དར་རྩེ་མདོའི་མཛའ་གཞས།(ཞར་བཀོད་གསུམ་ཡོད)

ཀླུ་པད་བཟང་།(དཀར་མཛེས) མཆོད་མེ་བོད་ཀྱི་རྩོམ་རིག་དྲ་བ། 2018-05-14


མོ་ཊ་ལས་བབས་མ་ཐག
གོམ་གང་མདུན་སྤོས་ཀྱིས་ཕྱི་ལ་བལྟས་ཀྱང
སྐར་ཚོགས་ལྟ་བུའི་གློག་འོད  གློག་འོད་ཁྲ་ཆིལ་དགུ་ཆིལ
ད་ལྟ་ང་ཡི་མཐོང་ལམ་དུ་ཁྱོད་ཀྱི་རྒྱབ་གཟུགས་མི་འདུག

ཨར་ཁང་བརྩེགས་མ་དག་གིས
གདོད་མའི་ལུ་གུ་དཀར་དཀར་ཁྱུར་མིད་བཏང་བ་བཞིན
དངོས་ཟོག་ལྟ་བུའི་སེམས་པ  སེམས་པ་རབ་བེ་རིབ་བེ
ད་ལྟ་ང་ཡི་རྣ་ལམ་དུ《དར་མདོའི་མཛའ་གཞས》མི་འདུག

གང་ཞིག་ནས་རྒྱུ་འོངས་པའི་སྲོད་རླུང
བསྐལ་བ་ཡ་ཐོག་གི་སྤྲིན་པ་ལེབ་མོ་དག་འཚང་ཁ་ཤིག་ཤིག
གློ་སྙིང་ལྟ་བུའི་སྦྲ་ཆེན  སྦྲ་ཆེན་དར་ལྕོག་ལྷབ་ལྷུབ
ད་ལྟ་ང་ཡི་ཤིང་ཕོར་དུ་འོ་ཇའི་སྤྲིས་མ་མི་འདུག

ཁ་བ་ལྟར་ཞུ་སོང་བའི་རྟ་ཕོ
མི་ཚེ་ངལ་དུབ་ཀྱིས་ལོ་ངོ་ག་ཚོད་ལ་ལུས་དགོས་ཨང
སྡིག་སྒྲིབ་ལྟ་བུའི་གྲོང་ཁྱེར  གྲོང་ཁྱེར་དུ་བ་ལྷོག་ལྷོག
ད་ལྟ་ང་ཡི་མཚན་མོ་འདིར་མེ་ཏོག་གི་ཞལ་ཁ་མི་འདུག

ལ་དང་ལ་མོའི་ཕ་རོལ་གྱི་མི་ཉག་རྒྱལ་པོ
དང་ཐོག་འུ་གཉིས་འབྲལ་ཁར་བདག་ལ་མིག་ཆུ་མེད་པ་བདེན་ཡང
གཞུང་ལམ་ལྟ་བུའི་ལོ་ཟླ  ལོ་ཟླ་ཀྱ་གེ་ཀྱོག་གེ
ད་ལྟ་ང་ཡི་སྙིམ་པ་མིག་ཆུས་གང་འདུག
                    2017. 12. 18
                     
                    འུ་གཉིས་ཀྱི་བར་ན།

བདག་གིས་ཁྱོད་ཀྱི་ཚབ་བྱེད་ཐུབ་པའི་སྙན་ངག་ཅིག་བྲིས་ཏེ
དེ་ཉིད་འགྲོ་བ་རིགས་དྲུག་ལ་སྒྲོག་འདོན་བྱེད་མོས་ཡོད་ཀྱང
བདག་གིས་མི་སྐད་ལས་སྨྲ་ཤེས་པ་མི་འདུག
བདག་གི་སྤྱི་གཙུག་ན་བཞུགས་པའི་བླ་མས
ཁྱོད་ཀྱི་མཛེས་སྡུག་གི་ཆ་ཤས་རེ་རེ་ནས་བཤུར་ཅིང
ཁྱོད་ཉིད་ཀེང་རུས་ཆ་ཚང་ཞིག་ཏུ་བྱིན་གྱིས་བརླབས

རླུང་གི་རྒྱུ་བ་ལྟ་བུའི་བདེ་སྡུག་གི་ལྕི་ཡང
ཁྱོད་ཀྱི་མགྲིན་པར་འཁྱུད་དུས་དགེ་སྡིག་དཀར་ནག་གཉིས
ཚེ་རབས་འདི་དང་ཕྱི་མ་སྦྲེལ་བྱེད་ཀྱི
མཚན་ཐུན་གཅིག་གི་རྨི་ལམ་སྙིང་གི་ལྕགས་རིའི་ལྡེབས་སུ་འདར་ཙམ་བྱས
འུ་གཉིས་ཀྱི་བར་དུ་འཚངས་པའི་མི་ཕོ་དེ
འོད་དང་མུན་པའི་གྲིབ་མ་སྡེབ་ས་ནས་མངོན་ཡོང་དུས
ད་ནི་སྣང་བ་དག་པའི་གླུ་ཞིག་ལེན་སྙིང་འདུག་གམ

ཟླ་བདུན་པའི་ཐུགས་འཕྲད་འུ་གཉིས་ཀྱི་བར་དུ་བཅར་བ་ནས
འཆི་བ་ལ་བློ་སྦྱོང་བའི་ཏིང་ངེ་འཛིན
སྐྱེ་རྒ་ན་འཆིའི་ཆོས་ཉིད་བརྗེད་མདོག་གིས
སྲིད་པའི་གྲོང་དུ་སྨྲེང་བའི་གཞས་ཆུང་གཏོང་བ་སྙིང་རེ་རྗེ།

                            2018. 4. 26

                       སྣང་སྟོང་མིང་དུ་བྱས་པའི་སྙན་ངག

སེམས་པ་སྟོང་པས་མནན་དུས་འཁྱགས་པ་རྡོ་དང་འདྲ
ཏིང་འཛིན་གྱིས་མ་ཐེག་པར་ཡོད་པའི་དྲན་གདུང་གི་ལག་པ
ཚེ་གང་བོར་རེ་ལྟོས་ཀྱིས་སྒུག་པའི་གྲིབ་མས་རིང་ནས་རིང་དུ་འཐེན་འགྲོ

ཀེང་རུས་ལ་ལྟ་བའི་སེམས་པ་རབ་རིབ་ཀྱིས
ཁོ་མོ་མཛེས་སྡུག་གི་ཆ་ཤས་སུ་བཞེངས་ཏེ
ང་ཡི་དྲན་པ་ཉེར་བཞག་གི་དབུགས་དབྱུང་གཏོར་བར་བྱེད

ཐོབ་ཤོར་དང་ཞེན་ཆགས་མང་པོའི་གསེབ་ཏུ
ངས་རྔོན་པའི་མདའ་རྩེ་ཕོག་པའི་ཡུ་མོ་དེ་མཐོང་བྱུང
ལུས་དྲོད་ཀྱི་འཐམ་འཁྱུད་ལས་མཁའ་རུ་འཕགས་པའི་འདོད་ཧམ
མངོན་སུམ་གྱི་འཇིག་རྟེན་ན་འཁྱག་སིབ་སིབ  འཁྱག་སིབ་སིབ

སེམས་ཀྱི་སྒྲུབ་ཕུག་ན་ཁྱོད་ཉིད་སྒོམ་པའི་རྣལ་འབྱོར་པ
འཁོར་བའི་རྩེད་ཆས་ཀྱིས་མུན་པའི་རབ་ཁར་བསྙེགས་སོང
གཟུགས་ཅན་གཟུགས་མེད་ཀྱི་བྲང་ཁོག་ལེབ་མོ་ནས་མཆེད་པའི
ཉོན་མོངས་དང་རྣམ་རྟོག་གི་མེ་ལྕེའི་རྦ་རླབས་དྲག་ཏུ་འཕྱུར

ཁྱོད་རང་ཁྱོད་ཀྱི་ཚུལ་འཆོས་དང་བསླུ་བྲིད་ཇི་བཞིན
མེ་ལོང་གི་ཟབ་སར་སྦས་པ་ཡིད་དུ་འོང་ན་ཡང
རྨི་ལམ་གྱི་ལྷ་མོ་གཅེར་བུར་བུད་རྗེས
སྐ་རགས་ཀྱི་མདུད་པ་གྲོལ་ས་ནས་ཕྱིར་འཆིང་མཁན་མི་འདུག

                       2018. 3. 30
                     མིང་མེད།

མེ་ལོང་གི་ཆག་གྲུམ་ལས་མངོན་པའི་ཁྱོད་ཀྱི་ངོ་གདོང
རྨི་ལམ་གྱི་བར་དོར་འཚངས་པའི་བུ་མོ་དེ་ཚོ
མཚན་གུང་གི་སྐྲག་སྣང་དང་མི་རྟག་པའི་གདུག་རྩུབ
དུས་ཚོད་ཀྱི་སྲད་བུར་བརྒྱུས་པའི་དག་སྣང་གི་བསླུ་བྲིད
མཛའ་མོར་སྒུག་པའི་རྣམ་རྟོག་གི་སྐྱོ་སྣང་མཐའ་དག་ཞི་བར་གྱུར

རུལ་མྱགས་སུ་འགྲོ་བཞིན་པའི་ཞེ་སྡང་གི་ལག་པ་ཕྲ་མོ
ལྷ་སྒྲུང་གི་བྱུང་བ་ལྟ་བུའི་ཚེ་རབས་གཅིག་གི་ཟློས་གར
འདོད་ཡོན་གྱི་རྩད་པར་ཟུག་པའི་དགའ་སྡུག་གི་ཤོག་བྱ་ལེབ་མོ
བྱང་ཐང་གི་སྨུག་པ་བཞིན་ཤུལ་མེད་ཆགས་མེད་དུ་གྱུར་རྗེས
ཚེ་སྲོག་གི་གཏིང་མཐར་ཡན་པའི་ཆོ་ངེ་དང་སྨྲེ་སྔགས་ག་པར་ཡོད

ཇ་ཕོར་གྱི་ཁ་ལ་གཡོ་བའི་འཇིག་རྟེན་མི་རྟག་པ
བརྩེ་དུང་གི་མེ་འོབས་སུ་ལྷུང་བའི་གཞོན་ནུ་བུ་དང་བུ་མོ
སོ་སོར་གྱེས་དུས་ཀྱི་སྙིང་འཕར་དང་སྡུག་ངུ་ཕར་བསྐྱལ་རྗེས
ཀེང་རུས་ཀྱི་ཏིང་ངེ་འཛིན་འ་ཆད་འུ་ཐུག་ཏུ་གྱུར་པ་སུ་ཡིས་ཚོར

ཡིད་འོང་གི་སྟོན་པ་ཇ་ཁང་ཆང་ཁང་དུ་བཞེངས་ནས
དུར་ཁྲོད་དུ་ལུས་པའི་བང་སོ་ཆུ་ལ་བསྐུར་དུས
སྐྱེ་རྒ་ན་འཆི   དགེ་སྡིག་ལེགས་ཉེས
ངས་མཛའ་མོར་སྟོན་རྒྱུའི་ཞེ་འཁོན་དང་རེ་ལྟོས་ཀྱི་ཚ་གྲང་ག་པར་ཡོད།

                             2018. 4. 3

རྩོམ་སྒྲིག་པ། དབང་མོ།

(མཆོད་མེའི་པར་དབང་གཞན་གྱིས་དགོལ་མི་རུང)


རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

དར་རྩེ་མདོའི་མཛའ་གཞས།(ཞར་བཀོད་གསུམ་ཡོད)

2018-05-14 ཀླུ་པད་བཟང་།(དཀར་མཛེས) ཀློག་གྲངས། མཆན ཡོད།


མོ་ཊ་ལས་བབས་མ་ཐག
གོམ་གང་མདུན་སྤོས་ཀྱིས་ཕྱི་ལ་བལྟས་ཀྱང
སྐར་ཚོགས་ལྟ་བུའི་གློག་འོད  གློག་འོད་ཁྲ་ཆིལ་དགུ་ཆིལ
ད་ལྟ་ང་ཡི་མཐོང་ལམ་དུ་ཁྱོད་ཀྱི་རྒྱབ་གཟུགས་མི་འདུག

ཨར་ཁང་བརྩེགས་མ་དག་གིས
གདོད་མའི་ལུ་གུ་དཀར་དཀར་ཁྱུར་མིད་བཏང་བ་བཞིན
དངོས་ཟོག་ལྟ་བུའི་སེམས་པ  སེམས་པ་རབ་བེ་རིབ་བེ
ད་ལྟ་ང་ཡི་རྣ་ལམ་དུ《དར་མདོའི་མཛའ་གཞས》མི་འདུག

གང་ཞིག་ནས་རྒྱུ་འོངས་པའི་སྲོད་རླུང
བསྐལ་བ་ཡ་ཐོག་གི་སྤྲིན་པ་ལེབ་མོ་དག་འཚང་ཁ་ཤིག་ཤིག
གློ་སྙིང་ལྟ་བུའི་སྦྲ་ཆེན  སྦྲ་ཆེན་དར་ལྕོག་ལྷབ་ལྷུབ
ད་ལྟ་ང་ཡི་ཤིང་ཕོར་དུ་འོ་ཇའི་སྤྲིས་མ་མི་འདུག

ཁ་བ་ལྟར་ཞུ་སོང་བའི་རྟ་ཕོ
མི་ཚེ་ངལ་དུབ་ཀྱིས་ལོ་ངོ་ག་ཚོད་ལ་ལུས་དགོས་ཨང
སྡིག་སྒྲིབ་ལྟ་བུའི་གྲོང་ཁྱེར  གྲོང་ཁྱེར་དུ་བ་ལྷོག་ལྷོག
ད་ལྟ་ང་ཡི་མཚན་མོ་འདིར་མེ་ཏོག་གི་ཞལ་ཁ་མི་འདུག

ལ་དང་ལ་མོའི་ཕ་རོལ་གྱི་མི་ཉག་རྒྱལ་པོ
དང་ཐོག་འུ་གཉིས་འབྲལ་ཁར་བདག་ལ་མིག་ཆུ་མེད་པ་བདེན་ཡང
གཞུང་ལམ་ལྟ་བུའི་ལོ་ཟླ  ལོ་ཟླ་ཀྱ་གེ་ཀྱོག་གེ
ད་ལྟ་ང་ཡི་སྙིམ་པ་མིག་ཆུས་གང་འདུག
                    2017. 12. 18
                     
                    འུ་གཉིས་ཀྱི་བར་ན།

བདག་གིས་ཁྱོད་ཀྱི་ཚབ་བྱེད་ཐུབ་པའི་སྙན་ངག་ཅིག་བྲིས་ཏེ
དེ་ཉིད་འགྲོ་བ་རིགས་དྲུག་ལ་སྒྲོག་འདོན་བྱེད་མོས་ཡོད་ཀྱང
བདག་གིས་མི་སྐད་ལས་སྨྲ་ཤེས་པ་མི་འདུག
བདག་གི་སྤྱི་གཙུག་ན་བཞུགས་པའི་བླ་མས
ཁྱོད་ཀྱི་མཛེས་སྡུག་གི་ཆ་ཤས་རེ་རེ་ནས་བཤུར་ཅིང
ཁྱོད་ཉིད་ཀེང་རུས་ཆ་ཚང་ཞིག་ཏུ་བྱིན་གྱིས་བརླབས

རླུང་གི་རྒྱུ་བ་ལྟ་བུའི་བདེ་སྡུག་གི་ལྕི་ཡང
ཁྱོད་ཀྱི་མགྲིན་པར་འཁྱུད་དུས་དགེ་སྡིག་དཀར་ནག་གཉིས
ཚེ་རབས་འདི་དང་ཕྱི་མ་སྦྲེལ་བྱེད་ཀྱི
མཚན་ཐུན་གཅིག་གི་རྨི་ལམ་སྙིང་གི་ལྕགས་རིའི་ལྡེབས་སུ་འདར་ཙམ་བྱས
འུ་གཉིས་ཀྱི་བར་དུ་འཚངས་པའི་མི་ཕོ་དེ
འོད་དང་མུན་པའི་གྲིབ་མ་སྡེབ་ས་ནས་མངོན་ཡོང་དུས
ད་ནི་སྣང་བ་དག་པའི་གླུ་ཞིག་ལེན་སྙིང་འདུག་གམ

ཟླ་བདུན་པའི་ཐུགས་འཕྲད་འུ་གཉིས་ཀྱི་བར་དུ་བཅར་བ་ནས
འཆི་བ་ལ་བློ་སྦྱོང་བའི་ཏིང་ངེ་འཛིན
སྐྱེ་རྒ་ན་འཆིའི་ཆོས་ཉིད་བརྗེད་མདོག་གིས
སྲིད་པའི་གྲོང་དུ་སྨྲེང་བའི་གཞས་ཆུང་གཏོང་བ་སྙིང་རེ་རྗེ།

                            2018. 4. 26

                       སྣང་སྟོང་མིང་དུ་བྱས་པའི་སྙན་ངག

སེམས་པ་སྟོང་པས་མནན་དུས་འཁྱགས་པ་རྡོ་དང་འདྲ
ཏིང་འཛིན་གྱིས་མ་ཐེག་པར་ཡོད་པའི་དྲན་གདུང་གི་ལག་པ
ཚེ་གང་བོར་རེ་ལྟོས་ཀྱིས་སྒུག་པའི་གྲིབ་མས་རིང་ནས་རིང་དུ་འཐེན་འགྲོ

ཀེང་རུས་ལ་ལྟ་བའི་སེམས་པ་རབ་རིབ་ཀྱིས
ཁོ་མོ་མཛེས་སྡུག་གི་ཆ་ཤས་སུ་བཞེངས་ཏེ
ང་ཡི་དྲན་པ་ཉེར་བཞག་གི་དབུགས་དབྱུང་གཏོར་བར་བྱེད

ཐོབ་ཤོར་དང་ཞེན་ཆགས་མང་པོའི་གསེབ་ཏུ
ངས་རྔོན་པའི་མདའ་རྩེ་ཕོག་པའི་ཡུ་མོ་དེ་མཐོང་བྱུང
ལུས་དྲོད་ཀྱི་འཐམ་འཁྱུད་ལས་མཁའ་རུ་འཕགས་པའི་འདོད་ཧམ
མངོན་སུམ་གྱི་འཇིག་རྟེན་ན་འཁྱག་སིབ་སིབ  འཁྱག་སིབ་སིབ

སེམས་ཀྱི་སྒྲུབ་ཕུག་ན་ཁྱོད་ཉིད་སྒོམ་པའི་རྣལ་འབྱོར་པ
འཁོར་བའི་རྩེད་ཆས་ཀྱིས་མུན་པའི་རབ་ཁར་བསྙེགས་སོང
གཟུགས་ཅན་གཟུགས་མེད་ཀྱི་བྲང་ཁོག་ལེབ་མོ་ནས་མཆེད་པའི
ཉོན་མོངས་དང་རྣམ་རྟོག་གི་མེ་ལྕེའི་རྦ་རླབས་དྲག་ཏུ་འཕྱུར

ཁྱོད་རང་ཁྱོད་ཀྱི་ཚུལ་འཆོས་དང་བསླུ་བྲིད་ཇི་བཞིན
མེ་ལོང་གི་ཟབ་སར་སྦས་པ་ཡིད་དུ་འོང་ན་ཡང
རྨི་ལམ་གྱི་ལྷ་མོ་གཅེར་བུར་བུད་རྗེས
སྐ་རགས་ཀྱི་མདུད་པ་གྲོལ་ས་ནས་ཕྱིར་འཆིང་མཁན་མི་འདུག

                       2018. 3. 30
                     མིང་མེད།

མེ་ལོང་གི་ཆག་གྲུམ་ལས་མངོན་པའི་ཁྱོད་ཀྱི་ངོ་གདོང
རྨི་ལམ་གྱི་བར་དོར་འཚངས་པའི་བུ་མོ་དེ་ཚོ
མཚན་གུང་གི་སྐྲག་སྣང་དང་མི་རྟག་པའི་གདུག་རྩུབ
དུས་ཚོད་ཀྱི་སྲད་བུར་བརྒྱུས་པའི་དག་སྣང་གི་བསླུ་བྲིད
མཛའ་མོར་སྒུག་པའི་རྣམ་རྟོག་གི་སྐྱོ་སྣང་མཐའ་དག་ཞི་བར་གྱུར

རུལ་མྱགས་སུ་འགྲོ་བཞིན་པའི་ཞེ་སྡང་གི་ལག་པ་ཕྲ་མོ
ལྷ་སྒྲུང་གི་བྱུང་བ་ལྟ་བུའི་ཚེ་རབས་གཅིག་གི་ཟློས་གར
འདོད་ཡོན་གྱི་རྩད་པར་ཟུག་པའི་དགའ་སྡུག་གི་ཤོག་བྱ་ལེབ་མོ
བྱང་ཐང་གི་སྨུག་པ་བཞིན་ཤུལ་མེད་ཆགས་མེད་དུ་གྱུར་རྗེས
ཚེ་སྲོག་གི་གཏིང་མཐར་ཡན་པའི་ཆོ་ངེ་དང་སྨྲེ་སྔགས་ག་པར་ཡོད

ཇ་ཕོར་གྱི་ཁ་ལ་གཡོ་བའི་འཇིག་རྟེན་མི་རྟག་པ
བརྩེ་དུང་གི་མེ་འོབས་སུ་ལྷུང་བའི་གཞོན་ནུ་བུ་དང་བུ་མོ
སོ་སོར་གྱེས་དུས་ཀྱི་སྙིང་འཕར་དང་སྡུག་ངུ་ཕར་བསྐྱལ་རྗེས
ཀེང་རུས་ཀྱི་ཏིང་ངེ་འཛིན་འ་ཆད་འུ་ཐུག་ཏུ་གྱུར་པ་སུ་ཡིས་ཚོར

ཡིད་འོང་གི་སྟོན་པ་ཇ་ཁང་ཆང་ཁང་དུ་བཞེངས་ནས
དུར་ཁྲོད་དུ་ལུས་པའི་བང་སོ་ཆུ་ལ་བསྐུར་དུས
སྐྱེ་རྒ་ན་འཆི   དགེ་སྡིག་ལེགས་ཉེས
ངས་མཛའ་མོར་སྟོན་རྒྱུའི་ཞེ་འཁོན་དང་རེ་ལྟོས་ཀྱི་ཚ་གྲང་ག་པར་ཡོད།

                             2018. 4. 3

རྩོམ་སྒྲིག་པ། དབང་མོ།

(མཆོད་མེའི་པར་དབང་གཞན་གྱིས་དགོལ་མི་རུང)


རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།