ས་མཐའི་གླུ།
སྔོ་བསངས་ནམ་མཁའི་མིག་ཆུ།
ཆར་ཆེན་ས་ལ་བརྡོལ།
བྱམས་ལྡན་ཕ་མའི་ཕྱག་ཟུང་།
བྱིལ་བྱིལ་ང་ལ་གནངས།
སྙིང་གི་རེ་བའི་མེ་ཏོག
ཁྱོད་ཀྱི་འཛུམ་ཆུང་འདྲ།
ནམ་མཁའི་ངུད་མོའི་སྒྲ་དབྱངས་ང་ཡི་སྙིང་ནས་བརྡོལ།
བྱམས་ལྡན་ཨ་མའི་བརྩེ་ཞེན་ང་ཡིས་དམ་དུ་བཟུང།
སྔོ་བསངས་ནམ་མཁའི་མིག་ཆུ།
ཆར་ཆེན་ས་ལ་བརྡོལ།
སྙིང་ལ་བཅིངས་པའི་རང་དབང་།
ང་ཡིས་བྱིལ་བྱིལ་གནངས།
རེ་བའི་མེ་ཏོག་མ་བཞད།
མི་ཡུལ་ལུང་པར་ལུས།
ཐང་སྟོང་ངུད་མོའི་གདུང་དབྱངས་སྙིང་ལ་ཨུ་ཁུང་ཕུགས།
ང་ཡི་བརྩེ་ཞེན་སྟོང་ཕྲག་ནམ་མཁའི་དབྱིངས་སུ་སྤུར།
སྔོ་བསངས་ནམ་མཁའི་མིག་ཆུ།
ཆར་ཆེན་ས་ལ་བརྡོལ།
སྙིང་ལ་ལག་པ་བཞག་པས།
ཟུག་གཟེར་ལུས་ལ་བྱུང་།
མུན་དོང་བཙོན་པའི་ལས་ཀྱི།
སྡུག་བསྔལ་ཡིད་ལ་འཁོར།
རླུང་གིས་འཁྱེར་བའི་གད་སྙིགས་སྒོམ་ཁང་དཀྱིལ་ལ་བབས།
ཚེ་གང་ལས་ཀྱི་དགའ་ཞེན་ང་ཡིས་སུ་ལ་བྱེད།
སྔོ་བསངས་ནམ་མཁའི་མིག་ཆུ།
ཆར་ཆེན་ས་ལ་བརྡོལ།
སྐྱོ་སྣང་མི་ལ་མ་བཤད།
གདུང་བའི་དབྱངས་སུ་བཟླས།
ཡིད་ཐང་གཞན་ལ་མ་ཆད།
མདུན་བསྐྱོད་གོམ་སྒྲར་ཉན།
ཐང་སྟོང་བསེར་བུའི་ཤུར་སྒྲ་སྐྲ་ལོའི་གསེང་དུ་ཐོན།
ཨ་མའི་མིག་འོད་ཞགས་པས་ཡང་ཡང་བདག་ལ་བྲབས།
(མཆོད་མེའི་པར་དབང་གཞན་གྱིས་དགོལ་མི་རུང)
རྩོམ་ཁུངས། ངེད་དྲ་བ།