
སྐྱིད་ལ་རྙིང་དུས་མེད་ཀྱང་སྡུག་བསྔལ་བསྐྱེད།།
ཆགས་སྡང་གོས་དང་གོང་བའི་མཐུད་སྟངས་ཀྱིས།།
ཆང་ལ་བཟི་ཁ་མེད་ཀྱང་འཐུང་སྙིང་བྲོ།།
བརྩེ་བའི་མྱ་ངན་ཁུར་བའི་ནགས་ཚལ་དུ།།
བྱ་རྒོད་བསྟུད་མར་འཕུར་རུང་ཕྱིར་ལོག་མེད།།
ལས་ཀྱི་ཆུ་ཟིལ་འཐོར་བའི་སྒེའུ་འགྲམ་དུ།།
མགོ་བོ་ཅུང་ཙམ་སྔས་ཀྱང་བློ་མ་བདེ།།
༢༠༢༥.༣.༢༠ མཚན་མོར།
འགྱོད་མེད་ཀྱི་གླུ།
རླུང་ཆེན་བསྟུད་མར་ལྡང་བའི་ཉག་ག་ན།།
ཆུ་ཤེལ་ཟླ་བའི་གཡེར་ཁ་རླུང་གིས་བསྐྱོད།།
གནམ་ས་ལག་འཇུ་བྱས་པའི་ཐག་རིང་ནས།།
འདས་སོང་བརྩེ་བའི་ཤ་ཁྱུ་འདྲོགས་པ་མཐོང་།།
མཚན་མོའི་མྱ་ངན་ཁུར་བའི་ནགས་ཚལ་དུ།།
ལས་ཀྱི་པདྨོ་བཞད་པས་དགུན་ཁ་ཚེས།།
རྒོད་པོ་བྲག་ཐེམ་ལྷུང་བའི་གཤོག་འགྱུར་གྱིས།།
འཁོར་བའི་སྙིང་པོ་ཟེར་བ་འཛིན་ཐབས་བྲལ།།
ཞལ་གྱི་མེ་ཏོག་སྙིང་ལ་འཁྲུངས་བ་ཡིས།།
སྐྱེ་བའི་སྔ་གཞུག་ཙམ་ལའང་འབྲལ་མི་འདོད།།
སེམས་ཀྱི་མདུད་པ་གནམ་ལ་བསྲིངས་བ་ན།།
སྐར་མའི་ཚོཊ་ཀྱང་འདར་བཞིན་བྲོས་པར་བརྩམས།།
ཉི་ཤུའི་ན་ཚོད་ལྷག་མའི་ཆགས་སྡང་གིས།།
རེ་སྟོང་དབུགས་ཀྱི་དར་ཆེན་མཁའ་ལ་ལྡིང་།།
འགྱོད་གདུང་སྨུག་པ་འཐིབ་པའི་རི་རྩེ་ལ།།
ཁ་བ་ལྷབ་ལྷུབ་འབབ་ན་ལྷག་པར་སྐྱོ།།
བརྩེ་བའི་གནམ་ངོ་འཐིབ་པའི་ས་སྲོད་ལ།།
སེམས་ཅན་རི་དྭགས་བཞིན་དུ་ས་མཐར་འཁྱམ།།
ཉི་ཟླའི་ས་ཚིག་བོར་བའི་རྩྭ་ཐང་དུ།།
ཁྱོད་དང་ཡང་བསྐྱར་འཕྲད་པས་ཅི་ཞིག་བྱ།།
༢༠༢༥.༣.༢༠ མཚན་མོར།
རྩོམ་སྒྲིག་པ། གངས་དགའ།
རྩོམ་ཁུངས། ངེད་དྲ་བ།