སྔོ་མདངས་ཀྱི་ཁ་དོག་ལ་ཁྲག་མདོག་འཚེར་བའི་ནམ་མཁའ་ལས
ཉི་མ་སེར་བོ་དེས་ཀྱང་དམར་སྨུག་གི་ཁ་དོག་འཛིན
ཆུ་མིག་དེ་ཇི་ལྟར་དྭངས་ནའང
ཡུལ་གྱར་བས་དེ་ལས་རང་ཉིད་ཀྱི་ཞལ་རས་མ་མཐོང
གམ་དུ་བཞད་པའི་མེ་ཏོག་གི་དྲི་བསུང་ཡང་གཏན་ནས་སྣོམ་ཐབས་མ་བྱུང
ཁོའི་མིག་མདུན་གྱི་སྤང་ལྗོངས་ཆེན་པོ་དེ་བྱེ་ཐང་དུ་འགྱུར་གྱིན་འདུག
སྔར་གྱི་སྤང་རི་དང་ནགས་ཚལ་གྱི་ཚབ་ཏུ་བྱེ་ཕུང་མང་བོ་འགྱིང་ཡོད
འོན་ཀྱང  དེ་ལ་སུས་ཀྱང་སྣང་འཇོག་མི་བྱེད
ཡ་མཚར་བ་ཞིག་ལ  ཁོ་ཚོས་ད་དུང
བྱེ་ཕུང་དག་གསེར་དུ་འགྱུར་བར་རེ་སྒུག་གིས
རུལ་གྱིན་པའི་རང་གི་ལུས་སྟེང་དུ་ཤ་སྦྲང་གི་ཚོགས་ཀྱིས་གནས་ཚང་བཅའ་བའང་མ་ཚོར