ཕྱིར་དྲན་གྱི་ལོ་ཟླ།

ཀླུ་ཚང་བློ་བཟང་ཡེ་ཤེས། མཆོད་མེ་བོད་ཀྱི་རྩོམ་རིག་དྲ་བ། 2008-12-03

ཤེལ་གྱི་མེ་ལོང་ལ་ཕབས་པའི།།
རྒས་གཉེར་རི་མོ་འདིར་བལྟས་ན།།
མི་ལོ་ཉེར་དགུ་ཡི་འཚོ་བ།།
འགྲེལ་བཤད་བསྐྱོན་དགོས་ཀྱང་མི་འདུག།

མི་ཡུལ་ས་མཐའ་ཡི་འཚོ་བ།།
སྐྱིད་དང་མ་སྐྱིད་ཀྱང་མི་ཞུ།།
ཤ་རུས་བརྩེ་དུང་གི་ལན་པས།།
སྦྲང་རྩིར་མངར་ཁ་རང་མི་འདུག།

གཙང་གི་ཨོ་ལོ་ཡང་ཟེར་མྱོང༌།།
དབུས་པའི་བུ་ཆུང་ཡང་ཟེར་མྱོང༌།།
ས་མཐའ་སྐོར་སྐབས་ལ་གཞིགས་ན།།
ཨ་མདོའི་ཞི་ལི་ཞིག་ཡིན་འདུག།

གཙང་གི་ཨོ་ལོ་ཡང་རྒས་སོང༌།།
དབུས་པའི་བུ་ཆུང་ཡང་འཁོགས་སོང༌།།
ཀུན་གྱིས་ཨ་ཇོ་ཞེས་འབོད་དུས།།
ཨ་མདོའི་རྒན་པོ་ཞིག་ཆགས་འདུག།

རྒན་པོ་རྒས་པོ་རང་ཆགས་ཀྱང༌།།
སྙན་ངག་རྒས་རྒྱུ་རང་མི་འདུག།
རྒས་མེད་སྙན་ངག་གི་གླུ་འདི།།
ཕ་ཡུལ་ཨ་མདོ་རུ་བཏང་ཆོག།

ཁ་བ་ལྷབ་ལྷུབ་ཏུ་འཁོར་ཡང༌།།
ཞྭ་མོ་ཟུར་གོན་ཞིག་བྱས་ཏེ།།
འབྲོག་གླུ་སངས་མོ་ཞིག་ལེན་དུས།།
རྫི་བོ་སྡུག་པོ་རང་མ་བྱུང༌།།
 

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཕྱིར་དྲན་གྱི་ལོ་ཟླ།

2008-12-03 ཀླུ་ཚང་བློ་བཟང་ཡེ་ཤེས། ཀློག་གྲངས། མཆན ཡོད།

ཤེལ་གྱི་མེ་ལོང་ལ་ཕབས་པའི།།
རྒས་གཉེར་རི་མོ་འདིར་བལྟས་ན།།
མི་ལོ་ཉེར་དགུ་ཡི་འཚོ་བ།།
འགྲེལ་བཤད་བསྐྱོན་དགོས་ཀྱང་མི་འདུག།

མི་ཡུལ་ས་མཐའ་ཡི་འཚོ་བ།།
སྐྱིད་དང་མ་སྐྱིད་ཀྱང་མི་ཞུ།།
ཤ་རུས་བརྩེ་དུང་གི་ལན་པས།།
སྦྲང་རྩིར་མངར་ཁ་རང་མི་འདུག།

གཙང་གི་ཨོ་ལོ་ཡང་ཟེར་མྱོང༌།།
དབུས་པའི་བུ་ཆུང་ཡང་ཟེར་མྱོང༌།།
ས་མཐའ་སྐོར་སྐབས་ལ་གཞིགས་ན།།
ཨ་མདོའི་ཞི་ལི་ཞིག་ཡིན་འདུག།

གཙང་གི་ཨོ་ལོ་ཡང་རྒས་སོང༌།།
དབུས་པའི་བུ་ཆུང་ཡང་འཁོགས་སོང༌།།
ཀུན་གྱིས་ཨ་ཇོ་ཞེས་འབོད་དུས།།
ཨ་མདོའི་རྒན་པོ་ཞིག་ཆགས་འདུག།

རྒན་པོ་རྒས་པོ་རང་ཆགས་ཀྱང༌།།
སྙན་ངག་རྒས་རྒྱུ་རང་མི་འདུག།
རྒས་མེད་སྙན་ངག་གི་གླུ་འདི།།
ཕ་ཡུལ་ཨ་མདོ་རུ་བཏང་ཆོག།

ཁ་བ་ལྷབ་ལྷུབ་ཏུ་འཁོར་ཡང༌།།
ཞྭ་མོ་ཟུར་གོན་ཞིག་བྱས་ཏེ།།
འབྲོག་གླུ་སངས་མོ་ཞིག་ལེན་དུས།།
རྫི་བོ་སྡུག་པོ་རང་མ་བྱུང༌།།
 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།