དགེ་ཆོས་ཀྱི༼ཆུང་གྲོགས་རྗེས་དྲན་གྱི་གླུ༽ཡི་ལོ་རྒྱུས་རྒྱབ་ལྗོངས།

 

       ཉེ་སྔོན་ཕྱི་ནང་གི་ཡུལ་གྲུ་སོ་སོར་དགེ་འདུན་ཆོས་འཕེལ་ལ་གདེངས་འཇོག་དང༌། ཁོང་གི་མི་ཚེ་དང་གསུང་རྩོམ་ལ་ཞིབ་འཇུག་གིས་དཔྱད་རྩོམ་རབ་དང་རིམ་པ་ཕུལ་བའི་ཁྲོད་དུ་ལེགས་པའི་ཆ་ཤིན་ཏུ་མང་ན་ཡང༌། མི་འཁྲུལ་བ་མི་སྲིད་པས་དཔྱད་པ་གོ་ལོག་ཏུ་སོང་བའི་སྐྱོན་གྱི་ཕྱོགས་ཀྱང་མང་དུ་མཐོང་རྒྱུ་ཡོད། ལྷག་པར་དུ༼ཆུང་གྲོགས་རྗེས་དྲན༽ཞུ་བའི་སྙན་རྩོམ་རྩོམ་ཡིག་འདི་མཐོང་མ་ཐག ཁ་ཅིག་གིས། ཆུང་གྲོགས་རྗེས་དྲན་ཆོས་ཅན། དགེ་ཆོས་དང་འབྲེལ་འདྲིས་ཟབ་པའི་ཆུང་གྲོགས་བུད་མེད་ཅིག་སྟོན་གྱི་ཡོད་པར་ཐལ། དེའི་མགོ་མཇུག་གིས་བརྗོད་དོན་དེ་འདྲ་བསྟན་པའི་ཕྱིར་རོ། ། ཞེས་འདོད་པའང་ཡོད་མོད། དོན་ལ་ལོ་རྒྱུས་ཞིབ་ཏུ་མ་ངེས་པའི་སྐྱོན་ཡིན་པ་གཤམ་གྱི་ལོ་རྒྱུས་རྒྱབ་ལྗོངས་ཀྱིས་ཤེས་ཐུབ།
       དེ་ཡང་ཇི་སྐད་དུ། བུད་མེད་ཀྱི་ཡོན་ཏན་རང་ཆས་སུ་མངའ་བའི་མ་ཡུམ་ཨ་ནེ་པདྨ་སྐྱིད་ཞུ་བ་ལ་ཨ་ཅེ་ཚེ་རིས་ཞེས་པའི་སྤུན་ཞིག་ཡོད། དེ་ལ་ལྷ་བ་མགོན་པོ་“ཨ་མྱེས་སྟོབས་ཆེན་གྱི་ལྷ་འབབ”དང༌། ཧན་རྒྱ་“གཡའ་མ་བཀྲ་ཤིས་འཁྱིལ་གྱི་གྲྭ་བ་མཛད”། ཡུམ་མེ་བཅས་བུ་བུ་མོ་མིང་སྲིང་གསུམ་ཡོད། དགེ་འདུན་ཆོས་འཕེལ་དགུང་ལོ་ཉེར་ལྔའི་སྟེང་ལྷ་སར་ཕེབས་འདུན་སྐྱེས་པ་ན་ཨ་མ་དང་གཅེན་མོ་ཟུང་གིས་གདུང་སེམས་ལྕི་མོས་བཀག་ཀྱང་གཡོལ་དུ་མེད་པར་ལོ་ངོ་གསུམ་གྱི་རྗེས་ནས་ཕྱིར་མ་རྒན་གྱི་འཁྲིས་སུ་ཕེབས་རྒྱུའི་ཁ་ཆད་བྱས་ཏེ་དྲེའུ་ཞིག་ཡོད་པར་“ནག་ཆུ་ནས་རྐུན་མས་ཁྱེར”ལམ་རྒྱགས་བཀལ་ནས་ཕེབས་ཁར་ལྷ་བ་མགོན་པོ་དང༌། ཉེ་མི་ཧན་རྒྱ་ཕ་བུ་གཉིས་ཀྱང་དབུས་གྲོགས་བྱས་ཏེ་ལྷ་སར་ཕེབས། རིམ་གྱིས་དགེ་འདུན་ཆོས་འཕེལ་དབུས་གཙང་ཡོངས་སུ་སྙན་པ་ཆེ་བའི་མཁས་པའི་དབང་བོ་ཞིག་ཏུ་གྱུར་བ་དང༌། ལྷ་བ་མགོན་པོ་བསྙེན་མཚམས་པ་བཟང་བོ་ཞིག་བྱུང༌། ཧན་རྒྱས་ལོ་འགར་དཔེ་གཟིགས་གནང་ནའང་སྦྱངས་བརྩོན་ལ་ལྷོད་གཡེང་ཆེ་བས་ཕྱིས་སུ་སློབ་གཉེར་རྒྱབ་ཏུ་བསྐྱུར་ཏེ་རྣམ་པ་གཉིས་ལ་ཞབས་ཏོག་མཐུན་རྐྱེན་བསྒྲུབ་རྒྱུའི་ཁ་ཚོན་བཅད་དེ་དེའི་ལས་ལ་ཞུགས། རེ་ཞིག་གི་ཚེ་འཚོ་བའི་མཐུན་རྐྱེན་གྱི་ཆེད་དུ་གནས་ག་ཤེད་ཅིག་ཏུ་ཕྱིན་ནས་སླར་ལོག་རྒྱུ་མ་བྱུང་བར་ཚེ་ལས་འདས་པའི་གཏམ་ངན་དེ་ཁོང་གི་ཕ་དང་དགེ་ཆོས་རིན་པོ་ཆེ་གཉིས་ཀྱིས་གསན་པ་ན། སྤྱིར་འཁོར་བའི་བྱ་གཞག་ལ་ཡིད་རབ་ཏུ་སྐྱོ་བ་དང་སྒོས་སུ་ཆུང་གྲོགས་ཧན་རྒྱ་ཚེ་ལས་འདས་པར་བཟོད་གླགས་མེད་པའི་སྙིང་རྗེའི་ཡིད་ཀྱིས་ཀུན་ནས་བསླངས་ཏེ་ད་གཟོད་ཆུང་གྲོགས་རྗེས་དྲན་ནམ། ༼འདུ་བྲལ་སྙིང་བོ་མེད་པར་རྟོགས་པའི་གླུ༽ཞེས་པའི་སྙན་རྩོམ་འདི་ཆེད་དུ་བྲིས་པ་ཡིན་པ་གང་ཉིད་ཐུགས་དགྱེས་པའི་མཆོད་ཡོན་དུ་འཕྲལ་དུ་བྲིས་པ་དགེ་གྱུར་ཅིག །
                                                                   ---༼རྨ་ལྷོ་བོད་ཡིག་ཚགས་པར༽ལས།
 

རྩོམ་ཁུངས། བྱུར་ཆུང་གི་པོད་ཁུག

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

དགེ་ཆོས་ཀྱི༼ཆུང་གྲོགས་རྗེས་དྲན་གྱི་གླུ༽ཡི་ལོ་རྒྱུས་རྒྱབ་ལྗོངས།

 

       ཉེ་སྔོན་ཕྱི་ནང་གི་ཡུལ་གྲུ་སོ་སོར་དགེ་འདུན་ཆོས་འཕེལ་ལ་གདེངས་འཇོག་དང༌། ཁོང་གི་མི་ཚེ་དང་གསུང་རྩོམ་ལ་ཞིབ་འཇུག་གིས་དཔྱད་རྩོམ་རབ་དང་རིམ་པ་ཕུལ་བའི་ཁྲོད་དུ་ལེགས་པའི་ཆ་ཤིན་ཏུ་མང་ན་ཡང༌། མི་འཁྲུལ་བ་མི་སྲིད་པས་དཔྱད་པ་གོ་ལོག་ཏུ་སོང་བའི་སྐྱོན་གྱི་ཕྱོགས་ཀྱང་མང་དུ་མཐོང་རྒྱུ་ཡོད། ལྷག་པར་དུ༼ཆུང་གྲོགས་རྗེས་དྲན༽ཞུ་བའི་སྙན་རྩོམ་རྩོམ་ཡིག་འདི་མཐོང་མ་ཐག ཁ་ཅིག་གིས། ཆུང་གྲོགས་རྗེས་དྲན་ཆོས་ཅན། དགེ་ཆོས་དང་འབྲེལ་འདྲིས་ཟབ་པའི་ཆུང་གྲོགས་བུད་མེད་ཅིག་སྟོན་གྱི་ཡོད་པར་ཐལ། དེའི་མགོ་མཇུག་གིས་བརྗོད་དོན་དེ་འདྲ་བསྟན་པའི་ཕྱིར་རོ། ། ཞེས་འདོད་པའང་ཡོད་མོད། དོན་ལ་ལོ་རྒྱུས་ཞིབ་ཏུ་མ་ངེས་པའི་སྐྱོན་ཡིན་པ་གཤམ་གྱི་ལོ་རྒྱུས་རྒྱབ་ལྗོངས་ཀྱིས་ཤེས་ཐུབ།
       དེ་ཡང་ཇི་སྐད་དུ། བུད་མེད་ཀྱི་ཡོན་ཏན་རང་ཆས་སུ་མངའ་བའི་མ་ཡུམ་ཨ་ནེ་པདྨ་སྐྱིད་ཞུ་བ་ལ་ཨ་ཅེ་ཚེ་རིས་ཞེས་པའི་སྤུན་ཞིག་ཡོད། དེ་ལ་ལྷ་བ་མགོན་པོ་“ཨ་མྱེས་སྟོབས་ཆེན་གྱི་ལྷ་འབབ”དང༌། ཧན་རྒྱ་“གཡའ་མ་བཀྲ་ཤིས་འཁྱིལ་གྱི་གྲྭ་བ་མཛད”། ཡུམ་མེ་བཅས་བུ་བུ་མོ་མིང་སྲིང་གསུམ་ཡོད། དགེ་འདུན་ཆོས་འཕེལ་དགུང་ལོ་ཉེར་ལྔའི་སྟེང་ལྷ་སར་ཕེབས་འདུན་སྐྱེས་པ་ན་ཨ་མ་དང་གཅེན་མོ་ཟུང་གིས་གདུང་སེམས་ལྕི་མོས་བཀག་ཀྱང་གཡོལ་དུ་མེད་པར་ལོ་ངོ་གསུམ་གྱི་རྗེས་ནས་ཕྱིར་མ་རྒན་གྱི་འཁྲིས་སུ་ཕེབས་རྒྱུའི་ཁ་ཆད་བྱས་ཏེ་དྲེའུ་ཞིག་ཡོད་པར་“ནག་ཆུ་ནས་རྐུན་མས་ཁྱེར”ལམ་རྒྱགས་བཀལ་ནས་ཕེབས་ཁར་ལྷ་བ་མགོན་པོ་དང༌། ཉེ་མི་ཧན་རྒྱ་ཕ་བུ་གཉིས་ཀྱང་དབུས་གྲོགས་བྱས་ཏེ་ལྷ་སར་ཕེབས། རིམ་གྱིས་དགེ་འདུན་ཆོས་འཕེལ་དབུས་གཙང་ཡོངས་སུ་སྙན་པ་ཆེ་བའི་མཁས་པའི་དབང་བོ་ཞིག་ཏུ་གྱུར་བ་དང༌། ལྷ་བ་མགོན་པོ་བསྙེན་མཚམས་པ་བཟང་བོ་ཞིག་བྱུང༌། ཧན་རྒྱས་ལོ་འགར་དཔེ་གཟིགས་གནང་ནའང་སྦྱངས་བརྩོན་ལ་ལྷོད་གཡེང་ཆེ་བས་ཕྱིས་སུ་སློབ་གཉེར་རྒྱབ་ཏུ་བསྐྱུར་ཏེ་རྣམ་པ་གཉིས་ལ་ཞབས་ཏོག་མཐུན་རྐྱེན་བསྒྲུབ་རྒྱུའི་ཁ་ཚོན་བཅད་དེ་དེའི་ལས་ལ་ཞུགས། རེ་ཞིག་གི་ཚེ་འཚོ་བའི་མཐུན་རྐྱེན་གྱི་ཆེད་དུ་གནས་ག་ཤེད་ཅིག་ཏུ་ཕྱིན་ནས་སླར་ལོག་རྒྱུ་མ་བྱུང་བར་ཚེ་ལས་འདས་པའི་གཏམ་ངན་དེ་ཁོང་གི་ཕ་དང་དགེ་ཆོས་རིན་པོ་ཆེ་གཉིས་ཀྱིས་གསན་པ་ན། སྤྱིར་འཁོར་བའི་བྱ་གཞག་ལ་ཡིད་རབ་ཏུ་སྐྱོ་བ་དང་སྒོས་སུ་ཆུང་གྲོགས་ཧན་རྒྱ་ཚེ་ལས་འདས་པར་བཟོད་གླགས་མེད་པའི་སྙིང་རྗེའི་ཡིད་ཀྱིས་ཀུན་ནས་བསླངས་ཏེ་ད་གཟོད་ཆུང་གྲོགས་རྗེས་དྲན་ནམ། ༼འདུ་བྲལ་སྙིང་བོ་མེད་པར་རྟོགས་པའི་གླུ༽ཞེས་པའི་སྙན་རྩོམ་འདི་ཆེད་དུ་བྲིས་པ་ཡིན་པ་གང་ཉིད་ཐུགས་དགྱེས་པའི་མཆོད་ཡོན་དུ་འཕྲལ་དུ་བྲིས་པ་དགེ་གྱུར་ཅིག །
                                                                   ---༼རྨ་ལྷོ་བོད་ཡིག་ཚགས་པར༽ལས།
 

རྩོམ་ཁུངས། བྱུར་ཆུང་གི་པོད་ཁུག

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།