བཤེར་འཚོལ།
གདུང་མཆོད་མུ་ཏིག་ཆུན་པོ།
—— སྙན་ངག་མཁན་གཅན་མེ་སྟག་ཚེ་ལས་འདས་པར་བྲིས་པ།
འཇིག་རྟེན་ལན་གཅིག་འབྱོར་བ་ཀུན།།
ནམ་ཞིག་སླར་ཡང་བཞུད་དགོས་པ།།
སྒྱུ་ལུས་གཡར་བོའི་གནས་ཚང་དུ།།
མཐོང་ནས་གཤེགས་པ་འགའ་མ་མཆིས།།
འཁོར་ལོས་བསྒྱུར་དང་མུ་ཏོ་བ།།
ཚེ་འཕོས་གྱུར་ལ་ཁྱད་མེད་ན།།
གཅིག་ཙམ་གཅིག་ཉིད་འགྲོ་འོང་གི།།
མྱུར་བུལ་ཙམ་ལས་གཞན་དུ་ཅི།།
གཉེན་དང་སྙན་གྲགས་གནས་ཁང་དང་།།
རྙེད་གོས་གྱ་དངོས་བདོག་པ་ཀུན།།
གྲོང་ཁྱེར་ཆེ་ལ་གཡུལ་འཁྲུགས་ལྟར།།
འཛིན་དུ་མ་མཆིས་འཇོག་ཏུ་མེད།།
དེ་ལྟ་ན་འང་ཁྱོད་ཉིད་ནི།།
སྙན་ངག་སྨྲ་བའི་རྣལ་འབྱོར་ཆེ།།
སྣང་བ་སྒྱུ་མར་འཛིན་ནུས་ཞིང་།།
སྟོང་བ་རྟེན་འབྲེལ་ངོ་ཡང་འཕྲོད།།
ཤེར་ཕྱིན་མན་ངག་བརྟེན་མིན་ཡང་།།
སྡུག་བསྔལ་ཞི་བའི་གདམས་པ་ལས།།
ཚེ་འདིའི་རྣམ་ཤེས་གཅོད་པ་དང་།།
རྣམ་རྟོག་མགོ་སྙོམས་གཅོད་པ་བ།།
ཆོས་ཀུན་ཆོས་གཅིག་སྟེང་དུ་ཕབ།།
ཆོས་ཀུན་གྱིས་ནི་ཆོས་གཅིག་འཆད།།
ཆོས་ཀུན་སོ་སོའི་རྒྱུད་དང་སྦྱར།།
ཆོས་ཀུན་རང་གི་ལམ་དུ་བསྒྱུར།།
ཁྱོད་ཀྱི་སྨྲ་རྣམས་སྙན་པའི་ངག།
མང་དག་འཛིན་པར་བྱེད་པ་བས།།
ཡུལ་དང་ཡུལ་ཅན་གཉིས་སྣང་ནུབ།།
ལྟ་སྤྱོད་དེ་ལ་བདག་རྗེས་ཆགས།།
གཞན་ཟེར་རྗེས་ཟློས་མི་མཛད་པར།།
རང་གཤིས་གསེར་ལ་དཔྱད་པ་དེས།།
ཁ་བཤད་རྟོག་གེ་སྐམ་པོ་དག།
བར་སྣང་རླུང་ལ་གྲོགས་སུ་སྤུར།།
སྐྱོན་ཡོན་དགག་སྒྲུབ་ཅི་མེད་པར།།
གཉིས་འཛིན་བློ་ལས་རང་གྲོལ་བསྒོམས།།
དགག་སྒྲུབ་མེད་པར་མ་བཅོས་པ།།
རང་གི་ངག་གི་ཡེ་ཤེས་བརྡོལ།།
ཡིད་ཀྱི་འཇུག་པ་གཙང་ཞིང་གྲིམས།།
རྣམ་དཔྱོད་སྟོབས་སུ་ལེགས་གྱུར་བས།།
ངོ་འཛིན་རྒྱུ་བརྔན་རྗེས་མ་འབྲང་།།
ཁེར་རྐྱང་སེམས་དཔའི་ཚུལ་དུ་གཤེགས།།
ད་ལྟའི་ལམ་འདི་ཁྱོད་ཀྱིས་ནི།།
སྔ་མོ་ཉིད་ནས་ཤེས་ན་ཡང་།།
ཕ་ཁྱིམ་ནང་ལ་བུ་འགྲོ་བཞིན།།
ཐོགས་པ་མེད་ལ་སྐྱེངས་པ་མེད།།
ལས་འབྲས་ཐམས་ཅད་ཁྱད་དུ་གསོད།།
ཕྱི་ཁ་ནང་འདྲེན་ཕ་ཆོས་བཙོངས།།
རང་སྣང་གང་དྲན་རང་དོན་གཉེར།།
ཉོན་མོངས་སྨུག་ལོང་འཚུབ་པའི་དུས།།
ཀུན་གྱིས་མི་འདོད་དཀའ་བའི་ལས།།
ཁྱོད་ཀྱིས་བགྱི་ལ་ཕན་པ་ཅི།།
འོན་ཏེ་ལྔ་བདོའི་ལྔ་བདོ་འདིར།།
དེ་ལས་སྙིང་སྟོབས་ཆེ་བ་གང་།།
དེས་ན་ཁྱོད་ཕྱིར་བདག་ཅག་ཀྱང་།།
དེ་བཞིན་བགྱི་འོས་དེ་སྐྱོང་བྱ།།
དེ་ལས་གཞན་གང་ཅི་བྱ་སྟེ།།
དེ་ལ་འདི་ཕྱིའི་ལེགས་ཚོགས་འདོད།།
མདོར་ན་ཁྱོད་ཀྱི་གྲིབ་མ་ཙམ།།
ད་ནས་མེད་ན་གཞན་ཅི་སྨོས།།
དེའི་ཕྱིར་རྣམ་དཀར་དགེ་སྨོན་གྱིས།།
ཐར་བའི་ལམ་མཁན་བྱེད་པར་ཤོག།
འགའ་ཞིག་ཁྱོད་ཀྱི་གདུང་མཆོད་འདིས།།
རང་ཉིད་བསྒྲགས་པའི་བློ་ཇུས་བཤམས།།
བདག་འཛིན་འགོང་བོའི་མགོ་སྙོམས་འདི།།
ཁྱོད་ལ་དུངས་ཞེན་འཛིན་ཚུལ་ལོ།།
འདི་ནས་བྱང་ཆུབ་མ་ཐོབ་བར།།
སྤྱན་རས་གཟིགས་དབང་རྗེས་བཟུང་ནས།།
དབྱངས་གསལ་སོ་བཞིའི་སྲོག་འཛིན་པར།།
གངས་རིའི་བུ་རུ་སླར་སྐྱེས་ཤོག།
དེ་སྐད་མདོ་ཁམས་རྒྱལ་རོང་ནས།།
སྙན་ངག་སྨྲ་ལ་ཡིད་ཕྱོགས་པའི།།
རྫས་ཚ་ཆོས་འཕེལ་འབོད་པ་དེས།།
ཡིད་གདུང་ཆེན་པོས་བྲིས་པ་དགེ།།
ཨོཾ་མ་ཎི་པདྨེ་ཧཱུྃ༔
ཨོཾ་མ་ཎི་པདྨེ་ཧཱུྃ༔
ཨོཾ་མ་ཎི་པདྨེ་ཧཱུྃ༔
2022/9/21/ཉིན་འཐོར་རླུང་གིས་བྲིས།
རྩོམ་སྒྲིག་པ། དབང་མོ།
འཇིག་རྟེན་ལན་གཅིག་འབྱོར་བ་ཀུན།།
ནམ་ཞིག་སླར་ཡང་བཞུད་དགོས་པ།།
སྒྱུ་ལུས་གཡར་བོའི་གནས་ཚང་དུ།།
མཐོང་ནས་གཤེགས་པ་འགའ་མ་མཆིས།།
འཁོར་ལོས་བསྒྱུར་དང་མུ་ཏོ་བ།།
ཚེ་འཕོས་གྱུར་ལ་ཁྱད་མེད་ན།།
གཅིག་ཙམ་གཅིག་ཉིད་འགྲོ་འོང་གི།།
མྱུར་བུལ་ཙམ་ལས་གཞན་དུ་ཅི།།
གཉེན་དང་སྙན་གྲགས་གནས་ཁང་དང་།།
རྙེད་གོས་གྱ་དངོས་བདོག་པ་ཀུན།།
གྲོང་ཁྱེར་ཆེ་ལ་གཡུལ་འཁྲུགས་ལྟར།།
འཛིན་དུ་མ་མཆིས་འཇོག་ཏུ་མེད།།
དེ་ལྟ་ན་འང་ཁྱོད་ཉིད་ནི།།
སྙན་ངག་སྨྲ་བའི་རྣལ་འབྱོར་ཆེ།།
སྣང་བ་སྒྱུ་མར་འཛིན་ནུས་ཞིང་།།
སྟོང་བ་རྟེན་འབྲེལ་ངོ་ཡང་འཕྲོད།།
ཤེར་ཕྱིན་མན་ངག་བརྟེན་མིན་ཡང་།།
སྡུག་བསྔལ་ཞི་བའི་གདམས་པ་ལས།།
ཚེ་འདིའི་རྣམ་ཤེས་གཅོད་པ་དང་།།
རྣམ་རྟོག་མགོ་སྙོམས་གཅོད་པ་བ།།
ཆོས་ཀུན་ཆོས་གཅིག་སྟེང་དུ་ཕབ།།
ཆོས་ཀུན་གྱིས་ནི་ཆོས་གཅིག་འཆད།།
ཆོས་ཀུན་སོ་སོའི་རྒྱུད་དང་སྦྱར།།
ཆོས་ཀུན་རང་གི་ལམ་དུ་བསྒྱུར།།
ཁྱོད་ཀྱི་སྨྲ་རྣམས་སྙན་པའི་ངག།
མང་དག་འཛིན་པར་བྱེད་པ་བས།།
ཡུལ་དང་ཡུལ་ཅན་གཉིས་སྣང་ནུབ།།
ལྟ་སྤྱོད་དེ་ལ་བདག་རྗེས་ཆགས།།
གཞན་ཟེར་རྗེས་ཟློས་མི་མཛད་པར།།
རང་གཤིས་གསེར་ལ་དཔྱད་པ་དེས།།
ཁ་བཤད་རྟོག་གེ་སྐམ་པོ་དག།
བར་སྣང་རླུང་ལ་གྲོགས་སུ་སྤུར།།
སྐྱོན་ཡོན་དགག་སྒྲུབ་ཅི་མེད་པར།།
གཉིས་འཛིན་བློ་ལས་རང་གྲོལ་བསྒོམས།།
དགག་སྒྲུབ་མེད་པར་མ་བཅོས་པ།།
རང་གི་ངག་གི་ཡེ་ཤེས་བརྡོལ།།
ཡིད་ཀྱི་འཇུག་པ་གཙང་ཞིང་གྲིམས།།
རྣམ་དཔྱོད་སྟོབས་སུ་ལེགས་གྱུར་བས།།
ངོ་འཛིན་རྒྱུ་བརྔན་རྗེས་མ་འབྲང་།།
ཁེར་རྐྱང་སེམས་དཔའི་ཚུལ་དུ་གཤེགས།།
ད་ལྟའི་ལམ་འདི་ཁྱོད་ཀྱིས་ནི།།
སྔ་མོ་ཉིད་ནས་ཤེས་ན་ཡང་།།
ཕ་ཁྱིམ་ནང་ལ་བུ་འགྲོ་བཞིན།།
ཐོགས་པ་མེད་ལ་སྐྱེངས་པ་མེད།།
ལས་འབྲས་ཐམས་ཅད་ཁྱད་དུ་གསོད།།
ཕྱི་ཁ་ནང་འདྲེན་ཕ་ཆོས་བཙོངས།།
རང་སྣང་གང་དྲན་རང་དོན་གཉེར།།
ཉོན་མོངས་སྨུག་ལོང་འཚུབ་པའི་དུས།།
ཀུན་གྱིས་མི་འདོད་དཀའ་བའི་ལས།།
ཁྱོད་ཀྱིས་བགྱི་ལ་ཕན་པ་ཅི།།
འོན་ཏེ་ལྔ་བདོའི་ལྔ་བདོ་འདིར།།
དེ་ལས་སྙིང་སྟོབས་ཆེ་བ་གང་།།
དེས་ན་ཁྱོད་ཕྱིར་བདག་ཅག་ཀྱང་།།
དེ་བཞིན་བགྱི་འོས་དེ་སྐྱོང་བྱ།།
དེ་ལས་གཞན་གང་ཅི་བྱ་སྟེ།།
དེ་ལ་འདི་ཕྱིའི་ལེགས་ཚོགས་འདོད།།
མདོར་ན་ཁྱོད་ཀྱི་གྲིབ་མ་ཙམ།།
ད་ནས་མེད་ན་གཞན་ཅི་སྨོས།།
དེའི་ཕྱིར་རྣམ་དཀར་དགེ་སྨོན་གྱིས།།
ཐར་བའི་ལམ་མཁན་བྱེད་པར་ཤོག།
འགའ་ཞིག་ཁྱོད་ཀྱི་གདུང་མཆོད་འདིས།།
རང་ཉིད་བསྒྲགས་པའི་བློ་ཇུས་བཤམས།།
བདག་འཛིན་འགོང་བོའི་མགོ་སྙོམས་འདི།།
ཁྱོད་ལ་དུངས་ཞེན་འཛིན་ཚུལ་ལོ།།
འདི་ནས་བྱང་ཆུབ་མ་ཐོབ་བར།།
སྤྱན་རས་གཟིགས་དབང་རྗེས་བཟུང་ནས།།
དབྱངས་གསལ་སོ་བཞིའི་སྲོག་འཛིན་པར།།
གངས་རིའི་བུ་རུ་སླར་སྐྱེས་ཤོག།
དེ་སྐད་མདོ་ཁམས་རྒྱལ་རོང་ནས།།
སྙན་ངག་སྨྲ་ལ་ཡིད་ཕྱོགས་པའི།།
རྫས་ཚ་ཆོས་འཕེལ་འབོད་པ་དེས།།
ཡིད་གདུང་ཆེན་པོས་བྲིས་པ་དགེ།།
ཨོཾ་མ་ཎི་པདྨེ་ཧཱུྃ༔
ཨོཾ་མ་ཎི་པདྨེ་ཧཱུྃ༔
ཨོཾ་མ་ཎི་པདྨེ་ཧཱུྃ༔
2022/9/21/ཉིན་འཐོར་རླུང་གིས་བྲིས།
རྩོམ་སྒྲིག་པ། དབང་མོ།
རྩོམ་ཁུངས། ངེད་དྲ་བ།