བོད་ཀྱི་དེང་རབས་རྩོམ་རིག་འཕེལ་རྒྱས་གཏོང་ཕྱོགས་སྐོར་གྱི་བསམ་གཞིགས་ཐོར་བུ།༡

ནོར་བུ་བསམ་འཕེལ། མཆོད་མེ་བོད་ཀྱི་རྩོམ་རིག་དྲ་བ། 2009-10-15

སྤྱིར་བོད་ཀྱི་རྩོམ་རིག་གི་རྟགས་དང་མཚན་མར་ངོས་འཛིན་བྱེད་ལུགས་མི་འདྲ་བ་མང་དག་ཅིག་ཡོད་ལ།དེང་རབས་རྩོམ་རིག་གི་དུས་མཚམས་དབྱེ་སྟངས་ཐད་ལའང་བསམ་ཚུལ་འདོད་སྟངས་འདྲ་མིན་སྣ་ཚོགས་ཤིག་ཡོད་མོད།སྐབས་འདིར་ཐ་སྙད་འདི་སྤྱད་པ་ནི་ཡུལ་དུས་གནས་བབ་དང་རྩོམ་རིག་རང་ངོས་ཀྱི་བླང་བྱ་གཉིས་གཞི་གཅིག་ཏུ་སྦྲེལ་བའི་དགོས་དབང་གིས་མིག་སྔའི་བོད་ཀྱི་བོད་ཡིག་རྩོམ་རིག་གི་གནས་སྟངས་དང་འཕེལ་ཕྱོགས་ལ་དམིགས་ནས་སྦྱར་བའི་བརྡ་རྩམ་ཞིག་ཡིན་པ་མ་གཏོགས།བོད་ཀྱི་རྩོམ་རིག་གི་གདགས་གཞི་གྲུབ་ལུགས་དང་དེ་བྱུང་འཕེལ་གྱི་ལོ་རྒྱུས་ལ་སྦྱར་བའི་ངོ་བོའི་ཐ་སྙད་ཅིག་མ་ཡིན།

གཅིག

དེ་ལྟར་གང་སྤྱད་པའི་ཐ་སྙད་ཀྱི་གོ་ཡུལ་ལ་གསལ་ཁ་ཐོན་ཕྱིར།ད་ནི་རྩོམ་གྱི་དཀྱུས་ལ་འཇུག་པར་བྱ་སྟེ།དེ་ཡང་བོད་ཀྱི་དེང་རབས་རྩོམ་རིག་ཇི་ལྟར་འཕེལ་རྒྱས་གཏོང་བའི་སྐོར་ལ་བསམ་གཞིགས་བྱེད་ན།ངེས་པར་དུ་བོད་ཀྱི་རྩོམ་རིག་གི་ད་ལྟའི་གནས་སྟངས་དང་གོ་བབ།རྩོམ་རིག་རང་ངོས་ཀྱི་རང་བཞིན་དང་ཆོས་ཉིད།དེ་གོང་ནས་གོང་དུ་སྤེལ་བ་ལ་མཁོ་བའི་ནང་རྒྱུ་དང་ཕྱི་རྐྱེན།མི་རིགས་གཞན་ནམ་རྒྱལ་ཁབ་ཕྱི་ནང་གི་རྩོམ་རིག་གི་འཕེལ་ཁ་སོགས་ལ་རྒྱུས་མངའ་ཅུང་ཞིབ་པ་ཞིག་བྱུང་བའི་རྨང་གཞིའི་ཐོག་བསམ་བློ་ཆ་གང་ཚང་བ་ཞིག་གཏོང་དགོས་པ་ནི་བཀོད་པ་གནད་ལ་ཕིག་པ་ཞིག་ཡོང་བར་མེད་དུ་མི་རུང་བའི་སྔོན་འགྲོའི་ཆ་རྐྱེན་རེད།

བཅིངས་བཀྲོལ་བཏང་རྗེས་སམ་དམངས་གཙོའི་བཅོས་བསྒྱུར་བྱས་ཚུན་དང་།ལྷག་པར་དུ་མི་བཞིའི་ངན་ཚོགས་ཐལ་བའི་རྡུལ་དུ་བརླགས་ཏེ་ཏང་གི་སྐབས་བཅུ་གཅིག་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དྲོད་འཇམ་ཉི་ཟེར་གངས་རིའི་ལྗོངས་སུ་འཕྲོས་པ་ནས་བཟུང་།དུས་སྐབས་གསར་པའི་བོད་ཀྱི་རྩོམ་རིག་བྱ་གཞག་ཀྱང་ཡུན་གྱིས་སྐམ་པའི་དོག་མོ་ས་ལ་སྦྲང་ཆར་སིལ་མའི་བདུ་ད་རྩིས་བྲན་པ་ལྟར་སྐྱེ་སྟོབས་ཀྱི་གསོན་ཤུགས་ལྷག་ཏུ་འབར་བའི་རིག་པའི་ཤ་མོ་གཅིག་མཇུག་གཉིས་མཐུད་ལྷང་དུ་བུད་དེ།དབྱར་གྱི་མཚོ་མོ་རྒྱས་པའམ་ཡར་ངོའི་ཟླ་ལ་འགྲན་པ་ལྟར་གོང་ནས་གོང་དུ་འཕེལ་བའི་འབྲས་བུ་གཡུར་དུ་ཟ་བ་ཞིག་ཐོབ་པ་ཡོད་པ་ནི་ཀུན་གྱི་མཐོང་ཆོས་སུ་གྲུབ།དེ་ནི་མི་རྣམས་ཡིད་དགའ་སྤྲོ་བརྟས་སུ་བྱེད་པ་ཞིག་རེད།

ཡིན་ནའང་།བོད་ཀྱི་རྩོམ་རིག་ལ་སེམས་འགུལ་བའི་འཕེལ་རྒྱས་བླ་ན་འཕགས་པ་ཞིག་ཐོབ་པ་དང་ཆབས་ཅིགསྤུན་ཟླའི་མི་རིགས་ཁག་གམ་རྒྱལ་ཁབ་ཕྱི་ནང་གི་རྩོམ་རིག་བྱ་གཞག་སྤྱི་ཡང་རང་སོར་ང་ཚོ་སྒུག་ནས་བསྡད་པ་མ་ཡིན་པར་མདུན་ནས་མདུན་ནམ་གོང་ནས་གོང་དུ་འཕེལ་ཡོད་པ་མ་ཟད།འབོར་སྤུས་གཉིས་ཐད་ནས་ང་ཚོ་ལས་རྒྱང་གིས་འཕགས་པ་ཙམ་དུ་ཡོད་པས།གཟུ་བོའི་བློ་ཡིས་བརྟག་ཅིང་དཔྱད་ན་ང་ཚོ་དང་ཁོང་ཚོའི་བར་གྱི་ཧེ་བག་དེ་ཆུང་དུ་ཕྱིན་པའི་སྣང་བ་ཞིག་ཤར་དུ་དཀའ།    ཡང་དུ་ན།རྩོམ་རིག་གི་འཕེལ་རྒྱས་དེ་གང་ལ་བརྟེན་པའི་གཞིའམ་རྩ་བ་དེ་སྐབས་སོ་སོའི་སྤྱི་ཚོགས་ཀྱི་དཔལ་འབྱོར་དང་།ཆབ་སྲིད།རིག་གནས།སློབ་གསོ་སོགས་ཀྱི་འཕེལ་ཚད་དམ་རྨང་གཞིར་བཅོལ་བའམ་གཏུག་དགོས་ཀྱི་ཡོད་ཕྱིན།དུས་སྐབས་གསར་པའི་བོད་ཀྱི་རྩོམ་རིག་ལ་དབྱར་མཚོ་རྒྱས་འདྲའི་འཕེལ་རྒྱས་བྱུང་བའང་གནད་དེ་ལས་མ་འདས།དེས་ན།དུས་སྐབས་གསར་པའི་བོད་ཀྱི་དཔལ་འབྱོར་དང་།ཆབ་སྲིད།རིག་གནས།སློབ་གསོ་སོགས་ལ་འཕེལ་རྒྱས་བླ་ལྷག་ཐོབ་པ་དེས་དུས་སྐབས་གསར་པའི་བོད་ཀྱི་རྩོམ་རིག་ལ་སྔ་ན་མེད་པའི་གོང་འཕེལ་འབྱུང་བར་རྨང་གཞི་སྲ་ཞིང་བརྟན་པ་ཞིག་དང་།ཆ་རྐྱེན་འོས་ཤིང་འཚམ་པ་ཞིག་སྐྲུན་ཡོད་ལ།དེ་དང་ཆབས་ཅིག་སྔར་དང་མི་འདྲ་བའི་བླང་བྱ་གསར་པ་དང་རེ་བ་མཐོ་པོ་ཞིག་ཀྱང་བཏོན་ཡོད་པ་རེད།

གང་ལྟར།འཕེལ་རྒྱས་ནི་ལྟོས་བཅས་སུ་གྲུབ་པ་ཞིག་ཡིན་པས།ལྟོས་ས་ལྟོས་འཇོག་གི་དབང་གིས་འཕེལ་རྒྱས་ལ་གོ་བ་དང་ངོས་འཛིན་མི་འདྲ་བ་རེ་ཐོབ་རྒྱུ་ཡོད་དེ།གཞུང་ཐིག་ལྟར་ན་མིག་སྔའི་བོད་ཀྱི་རྩོམ་རིག་ལ་འཕེལ་རྒྱས་ཀྱི་གྲུབ་འབྲས་དགའ་བར་འོས་པ་ཞིག་ཐོབ་པ་ཡོད་པ་མངོན་གསལ་རེད་ལ།གྲུབ་འབྲས་དེས་ང་ཚོར་མུ་མཐུད་མདུན་དུ་བསྐྱོད་པའི་སྒུལ་ཤུགས་དང་སྤོབས་པ་གཟེངས་སུ་མཐོ་བ་ཞིག་སྟེར་གྱི་ཡོད་པའང་བསྙོན་དུ་མེད་པ་དང་།འཕྲེད་ཐིག་ལྟར་ན་ད་བར་ང་ཚོར་ཐོབ་པའི་གྲུབ་འབྲས་དེའང་འཕེལ་རྒྱས་ཆ་འདྲ་བ་ཙམ་ལས་མིང་དོན་མཚུངས་ཤིང་བློ་ཡིད་ཚིམ་པ་ཞིག་ནི་མ་ཡིན་ཏེ།ང་ཚོར་ཐོབ་པའི་གྲུབ་འབྲས་དེས་ང་ཚོ་དང་སྤུན་ཟླའི་མི་རིགས་སམ་རྒྱལ་ཁབ་ཕྱི་ནང་གི་རྩོམ་རིག་བར་གྱི་ཧེ་བག་དེ་ཆུང་དུ་གཏོང་ཐུབ་མེད་པ་དང་།ཁོང་འཕེལ་ཕྱིན་པའི་བོད་ཀྱི་སྤྱི་ཚོགས་དཔལ་འབྱོར་གྱི་བླང་བྱ་དང་དེ་ཙམ་མི་འཚམ་པ།ཡར་རྒྱས་སོང་བའི་བོད་ཀྱི་མགོ་ནག་མི་ཡི་བསམ་པའི་དགོས་མཁོ་ཇི་བཞིན་སྐོང་ཐུབ་ཀྱི་མེད་པ་བཅས་ཀྱི་ཕྱིར།

དེས་ན།སྔ་ཕྱི་བསྡུར་བའི་གྲུབ་འབྲས་ཀྱིས་ཡིད་མྱོས་ཏེ་ཉི་མ་ལྡེ་བཞིན་སྐྱིད་ཉལ་རྒྱག་པའི་འོས་སུ་མི་ཆེ་ལ།ཕྱི་ནང་གཡས་གཡོན་བསྡུར་བའི་ནོངས་འགྱོད་ཀྱིས་ཡིད་མུག་སྟེ་མགོ་བོ་སྨད་ཅིང་སྒྱིད་པ་སྐྱུར་བའི་སྐལ་བའང་ཡོད་རེ་སྐན།སྐབས་སུ་བབ་པ་ནི་མིག་རྒྱང་རིང་དུ་བསྲིང་ཞིང་བསམ་གཞིགས་ཀྱི་འཁོར་ལོ་ལེགས་པར་བསྐོར་ཏེ།ཐབས་དང་ཤེས་རབ་རྩལ་དུ་སྤྲུག་ནས་མདུན་བསྐྱོད་ཀྱི་ལམ་བུ་ཞིག་བཤང་ཐུབ་པ་བྱ་རྒྱུ་དེ་རེད།

གཉིས།

གོང་དུ་སྨོས་པ་ལྟར།ཉེ་བའི་ལོ་མི་ཉི་ཤུ་ལྷག་ཙམ་རིང་ང་ཚོ་བོད་ཀྱི་རྩོམ་རིག་ལ་རྒྱལ་ཡོངས་སྤྱི་དང་འདྲ་བར་འཕེལ་རྒྱས་ཆེན་པོ་ཐོབ་ཡོད་པ་གཞིར་བཅས་པའི་རྨང་གཞིའི་ཐོགད་དུང་མ་འདང་ས་དང་མུ་མཐུད་ཤུགས་སྣོན་རྒྱག་དགོས་པའི་ཕྱོགས་སམ་གནད་ཀྱང་མང་ཙམ་ཡོད་པ་ནི་ཀུན་གྱིས་ཤེས་གསལ་ལྟར་རེད་ལ།ལྷག་པར་བོད་ཡིག་རྩོམ་རིག་གི་གནས་བབ་ཉམས་ཞན་ཙམ་ཡིན་པ་ནི་དེ་བས་མངོན་གསལ་དོད་པ་ཞིག་རེད།ནམ་རྒྱུན་ང་ཚོས་གནད་དོན་དེའི་སྐོར་གླེང་སྐབས་ཀློག་པ་པོ་མང་པོ་ཞིག་གིས་ཕངས་ཉམས་དང་བཅས་འདོད་བློ་མ་ཁེངས་པའི་རྣམ་འགྱུར་ཡིད་ཕམ་ཞིག་སྟོན་གྱི་འདུག་ལ།རྩོམ་པ་པོ་སོགས་རྩོམ་རིག་གི་ལས་ལ་ཞུགས་པ་མང་པོ་ཞིག་གིས་ནི་བོད་ཡིག་རྩོམ་རིག་ལ་ཁྲོམ་ར་མེད་པ་སྟེ།ཀློག་པ་པོའི་དཔུང་ཁག་ཆེན་པོ་མེད་པས་རྩོམ་གྱི་རིན་ཐང་ཐོན་མི་ཐུབ་པར་སྙམ་ཏེ་ཉོབ་མདངས་སྟོན་པ་དང་།ཁ་ཅིག་གིས་ཐ་ན་འཐབ་ས་བསྒྱུར་ཏེ་རང་ནུས་ཡོད་རྒུ་རྩལ་སྤྲུག་གིས་རྒྱ་ཡིག་གི་ཐོག་ནས་རྩོམ་འབྲི་བྱེད་རྒྱུར་འབད་པ་སྐྱེད་པར་བྱེད་ཀྱི་ཡོད་པ་རེད།

བྱས་པའི་ལས་ལ་ཐོབ་པའི་འབྲས་བུ་ཞིག་དགོས་པ་ན་ཨ་ཅང་བརྗོད་མེད་ཅིག་རེད།ཡིན་ནའང་།འབྲས་བུ་གང་འདྲ་ཞིག་ཐོབ་ན་ཡིད་ཚིམ་པ་དང་གང་འདྲ་ཞིག་ཐོབ་ན་འབྲས་བུར་མི་སེམས་པ་ནི་བྱེད་པ་པོ་རང་ངོས་ཀྱི་འདོད་མོས་སམ་དམིགས་རེས་ཐག་གཅོད་པ་ཞིག་རེད།རྩོམ་པ་པོས་རང་གིས་བྲིས་པའི་བརྩམས་ཆོས་ལ་ཀློག་མཁན་མང་ཙམ་ཞིག་ཐོབ་པའི་རེ་བ་བྱེད་པ་དེ་ཡང་རང་གིས་དཀའ་ཐུབ་རྩོལ་བ་སྐྱེད་པ་ལས་བྱུང་བའི་འབྲས་བུ་དེ་དོན་དུ་སྨིན་པར་རེ་བ་ཡིན་ན་སུས་ཀྱང་བསྙོན་དུ་མེད།ཡིན་ནའང་།ཀློག་པ་པོ་འི་མང་ཉུང་དེ་གཅིག་ཏུ་ན་རྩོམ་པ་པོ་རང་ཉིད་ཀྱིས་བསྒྱུར་དུ་མི་བཏུབ་པའི་ཕྱི་ཡུལ་རང་བཞིན་ཏེ།བག་ལ་ཞ་བའི་ཀློག་པ་པོ་སྟེ་རྒྱ་ཁྱབ་མི་དམངས་མང་ཚོགས་ཀྱི་རིག་གནས་ཡོན་ཚད་ལ་རག་ལུས་པ་ཞིག་རེད་ལ།ཡང་གཅིག་བཤད་ན་རྩོམ་པ་པོ་རང་ངོས་ཀྱི་བྱེད་པ་དང་ཡང་འབྲེལ་བ་ཞིག་ཡིན་ཏེ།རང་ཉིད་ཀྱི་སྨྱུག་རྩེ་ལས་འཁྲུངས་པའི་རྩོམ་རིག་གྱི་མེ་ཏོག་དེ་འཚོ་བའི་དྲི་ངད་འཐུལ་ཞིང་ཡར་བསྐྱེད་ཀྱི་སྤོབས་པ་སྟེར་བ་ཞིག་ཡིན་ན།“དྲི་ཞིམ་མེ་ཏོག་རྒྱང་རིང་ཡང་།།བུང་བ་སྤྲིན་གྱི་ཚོགས་བཞིན་འཁོར”ཞེས་པ་ལྟར་ཀློག་མཁན་རང་ཤུགས་སུ་འབྱུང་བ་དང་།དེ་ལས་ལྡོག་ན་ནི་ཀློག་མཁན་གྱི་གྲིབ་མ་ཙམ་ཡང་མི་འཁོར་བ་ཆོས་ཉིད་དུ་གྲུབ་ན་དེར་འཁང་གར་བྱས་པས་ཅི་ལ་ཕན།

དོན་དངོས་ཐོག་རྩོམ་པོ་པོའི་དཔུང་ཁག་བསྐྱེད་བསྲིང་བྱ་དགོས་པ་ལྟར་ཀློག་པ་པོའང་ག་ལེར་བསྐྱེད་བསྲིང་བྱ་དགོས་པ་ཞིག་རེད་མ་གཏོགས་རང་བཞིན་ལྷུན་གྲུབ་ཏུ་ཡོད་པ་ཞིག་གཏན་ནས་མ་རེད།རང་རེའི་བོད་ལྗོངས་ས་ཁུལ་ས་ཆ་བཞག་ནས་བཤད་པ་ཡིན་ན།བཅིངས་དཀྲོལ་བཏང་རྗེས་སམ་དམངས་གཙོའི་བཅོས་བསྒྱུར་བྱས་ཚུན་དང་།ལྷག་པར་དུ་ཏང་གི་སྐབས་བཅུ་གཅིག་པའི་ཀྲུང་ཨུ་ཚང་འཛོམ་གྲོས་ཚོགས་པའི་དྲོད་རླུང་འཇམ་པོ་གངས་རིའི་ལྗོངས་སུ་ལྡང་བ་ནས་བཟང་།བསྒྱུར་བཅོས་སྒོ་དབྱེའི་ཚ་རླབས་ཀྱི་ཁྲོད་རིག་གནས་སློབ་གསོའི་བྱ་གཞག་ལ་སྒོ་ཀུན་ནས་འཕེལ་རྒྱས་ཆེན་པོ་ཐོབ་སྟེ།ཡིག་རྨོངས་སེལ་བའི་མི་བུ་གང་མང་ནས་མང་དུ་འཕེལ་བཞིན་ཡོད་པ་མ་ཟད།ལྷག་པར་རྒྱ་ཁྱབ་ཞིང་འབྲོག་ས་ཁུལ་གྱི་མང་ཚོགས་ཁྲོད་བོད་ཡིག་གི་ཀློག་པ་པོ་ཇེ་མང་ནས་ཇེ་མང་དུ་འཕེལ་བཞིན་ཡོད་པ་དེ་དག་གིས་དེང་དུས་ཀྱི་འཚོ་བ་མཚོན་པའི་རྩོམ་རིག་བརྩམས་ཆོས་ལ་སྐོམ་པས་ཆུ་འདོ་ལྟར་གྱི་རེ་བ་བྱེད་ཀྱི་ཡོད་པ་དང་།མར་རྩམ་གྱི་དྲི་ངད་འཐུལ་ཞིང་དུས་རབས་ཀྱི་ཁྱད་ཆོས་རྫོགས་པའི་ཕུལ་བྱུང་བརྩམས་ཆོས་འབྲ་བྱུང་ཚེ་སྤྲོ་བ་བརྟས་ཏེ་གཅིག་གིས་གཅིག་བརྒྱུད་རྡོ་ལག་བཤུག་ཏུ་ཕན་ཚུན་གཡར་ཀློག་བྱེད་ཀྱི་ཡོད་པ་གོ་ཐོས་བྱུང་བ་ལྟར་ཡིན་ཁྲོམ་ར་མེད་པ་ཅི་ལ་སྲིད།གྲོང་ཁྱེར་ནང་བོད་ཡིག་བལྟ་ཀློག་བྱེད་མཁན་མང་པོ་མེད་པ་ཡིན་དུ་ཆུག་ཀྱང་།གྲོང་མིས་བོད་མ་སྤྱི་འབོར་གྱི་བརྒྱ་ཆ་ཇི་ཙམ་ཟིན་གྱི་ཡོད་པ་ཤེས་གསལ་རེད།ཡང་གཅིག་བཤད་ན།གྲོང་ཁྱེར་ནི་ཤེས་ཡོན་ཅན་འདུ་འཛོམ་བྱེད་ས་ཤིག་ཡིན་ཕྱིར།རྩོམ་རིག་ཚུད་པའི་མི་རིགས་རིག་གནས་ཀྱི་ལས་དབང་ལ་དོ་ཁུར་བྱེད་མཁན་མང་པོ་ཞིག་ཡོད་པ་དང་།བོད་ཡིག་རྩོམ་རིག་གི་ཀློག་པ་པོ་སྤུས་ཚད་ཅན་པ་མང་པོ་ཞིག་བག་ལ་ཞ་ནས་ཡོད་པའང་སྨོས་མེད་རེད།ཡིན་ནའང་།ཁོང་ཚོ་ནི་ད་ཡིག་ཙམ་མ་ཟད།རྒྱ་ཡིག་དང་ཐ་ན་ཕྱི་རྒྱལ་གྱི་ཡིག་རིགས་ལའང་བྱང་བ་ཡིན་ན།བོད་ཡིག་གི་རྩོམ་རིག་བརྩམས་ཆོས་རྒྱུ་སྤུས་ལེགས་པ་ཞིག་མེད་ཕྱིན་རྒྱ་ཡིག་དང་ཕྱི་རྒྱལ་གྱི་ཡི་གེའི་ཐོག་ནས་ཕུལ་དུ་བྱུང་བའི་རྩོམ་རིག་བརྩམ་བྱར་མྱོང་རོལ་བྱེད་པར་ཁ་ཕྱོགས་རྒྱུ་ཡིན་པ་ནི་ལུགས་དང་མཐུན་པ་ཞིག་རེད།

གང་ལྟར།བོད་ཀྱི་རྩོམ་རིག་གིས་ཨང་དང་པོར་བོད་ཀྱི་ལ་ཞབས་འདེགས་ཞུ་དགོས་ལ།བོད་ཀྱི་མི་འབོར་གྱི་བརྒྱ་ཆ་དགུ་བཅུ་ཡན་བོད་རིགས་ཀྱི་ས་ཟིན་གྱི་ཡོད་པ་དང་།དེ་ལས་ཀྱང་བརྒྱ་ཆ་དགུ་བཅུ་ཙམ་ཞིག་རྒྱ་ཡིག་སོགས་ཡིག་རིགས་གཞན་པ་མི་ཤེས་པའི་ཞིང་འབྲོག་མང་ཚོགས་ཡིན་ན།བོད་ཀྱི་ཤེས་ཡོན་ཅན་དུ་རློམ་པའི་རྩོམ་རིག་ལ་འཇུག་པ་རྣམས་ཀྱིས་རང་ཉིད་ཀྱི་སྨྱུག་རྩེ་གང་ལ་གཏོད་པའི་ཁ་ཕྱོགས་དེ་མ་ནོར་བ་ཞིག་དགོས་རྒྱུ་ནི་སྨྲ་མི་དགོས་པའི་གནད་ལུགས་གསོན་པོ་ཞིག་ཕྱིན།འབད་པ་བསྐྱེད་དེ་འབྲས་བཟང་སྨིན་པར་བྱ་དགོས་ཀྱི།ཁ་གཡར་ས་དང་ཡ་ལ་འཛུགས་ས་བཙལ་ནས་བསྡད་པ་ནི་རང་གཞན་ཐམས་ཅད་ཡི་མུག་པའི་རྒྱུ་ཙམ་དུ་ཟད་པ་ལས་གཞན་ཅི།

གསུམ།

གཏིང་རིང་ས་ནས་བཤད་ན།རྩོམ་རིག་ནི་འགྲོ་བ་མིའི་རིགས་ཀྱི་བླ་སྲོག་ཟིན་བྲིས་སུ་བཏབ་པ་ཞིག་དང་།མི་བུ་བྱུང་འཕེལ་འཚར་ལོངས་ཀྱི་བརྒྱུད་རིམ་ནང་མྱངས་པའི་དཀའ་ཁག་དང་བདེ་སྐྱིད་ཀྱི་ཚོར་བ་དབྱངས་སུ་གྱེར་བའི་སེམས་གཞས་སྙན་མོ་ཞིག་ཡིན་པས།བླ་ནས་བླ་རུ་འཕགས་པའི་སེམས་ཀྱི་རང་བཞིན་གསལ་པོར་མཚོན་པ་ནི་གང་དེའི་རང་གཤིས་རྣལ་མར་གྲུབ།འགྲོ་བ་མིའི་རིགས་ལ་ངག་ཐོག་རྩོམ་རིག་ཐེངས་དང་པོར་བྱུང་བ་ནས་ད་ལྟའི་བར་གྱི་རྩོམ་འབྱུང་ལོ་རྒྱུས་ལ་བལྟས་པ་ཡིན་ན།རྩོམ་རིག་གི་ནང་དོན་དང་།རྣམ་པ།ལྟ་ཚུལ།མཚོན་ཐབས་སོགས་ཕྱོགས་གང་ཅིའི་ཐད་ལ་གསར་བརྗེའི་རང་བཞིན་ལྡན་པའི་འགྱུར་བ་རབ་དང་རིམ་པ་བྱུང་བ་དང་འབྱུང་བཞིན་ཡོད་ལ།འགྱུར་བ་དེ་འདྲ་ཡོང་ཐེངས་རེ་རེས་ང་ཚོའི་གསར་རྩོམ་གྱི་ལག་ལེན་དང་རྩོམ་རིག་གི་རང་གཤིས་རྣལ་མ་གཉིས་བར་གྱི་ཧེ་བག་དེ་ཇེ་ཆུང་དུ་གཏོང་གི་ཡོད་པ་རེད།དེ་ནི་རྩོམ་རིག་གི་ནང་སྙིང་རེད་ལ་གསར་རྩོམ་གྱིས་རེ་ཞིང་སྙེགས་པའི་ཕུགས་ཡུལ་ཡང་ཡིན་པས།བོད་ཀྱི་དེང་རབས་རྩོམ་རིག་གི་བྱ་གཞག་འཕེལ་རྒྱས་སུ་གཏོང་དགོས་བྱ་བའང་དོན་དངོས་ཐོག་གསར་རྩོམ་གྱི་ལག་ལེན་གོང་ནས་གོང་དུ་སྤེལ་ཏེ།རྩོམ་གྱི་ནང་དོན་དང་།རྣམ་པ།ལྟ་ཚུལ།མཚོན་ཐབས་སོགས་འཐུས་སྒོ་ཇེ་ཚང་དདང་འཁྲུག་ཆ་ཇེ་དོད་དུ་གཏོང་བ་བརྒྱུད།གསར་རྩོམ་གྱི་འབྲས་བུ་དེ་རྩོམ་རིག་གི་རང་གཤིས་རྣལ་མ་དང་ཐག་ཇེ་ཉེ་ནས་ཇེ་ཉེར་བཏང་སྟེ་འགྲོ་བ་མིའི་རིགས་ལ་མཛེས་འཛིན་གྱི་ལོངས་སྤྱོད་ཕུན་སུམ་ཚོགས་པ་ཞིག་འདོན་སྤྲོད་བྱེད་དགོས་པ་དེ་རེད།

ཡིན་ནའང་།གསར་རྩོམ་གྱི་ལག་ལེན་དེ་ཅང་མེད་ནམ་མཁའི་དབྱིངས་སུ་དྲི་ཟའི་བུ་མོས་རྒྱུད་མངས་དཀྲོལ་བ་ལྟར་རྟོག་ཡུལ་དུ་བཀོད་བཞེངས་བྱས་པ་ཙམ་གྱིས་འཐུས་པ་ཞིག་མ་རེད་ལ།གསར་རྩོམ་གྱི་འབྲས་བུ་སྟེ།རྩོམ་རིག་བརྩམས་ཆོས་ཀྱང་རྩོམ་པ་པོས་བརྩམས་ཟིན་པ་ཙམ་གྱིས་ཡོངས་སུ་རྫོགས་པར་གྲུབ་པ་ཞིག་མ་ཡིན་པར་ད་དུང་དཔར་སྐྲུན་འགྲེམ་སྤེལ་བྱས་ཏེ་ཀློག་པ་པོས་བལྟ་ཀློག་རོལ་མྱོང་ཐུབ་པ་བྱ་དགོས་པ་རེད།རྩོམ་པ་པོས་གསར་རྩོམ་བྱས་པ་དེ་རྩོམ་རིག་གི་རིན་ཐང་གསར་སྐྲུན་བྱས་པ་ཙམ་ཡིན་ལ།རིན་ཐང་དེ་མངོན་དུ་འགྱུར་དགོས་ན་ཀློག་པ་པོས་བལྟ་ཀློག་རོལ་མྱོང་བྱ་རྒྱུ་དེ་མེད་དུ་མི་རུང་བ་ཞིག་རེད།རྩོམ་པ་པོའི་གསར་རྩོམ་དང་ཀློག་པ་པོའི་རོལ་མྱོང་གཉིས་མཉམ་དུ་འདུས་པ་ལས་རྩོམ་རིག་གི་རིན་ཐང་ཆ་ཚང་བར་གྲུབ་པ་ཡིན་པས།དེ་གཉིས་ཀ་རྩོམ་རིག་གི་རིན་ཐང་གྲུབ་པ་ལ་མེད་དུ་མི་རུང་བའི་རྒྱུ་རེད་ལ།དཔར་སྐྲུན་འགྲེམ་སྤེལ་གྱི་ལས་ཀ་དེ་ནི་རྩོམ་རིག་རིན་ཐང་གི་གྲུབ་རྒྱུ་གཉིས་གཞི་གཅིག་ཏུ་སྦྲེལ་བྱེད་ཀྱི་སྲད་བུ་ལྟ་བུ་ཡིན་པས།རྩོམ་རིག་གི་རིན་ཐང་གྲུབ་པའི་རྒྱུ་རུ་མི་འགྲོ་རུང་རིན་ཐང་དེ་མངོན་དུ་འགྱུར་བའི་ཆ་རྐྱེན་མེད་དུ་མི་རུང་བ་ཞིག་ཏུ་གྲུབ་པ་རེད།དཔེར་ན།བཟོ་གྲྭ་ག་གེ་མོ་ཞིག་གིས་དངོས་ཟོག་ཅི་ཡང་རུང་བ་ཞིག་ཐོན་སྐྱེད་བྱས་པ་དེ་ཚོང་ལམ་བརྒྱུད་འཛད་སྤྱོད་པའི་ལག་ཏུ་ཐེབས་ཏེ་དངོས་སུ་བཀོལ་སྤྱོད་བྱས་པ་ལས་གང་དེའི་རིན་ཐང་མངོན་དུ་འགྱུར་ཐུབ་པ་ལྟ་བུའོ།

དེས་ན།རྩོམ་རིག་འཕེལ་རྒྱས་གཏོང་བ་ལ་གསར་རྩོམ་འཁྲུག་ཆ་དོད་པོ་ཞིག་དགོས་པ་སྨོས་མ་དགོས་མོད།གསར་གཅིག་པུ་གཙིགས་སུ་འཛིན་པས་རྩོམ་རིག་གི་བྱ་གཞག་དེ་དོན་ངོ་མའི་གྲྭ་རྒྱས་ཕུན་སུམ་ཚོགས་པོ་ཞིག་ཏུ་སྒྲུབ་མི་ཐུབ།རྩོམ་རིག་སྤྱི་ཚོགས་རིག་པའི་ལྟ་ཚུལ་ཐོག་ནས་བཤད་པ་ཡིན་ན།གསར་རྩོམ་དང་།དཔར་སྐྲུན་འགྲེམ་སྤེལ།བལྟ་ཀློག་མྱོང་རོལ(དཔྱད་བརྗོད་ཚུད)སོགས་ཀྱིས་ཐུན་མོང་ཐོག་རྩོམ་རིག་ཐོན་སྐྱེད་ཀྱ་མ་ལག་ཧྲིལ་པོ་ཞིག་གྲུབ་ཀྱི་ཡོད་པས།རྩོམ་རིག་འཕེལ་རྒྱས་གཏོང་ཕྱོགས་སྐོར་ལ་སྤྱི་ཁོག་བསམ་གཞིགས་བྱེད་སྐབས་ངེས་པར་དུ་ཕྱོགས་དེ་དག་ཚང་མར་བབ་མཚུངས་ཀྱི་གཙིགས་མཐོང་བྱ་དགོས་ཀྱི།དྲེལ་མོང་གིས་འཕྱི་བ་ཟིན་པ་ལྟར་གཅིག་བཟུང་ནས་གཅིག་གློད་པ་ཡིན་ན་དོན་མེད་ངལ་བའི་རྒྱུ་ཙམ་ལས་རེ་འབྲས་སྨིན་པ་ཡོད་རེ་སྐན།
                   བཞི།

གསར་རྩོམ་འཁྲུག་པོ་སྟེ།བརྩམས་འབྲས་ཀྱི་གྲངས་འབོར་ཇེ་མང་ནས་ཇེ་མང་དང་།སྤུས་ཚད་ཇེ་མཐོ་ནས་ཇེ་མཐོ།ལྟ་ཚུལ་གཏིང་ཇེ་མཐུག་ནས་ཇེ་མཐུག་འབྲི་སྟངས་མཚོན་ཐབས་ཕུན་སུམ་ཚོགས་ནས་ཇེ་ཚོགས་སུ་འགྲོ་བའི་ཐོག་ནས་རྒྱ་ཁྱབ་མི་དམངས་མང་ཚོགས་ལ་བསམ་པའི་རྒྱགས་ཕྱེ་དང་ཡིད་ཀྱི་ལོངས་སྤྱོད་ཕུན་སུམ་ཚོགས་པོ་ཞིག་བསྟར་ཐུབ་པ་བྱེད་རྒྱ་ནི་རྩོམ་རིག་འཕེལ་རྒྱས་སུ་འགྲོ་བའི་ཆ་རྐྱེན་ནམ་ནང་དོན་ཨང་དང་པོ་དེ་རེད།དེ་མེད་ན་ཀློག་པ་པོའི་བལྟ་ཀློག་རོལ་མྱོང་གི་ལོངས་སྤྱོད་ཐམས་ཅད་རྩ་བ་མེད་པའི་སྡོང་པོ་རུ་འགྱུར་ལ།དཔར་སྐྲུན་འགྲེལ་སྤེལ་ལ་སོགས་པའི་མཚམས་ཚིགས་དེའང་སྦྱར་གཞི་མེད་པའི་ཚི་སྐམ་དུ་འགྱུར་རྒྱའི་ཡིན་པ་གདོན་མི་ཟ།    རང་རེ་བོད་ཀྱི་དེང་རབས་རྩོམ་རིག་ལ་ཉེ་བའི་མི་ལོ་ཉི་ཤུ་ལྷག་ཙམ་རིང་འཕེལ་རྒྱས་ཀྱི་གྲུབ་འབྲས་གཡུར་དུ་ཟབ་ཙམ་ཐོབ་ཡོད་པའང་གསར་རྩོམ་གྱི་ལག་ལེན་ལས་བྱུང་བ་སྨོས་མི་དགོས།མ་གཞི་ང་ཚོ་བོད་ཀྱི་རྩོམ་རིག་ལ་བྱུང་འཕེལ་གྱི་ལོ་རྒྱུས་མི་ཐུབ་ཙམ་ཡོད་པ་མ་ཟད།གྲུབ་འབྲས་ཀྱང་མི་དམན་པ་ཞིག་ཐོབ་ཡོད་པ་ནི་བསྙོན་དུ་མེད་པའི་ལོ་རྒྱུས་ཀྱི་བདེན་ཁ་ཞིག་རེད།ཡིན་ནའང་།ད་ལྟ་ང་ཚོས་མིག་གཉིས་དྭངས་མོར་ཕྱེ་སྟེ་བལྟ་སྐབས།དགའ་ཐོག་མ་ཆོད་པའི་ངང་ལ་སྐྱོ་སིང་ངེ་བའི་སྣང་ཞིག་ཤར་འོང་གི་འདུག་སྟེ།རྩོམ་པ་པོའི་དཔུང་ཁག་བལྟ་དུས་རྒན་དར་གཞོན་གསུམ་གྱི་དཔུང་གདང་དེ་ཙམ་འགྲིག་པོ་མེད་པ་དང་།ལྷག་པར་དུ་རྒན་གཞོན་གྱི་སྐས་རིམ་མཐུན་ཐུབ་པའི་གཞོན་སྐྱེས་རེ་བ་ཅན་པ་མང་པོ་ཞིག་ཐོན་ཐུབ་མེད་པ་མ་ཟད།དེ་སྔོན་གྱི་བོད་ཡིག་གསར་རྩོམ་རེ་བ་ཅན་པ་མང་པོ་ཞིག་རྒྱུ་མཚན་སྣ་མང་གི་དབང་གིས་མུ་མཐུད་གསར་རྩོམ་གྱི་ལམ་ལ་མ་ཞུགས་པའམ།ཡང་ན་གསར་རྩོམ་གྱི་ལག་ཆ་དེ་བོད་ཡིག་ནས་རྒྱ་ཡིག་ཏུ་བསྒྱུར་ཕྱིན་པ་སོགས་མདོར་ན་བོད་ཡིག་གི་ཐོག་ནས་གསར་རྩོམ་བྱེད་མཁན་གྱི་རྩོམ་པ་པོའི་དཔུང་ཁག་དེ་དུས་རབས་འཕེལ་རྒྱས་འགྲོ་བའི་དགོས་མཁོ་དང་བསྡུར་ན་ཉམས་དམའ་མོ་ཞིག་ཏུ་ལུས་ཡོད་པ་དང་གཅིགབརྩམས་ཆོས་ཀྱི་ནང་དོན་དང་རྣམ་པའི་ཐད་ལ་དུས་ཀྱི་འགྱུར་ཁུག་དང་འཚམ་པའི་ཡར་སྐྱེད་ཆེན་པོ་ཞིག་ཐོབ་མ་ཐུབ་པར་བརྟེན།འཚོ་བའི་གཏིང་རིམ་ལ་འཛུལ་ཤུགས་ཆུང་ཞིང་། སྒྱུ་རྩལ་གྱི་མཚོན་ནུས་ཞན་པ་སོགས་མདོར་ན་དུས་དང་མཐུན་པའི་སྲོག་གི་དབང་པོ་ཉག་ཕྲ་བར་སྣང་བས། ཀློག་པ་པོའི་ཡིད་ཀྱི་བརྟན་པ་འཕྲོག་མི་ཐུབ་ལ།ཡར་སྐྱེད་ཀྱི་སྒུལ་ཤུགས་སྦྱིན་ཐུབ་པ་ནི་དེ་བས་དཀོན་པ་ཙམ་དུ་ཟད་པ་དང་གཉིས།རྩོམ་རིག་གི་ལེགས་ཉེས་དགེ་སྐྱོན་འབྱེད་པ་དང་རིག་གཞུང་ཞིབ་འཇུག་གི་བྱ་བ་དེ་རྩ་བའི་ཆ་ནས་སྟོང་ཆར་ལུས་ཡོད་པ་དེས་རྩོམ་རིག་གི་ལྟ་ཚུལ་འདོད་སྟངས་དང་།རིན་ཐང་སྒྲུབ་ལུགས།མཛེས་ཆ་སྐྱོང་ཚུལ་སོགས་རྩ་བར་ཐུག་པའི་གནད་དོན་མང་པོ་ཞིག་ལ་ཐོགས་རེག་མ་བྱུང་བར་སྔར་མལ་ན་སྒུལ་མེད་རང་སོར་གནས་ཡོད་པ་དེས་བོད་ཀྱི་རྩོམ་རིག་འཕེལ་རྒྱས་འགྲོ་རྒྱུར་བཀག་རྒྱ་ཚབས་ཆེན་བྱེད་ཀྱི་ཡོད་དང་གསུམ་སོགས་མང་ངོ་།

དེར་བརྟེན།རྩོམ་པ་པོའི་དཔུང་ཁག་བསྐྱེད་བསྲིང་བྱ་རྒྱུ་དེ་གནད་ཀྱི་དམ་པ་རེད་ལ།རྩོམ་འབྲིར་ཞུགས་པ་རྣམ་པས་ཀྱང་སྒྲུང་ཐུང་གཅིག་གཉིས་བྲིས་པའམ་སྙན་ངག་ཚིག་རྐང་གསུམ་བཞི་ཚགས་པར་དང་དུས་དེབ་ཐོག་སྤེལ་བ་ཙམ་གྱིས་རྩོམ་པ་པོར་རློམ་ཏེ་རང་བློ་ཚིམ་པའི་ཆོག་ཤེས་བྱ་མི་རུང་།རྩོམ་རིག་གི་ཞིང་ཁམས་ནི་ནམ་མཁའི་མཐོངས་ལྟར་ཡངས་ཤིང་རྒྱ་མཚོའི་འཇིངས་ལྟར་མཐུག་པ་ཡིན་པས།བླ་མེད་ཀྱི་རེ་འདོད་ཡིད་ལ་བཅངས་ཤིང་།རྟག་གུས་ཀྱི་གཤོག་ཟུང་ཤེད་ཀྱིས་བརྐྱངས་པ་ཡིན་ན།ད་གཟོད་ཕ་མཐའ་ཆོད་པའི་གདེང་ཞིག་ཐོབ་རྒྱུ་རེད་ལ།གཏིང་མཐའ་དཔོག་པའི་ངོ་མཚར་གྱི་ལྟད་མོའམ་མཐོང་རེ་ཡོད།དེ་ཡང་ཐབས་ཀྱི་དམ་པ་གནད་དུ་དྲིལ་ན་གསུམ་སྟེ།འཚོ་བར་ངེས་ཤེས་འདྲོངས་ཤིང་།དད་དུངས་ཀྱི་གདུང་ཤུགས་ཤེད་ཀྱིས་མཁའ་ལ་འཕྱོ་བ་ཞིག་སྟེ།སྔོ་ལྗང་སྤང་གི་བཅུད་ལ་རོལ་ཞིང་དུས་ཀྱི་འདུ་འགོད་རྡུལ་དུ་འཚུབ་པའི་བ་མོ་འདོད་འཇོ་ཁྲ་སྐྱིད་ཀྱི་འོ་མ་མངར་སིང་ངེ་བ་དེ་བཞོས་ནས་དཀྲོལ་ལ།ས་ཆུ་དྲོད་གཤེར་འཛོམས་པ་ལས་ལེགས་མགོ་ལྕོག་ལྡེམ་པའི་གྲ་དག་སྙེ་མ་སེར་ལིང་ངེ་བ་དེ་དག་བརྔས་ཤིང་བརྔོས་ལ་འཐག་པར་བྱ་བ་སྙིང་དུ་བྱས་ཏེ།མཐོ་སྒང་གི་མཁའ་དབུགས་གསལ་ཞིང་།མར་རྩམ་གྱི་དྲི་ངད་འཐུལ་བ་ཞིག་དགོས་པ་དང་གཅིག་བསྒྱུར་བཅོས་སྒོ་དབྱེའི་ཚ་རླབས་ཁྲོད་ཁ་བ་རི་པའི་ཡུལ་གྲུ་ཀུན་ལ་སྔ་ན་མ་གྲགས་པའི་འཕོ་འགྱུར་བྱུང་དང་འབྱུང་མུས་རེད་ལ།ཉིན་ཞག་གཅིག་གིས་མི་འདྲ་བར་འཕེལ་བའི་དེང་རབས་ཚན་རིག་ལག་རྩལ་གྱི་སྒྱུ་སྟོབས་ཀྱིས་གོ་ལའི་ཁྱོན་ཀུན་ཁྱིམ་མཚེས་སུ་བསྒྱུར་གྱིན་ཡོད་པས།བོད་ཡུལ་ཁ་བ་ཅན་གྱི་མི་རྣམས་ཀྱང་གངས་རིའི་རྭ་བས་སྐོར་བའི་མཐོ་སྒང་དུ་ལྷ་སྒྲུང་རུམ་དུ་ཉར་བའི་རྨི་ལམ་སྐྱུར་མོ་རྨིས་བཞིན་འདུག་ཁོམ་མེད་ན།མིག་ཞགས་རིང་མོས་འཛམ་གླིང་གི་འཕེལ་ཕྱོགས་བཟུང་།རྣ་ཅོག་སྲབ་མོས་མདུན་བསྐྱོད་ཀྱི་གོམ་སྒྲར་ཉན།རྐང་པ་ཡང་མོས་གོམ་པའི་འདེགས་འཇོག་བསྒྱུར་ཏེ།དེ་རིང་གི་ཉམས་འགྱུར་གསལ་ཞིང་།སང་ཉིན་གྱི་ལམ་ལ་སྙེགས་པའི་མདུན་བསྐྱོད་ཀྱི་གད་རྒྱངས་ངར་མོ་སྒྲོག་དགོས་པ་དང་གཉིས།མར་རྩམ་གྱི་དྲི་ངད་འཐུལ་ནའང་རུང་།མདུན་བསྐྱོད་ཀྱི་གད་རྒྱངས་སྒྲོག་ནའང་རུང་།གང་ལྟར་རྩོམ་རིག་ནི་རྩོམ་རིག་རང་ཡིན་པས།མཛེས་ཆ་སྐྱོང་ཞིང་སྒྱུ་རྩལ་གྱི་་རོ་བཅུད་སྨིན་པ་གནད་དུ་གཟུང་དགོས་ཏེ།བརྗོད་བྱའི་བསྟན་དོན་སྟོན་པར་གནད་དུ་སྨིན་ཞིང་མི་རིགས་ཀྱི་ཁྱད་ཡོན་མཆོག་ཏུ་གསལ་བའི་སྒྱུ་རྩལ་མཚོན་པའི་ཐབས་ཕུན་སུམ་ཚོགས་ཤིང་ཡིད་དབང་འཕྲོག་པ་ཞིག་ཡོང་བ་བྱ་དགོས་པ་དང་གསུམ་བཅས་སོ།

 

རྩོམ་ཁུངས། མི་རིགས་དཔེ་སྐྲུན་ཁང་།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

བོད་ཀྱི་དེང་རབས་རྩོམ་རིག་འཕེལ་རྒྱས་གཏོང་ཕྱོགས་སྐོར་གྱི་བསམ་གཞིགས་ཐོར་བུ།༡

2009-10-15 ནོར་བུ་བསམ་འཕེལ། ཀློག་གྲངས། མཆན ཡོད།

སྤྱིར་བོད་ཀྱི་རྩོམ་རིག་གི་རྟགས་དང་མཚན་མར་ངོས་འཛིན་བྱེད་ལུགས་མི་འདྲ་བ་མང་དག་ཅིག་ཡོད་ལ།དེང་རབས་རྩོམ་རིག་གི་དུས་མཚམས་དབྱེ་སྟངས་ཐད་ལའང་བསམ་ཚུལ་འདོད་སྟངས་འདྲ་མིན་སྣ་ཚོགས་ཤིག་ཡོད་མོད།སྐབས་འདིར་ཐ་སྙད་འདི་སྤྱད་པ་ནི་ཡུལ་དུས་གནས་བབ་དང་རྩོམ་རིག་རང་ངོས་ཀྱི་བླང་བྱ་གཉིས་གཞི་གཅིག་ཏུ་སྦྲེལ་བའི་དགོས་དབང་གིས་མིག་སྔའི་བོད་ཀྱི་བོད་ཡིག་རྩོམ་རིག་གི་གནས་སྟངས་དང་འཕེལ་ཕྱོགས་ལ་དམིགས་ནས་སྦྱར་བའི་བརྡ་རྩམ་ཞིག་ཡིན་པ་མ་གཏོགས།བོད་ཀྱི་རྩོམ་རིག་གི་གདགས་གཞི་གྲུབ་ལུགས་དང་དེ་བྱུང་འཕེལ་གྱི་ལོ་རྒྱུས་ལ་སྦྱར་བའི་ངོ་བོའི་ཐ་སྙད་ཅིག་མ་ཡིན།

གཅིག

དེ་ལྟར་གང་སྤྱད་པའི་ཐ་སྙད་ཀྱི་གོ་ཡུལ་ལ་གསལ་ཁ་ཐོན་ཕྱིར།ད་ནི་རྩོམ་གྱི་དཀྱུས་ལ་འཇུག་པར་བྱ་སྟེ།དེ་ཡང་བོད་ཀྱི་དེང་རབས་རྩོམ་རིག་ཇི་ལྟར་འཕེལ་རྒྱས་གཏོང་བའི་སྐོར་ལ་བསམ་གཞིགས་བྱེད་ན།ངེས་པར་དུ་བོད་ཀྱི་རྩོམ་རིག་གི་ད་ལྟའི་གནས་སྟངས་དང་གོ་བབ།རྩོམ་རིག་རང་ངོས་ཀྱི་རང་བཞིན་དང་ཆོས་ཉིད།དེ་གོང་ནས་གོང་དུ་སྤེལ་བ་ལ་མཁོ་བའི་ནང་རྒྱུ་དང་ཕྱི་རྐྱེན།མི་རིགས་གཞན་ནམ་རྒྱལ་ཁབ་ཕྱི་ནང་གི་རྩོམ་རིག་གི་འཕེལ་ཁ་སོགས་ལ་རྒྱུས་མངའ་ཅུང་ཞིབ་པ་ཞིག་བྱུང་བའི་རྨང་གཞིའི་ཐོག་བསམ་བློ་ཆ་གང་ཚང་བ་ཞིག་གཏོང་དགོས་པ་ནི་བཀོད་པ་གནད་ལ་ཕིག་པ་ཞིག་ཡོང་བར་མེད་དུ་མི་རུང་བའི་སྔོན་འགྲོའི་ཆ་རྐྱེན་རེད།

བཅིངས་བཀྲོལ་བཏང་རྗེས་སམ་དམངས་གཙོའི་བཅོས་བསྒྱུར་བྱས་ཚུན་དང་།ལྷག་པར་དུ་མི་བཞིའི་ངན་ཚོགས་ཐལ་བའི་རྡུལ་དུ་བརླགས་ཏེ་ཏང་གི་སྐབས་བཅུ་གཅིག་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དྲོད་འཇམ་ཉི་ཟེར་གངས་རིའི་ལྗོངས་སུ་འཕྲོས་པ་ནས་བཟུང་།དུས་སྐབས་གསར་པའི་བོད་ཀྱི་རྩོམ་རིག་བྱ་གཞག་ཀྱང་ཡུན་གྱིས་སྐམ་པའི་དོག་མོ་ས་ལ་སྦྲང་ཆར་སིལ་མའི་བདུ་ད་རྩིས་བྲན་པ་ལྟར་སྐྱེ་སྟོབས་ཀྱི་གསོན་ཤུགས་ལྷག་ཏུ་འབར་བའི་རིག་པའི་ཤ་མོ་གཅིག་མཇུག་གཉིས་མཐུད་ལྷང་དུ་བུད་དེ།དབྱར་གྱི་མཚོ་མོ་རྒྱས་པའམ་ཡར་ངོའི་ཟླ་ལ་འགྲན་པ་ལྟར་གོང་ནས་གོང་དུ་འཕེལ་བའི་འབྲས་བུ་གཡུར་དུ་ཟ་བ་ཞིག་ཐོབ་པ་ཡོད་པ་ནི་ཀུན་གྱི་མཐོང་ཆོས་སུ་གྲུབ།དེ་ནི་མི་རྣམས་ཡིད་དགའ་སྤྲོ་བརྟས་སུ་བྱེད་པ་ཞིག་རེད།

ཡིན་ནའང་།བོད་ཀྱི་རྩོམ་རིག་ལ་སེམས་འགུལ་བའི་འཕེལ་རྒྱས་བླ་ན་འཕགས་པ་ཞིག་ཐོབ་པ་དང་ཆབས་ཅིགསྤུན་ཟླའི་མི་རིགས་ཁག་གམ་རྒྱལ་ཁབ་ཕྱི་ནང་གི་རྩོམ་རིག་བྱ་གཞག་སྤྱི་ཡང་རང་སོར་ང་ཚོ་སྒུག་ནས་བསྡད་པ་མ་ཡིན་པར་མདུན་ནས་མདུན་ནམ་གོང་ནས་གོང་དུ་འཕེལ་ཡོད་པ་མ་ཟད།འབོར་སྤུས་གཉིས་ཐད་ནས་ང་ཚོ་ལས་རྒྱང་གིས་འཕགས་པ་ཙམ་དུ་ཡོད་པས།གཟུ་བོའི་བློ་ཡིས་བརྟག་ཅིང་དཔྱད་ན་ང་ཚོ་དང་ཁོང་ཚོའི་བར་གྱི་ཧེ་བག་དེ་ཆུང་དུ་ཕྱིན་པའི་སྣང་བ་ཞིག་ཤར་དུ་དཀའ།    ཡང་དུ་ན།རྩོམ་རིག་གི་འཕེལ་རྒྱས་དེ་གང་ལ་བརྟེན་པའི་གཞིའམ་རྩ་བ་དེ་སྐབས་སོ་སོའི་སྤྱི་ཚོགས་ཀྱི་དཔལ་འབྱོར་དང་།ཆབ་སྲིད།རིག་གནས།སློབ་གསོ་སོགས་ཀྱི་འཕེལ་ཚད་དམ་རྨང་གཞིར་བཅོལ་བའམ་གཏུག་དགོས་ཀྱི་ཡོད་ཕྱིན།དུས་སྐབས་གསར་པའི་བོད་ཀྱི་རྩོམ་རིག་ལ་དབྱར་མཚོ་རྒྱས་འདྲའི་འཕེལ་རྒྱས་བྱུང་བའང་གནད་དེ་ལས་མ་འདས།དེས་ན།དུས་སྐབས་གསར་པའི་བོད་ཀྱི་དཔལ་འབྱོར་དང་།ཆབ་སྲིད།རིག་གནས།སློབ་གསོ་སོགས་ལ་འཕེལ་རྒྱས་བླ་ལྷག་ཐོབ་པ་དེས་དུས་སྐབས་གསར་པའི་བོད་ཀྱི་རྩོམ་རིག་ལ་སྔ་ན་མེད་པའི་གོང་འཕེལ་འབྱུང་བར་རྨང་གཞི་སྲ་ཞིང་བརྟན་པ་ཞིག་དང་།ཆ་རྐྱེན་འོས་ཤིང་འཚམ་པ་ཞིག་སྐྲུན་ཡོད་ལ།དེ་དང་ཆབས་ཅིག་སྔར་དང་མི་འདྲ་བའི་བླང་བྱ་གསར་པ་དང་རེ་བ་མཐོ་པོ་ཞིག་ཀྱང་བཏོན་ཡོད་པ་རེད།

གང་ལྟར།འཕེལ་རྒྱས་ནི་ལྟོས་བཅས་སུ་གྲུབ་པ་ཞིག་ཡིན་པས།ལྟོས་ས་ལྟོས་འཇོག་གི་དབང་གིས་འཕེལ་རྒྱས་ལ་གོ་བ་དང་ངོས་འཛིན་མི་འདྲ་བ་རེ་ཐོབ་རྒྱུ་ཡོད་དེ།གཞུང་ཐིག་ལྟར་ན་མིག་སྔའི་བོད་ཀྱི་རྩོམ་རིག་ལ་འཕེལ་རྒྱས་ཀྱི་གྲུབ་འབྲས་དགའ་བར་འོས་པ་ཞིག་ཐོབ་པ་ཡོད་པ་མངོན་གསལ་རེད་ལ།གྲུབ་འབྲས་དེས་ང་ཚོར་མུ་མཐུད་མདུན་དུ་བསྐྱོད་པའི་སྒུལ་ཤུགས་དང་སྤོབས་པ་གཟེངས་སུ་མཐོ་བ་ཞིག་སྟེར་གྱི་ཡོད་པའང་བསྙོན་དུ་མེད་པ་དང་།འཕྲེད་ཐིག་ལྟར་ན་ད་བར་ང་ཚོར་ཐོབ་པའི་གྲུབ་འབྲས་དེའང་འཕེལ་རྒྱས་ཆ་འདྲ་བ་ཙམ་ལས་མིང་དོན་མཚུངས་ཤིང་བློ་ཡིད་ཚིམ་པ་ཞིག་ནི་མ་ཡིན་ཏེ།ང་ཚོར་ཐོབ་པའི་གྲུབ་འབྲས་དེས་ང་ཚོ་དང་སྤུན་ཟླའི་མི་རིགས་སམ་རྒྱལ་ཁབ་ཕྱི་ནང་གི་རྩོམ་རིག་བར་གྱི་ཧེ་བག་དེ་ཆུང་དུ་གཏོང་ཐུབ་མེད་པ་དང་།ཁོང་འཕེལ་ཕྱིན་པའི་བོད་ཀྱི་སྤྱི་ཚོགས་དཔལ་འབྱོར་གྱི་བླང་བྱ་དང་དེ་ཙམ་མི་འཚམ་པ།ཡར་རྒྱས་སོང་བའི་བོད་ཀྱི་མགོ་ནག་མི་ཡི་བསམ་པའི་དགོས་མཁོ་ཇི་བཞིན་སྐོང་ཐུབ་ཀྱི་མེད་པ་བཅས་ཀྱི་ཕྱིར།

དེས་ན།སྔ་ཕྱི་བསྡུར་བའི་གྲུབ་འབྲས་ཀྱིས་ཡིད་མྱོས་ཏེ་ཉི་མ་ལྡེ་བཞིན་སྐྱིད་ཉལ་རྒྱག་པའི་འོས་སུ་མི་ཆེ་ལ།ཕྱི་ནང་གཡས་གཡོན་བསྡུར་བའི་ནོངས་འགྱོད་ཀྱིས་ཡིད་མུག་སྟེ་མགོ་བོ་སྨད་ཅིང་སྒྱིད་པ་སྐྱུར་བའི་སྐལ་བའང་ཡོད་རེ་སྐན།སྐབས་སུ་བབ་པ་ནི་མིག་རྒྱང་རིང་དུ་བསྲིང་ཞིང་བསམ་གཞིགས་ཀྱི་འཁོར་ལོ་ལེགས་པར་བསྐོར་ཏེ།ཐབས་དང་ཤེས་རབ་རྩལ་དུ་སྤྲུག་ནས་མདུན་བསྐྱོད་ཀྱི་ལམ་བུ་ཞིག་བཤང་ཐུབ་པ་བྱ་རྒྱུ་དེ་རེད།

གཉིས།

གོང་དུ་སྨོས་པ་ལྟར།ཉེ་བའི་ལོ་མི་ཉི་ཤུ་ལྷག་ཙམ་རིང་ང་ཚོ་བོད་ཀྱི་རྩོམ་རིག་ལ་རྒྱལ་ཡོངས་སྤྱི་དང་འདྲ་བར་འཕེལ་རྒྱས་ཆེན་པོ་ཐོབ་ཡོད་པ་གཞིར་བཅས་པའི་རྨང་གཞིའི་ཐོགད་དུང་མ་འདང་ས་དང་མུ་མཐུད་ཤུགས་སྣོན་རྒྱག་དགོས་པའི་ཕྱོགས་སམ་གནད་ཀྱང་མང་ཙམ་ཡོད་པ་ནི་ཀུན་གྱིས་ཤེས་གསལ་ལྟར་རེད་ལ།ལྷག་པར་བོད་ཡིག་རྩོམ་རིག་གི་གནས་བབ་ཉམས་ཞན་ཙམ་ཡིན་པ་ནི་དེ་བས་མངོན་གསལ་དོད་པ་ཞིག་རེད།ནམ་རྒྱུན་ང་ཚོས་གནད་དོན་དེའི་སྐོར་གླེང་སྐབས་ཀློག་པ་པོ་མང་པོ་ཞིག་གིས་ཕངས་ཉམས་དང་བཅས་འདོད་བློ་མ་ཁེངས་པའི་རྣམ་འགྱུར་ཡིད་ཕམ་ཞིག་སྟོན་གྱི་འདུག་ལ།རྩོམ་པ་པོ་སོགས་རྩོམ་རིག་གི་ལས་ལ་ཞུགས་པ་མང་པོ་ཞིག་གིས་ནི་བོད་ཡིག་རྩོམ་རིག་ལ་ཁྲོམ་ར་མེད་པ་སྟེ།ཀློག་པ་པོའི་དཔུང་ཁག་ཆེན་པོ་མེད་པས་རྩོམ་གྱི་རིན་ཐང་ཐོན་མི་ཐུབ་པར་སྙམ་ཏེ་ཉོབ་མདངས་སྟོན་པ་དང་།ཁ་ཅིག་གིས་ཐ་ན་འཐབ་ས་བསྒྱུར་ཏེ་རང་ནུས་ཡོད་རྒུ་རྩལ་སྤྲུག་གིས་རྒྱ་ཡིག་གི་ཐོག་ནས་རྩོམ་འབྲི་བྱེད་རྒྱུར་འབད་པ་སྐྱེད་པར་བྱེད་ཀྱི་ཡོད་པ་རེད།

བྱས་པའི་ལས་ལ་ཐོབ་པའི་འབྲས་བུ་ཞིག་དགོས་པ་ན་ཨ་ཅང་བརྗོད་མེད་ཅིག་རེད།ཡིན་ནའང་།འབྲས་བུ་གང་འདྲ་ཞིག་ཐོབ་ན་ཡིད་ཚིམ་པ་དང་གང་འདྲ་ཞིག་ཐོབ་ན་འབྲས་བུར་མི་སེམས་པ་ནི་བྱེད་པ་པོ་རང་ངོས་ཀྱི་འདོད་མོས་སམ་དམིགས་རེས་ཐག་གཅོད་པ་ཞིག་རེད།རྩོམ་པ་པོས་རང་གིས་བྲིས་པའི་བརྩམས་ཆོས་ལ་ཀློག་མཁན་མང་ཙམ་ཞིག་ཐོབ་པའི་རེ་བ་བྱེད་པ་དེ་ཡང་རང་གིས་དཀའ་ཐུབ་རྩོལ་བ་སྐྱེད་པ་ལས་བྱུང་བའི་འབྲས་བུ་དེ་དོན་དུ་སྨིན་པར་རེ་བ་ཡིན་ན་སུས་ཀྱང་བསྙོན་དུ་མེད།ཡིན་ནའང་།ཀློག་པ་པོ་འི་མང་ཉུང་དེ་གཅིག་ཏུ་ན་རྩོམ་པ་པོ་རང་ཉིད་ཀྱིས་བསྒྱུར་དུ་མི་བཏུབ་པའི་ཕྱི་ཡུལ་རང་བཞིན་ཏེ།བག་ལ་ཞ་བའི་ཀློག་པ་པོ་སྟེ་རྒྱ་ཁྱབ་མི་དམངས་མང་ཚོགས་ཀྱི་རིག་གནས་ཡོན་ཚད་ལ་རག་ལུས་པ་ཞིག་རེད་ལ།ཡང་གཅིག་བཤད་ན་རྩོམ་པ་པོ་རང་ངོས་ཀྱི་བྱེད་པ་དང་ཡང་འབྲེལ་བ་ཞིག་ཡིན་ཏེ།རང་ཉིད་ཀྱི་སྨྱུག་རྩེ་ལས་འཁྲུངས་པའི་རྩོམ་རིག་གྱི་མེ་ཏོག་དེ་འཚོ་བའི་དྲི་ངད་འཐུལ་ཞིང་ཡར་བསྐྱེད་ཀྱི་སྤོབས་པ་སྟེར་བ་ཞིག་ཡིན་ན།“དྲི་ཞིམ་མེ་ཏོག་རྒྱང་རིང་ཡང་།།བུང་བ་སྤྲིན་གྱི་ཚོགས་བཞིན་འཁོར”ཞེས་པ་ལྟར་ཀློག་མཁན་རང་ཤུགས་སུ་འབྱུང་བ་དང་།དེ་ལས་ལྡོག་ན་ནི་ཀློག་མཁན་གྱི་གྲིབ་མ་ཙམ་ཡང་མི་འཁོར་བ་ཆོས་ཉིད་དུ་གྲུབ་ན་དེར་འཁང་གར་བྱས་པས་ཅི་ལ་ཕན།

དོན་དངོས་ཐོག་རྩོམ་པོ་པོའི་དཔུང་ཁག་བསྐྱེད་བསྲིང་བྱ་དགོས་པ་ལྟར་ཀློག་པ་པོའང་ག་ལེར་བསྐྱེད་བསྲིང་བྱ་དགོས་པ་ཞིག་རེད་མ་གཏོགས་རང་བཞིན་ལྷུན་གྲུབ་ཏུ་ཡོད་པ་ཞིག་གཏན་ནས་མ་རེད།རང་རེའི་བོད་ལྗོངས་ས་ཁུལ་ས་ཆ་བཞག་ནས་བཤད་པ་ཡིན་ན།བཅིངས་དཀྲོལ་བཏང་རྗེས་སམ་དམངས་གཙོའི་བཅོས་བསྒྱུར་བྱས་ཚུན་དང་།ལྷག་པར་དུ་ཏང་གི་སྐབས་བཅུ་གཅིག་པའི་ཀྲུང་ཨུ་ཚང་འཛོམ་གྲོས་ཚོགས་པའི་དྲོད་རླུང་འཇམ་པོ་གངས་རིའི་ལྗོངས་སུ་ལྡང་བ་ནས་བཟང་།བསྒྱུར་བཅོས་སྒོ་དབྱེའི་ཚ་རླབས་ཀྱི་ཁྲོད་རིག་གནས་སློབ་གསོའི་བྱ་གཞག་ལ་སྒོ་ཀུན་ནས་འཕེལ་རྒྱས་ཆེན་པོ་ཐོབ་སྟེ།ཡིག་རྨོངས་སེལ་བའི་མི་བུ་གང་མང་ནས་མང་དུ་འཕེལ་བཞིན་ཡོད་པ་མ་ཟད།ལྷག་པར་རྒྱ་ཁྱབ་ཞིང་འབྲོག་ས་ཁུལ་གྱི་མང་ཚོགས་ཁྲོད་བོད་ཡིག་གི་ཀློག་པ་པོ་ཇེ་མང་ནས་ཇེ་མང་དུ་འཕེལ་བཞིན་ཡོད་པ་དེ་དག་གིས་དེང་དུས་ཀྱི་འཚོ་བ་མཚོན་པའི་རྩོམ་རིག་བརྩམས་ཆོས་ལ་སྐོམ་པས་ཆུ་འདོ་ལྟར་གྱི་རེ་བ་བྱེད་ཀྱི་ཡོད་པ་དང་།མར་རྩམ་གྱི་དྲི་ངད་འཐུལ་ཞིང་དུས་རབས་ཀྱི་ཁྱད་ཆོས་རྫོགས་པའི་ཕུལ་བྱུང་བརྩམས་ཆོས་འབྲ་བྱུང་ཚེ་སྤྲོ་བ་བརྟས་ཏེ་གཅིག་གིས་གཅིག་བརྒྱུད་རྡོ་ལག་བཤུག་ཏུ་ཕན་ཚུན་གཡར་ཀློག་བྱེད་ཀྱི་ཡོད་པ་གོ་ཐོས་བྱུང་བ་ལྟར་ཡིན་ཁྲོམ་ར་མེད་པ་ཅི་ལ་སྲིད།གྲོང་ཁྱེར་ནང་བོད་ཡིག་བལྟ་ཀློག་བྱེད་མཁན་མང་པོ་མེད་པ་ཡིན་དུ་ཆུག་ཀྱང་།གྲོང་མིས་བོད་མ་སྤྱི་འབོར་གྱི་བརྒྱ་ཆ་ཇི་ཙམ་ཟིན་གྱི་ཡོད་པ་ཤེས་གསལ་རེད།ཡང་གཅིག་བཤད་ན།གྲོང་ཁྱེར་ནི་ཤེས་ཡོན་ཅན་འདུ་འཛོམ་བྱེད་ས་ཤིག་ཡིན་ཕྱིར།རྩོམ་རིག་ཚུད་པའི་མི་རིགས་རིག་གནས་ཀྱི་ལས་དབང་ལ་དོ་ཁུར་བྱེད་མཁན་མང་པོ་ཞིག་ཡོད་པ་དང་།བོད་ཡིག་རྩོམ་རིག་གི་ཀློག་པ་པོ་སྤུས་ཚད་ཅན་པ་མང་པོ་ཞིག་བག་ལ་ཞ་ནས་ཡོད་པའང་སྨོས་མེད་རེད།ཡིན་ནའང་།ཁོང་ཚོ་ནི་ད་ཡིག་ཙམ་མ་ཟད།རྒྱ་ཡིག་དང་ཐ་ན་ཕྱི་རྒྱལ་གྱི་ཡིག་རིགས་ལའང་བྱང་བ་ཡིན་ན།བོད་ཡིག་གི་རྩོམ་རིག་བརྩམས་ཆོས་རྒྱུ་སྤུས་ལེགས་པ་ཞིག་མེད་ཕྱིན་རྒྱ་ཡིག་དང་ཕྱི་རྒྱལ་གྱི་ཡི་གེའི་ཐོག་ནས་ཕུལ་དུ་བྱུང་བའི་རྩོམ་རིག་བརྩམ་བྱར་མྱོང་རོལ་བྱེད་པར་ཁ་ཕྱོགས་རྒྱུ་ཡིན་པ་ནི་ལུགས་དང་མཐུན་པ་ཞིག་རེད།

གང་ལྟར།བོད་ཀྱི་རྩོམ་རིག་གིས་ཨང་དང་པོར་བོད་ཀྱི་ལ་ཞབས་འདེགས་ཞུ་དགོས་ལ།བོད་ཀྱི་མི་འབོར་གྱི་བརྒྱ་ཆ་དགུ་བཅུ་ཡན་བོད་རིགས་ཀྱི་ས་ཟིན་གྱི་ཡོད་པ་དང་།དེ་ལས་ཀྱང་བརྒྱ་ཆ་དགུ་བཅུ་ཙམ་ཞིག་རྒྱ་ཡིག་སོགས་ཡིག་རིགས་གཞན་པ་མི་ཤེས་པའི་ཞིང་འབྲོག་མང་ཚོགས་ཡིན་ན།བོད་ཀྱི་ཤེས་ཡོན་ཅན་དུ་རློམ་པའི་རྩོམ་རིག་ལ་འཇུག་པ་རྣམས་ཀྱིས་རང་ཉིད་ཀྱི་སྨྱུག་རྩེ་གང་ལ་གཏོད་པའི་ཁ་ཕྱོགས་དེ་མ་ནོར་བ་ཞིག་དགོས་རྒྱུ་ནི་སྨྲ་མི་དགོས་པའི་གནད་ལུགས་གསོན་པོ་ཞིག་ཕྱིན།འབད་པ་བསྐྱེད་དེ་འབྲས་བཟང་སྨིན་པར་བྱ་དགོས་ཀྱི།ཁ་གཡར་ས་དང་ཡ་ལ་འཛུགས་ས་བཙལ་ནས་བསྡད་པ་ནི་རང་གཞན་ཐམས་ཅད་ཡི་མུག་པའི་རྒྱུ་ཙམ་དུ་ཟད་པ་ལས་གཞན་ཅི།

གསུམ།

གཏིང་རིང་ས་ནས་བཤད་ན།རྩོམ་རིག་ནི་འགྲོ་བ་མིའི་རིགས་ཀྱི་བླ་སྲོག་ཟིན་བྲིས་སུ་བཏབ་པ་ཞིག་དང་།མི་བུ་བྱུང་འཕེལ་འཚར་ལོངས་ཀྱི་བརྒྱུད་རིམ་ནང་མྱངས་པའི་དཀའ་ཁག་དང་བདེ་སྐྱིད་ཀྱི་ཚོར་བ་དབྱངས་སུ་གྱེར་བའི་སེམས་གཞས་སྙན་མོ་ཞིག་ཡིན་པས།བླ་ནས་བླ་རུ་འཕགས་པའི་སེམས་ཀྱི་རང་བཞིན་གསལ་པོར་མཚོན་པ་ནི་གང་དེའི་རང་གཤིས་རྣལ་མར་གྲུབ།འགྲོ་བ་མིའི་རིགས་ལ་ངག་ཐོག་རྩོམ་རིག་ཐེངས་དང་པོར་བྱུང་བ་ནས་ད་ལྟའི་བར་གྱི་རྩོམ་འབྱུང་ལོ་རྒྱུས་ལ་བལྟས་པ་ཡིན་ན།རྩོམ་རིག་གི་ནང་དོན་དང་།རྣམ་པ།ལྟ་ཚུལ།མཚོན་ཐབས་སོགས་ཕྱོགས་གང་ཅིའི་ཐད་ལ་གསར་བརྗེའི་རང་བཞིན་ལྡན་པའི་འགྱུར་བ་རབ་དང་རིམ་པ་བྱུང་བ་དང་འབྱུང་བཞིན་ཡོད་ལ།འགྱུར་བ་དེ་འདྲ་ཡོང་ཐེངས་རེ་རེས་ང་ཚོའི་གསར་རྩོམ་གྱི་ལག་ལེན་དང་རྩོམ་རིག་གི་རང་གཤིས་རྣལ་མ་གཉིས་བར་གྱི་ཧེ་བག་དེ་ཇེ་ཆུང་དུ་གཏོང་གི་ཡོད་པ་རེད།དེ་ནི་རྩོམ་རིག་གི་ནང་སྙིང་རེད་ལ་གསར་རྩོམ་གྱིས་རེ་ཞིང་སྙེགས་པའི་ཕུགས་ཡུལ་ཡང་ཡིན་པས།བོད་ཀྱི་དེང་རབས་རྩོམ་རིག་གི་བྱ་གཞག་འཕེལ་རྒྱས་སུ་གཏོང་དགོས་བྱ་བའང་དོན་དངོས་ཐོག་གསར་རྩོམ་གྱི་ལག་ལེན་གོང་ནས་གོང་དུ་སྤེལ་ཏེ།རྩོམ་གྱི་ནང་དོན་དང་།རྣམ་པ།ལྟ་ཚུལ།མཚོན་ཐབས་སོགས་འཐུས་སྒོ་ཇེ་ཚང་དདང་འཁྲུག་ཆ་ཇེ་དོད་དུ་གཏོང་བ་བརྒྱུད།གསར་རྩོམ་གྱི་འབྲས་བུ་དེ་རྩོམ་རིག་གི་རང་གཤིས་རྣལ་མ་དང་ཐག་ཇེ་ཉེ་ནས་ཇེ་ཉེར་བཏང་སྟེ་འགྲོ་བ་མིའི་རིགས་ལ་མཛེས་འཛིན་གྱི་ལོངས་སྤྱོད་ཕུན་སུམ་ཚོགས་པ་ཞིག་འདོན་སྤྲོད་བྱེད་དགོས་པ་དེ་རེད།

ཡིན་ནའང་།གསར་རྩོམ་གྱི་ལག་ལེན་དེ་ཅང་མེད་ནམ་མཁའི་དབྱིངས་སུ་དྲི་ཟའི་བུ་མོས་རྒྱུད་མངས་དཀྲོལ་བ་ལྟར་རྟོག་ཡུལ་དུ་བཀོད་བཞེངས་བྱས་པ་ཙམ་གྱིས་འཐུས་པ་ཞིག་མ་རེད་ལ།གསར་རྩོམ་གྱི་འབྲས་བུ་སྟེ།རྩོམ་རིག་བརྩམས་ཆོས་ཀྱང་རྩོམ་པ་པོས་བརྩམས་ཟིན་པ་ཙམ་གྱིས་ཡོངས་སུ་རྫོགས་པར་གྲུབ་པ་ཞིག་མ་ཡིན་པར་ད་དུང་དཔར་སྐྲུན་འགྲེམ་སྤེལ་བྱས་ཏེ་ཀློག་པ་པོས་བལྟ་ཀློག་རོལ་མྱོང་ཐུབ་པ་བྱ་དགོས་པ་རེད།རྩོམ་པ་པོས་གསར་རྩོམ་བྱས་པ་དེ་རྩོམ་རིག་གི་རིན་ཐང་གསར་སྐྲུན་བྱས་པ་ཙམ་ཡིན་ལ།རིན་ཐང་དེ་མངོན་དུ་འགྱུར་དགོས་ན་ཀློག་པ་པོས་བལྟ་ཀློག་རོལ་མྱོང་བྱ་རྒྱུ་དེ་མེད་དུ་མི་རུང་བ་ཞིག་རེད།རྩོམ་པ་པོའི་གསར་རྩོམ་དང་ཀློག་པ་པོའི་རོལ་མྱོང་གཉིས་མཉམ་དུ་འདུས་པ་ལས་རྩོམ་རིག་གི་རིན་ཐང་ཆ་ཚང་བར་གྲུབ་པ་ཡིན་པས།དེ་གཉིས་ཀ་རྩོམ་རིག་གི་རིན་ཐང་གྲུབ་པ་ལ་མེད་དུ་མི་རུང་བའི་རྒྱུ་རེད་ལ།དཔར་སྐྲུན་འགྲེམ་སྤེལ་གྱི་ལས་ཀ་དེ་ནི་རྩོམ་རིག་རིན་ཐང་གི་གྲུབ་རྒྱུ་གཉིས་གཞི་གཅིག་ཏུ་སྦྲེལ་བྱེད་ཀྱི་སྲད་བུ་ལྟ་བུ་ཡིན་པས།རྩོམ་རིག་གི་རིན་ཐང་གྲུབ་པའི་རྒྱུ་རུ་མི་འགྲོ་རུང་རིན་ཐང་དེ་མངོན་དུ་འགྱུར་བའི་ཆ་རྐྱེན་མེད་དུ་མི་རུང་བ་ཞིག་ཏུ་གྲུབ་པ་རེད།དཔེར་ན།བཟོ་གྲྭ་ག་གེ་མོ་ཞིག་གིས་དངོས་ཟོག་ཅི་ཡང་རུང་བ་ཞིག་ཐོན་སྐྱེད་བྱས་པ་དེ་ཚོང་ལམ་བརྒྱུད་འཛད་སྤྱོད་པའི་ལག་ཏུ་ཐེབས་ཏེ་དངོས་སུ་བཀོལ་སྤྱོད་བྱས་པ་ལས་གང་དེའི་རིན་ཐང་མངོན་དུ་འགྱུར་ཐུབ་པ་ལྟ་བུའོ།

དེས་ན།རྩོམ་རིག་འཕེལ་རྒྱས་གཏོང་བ་ལ་གསར་རྩོམ་འཁྲུག་ཆ་དོད་པོ་ཞིག་དགོས་པ་སྨོས་མ་དགོས་མོད།གསར་གཅིག་པུ་གཙིགས་སུ་འཛིན་པས་རྩོམ་རིག་གི་བྱ་གཞག་དེ་དོན་ངོ་མའི་གྲྭ་རྒྱས་ཕུན་སུམ་ཚོགས་པོ་ཞིག་ཏུ་སྒྲུབ་མི་ཐུབ།རྩོམ་རིག་སྤྱི་ཚོགས་རིག་པའི་ལྟ་ཚུལ་ཐོག་ནས་བཤད་པ་ཡིན་ན།གསར་རྩོམ་དང་།དཔར་སྐྲུན་འགྲེམ་སྤེལ།བལྟ་ཀློག་མྱོང་རོལ(དཔྱད་བརྗོད་ཚུད)སོགས་ཀྱིས་ཐུན་མོང་ཐོག་རྩོམ་རིག་ཐོན་སྐྱེད་ཀྱ་མ་ལག་ཧྲིལ་པོ་ཞིག་གྲུབ་ཀྱི་ཡོད་པས།རྩོམ་རིག་འཕེལ་རྒྱས་གཏོང་ཕྱོགས་སྐོར་ལ་སྤྱི་ཁོག་བསམ་གཞིགས་བྱེད་སྐབས་ངེས་པར་དུ་ཕྱོགས་དེ་དག་ཚང་མར་བབ་མཚུངས་ཀྱི་གཙིགས་མཐོང་བྱ་དགོས་ཀྱི།དྲེལ་མོང་གིས་འཕྱི་བ་ཟིན་པ་ལྟར་གཅིག་བཟུང་ནས་གཅིག་གློད་པ་ཡིན་ན་དོན་མེད་ངལ་བའི་རྒྱུ་ཙམ་ལས་རེ་འབྲས་སྨིན་པ་ཡོད་རེ་སྐན།
                   བཞི།

གསར་རྩོམ་འཁྲུག་པོ་སྟེ།བརྩམས་འབྲས་ཀྱི་གྲངས་འབོར་ཇེ་མང་ནས་ཇེ་མང་དང་།སྤུས་ཚད་ཇེ་མཐོ་ནས་ཇེ་མཐོ།ལྟ་ཚུལ་གཏིང་ཇེ་མཐུག་ནས་ཇེ་མཐུག་འབྲི་སྟངས་མཚོན་ཐབས་ཕུན་སུམ་ཚོགས་ནས་ཇེ་ཚོགས་སུ་འགྲོ་བའི་ཐོག་ནས་རྒྱ་ཁྱབ་མི་དམངས་མང་ཚོགས་ལ་བསམ་པའི་རྒྱགས་ཕྱེ་དང་ཡིད་ཀྱི་ལོངས་སྤྱོད་ཕུན་སུམ་ཚོགས་པོ་ཞིག་བསྟར་ཐུབ་པ་བྱེད་རྒྱ་ནི་རྩོམ་རིག་འཕེལ་རྒྱས་སུ་འགྲོ་བའི་ཆ་རྐྱེན་ནམ་ནང་དོན་ཨང་དང་པོ་དེ་རེད།དེ་མེད་ན་ཀློག་པ་པོའི་བལྟ་ཀློག་རོལ་མྱོང་གི་ལོངས་སྤྱོད་ཐམས་ཅད་རྩ་བ་མེད་པའི་སྡོང་པོ་རུ་འགྱུར་ལ།དཔར་སྐྲུན་འགྲེལ་སྤེལ་ལ་སོགས་པའི་མཚམས་ཚིགས་དེའང་སྦྱར་གཞི་མེད་པའི་ཚི་སྐམ་དུ་འགྱུར་རྒྱའི་ཡིན་པ་གདོན་མི་ཟ།    རང་རེ་བོད་ཀྱི་དེང་རབས་རྩོམ་རིག་ལ་ཉེ་བའི་མི་ལོ་ཉི་ཤུ་ལྷག་ཙམ་རིང་འཕེལ་རྒྱས་ཀྱི་གྲུབ་འབྲས་གཡུར་དུ་ཟབ་ཙམ་ཐོབ་ཡོད་པའང་གསར་རྩོམ་གྱི་ལག་ལེན་ལས་བྱུང་བ་སྨོས་མི་དགོས།མ་གཞི་ང་ཚོ་བོད་ཀྱི་རྩོམ་རིག་ལ་བྱུང་འཕེལ་གྱི་ལོ་རྒྱུས་མི་ཐུབ་ཙམ་ཡོད་པ་མ་ཟད།གྲུབ་འབྲས་ཀྱང་མི་དམན་པ་ཞིག་ཐོབ་ཡོད་པ་ནི་བསྙོན་དུ་མེད་པའི་ལོ་རྒྱུས་ཀྱི་བདེན་ཁ་ཞིག་རེད།ཡིན་ནའང་།ད་ལྟ་ང་ཚོས་མིག་གཉིས་དྭངས་མོར་ཕྱེ་སྟེ་བལྟ་སྐབས།དགའ་ཐོག་མ་ཆོད་པའི་ངང་ལ་སྐྱོ་སིང་ངེ་བའི་སྣང་ཞིག་ཤར་འོང་གི་འདུག་སྟེ།རྩོམ་པ་པོའི་དཔུང་ཁག་བལྟ་དུས་རྒན་དར་གཞོན་གསུམ་གྱི་དཔུང་གདང་དེ་ཙམ་འགྲིག་པོ་མེད་པ་དང་།ལྷག་པར་དུ་རྒན་གཞོན་གྱི་སྐས་རིམ་མཐུན་ཐུབ་པའི་གཞོན་སྐྱེས་རེ་བ་ཅན་པ་མང་པོ་ཞིག་ཐོན་ཐུབ་མེད་པ་མ་ཟད།དེ་སྔོན་གྱི་བོད་ཡིག་གསར་རྩོམ་རེ་བ་ཅན་པ་མང་པོ་ཞིག་རྒྱུ་མཚན་སྣ་མང་གི་དབང་གིས་མུ་མཐུད་གསར་རྩོམ་གྱི་ལམ་ལ་མ་ཞུགས་པའམ།ཡང་ན་གསར་རྩོམ་གྱི་ལག་ཆ་དེ་བོད་ཡིག་ནས་རྒྱ་ཡིག་ཏུ་བསྒྱུར་ཕྱིན་པ་སོགས་མདོར་ན་བོད་ཡིག་གི་ཐོག་ནས་གསར་རྩོམ་བྱེད་མཁན་གྱི་རྩོམ་པ་པོའི་དཔུང་ཁག་དེ་དུས་རབས་འཕེལ་རྒྱས་འགྲོ་བའི་དགོས་མཁོ་དང་བསྡུར་ན་ཉམས་དམའ་མོ་ཞིག་ཏུ་ལུས་ཡོད་པ་དང་གཅིགབརྩམས་ཆོས་ཀྱི་ནང་དོན་དང་རྣམ་པའི་ཐད་ལ་དུས་ཀྱི་འགྱུར་ཁུག་དང་འཚམ་པའི་ཡར་སྐྱེད་ཆེན་པོ་ཞིག་ཐོབ་མ་ཐུབ་པར་བརྟེན།འཚོ་བའི་གཏིང་རིམ་ལ་འཛུལ་ཤུགས་ཆུང་ཞིང་། སྒྱུ་རྩལ་གྱི་མཚོན་ནུས་ཞན་པ་སོགས་མདོར་ན་དུས་དང་མཐུན་པའི་སྲོག་གི་དབང་པོ་ཉག་ཕྲ་བར་སྣང་བས། ཀློག་པ་པོའི་ཡིད་ཀྱི་བརྟན་པ་འཕྲོག་མི་ཐུབ་ལ།ཡར་སྐྱེད་ཀྱི་སྒུལ་ཤུགས་སྦྱིན་ཐུབ་པ་ནི་དེ་བས་དཀོན་པ་ཙམ་དུ་ཟད་པ་དང་གཉིས།རྩོམ་རིག་གི་ལེགས་ཉེས་དགེ་སྐྱོན་འབྱེད་པ་དང་རིག་གཞུང་ཞིབ་འཇུག་གི་བྱ་བ་དེ་རྩ་བའི་ཆ་ནས་སྟོང་ཆར་ལུས་ཡོད་པ་དེས་རྩོམ་རིག་གི་ལྟ་ཚུལ་འདོད་སྟངས་དང་།རིན་ཐང་སྒྲུབ་ལུགས།མཛེས་ཆ་སྐྱོང་ཚུལ་སོགས་རྩ་བར་ཐུག་པའི་གནད་དོན་མང་པོ་ཞིག་ལ་ཐོགས་རེག་མ་བྱུང་བར་སྔར་མལ་ན་སྒུལ་མེད་རང་སོར་གནས་ཡོད་པ་དེས་བོད་ཀྱི་རྩོམ་རིག་འཕེལ་རྒྱས་འགྲོ་རྒྱུར་བཀག་རྒྱ་ཚབས་ཆེན་བྱེད་ཀྱི་ཡོད་དང་གསུམ་སོགས་མང་ངོ་།

དེར་བརྟེན།རྩོམ་པ་པོའི་དཔུང་ཁག་བསྐྱེད་བསྲིང་བྱ་རྒྱུ་དེ་གནད་ཀྱི་དམ་པ་རེད་ལ།རྩོམ་འབྲིར་ཞུགས་པ་རྣམ་པས་ཀྱང་སྒྲུང་ཐུང་གཅིག་གཉིས་བྲིས་པའམ་སྙན་ངག་ཚིག་རྐང་གསུམ་བཞི་ཚགས་པར་དང་དུས་དེབ་ཐོག་སྤེལ་བ་ཙམ་གྱིས་རྩོམ་པ་པོར་རློམ་ཏེ་རང་བློ་ཚིམ་པའི་ཆོག་ཤེས་བྱ་མི་རུང་།རྩོམ་རིག་གི་ཞིང་ཁམས་ནི་ནམ་མཁའི་མཐོངས་ལྟར་ཡངས་ཤིང་རྒྱ་མཚོའི་འཇིངས་ལྟར་མཐུག་པ་ཡིན་པས།བླ་མེད་ཀྱི་རེ་འདོད་ཡིད་ལ་བཅངས་ཤིང་།རྟག་གུས་ཀྱི་གཤོག་ཟུང་ཤེད་ཀྱིས་བརྐྱངས་པ་ཡིན་ན།ད་གཟོད་ཕ་མཐའ་ཆོད་པའི་གདེང་ཞིག་ཐོབ་རྒྱུ་རེད་ལ།གཏིང་མཐའ་དཔོག་པའི་ངོ་མཚར་གྱི་ལྟད་མོའམ་མཐོང་རེ་ཡོད།དེ་ཡང་ཐབས་ཀྱི་དམ་པ་གནད་དུ་དྲིལ་ན་གསུམ་སྟེ།འཚོ་བར་ངེས་ཤེས་འདྲོངས་ཤིང་།དད་དུངས་ཀྱི་གདུང་ཤུགས་ཤེད་ཀྱིས་མཁའ་ལ་འཕྱོ་བ་ཞིག་སྟེ།སྔོ་ལྗང་སྤང་གི་བཅུད་ལ་རོལ་ཞིང་དུས་ཀྱི་འདུ་འགོད་རྡུལ་དུ་འཚུབ་པའི་བ་མོ་འདོད་འཇོ་ཁྲ་སྐྱིད་ཀྱི་འོ་མ་མངར་སིང་ངེ་བ་དེ་བཞོས་ནས་དཀྲོལ་ལ།ས་ཆུ་དྲོད་གཤེར་འཛོམས་པ་ལས་ལེགས་མགོ་ལྕོག་ལྡེམ་པའི་གྲ་དག་སྙེ་མ་སེར་ལིང་ངེ་བ་དེ་དག་བརྔས་ཤིང་བརྔོས་ལ་འཐག་པར་བྱ་བ་སྙིང་དུ་བྱས་ཏེ།མཐོ་སྒང་གི་མཁའ་དབུགས་གསལ་ཞིང་།མར་རྩམ་གྱི་དྲི་ངད་འཐུལ་བ་ཞིག་དགོས་པ་དང་གཅིག་བསྒྱུར་བཅོས་སྒོ་དབྱེའི་ཚ་རླབས་ཁྲོད་ཁ་བ་རི་པའི་ཡུལ་གྲུ་ཀུན་ལ་སྔ་ན་མ་གྲགས་པའི་འཕོ་འགྱུར་བྱུང་དང་འབྱུང་མུས་རེད་ལ།ཉིན་ཞག་གཅིག་གིས་མི་འདྲ་བར་འཕེལ་བའི་དེང་རབས་ཚན་རིག་ལག་རྩལ་གྱི་སྒྱུ་སྟོབས་ཀྱིས་གོ་ལའི་ཁྱོན་ཀུན་ཁྱིམ་མཚེས་སུ་བསྒྱུར་གྱིན་ཡོད་པས།བོད་ཡུལ་ཁ་བ་ཅན་གྱི་མི་རྣམས་ཀྱང་གངས་རིའི་རྭ་བས་སྐོར་བའི་མཐོ་སྒང་དུ་ལྷ་སྒྲུང་རུམ་དུ་ཉར་བའི་རྨི་ལམ་སྐྱུར་མོ་རྨིས་བཞིན་འདུག་ཁོམ་མེད་ན།མིག་ཞགས་རིང་མོས་འཛམ་གླིང་གི་འཕེལ་ཕྱོགས་བཟུང་།རྣ་ཅོག་སྲབ་མོས་མདུན་བསྐྱོད་ཀྱི་གོམ་སྒྲར་ཉན།རྐང་པ་ཡང་མོས་གོམ་པའི་འདེགས་འཇོག་བསྒྱུར་ཏེ།དེ་རིང་གི་ཉམས་འགྱུར་གསལ་ཞིང་།སང་ཉིན་གྱི་ལམ་ལ་སྙེགས་པའི་མདུན་བསྐྱོད་ཀྱི་གད་རྒྱངས་ངར་མོ་སྒྲོག་དགོས་པ་དང་གཉིས།མར་རྩམ་གྱི་དྲི་ངད་འཐུལ་ནའང་རུང་།མདུན་བསྐྱོད་ཀྱི་གད་རྒྱངས་སྒྲོག་ནའང་རུང་།གང་ལྟར་རྩོམ་རིག་ནི་རྩོམ་རིག་རང་ཡིན་པས།མཛེས་ཆ་སྐྱོང་ཞིང་སྒྱུ་རྩལ་གྱི་་རོ་བཅུད་སྨིན་པ་གནད་དུ་གཟུང་དགོས་ཏེ།བརྗོད་བྱའི་བསྟན་དོན་སྟོན་པར་གནད་དུ་སྨིན་ཞིང་མི་རིགས་ཀྱི་ཁྱད་ཡོན་མཆོག་ཏུ་གསལ་བའི་སྒྱུ་རྩལ་མཚོན་པའི་ཐབས་ཕུན་སུམ་ཚོགས་ཤིང་ཡིད་དབང་འཕྲོག་པ་ཞིག་ཡོང་བ་བྱ་དགོས་པ་དང་གསུམ་བཅས་སོ།

 

རྩོམ་ཁུངས། མི་རིགས་དཔེ་སྐྲུན་ཁང་།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།