ང་རང་ཁྱེད་ཀྱི་མི་ཚེའི་ཤོག་ལྷེ་ངོས་སུ་མེད་པར་གྱུར་ཚེ། སྙན་ངག

19154816750.jpg

ང་རང་ཁྱེད་ཀྱི་མི་ཚེའི་ཤོག་ལྷེ་ངོས་སུ་མེད་པར་གྱུར་ཚེ། གཞན་གཅིག                               


ནམ་ཞིག རྔུལ་ཆུའི་བརླན་པའི་ལག་མཐིལ་གྱི་རི་མོ་མཐའ་དག
སོ་སོ་འཐོར་ནས   
བྱིས་དུས་ཀྱི་རྨི་ལམ་ནང་གི་ཕོ་བྲང་དེ
ཁྱོད་རང་འགྲོ་སའི་ཆེས་མཐའ་མཇུག་གི་དག་ཞིང་དུ་གྱུར་དུས

སྤྲིན་དཀར་གྱི་ཨ་ལོང་བརྟོལ་བཞིན    
རི་བྲག་གི་ཐེམ་པ་བརྒལ་བཞིན
རྩྭ་ལྗང་གི་རླབས་ལྕེ་ལས་ཟགས་འོང་བ་ནི
ཁྲོ་རིལ་ལྟ་བུའི་རླུང་གི་འཕྲིན་ཡིག་དག་སྟེ
སིང་སིང་གྲག་པའི་དབྱངས་ཀྱི་ཁུགས་པ་རེ་རེའི་ནང་ལ
ཁྱོད་ཀྱི་སོང་ཚར་བའི་ལོ་ཟླའི་སྨྲེང་བ་བཅུག་ཡོད་ཨང

ག་ལེར་ཕེབས་དང བདག་གི་གཙང་བོ་ལགས
ལུས་ཀྱི་ཕྱི་ནང་ཀུན་ལ ཐུགས་རྗེའི་རབ་གནས་མཛད་དེ
རྐང་མཐིལ་ནས་ཀླད་གཙུག་བར་གྱི་བུ་ག་དག་ལའང
བྱང་སེམས་ཀྱི་དག་འཁྲུས་མཛད་ཤོག

ཐོག་མ་ཉིད་ནས ཁྱོད་ལ་བསྙེགས་ཀྱིན
ལུས་སེམས་འོ་ཆུ་བཞིན་འདྲེས་པའི་ང་ཡི་སྙིང་སྡུག་དེ་ལ
བརྗོད་འདོད་པ་མཐའ་དག་བརྗོད་ཟིན

ད་ནི་ཉི་མ་སེར་བོའི་དྲོད་ཀྱི་སྣང་བ་ལྷུམས་སུ་བསྡུས་ནས
ང་རང་འགྲོ་སའི་གནས་དེ་ལ་བསུ་མ་གནང་རོགས

མེ་ལྕེའི་ངོགས་སུ་བྲིས་པའི་རྣམ་ཤེས་ཀྱི་ལྕགས་རི
གྲལ་གྱི་སྲུང་མ་དང སྒོ་ཁྱི་ལྐོ་ཡན་ཆད
དོ་དམ་ལེགས་པོར་བྱས་ཏེ    
ད་ནི་ཁྱོད་ཀྱི་མཐའ་མཇུག་གི་འཕྲིན་ཡིག་དེ་ལ་སྒུག་ཡོད

ས་དང་ཆུ   མེ་དང་རླུང
ནམ་མཁའ་དང་བཅས་པ་ང་ཡི་བྲང་གཞོང་ལ་འཐིམ་དུས
སེམས་ཀྱི་དཀྱིལ་འཁོར་ལས་མངོན་ཡོང་བ
ཀེང་རུས་ཀྱི་ཚོགས་དང མི་མགོ་རློན་པ་ཁོ་ན་ཞིག་མ་ཡིན་པར
བྱང་སེམས་ཀྱི་འཛུམ་དཀར་གྲོལ་བའི
ལམ་དར་སྐུད་འདྲ་བོ་ཐག་རིང་ཐག་རིང་ཞིག་ལ་འཐེན་འདུག

བདེ་མོ་བྱོས ཐང་དཀར་རྒོད་པོ
ཤ་ཁྲག་གི་བྱེ་མ་རླུང་གིས་བགམས་དུས
ཡོམ་ཡོམ་འགུལ་བའི་ཚེ་སྲོག་གི་ལྗོན་རྩེར
ཕྱི་མིག་གི་ཆར་བ་ཤག་ཤག་འབབ་ནའང
ང་རང་ལམ་ལ་ཆས་ཟིན

བདེ་མོ་བྱོས སྙིང་ཉེ་བའི་མི
སྐྱོ་ལ་སྡུག་པའི་མི་ཚེའི་ལ་མོ་བརྒལ་དུས
འདས་དུས་ཀྱི་བྱུང་བ་མཐའ་དག
མགོ་ཐོག་ལ་གནམ་ལྕགས་བཞིན་འཁྱུག་ཡོང་ནའང
ང་རང་ལམ་ལ་ཆས་ཟིན།


 19154648156.jpg


      བྱིས་པའི་དུས་ཆེན་ལ་ཕུལ་བ།
               

ཟླ་དྲུག་པའི་འཇམ་མཉེན་གྱི་ཕྱག་ཟུང་གིས
ངེད་གཉིས་ཀྱི་རྨི་ལམ་གྱི་གཡེར་ཁ་འཁྲོལ
བདག་ཡིད་ཀྱི་སྒོ་མོ་ཕྱེ་བ་དེ་བཞིན  
ཁྱེད་སེམས་ཀྱི་སྒེའུ་ཁུང་ཡངས་པོར་ཕྱེས
 
སྙིང་ཁར་འཐེན་པའི་རྐང་ལམ་གྱི་ཡལ་གའི་སྒང་ལ
སྦྲང་མ་རེ་གཉིས་ཀྱིས་ཕབ་རྩི་བྱུག
ཆར་ཟིལ་གྱིས་བརླན་པའི་ཞོགས་པ་འདིས
ཁྱོད་ཀྱི་སོང་ཚར་བའི་ལོ་ཟླ་ཡོད་ཅོག
གཉེར་རིས་ཀྱི་ཀློང་ལ་རི་མོར་རྐོ་ཀིན་འདུག
 
བཞུར་བཞིན་པའི་སེམས་པ་འདི  
ཁྱོད་ངེས་པར་བརྒལ་དགོས་པའི་གཙང་བོ་དེ་ཡིན་ན
ཁྱོད་ཀྱིས་ལྷམ་སྒྲོག་བཀྲོལ་ཏེ་གྲ་སྒྲིག་གྱིས་དང
ཆུ་ཞབས་ཀྱི་རྡོ་བ་འཇམ་པོ་དེས
ངས་ཁྱོད་ལ་རབ་ཁ་བརྒལ་དང་ཆོག་པའི
ལམ་བུ་ཞིག་བཟོས་ནས་ཡོད
 
ཁྱོད་ཀྱི་ལག་པ ནམ་ཞིག་པིར་སྨྱུག་ཅིག་ཏུ་གྱུར་ཏེ
ལོ་འདབས་ཚང་ཚིང་གི་རང་ཉིད་འབྲི་དུས
རི་མོའི་སྟེང་གི་ནག་ནོག་གི་དྲི་མ་དང
ལྗོན་པའི་འདབ་ལོ་གཅོད་པའི་སྟ་རེ་དང་སྟེའུ
རེ་རེ་བཞིན་མདངས་འཚེར་བའི་ཁ་དོག་རེ་རེས་བྲི་དགོས
 
དེ་ལྟར ཐག་རིང་གི་ག་དུས་ཤིག་ལ   
ཁྱོད་གཅིག་པུས་རི་མོ་བྲི་དུས
ད་ལྟའི་རང་བྱུང་གི་སྣང་བ་འདི་དག
ཤ་ཁྲག་གི་རི་མོར་བཀོད་ནས
ལོ་ན་ལས་ཟབ་པའི་རང་ཉིད་ཀྱི་སྙིང་ཁ་ལ
མི་མགོ་ཡི་ཕྲེང་བ་ཞིག་བྲི་དགོས་ཤིང
མཆུ་མའི་རྒྱུན་གྱིས་དེད་པའི་གྲུ་ཤན་དེའི་མགོ་ལ
ང་ཡི་རྣམ་ཤེས་ཀྱི་དར་ཆ་མཐོན་པོར་བསྒྲེངས་དགོས།

                            2011.6.1 ནམ་གུང་ལ།
                            2016.6.1ཉིན་བཅོས།

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ང་རང་ཁྱེད་ཀྱི་མི་ཚེའི་ཤོག་ལྷེ་ངོས་སུ་མེད་པར་གྱུར་ཚེ། སྙན་ངག

2017-03-02 རེ་རྐང་གླིང་། ཀློག་གྲངས། མཆན ཡོད།

19154816750.jpg

ང་རང་ཁྱེད་ཀྱི་མི་ཚེའི་ཤོག་ལྷེ་ངོས་སུ་མེད་པར་གྱུར་ཚེ། གཞན་གཅིག                               


ནམ་ཞིག རྔུལ་ཆུའི་བརླན་པའི་ལག་མཐིལ་གྱི་རི་མོ་མཐའ་དག
སོ་སོ་འཐོར་ནས   
བྱིས་དུས་ཀྱི་རྨི་ལམ་ནང་གི་ཕོ་བྲང་དེ
ཁྱོད་རང་འགྲོ་སའི་ཆེས་མཐའ་མཇུག་གི་དག་ཞིང་དུ་གྱུར་དུས

སྤྲིན་དཀར་གྱི་ཨ་ལོང་བརྟོལ་བཞིན    
རི་བྲག་གི་ཐེམ་པ་བརྒལ་བཞིན
རྩྭ་ལྗང་གི་རླབས་ལྕེ་ལས་ཟགས་འོང་བ་ནི
ཁྲོ་རིལ་ལྟ་བུའི་རླུང་གི་འཕྲིན་ཡིག་དག་སྟེ
སིང་སིང་གྲག་པའི་དབྱངས་ཀྱི་ཁུགས་པ་རེ་རེའི་ནང་ལ
ཁྱོད་ཀྱི་སོང་ཚར་བའི་ལོ་ཟླའི་སྨྲེང་བ་བཅུག་ཡོད་ཨང

ག་ལེར་ཕེབས་དང བདག་གི་གཙང་བོ་ལགས
ལུས་ཀྱི་ཕྱི་ནང་ཀུན་ལ ཐུགས་རྗེའི་རབ་གནས་མཛད་དེ
རྐང་མཐིལ་ནས་ཀླད་གཙུག་བར་གྱི་བུ་ག་དག་ལའང
བྱང་སེམས་ཀྱི་དག་འཁྲུས་མཛད་ཤོག

ཐོག་མ་ཉིད་ནས ཁྱོད་ལ་བསྙེགས་ཀྱིན
ལུས་སེམས་འོ་ཆུ་བཞིན་འདྲེས་པའི་ང་ཡི་སྙིང་སྡུག་དེ་ལ
བརྗོད་འདོད་པ་མཐའ་དག་བརྗོད་ཟིན

ད་ནི་ཉི་མ་སེར་བོའི་དྲོད་ཀྱི་སྣང་བ་ལྷུམས་སུ་བསྡུས་ནས
ང་རང་འགྲོ་སའི་གནས་དེ་ལ་བསུ་མ་གནང་རོགས

མེ་ལྕེའི་ངོགས་སུ་བྲིས་པའི་རྣམ་ཤེས་ཀྱི་ལྕགས་རི
གྲལ་གྱི་སྲུང་མ་དང སྒོ་ཁྱི་ལྐོ་ཡན་ཆད
དོ་དམ་ལེགས་པོར་བྱས་ཏེ    
ད་ནི་ཁྱོད་ཀྱི་མཐའ་མཇུག་གི་འཕྲིན་ཡིག་དེ་ལ་སྒུག་ཡོད

ས་དང་ཆུ   མེ་དང་རླུང
ནམ་མཁའ་དང་བཅས་པ་ང་ཡི་བྲང་གཞོང་ལ་འཐིམ་དུས
སེམས་ཀྱི་དཀྱིལ་འཁོར་ལས་མངོན་ཡོང་བ
ཀེང་རུས་ཀྱི་ཚོགས་དང མི་མགོ་རློན་པ་ཁོ་ན་ཞིག་མ་ཡིན་པར
བྱང་སེམས་ཀྱི་འཛུམ་དཀར་གྲོལ་བའི
ལམ་དར་སྐུད་འདྲ་བོ་ཐག་རིང་ཐག་རིང་ཞིག་ལ་འཐེན་འདུག

བདེ་མོ་བྱོས ཐང་དཀར་རྒོད་པོ
ཤ་ཁྲག་གི་བྱེ་མ་རླུང་གིས་བགམས་དུས
ཡོམ་ཡོམ་འགུལ་བའི་ཚེ་སྲོག་གི་ལྗོན་རྩེར
ཕྱི་མིག་གི་ཆར་བ་ཤག་ཤག་འབབ་ནའང
ང་རང་ལམ་ལ་ཆས་ཟིན

བདེ་མོ་བྱོས སྙིང་ཉེ་བའི་མི
སྐྱོ་ལ་སྡུག་པའི་མི་ཚེའི་ལ་མོ་བརྒལ་དུས
འདས་དུས་ཀྱི་བྱུང་བ་མཐའ་དག
མགོ་ཐོག་ལ་གནམ་ལྕགས་བཞིན་འཁྱུག་ཡོང་ནའང
ང་རང་ལམ་ལ་ཆས་ཟིན།


 19154648156.jpg


      བྱིས་པའི་དུས་ཆེན་ལ་ཕུལ་བ།
               

ཟླ་དྲུག་པའི་འཇམ་མཉེན་གྱི་ཕྱག་ཟུང་གིས
ངེད་གཉིས་ཀྱི་རྨི་ལམ་གྱི་གཡེར་ཁ་འཁྲོལ
བདག་ཡིད་ཀྱི་སྒོ་མོ་ཕྱེ་བ་དེ་བཞིན  
ཁྱེད་སེམས་ཀྱི་སྒེའུ་ཁུང་ཡངས་པོར་ཕྱེས
 
སྙིང་ཁར་འཐེན་པའི་རྐང་ལམ་གྱི་ཡལ་གའི་སྒང་ལ
སྦྲང་མ་རེ་གཉིས་ཀྱིས་ཕབ་རྩི་བྱུག
ཆར་ཟིལ་གྱིས་བརླན་པའི་ཞོགས་པ་འདིས
ཁྱོད་ཀྱི་སོང་ཚར་བའི་ལོ་ཟླ་ཡོད་ཅོག
གཉེར་རིས་ཀྱི་ཀློང་ལ་རི་མོར་རྐོ་ཀིན་འདུག
 
བཞུར་བཞིན་པའི་སེམས་པ་འདི  
ཁྱོད་ངེས་པར་བརྒལ་དགོས་པའི་གཙང་བོ་དེ་ཡིན་ན
ཁྱོད་ཀྱིས་ལྷམ་སྒྲོག་བཀྲོལ་ཏེ་གྲ་སྒྲིག་གྱིས་དང
ཆུ་ཞབས་ཀྱི་རྡོ་བ་འཇམ་པོ་དེས
ངས་ཁྱོད་ལ་རབ་ཁ་བརྒལ་དང་ཆོག་པའི
ལམ་བུ་ཞིག་བཟོས་ནས་ཡོད
 
ཁྱོད་ཀྱི་ལག་པ ནམ་ཞིག་པིར་སྨྱུག་ཅིག་ཏུ་གྱུར་ཏེ
ལོ་འདབས་ཚང་ཚིང་གི་རང་ཉིད་འབྲི་དུས
རི་མོའི་སྟེང་གི་ནག་ནོག་གི་དྲི་མ་དང
ལྗོན་པའི་འདབ་ལོ་གཅོད་པའི་སྟ་རེ་དང་སྟེའུ
རེ་རེ་བཞིན་མདངས་འཚེར་བའི་ཁ་དོག་རེ་རེས་བྲི་དགོས
 
དེ་ལྟར ཐག་རིང་གི་ག་དུས་ཤིག་ལ   
ཁྱོད་གཅིག་པུས་རི་མོ་བྲི་དུས
ད་ལྟའི་རང་བྱུང་གི་སྣང་བ་འདི་དག
ཤ་ཁྲག་གི་རི་མོར་བཀོད་ནས
ལོ་ན་ལས་ཟབ་པའི་རང་ཉིད་ཀྱི་སྙིང་ཁ་ལ
མི་མགོ་ཡི་ཕྲེང་བ་ཞིག་བྲི་དགོས་ཤིང
མཆུ་མའི་རྒྱུན་གྱིས་དེད་པའི་གྲུ་ཤན་དེའི་མགོ་ལ
ང་ཡི་རྣམ་ཤེས་ཀྱི་དར་ཆ་མཐོན་པོར་བསྒྲེངས་དགོས།

                            2011.6.1 ནམ་གུང་ལ།
                            2016.6.1ཉིན་བཅོས།

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།