ལ་གཞས་མཐུན་པ་དྲུག་སྐོར་ལས། འབྲལ་བའི་སྐོར།༤

༤༡ས་སྨད་ཕྱོགས་རྨ་ཆུའི་ཁ་ནས།།

ཆུ་རྨ་ཆུར་ཟམ་ཞིག་འཕངས་ཡོད།།

ངས་ཟམ་ཐོག་ལྕགས་ཀྱིས་ཤན་ཡོད།།

ལྕགས་ཐོག་འཛེར་མས་མནན་ཡོད།།

ཆུ་རྨ་ཆུ་དགུང་ལ་འཕྱུར་རུང་།།

ཁུར་འགྲོ་བའི་བསམ་པ་མེད་གི།

 

མར་བལྟས་ཀྱི་སྡེ་ཆེན་གྲོང་ནས།།

ངས་འདང་ཅན་རོགས་ཤིག་བཙལ་ཡོད།།

ཚིག་སྙན་མོ་མགོ་རྐང་བསྒྲིགས་ཡོད།།

འདང་ཞེ་བརྩེ་སེམས་ལ་ཟུང་ཡོད།།

གཏམ་མི་ཁ་གླིང་ལ་གྲགས་རུང་།།

འགལ་འགྲོ་བའི་བསམ་པ་མེད་གི།

 

༤༢མཚོ་སྔོན་པོ་ཁ་ཞེང་ཆེ་གི།

ཉ་གསེར་མིག་ཁ་གྲངས་མང་གི།

རྒྱ་ཁེ་བ་ཁ་བཤད་རྒོད་རུང་།།

ལྷ་གཤིན་རྗེ་ཁྲིམས་ཁ་བཙན་གི།

ཁ་མ་ཎི་ཐོན་དང་སྲལ་གི།

 

ས་སྡེ་ཆེན་ཁ་ཞེང་ཆེ་གི།།

ནང་ན་ཟླ་ཁ་གྲངས་མང་གི།

རོགས་འུ་གཉིས་ཁ་སེམས་མཐུན་རུང་།།

ཕྱི་སྲིད་སྡེ་མི་ཁ་བཙན་གི།

མནའ་དོན་ཆེན་སྐྱོལ་དང་སྲལ་གི།

 

༤༣ཁྱོས་ཡར་ལ་མ་བལྟ་མར་ལ་ལྟོས།།

མར་གྱི་བྱ་ཁྱུང་བྲག་ལ་ལྟོས།།

སེར་གྱི་ལེ་གསེར་ཏོག་སུམ་ཐོག་རེད།།

འདིའི་ཐོག་ཁང་བླ་མའི་གཟིམ་ཁང་རེད།།

འདིའི་འོག་ཁང་ཀུན་རིག་གསུངས་ས་རེད།།

ཡང་གསེར་ཏོག་སེར་བོའི་བྱ་འོག་ནས།།

རོགས་འུ་གཉིས་མཉམ་དུ་མནའ་ཞིག་བསྐྱལ།།

ངས་མནའ་འགོ་དབུས་གཙང་ཡུལ་ལ་འཇོག།

དབུས་ཁ་ཐག་རིང་གི་ཟེར་ན།།

ངས་མནའ་སྐེད་དཀར་བོ་ཆོས་ལ་འཇོག།

ཆོས་ཁ་གྲངས་མང་གི་ཟེར་ན།།

ངས་མནའ་སྨད་དྲིན་ཆེན་ཕ་མར་འཇོག།

ཡུལ་ཕ་མ་རྒས་ནས་འདས་རུང་།།

རོགས་འདང་ཆེན་མི་བརྗེད་མནའ་ཞིག་བསྐྱལ།།

 

༤༤མཐོ་ཡག་དགུང་སྔོན་གནམ་གྱི།།

འཆར་ཡག་འཛམ་གླིང་ཉི་མ།།

རྒས་ཡག་དྲིན་ཆེན་ཕ་མ།།

སྐྱེ་ཡག་འདང་ཅན་རོགས་ལོ།།

ཁྱོའི་བློ་རྟ་ཅང་ཤེས་གྲུག་དཀར།།

སྒའི་སྔ་རི་ཉི་མ་རང་ཤར།།

སྒའི་ཕྱི་རི་ཟླ་བ་རང་ཚེས།།

འོབ་ཆེན་ཉི་ཟླ་ཁ་སྤྲོད་རེད།།

རི་མཐོ་ས་ཞིག་ནས་བུད་དང་།།

འཛུམ་དམུལ་ལེ་སྔོན་ནས་ང་འབུད།།

འབུད་ཨེ་ཐུབ་མི་ཐུབ་འདོད་ན།།

ཤར་ཕྱོགས་སྤྲིན་པ་སེར་བོ།།

ནུབ་ཕྱོགས་ཨ་སྐྱོང་གནམ་སྲུང་།།

ས་འཛམ་བུ་གླིང་གི་ལྷ་རེད།།

རོགས་འུ་གཉིས་མཉམ་དུ་མནའ་བསྐྱལ།།

 

༤༥ཕྲེང་བ་བརྒྱ་ཡི་གྲས་ནས།།

རྗེ་སྐྱབས་མགོན་རྩ་བའི་བླ་མ།།

ཕྲེང་འདྲེན་གྲངས་གླེང་ཡོད་ཟེར་ན།།

དེང་ཕྱིན་ཆད་གཤོབ་ཏུ་ལོག་འགྲོ།།

ཆོས་འདོན་དུས་བརྒྱ་རེ་གླེང་ཡོད།།

མི་གླེང་གླེང་ཁ་བྱས་ན།།

ངའི་མགོ་ཐོག་ཉི་མ་སེར་བགོ།

གཅིག་ཤར་ནས་ཚང་ལ་བསྐྱལ་ནོ།།

 

ཁ་ཡ་ན་ཟླའི་གྲས་ནས།།

ལྷ་བྱམས་པ་འདྲ་བའི་རོགས་ལོ།།

ཚིགས་བཤད་གྲངས་གླེང་ཡོད་ཟེར་ན།།

དེང་ཕྱིན་ཆད་གཤོབ་ཏུ་ལོག་འགྲོ།

ས་རུབ་གྲངས་རེ་རེ་གླེང་ཡོད།།

མི་གླེང་གླེང་ཁ་བྱས་ན།།

ཆོས་ཡུམ་ཆེན་དུམ་པ་བཅུ་གཉིས།།

གཅིག་བཏོན་ནས་ཐོད་པ་གཏུག་ནོ།།

 

༤༦ང་འདོ་སེང་གྲོ་རྒྱ་གཡུ་ལོ།།

ངའི་གསེར་ཆེན་རྔོག་མའི་ནང་ལ།།

ལང་དར་ཚོན་སྲུང་ཞིག་བཏགས་ནོ།།

རྟ་རྟ་མང་གྲལ་ལ་སོང་རུང་།།

རྒྱེའུ་རྒྱ་མོར་རྔོག་རྩེ་བྱས་རུང་།།

སྲུང་དེ་ཚོ་མི་བོར་མནའ་བསྐྱལ།།

 

ང་མ་བཟང་བྱི་མོའི་རོགས་ལོ།།

ངའི་ཡ་ཆུང་གངས་དཀར་སེམས་ལ།།

དོན་དམ་པས་ཚིག་གསུམ་བཤད་ནོ།།

ས་སྡེ་ཆེན་བརྒྱུད་ནས་སོང་རུང་།།

ནང་ན་ཟླ་མང་པོར་ཐུག་རུང་།།

ཚིག་དེ་ཚོ་མི་བོར་མནའ་བསྐྱལ།།

 

༤༧ཆུ་རྨ་ཆུ་རླངས་པ་ཅན་པོ།།

བྱ་རྨ་བྱ་ཆགས་སའི་གནས་རེད།།

སྒྲོ་ལྗང་སྨུག་གསེར་ཐེལ་ཅན་པོ།།

གསེར་བུམ་པའི་ཁ་ཡི་རྒྱན་རེད།།

བྱ་རང་རང་ས་ལ་འཕུར་དུས།།

སྒྲོ་ལྗང་སྨུག་སེམས་ཀྱི་སྨྲེང་རེད།།

 

སྡེ་ཆེན་པོ་ཁ་ཞེང་ཅན་པོ།།

ནང་ན་ཟླ་འཚོགས་སའི་ཡུལ་རེད།།

ཚིག་སྙན་མོ་ལྷོད་ཤ་ཅན་པོ།།

ཞེ་སྣང་བ་མཐུན་པའི་གཞི་རེད།།

རོགས་རང་རང་ས་ལ་འགྲོ་དུས།།

ཚིག་སྙན་མོ་སེམས་ཀྱི་སྨྲེང་རེད།།

 

༤༨སྟོད་སྤྲིན་དཀར་སྤྲིན་དམར་བར་ནས།།

འོད་ཉི་ཐིག་ཙམ་ཞིག་བརྒྱབ་ནོ།།

ལོ་གསུམ་ལ་མུན་པ་འཐིབས་རུང་།།

དགུང་དྲོད་ཁོལ་ཡིད་ནས་མི་བརྗེད།།

 

ས་ཕྱི་སྡེ་རང་སྡེ་བར་ནས།།

ངས་ད་ཐེངས་རོགས་ཤིག་རྩེས་ནོ།།

ལོ་གསུམ་ལ་མི་ཁ་འཁོར་རུང་།།

རོགས་ཞེ་མཐུན་ཡིད་ནས་མི་བརྗེད།།

 

༤༩དམར་བོ་མེ་དང་ཉི་མ་གཉིས།།

དྲོད་ཆེ་བ་དམར་བོ་མེ་རེད།།

དགུང་ཉི་མར་གོ་གི་མ་འཇུག།

མེ་མེད་དུས་ཉི་མར་རེ་དགོས།།

 

ཞེ་མཐུན་རོགས་དང་བཟའ་བ་གཉིས།།

འདང་ཆེ་བ་ཆུང་འདྲིས་རོགས་རེད།།

ཁྱིམ་ཆུང་མར་གོ་གི་མ་འཇུག།

རོགས་མེད་དུས་ཆུང་མར་རེ་དགོས།།

 

༥༠དགུང་ཉི་མ་གསེར་ནག་འཁོར་ལོ་རེད།།

གསེར་འཁོར་ལོ་འཁོར་ནས་ནུབ་ནོ་རེད།།

ཞེ་སྡུག་ནོ་རི་ཆེན་གྲིབ་མ་རེད།།

རི་གྲིབ་མ་གོན་ནས་འདུག་ནོ་རེད།།

 

རོགས་ངེད་ཚོ་ཕྱོགས་ཡོང་མགྲོན་པོ་རེད།།

ཁ་ཚིག་གསུམ་བཤད་ནས་འགྲོ་ནོ་རེད།།

ཞེ་སྡུག་ནོ་ཁ་འཁྱམ་བྱི་མོ་རེད།།

ཞེ་སྡུག་རུང་ཡུལ་ནས་འདུག་ནོ་རེད།།

 

༥༡དམར་ཤུར་རེ་བྲག་རིའི་རྫ་ནས།།

ཁྲ་ཤུར་རེ་འབྲོང་ཕྲུག་སྙིང་རྗེ།།

འགངས་སྙིང་རྗེ་ཟེར་བ་མིན་མོད།།

ཁྱོའི་ནང་སྐོར་བྲག་རིའི་རྫོང་རེད།།

ཕྱིར་འཁོར་ནས་ཐེངས་གསུམ་ངུར་ན།།

ཞེ་བསམ་པས་འབྲོང་ཕྲུག་སྙིང་རྗེ།།

 

དལ་ཤོད་ལེ་སྡེ་ཆེན་གྲོང་གི།།

སྨུག་ཤོད་ལེ་རྩེ་རོགས་སྙིང་རྗེ།།

འགངས་སྙིང་རྗེ་ཟེར་བ་མིན་མོད།།

ཁྱོད་ནང་སྐོར་ཆུང་མའི་རྩིབ་རེད།།

ཕྱིར་འཁོར་ནས་ཚིག་གསུམ་བཤད་ན།།

ཞེ་བསམ་པས་རོགས་ལོ་སྙིང་རྗེ།།

 

༥༢རི་མཐོན་པོ་རྨ་རྒྱལ་སྦོམ་ར་རེད།།

མགོར་མི་བུད་ཟེར་བ་ཁོ་ཐག་རེད།།

ཡར་འགོས་རུང་རྩེ་མོ་ཇེ་མཐོ་རེད།།

སྤྲིན་ནག་པོ་རྔམས་ཁ་ཇེ་མཐུག་རེད།།

 

ཐག་རིང་ནོ་ཕྱི་སྡེ་རྩེད་ར་རེད།།

རོགས་མི་ཐུག་ཟེར་བ་ཁོ་ཐག་རེད།།

རོགས་རྩེ་བའི་ཁ་ཐག་ཇེ་རིང་རེད།།

རོགས་རྩེ་བའི་ཞེ་རྩ་ཇེ་གཉོམ་རེད།།

 

༥༣ས་སྤང་ཆེན་མཁར་སྒོ་གོང་མ་ན།།

ཤ་ཡུ་མོ་དུང་གི་རྭ་འཁུར་ཅན།།

ཤ་དུང་གི་ར་ལག་བརྩི་ཡག་བྱོས།།

ས་སྤང་ཆེན་ཁ་ཐག་ཇེ་རིང་རེད།།

ཤ་ཡུ་མོ་ནམ་ཐུག་ཆ་མེད་རེད།།

 

ས་སྡེ་ཆེན་དུང་རི་ཞོལ་མ་ནས།།

རོགས་ཆུང་ལོ་དུང་གི་སོ་སྒོ་ཅན།།

ཚིག་ནང་གཏམ་ཡོད་ན་བཤད་ཡག་བྱོས།།

རོགས་རྩེ་བའི་ཁ་ཐག་ཇེ་རིང་རེད།།

རོགས་འུ་ཚོ་ནམ་ཐུག་ཆ་མེད་རེད།།

 

༥༤གནམ་འབབ་ཁར་ལྷོ་ལ་མི་ལྟ།།

ལྷོ་ཆར་ཆུ་མོད་པ་བསམ་ན།།

སྨུག་དྭངས་མཐའ་མེད་པ་སྡུག་གི།

 

རོགས་འགྲོ་ཁར་བདེ་མོ་མི་ཟེར།།

ས་ཁ་ཐག་རིང་བ་བསམ་ན།།

རོགས་རིག་རྒྱུ་མེད་པ་སྡུག་གི།

 

རྩོམ་ཁུངས། མཚོ་སྔོན་མི་རིགས་དཔེ་སྐྲུན་ཁང་གིས་པར་དུ་བསྐྲུན་པའི

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ལ་གཞས་མཐུན་པ་དྲུག་སྐོར་ལས། འབྲལ་བའི་སྐོར།༤

2009-07-27 བོད་མི་དམངས། ཀློག་གྲངས། མཆན ཡོད།

༤༡ས་སྨད་ཕྱོགས་རྨ་ཆུའི་ཁ་ནས།།

ཆུ་རྨ་ཆུར་ཟམ་ཞིག་འཕངས་ཡོད།།

ངས་ཟམ་ཐོག་ལྕགས་ཀྱིས་ཤན་ཡོད།།

ལྕགས་ཐོག་འཛེར་མས་མནན་ཡོད།།

ཆུ་རྨ་ཆུ་དགུང་ལ་འཕྱུར་རུང་།།

ཁུར་འགྲོ་བའི་བསམ་པ་མེད་གི།

 

མར་བལྟས་ཀྱི་སྡེ་ཆེན་གྲོང་ནས།།

ངས་འདང་ཅན་རོགས་ཤིག་བཙལ་ཡོད།།

ཚིག་སྙན་མོ་མགོ་རྐང་བསྒྲིགས་ཡོད།།

འདང་ཞེ་བརྩེ་སེམས་ལ་ཟུང་ཡོད།།

གཏམ་མི་ཁ་གླིང་ལ་གྲགས་རུང་།།

འགལ་འགྲོ་བའི་བསམ་པ་མེད་གི།

 

༤༢མཚོ་སྔོན་པོ་ཁ་ཞེང་ཆེ་གི།

ཉ་གསེར་མིག་ཁ་གྲངས་མང་གི།

རྒྱ་ཁེ་བ་ཁ་བཤད་རྒོད་རུང་།།

ལྷ་གཤིན་རྗེ་ཁྲིམས་ཁ་བཙན་གི།

ཁ་མ་ཎི་ཐོན་དང་སྲལ་གི།

 

ས་སྡེ་ཆེན་ཁ་ཞེང་ཆེ་གི།།

ནང་ན་ཟླ་ཁ་གྲངས་མང་གི།

རོགས་འུ་གཉིས་ཁ་སེམས་མཐུན་རུང་།།

ཕྱི་སྲིད་སྡེ་མི་ཁ་བཙན་གི།

མནའ་དོན་ཆེན་སྐྱོལ་དང་སྲལ་གི།

 

༤༣ཁྱོས་ཡར་ལ་མ་བལྟ་མར་ལ་ལྟོས།།

མར་གྱི་བྱ་ཁྱུང་བྲག་ལ་ལྟོས།།

སེར་གྱི་ལེ་གསེར་ཏོག་སུམ་ཐོག་རེད།།

འདིའི་ཐོག་ཁང་བླ་མའི་གཟིམ་ཁང་རེད།།

འདིའི་འོག་ཁང་ཀུན་རིག་གསུངས་ས་རེད།།

ཡང་གསེར་ཏོག་སེར་བོའི་བྱ་འོག་ནས།།

རོགས་འུ་གཉིས་མཉམ་དུ་མནའ་ཞིག་བསྐྱལ།།

ངས་མནའ་འགོ་དབུས་གཙང་ཡུལ་ལ་འཇོག།

དབུས་ཁ་ཐག་རིང་གི་ཟེར་ན།།

ངས་མནའ་སྐེད་དཀར་བོ་ཆོས་ལ་འཇོག།

ཆོས་ཁ་གྲངས་མང་གི་ཟེར་ན།།

ངས་མནའ་སྨད་དྲིན་ཆེན་ཕ་མར་འཇོག།

ཡུལ་ཕ་མ་རྒས་ནས་འདས་རུང་།།

རོགས་འདང་ཆེན་མི་བརྗེད་མནའ་ཞིག་བསྐྱལ།།

 

༤༤མཐོ་ཡག་དགུང་སྔོན་གནམ་གྱི།།

འཆར་ཡག་འཛམ་གླིང་ཉི་མ།།

རྒས་ཡག་དྲིན་ཆེན་ཕ་མ།།

སྐྱེ་ཡག་འདང་ཅན་རོགས་ལོ།།

ཁྱོའི་བློ་རྟ་ཅང་ཤེས་གྲུག་དཀར།།

སྒའི་སྔ་རི་ཉི་མ་རང་ཤར།།

སྒའི་ཕྱི་རི་ཟླ་བ་རང་ཚེས།།

འོབ་ཆེན་ཉི་ཟླ་ཁ་སྤྲོད་རེད།།

རི་མཐོ་ས་ཞིག་ནས་བུད་དང་།།

འཛུམ་དམུལ་ལེ་སྔོན་ནས་ང་འབུད།།

འབུད་ཨེ་ཐུབ་མི་ཐུབ་འདོད་ན།།

ཤར་ཕྱོགས་སྤྲིན་པ་སེར་བོ།།

ནུབ་ཕྱོགས་ཨ་སྐྱོང་གནམ་སྲུང་།།

ས་འཛམ་བུ་གླིང་གི་ལྷ་རེད།།

རོགས་འུ་གཉིས་མཉམ་དུ་མནའ་བསྐྱལ།།

 

༤༥ཕྲེང་བ་བརྒྱ་ཡི་གྲས་ནས།།

རྗེ་སྐྱབས་མགོན་རྩ་བའི་བླ་མ།།

ཕྲེང་འདྲེན་གྲངས་གླེང་ཡོད་ཟེར་ན།།

དེང་ཕྱིན་ཆད་གཤོབ་ཏུ་ལོག་འགྲོ།།

ཆོས་འདོན་དུས་བརྒྱ་རེ་གླེང་ཡོད།།

མི་གླེང་གླེང་ཁ་བྱས་ན།།

ངའི་མགོ་ཐོག་ཉི་མ་སེར་བགོ།

གཅིག་ཤར་ནས་ཚང་ལ་བསྐྱལ་ནོ།།

 

ཁ་ཡ་ན་ཟླའི་གྲས་ནས།།

ལྷ་བྱམས་པ་འདྲ་བའི་རོགས་ལོ།།

ཚིགས་བཤད་གྲངས་གླེང་ཡོད་ཟེར་ན།།

དེང་ཕྱིན་ཆད་གཤོབ་ཏུ་ལོག་འགྲོ།

ས་རུབ་གྲངས་རེ་རེ་གླེང་ཡོད།།

མི་གླེང་གླེང་ཁ་བྱས་ན།།

ཆོས་ཡུམ་ཆེན་དུམ་པ་བཅུ་གཉིས།།

གཅིག་བཏོན་ནས་ཐོད་པ་གཏུག་ནོ།།

 

༤༦ང་འདོ་སེང་གྲོ་རྒྱ་གཡུ་ལོ།།

ངའི་གསེར་ཆེན་རྔོག་མའི་ནང་ལ།།

ལང་དར་ཚོན་སྲུང་ཞིག་བཏགས་ནོ།།

རྟ་རྟ་མང་གྲལ་ལ་སོང་རུང་།།

རྒྱེའུ་རྒྱ་མོར་རྔོག་རྩེ་བྱས་རུང་།།

སྲུང་དེ་ཚོ་མི་བོར་མནའ་བསྐྱལ།།

 

ང་མ་བཟང་བྱི་མོའི་རོགས་ལོ།།

ངའི་ཡ་ཆུང་གངས་དཀར་སེམས་ལ།།

དོན་དམ་པས་ཚིག་གསུམ་བཤད་ནོ།།

ས་སྡེ་ཆེན་བརྒྱུད་ནས་སོང་རུང་།།

ནང་ན་ཟླ་མང་པོར་ཐུག་རུང་།།

ཚིག་དེ་ཚོ་མི་བོར་མནའ་བསྐྱལ།།

 

༤༧ཆུ་རྨ་ཆུ་རླངས་པ་ཅན་པོ།།

བྱ་རྨ་བྱ་ཆགས་སའི་གནས་རེད།།

སྒྲོ་ལྗང་སྨུག་གསེར་ཐེལ་ཅན་པོ།།

གསེར་བུམ་པའི་ཁ་ཡི་རྒྱན་རེད།།

བྱ་རང་རང་ས་ལ་འཕུར་དུས།།

སྒྲོ་ལྗང་སྨུག་སེམས་ཀྱི་སྨྲེང་རེད།།

 

སྡེ་ཆེན་པོ་ཁ་ཞེང་ཅན་པོ།།

ནང་ན་ཟླ་འཚོགས་སའི་ཡུལ་རེད།།

ཚིག་སྙན་མོ་ལྷོད་ཤ་ཅན་པོ།།

ཞེ་སྣང་བ་མཐུན་པའི་གཞི་རེད།།

རོགས་རང་རང་ས་ལ་འགྲོ་དུས།།

ཚིག་སྙན་མོ་སེམས་ཀྱི་སྨྲེང་རེད།།

 

༤༨སྟོད་སྤྲིན་དཀར་སྤྲིན་དམར་བར་ནས།།

འོད་ཉི་ཐིག་ཙམ་ཞིག་བརྒྱབ་ནོ།།

ལོ་གསུམ་ལ་མུན་པ་འཐིབས་རུང་།།

དགུང་དྲོད་ཁོལ་ཡིད་ནས་མི་བརྗེད།།

 

ས་ཕྱི་སྡེ་རང་སྡེ་བར་ནས།།

ངས་ད་ཐེངས་རོགས་ཤིག་རྩེས་ནོ།།

ལོ་གསུམ་ལ་མི་ཁ་འཁོར་རུང་།།

རོགས་ཞེ་མཐུན་ཡིད་ནས་མི་བརྗེད།།

 

༤༩དམར་བོ་མེ་དང་ཉི་མ་གཉིས།།

དྲོད་ཆེ་བ་དམར་བོ་མེ་རེད།།

དགུང་ཉི་མར་གོ་གི་མ་འཇུག།

མེ་མེད་དུས་ཉི་མར་རེ་དགོས།།

 

ཞེ་མཐུན་རོགས་དང་བཟའ་བ་གཉིས།།

འདང་ཆེ་བ་ཆུང་འདྲིས་རོགས་རེད།།

ཁྱིམ་ཆུང་མར་གོ་གི་མ་འཇུག།

རོགས་མེད་དུས་ཆུང་མར་རེ་དགོས།།

 

༥༠དགུང་ཉི་མ་གསེར་ནག་འཁོར་ལོ་རེད།།

གསེར་འཁོར་ལོ་འཁོར་ནས་ནུབ་ནོ་རེད།།

ཞེ་སྡུག་ནོ་རི་ཆེན་གྲིབ་མ་རེད།།

རི་གྲིབ་མ་གོན་ནས་འདུག་ནོ་རེད།།

 

རོགས་ངེད་ཚོ་ཕྱོགས་ཡོང་མགྲོན་པོ་རེད།།

ཁ་ཚིག་གསུམ་བཤད་ནས་འགྲོ་ནོ་རེད།།

ཞེ་སྡུག་ནོ་ཁ་འཁྱམ་བྱི་མོ་རེད།།

ཞེ་སྡུག་རུང་ཡུལ་ནས་འདུག་ནོ་རེད།།

 

༥༡དམར་ཤུར་རེ་བྲག་རིའི་རྫ་ནས།།

ཁྲ་ཤུར་རེ་འབྲོང་ཕྲུག་སྙིང་རྗེ།།

འགངས་སྙིང་རྗེ་ཟེར་བ་མིན་མོད།།

ཁྱོའི་ནང་སྐོར་བྲག་རིའི་རྫོང་རེད།།

ཕྱིར་འཁོར་ནས་ཐེངས་གསུམ་ངུར་ན།།

ཞེ་བསམ་པས་འབྲོང་ཕྲུག་སྙིང་རྗེ།།

 

དལ་ཤོད་ལེ་སྡེ་ཆེན་གྲོང་གི།།

སྨུག་ཤོད་ལེ་རྩེ་རོགས་སྙིང་རྗེ།།

འགངས་སྙིང་རྗེ་ཟེར་བ་མིན་མོད།།

ཁྱོད་ནང་སྐོར་ཆུང་མའི་རྩིབ་རེད།།

ཕྱིར་འཁོར་ནས་ཚིག་གསུམ་བཤད་ན།།

ཞེ་བསམ་པས་རོགས་ལོ་སྙིང་རྗེ།།

 

༥༢རི་མཐོན་པོ་རྨ་རྒྱལ་སྦོམ་ར་རེད།།

མགོར་མི་བུད་ཟེར་བ་ཁོ་ཐག་རེད།།

ཡར་འགོས་རུང་རྩེ་མོ་ཇེ་མཐོ་རེད།།

སྤྲིན་ནག་པོ་རྔམས་ཁ་ཇེ་མཐུག་རེད།།

 

ཐག་རིང་ནོ་ཕྱི་སྡེ་རྩེད་ར་རེད།།

རོགས་མི་ཐུག་ཟེར་བ་ཁོ་ཐག་རེད།།

རོགས་རྩེ་བའི་ཁ་ཐག་ཇེ་རིང་རེད།།

རོགས་རྩེ་བའི་ཞེ་རྩ་ཇེ་གཉོམ་རེད།།

 

༥༣ས་སྤང་ཆེན་མཁར་སྒོ་གོང་མ་ན།།

ཤ་ཡུ་མོ་དུང་གི་རྭ་འཁུར་ཅན།།

ཤ་དུང་གི་ར་ལག་བརྩི་ཡག་བྱོས།།

ས་སྤང་ཆེན་ཁ་ཐག་ཇེ་རིང་རེད།།

ཤ་ཡུ་མོ་ནམ་ཐུག་ཆ་མེད་རེད།།

 

ས་སྡེ་ཆེན་དུང་རི་ཞོལ་མ་ནས།།

རོགས་ཆུང་ལོ་དུང་གི་སོ་སྒོ་ཅན།།

ཚིག་ནང་གཏམ་ཡོད་ན་བཤད་ཡག་བྱོས།།

རོགས་རྩེ་བའི་ཁ་ཐག་ཇེ་རིང་རེད།།

རོགས་འུ་ཚོ་ནམ་ཐུག་ཆ་མེད་རེད།།

 

༥༤གནམ་འབབ་ཁར་ལྷོ་ལ་མི་ལྟ།།

ལྷོ་ཆར་ཆུ་མོད་པ་བསམ་ན།།

སྨུག་དྭངས་མཐའ་མེད་པ་སྡུག་གི།

 

རོགས་འགྲོ་ཁར་བདེ་མོ་མི་ཟེར།།

ས་ཁ་ཐག་རིང་བ་བསམ་ན།།

རོགས་རིག་རྒྱུ་མེད་པ་སྡུག་གི།

 

རྩོམ་ཁུངས། མཚོ་སྔོན་མི་རིགས་དཔེ་སྐྲུན་ཁང་གིས་པར་དུ་བསྐྲུན་པའི

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།