བཤེར་འཚོལ།
སོམ་ཉིའི་མདུད་པ།(ཞར་བཀོད་གཅིག་ཡོད)
གཅིག་པུར་དབེན་པའི་རི་ཁྲོད་དུ།།
སྒོམ་པའི་ལྷ་དེས་ཞལ་ཡང་བསྟན།།
དབྱངས་ཅན་ངང་མོ་འབུམ་ཕྲག་གིས།།
རྗེས་སུ་བཟུང་ཞེས་སྨྲས་ན་ཡང་།།
ངག་གི་རྩ་མདུད་མ་གྲོལ་བར།།
སྙན་པའི་འགྱུར་ཁུགས་ཡོད་དམ་ཅི།།
ལྷ་ཆེན་ཚངས་པའི་ཡི་གེ་རུ།།
སྙན་པའི་གླུ་འདི་ལུང་ཡང་བསྟན།།
འོན་ཀྱང་གསང་བའི་བརྡ་ཐབས་སུ།།
དབྱངས་ལ་འགྱུར་ཁུགས་མི་འདུག་ཅེས།།
མེད་མུག་འདོན་པའི་གླུ་བ་དེའི།།
ཚིག་ལ་འཁྲུལ་བ་ཡོད་དམ་ཅི།།
ཆབ་ཆབ་དེ་ཡི་ཕ་རོལ་ན།།
ཡར་ཆབ་དེ་ཡི་ཚུ་རོལ་ན།།
ཆང་མ་ཡེ་ཤེས་མཁའ་འགྲོ་མས།།
བརྩེ་བ་ཆེན་པོས་གདན་ཡང་དྲངས།།
བཞུགས་གྲལ་སྤྱི་ལ་བལྟས་པ་ན།།
ཨོ་ལོའི་བཞུགས་གདན་ཡོད་དམ་ཅི།།
འདི་ནས་ཡར་ཡར་སོང་བ་ན།།
ཡར་སྟོད་མཐོན་པོ་རྫ་ལ་ཐུག།
རྫ་རི་དཀར་པོ་གངས་ཀྱིས་བཟུང་།།
འདི་ནས་མར་མར་བབས་པ་ན།།
སྨད་ཕྱོགས་གཡུ་མཚོ་སྔོན་མོར་ཐུག།
དེ་རུ་གནས་ཚང་ཡོད་དམ་ཅི།།
ཡར་སྟོད་འབྲོག་གི་ས་ཆ་ན།།
ཁོ་བོའི་ལུག་ཁྱུ་དགོ་དང་འདྲེས།།
ཟ་ཁ་དར་བའི་སྤྱང་ལྟོགས་ཚོགས།།
དེ་བཞིན་ཁོ་བོའི་ལྷས་རར་རྒྱུ།།
དེས་ན་ནགས་ཀྱི་ཤྭ་ན་མོ།།
ཁོ་བོའི་སྒོ་ཁྱིར་ཉན་ནམ་ཅི།།
སྨད་ཕྱོགས་རོང་གི་ས་ཆ་ན།།
ལོ་ལེགས་གསེར་གྱི་སྙེ་མ་གཡོ།།
རྔམས་ནག་སེར་བས་བཅོམ་པ་ལ།།
ཁོ་བོ་རེ་ཞིག་ཐེ་ཚོམ་གྱུར།།
སེར་སྲུང་རྡོ་རྗེ་བདུད་འདུལ་རྩལ།།
དེང་སང་ད་དུང་བཞུགས་སམ་ཅི།།
སྒར་དང་དགོན་པ་ཁྲ་ལམ་མེར།།
གསེར་ཏོག་སེར་པོ་གསེར་ལས་བྱས།།
རྡོ་གཅལ་སྔོན་པོ་གཡུ་ལས་བྱས།།
བཞུགས་གྲལ་སྤྱི་ལ་ས་གདན་བཏིངས།།
ངུར་སྨུག་རྒྱལ་མཚན་འཛིན་པའི་སྡེར།།
ཆོས་ཀྱི་འཆན་ཉན་དར་རམ་ཅི།།
སློབ་གྲྭ་ཆེ་འབྲིང་ཆུང་གསུམ་ན།།
སྐད་རིགས་སྣ་ཚོགས་ཆུ་ལྟར་བཞུར།།
བརྡ་དང་ཐ་སྙད་ཕུན་སུམ་ཚོགས།།
ཨེ་མ་དེ་འདྲའི་ཉམས་སུ་དགའ།།
ཡིན་ཡང་རང་གི་ཕ་སྐད་ཀྱི།།
ངག་གི་རྩ་མདུད་མི་ཁྲོལ་ཅི།།
མེས་པོའི་རིང་གི་རྩྭ་ཐང་དེ།།
དེང་སང་གྲོང་ཁྱེར་ཆེན་པོར་གྱུར།།
དུས་ཀྱི་འགྱུར་བ་ཡིན་ནོ་ཞེས།།
བླ་དཔོན་དག་ཀྱང་གཅིག་ཏུ་སྨྲ།།
ཡིན་ཡང་སྲིད་པའི་རུས་སྦལ་གྱི།།
གཡང་གི་སྦྲ་ནག་ཀ་བརྒྱ་མ།།
ཚ་བོས་ལྟེབས་ནས་གང་ལ་བཞག།
བསྐལ་བ་ཆགས་པའི་དང་པོ་ལ།།
བ་སོ་ཁ་ལ་དར་བའི་དུས།།
རི་དྭགས་མང་པོ་གཡུང་དུ་བཀུག།
སྒོ་རུ་ནོར་ནག་རྡང་གང་བཏགས།།
ལྷས་རུ་སྟོང་ལུག་ཁྱུ་གཅིག་བསྐྱིལ།།
དེ་དག་ཇག་པ་སུ་ཡིས་དེད།།
སྲིད་པའི་བྱང་ཐང་སྐྱ་མོ་ནས།།
རྐྱང་ཁྱུ་ཁྱུ་གཅིག་རྟ་རུ་བཀུག།
སྟོད་ཕྱོགས་འབྲོག་གི་ས་ཆ་ནས།།
རི་སྤྱང་མང་པོ་སྒོ་ཁྱིར་བཀུག།
དེ་ལ་ད་དུང་མནའ་ཡང་བཅད།།
དེ་རིང་མནའ་བཅད་གང་ལ་སོང་།།
ཟས་སུ་ཤ་མར་ཐུད་གསུམ་གྱི།།
རི་རབ་བརྩིགས་ནས་ངོམ་སོ་བྱེད།།
བཏུང་བ་འོ་མའི་རྒྱ་མཚོ་ལས།།
གཡང་གི་འབྲི་མར་སེར་པོ་ལེན།།
གླུ་གར་རོལ་མོས་ཉིན་མཚན་སྐྱེལ།།
མེས་པོའི་སྲོལ་འདི་འཇིག་གམ་ཅི།།
དེ་རིང་ཚ་བོ་ཚ་མོ་ཚོ།།
ལག་གི་ཤེལ་ལེབ་གཅིག་ལ་འཇུར།།
དྲིན་ཅན་ཕ་མར་ཁ་བརྡ་མེད།།
མགྲོན་པོ་ཡོང་ན་བརྩི་བཀུར་མེད།།
ཆེ་ཆུང་མེད་ལ་ངོ་ཚ་མེད།།
དུས་དང་སྐལ་བ་འགྱུར་སོང་ངམ།།
དེ་ལྟར་སོམ་ཉིའི་མདུད་པ་འདི།།
རྒས་དུས་རང་གིས་རང་ལ་བརྒྱབ།།
སེམས་ཀྱི་དྲན་ཤིང་ཡིན་ཤག་བྱས།།
ཡིད་ཀྱི་ཨ་ཐང་ཆད་ཚུལ་བསྟན།།
ཡིན་ཡང་དུས་ལ་སླེབས་ཙ་ན།།
ཟློག་པའི་སྐལ་བ་ཡོད་མིན་ཏེ།།
བརྒྱབ་པའི་མདུད་པ་སུ་ཡིས་བཤིག།
༢༠༢༢-༡༢-༨
རྫི་བོའི་སྤྲོ་གླུ
འཛམ་གླིང་ཉི་མའི་དྲིན་ལ།།
འཇིག་རྟེན་འོད་ཀྱིས་གསལ་བྱུང་།།
ཕ་མ་དྲིན་ཅན་ཡིན་པས།།
སེམས་པ་འོད་ཀྱིས་གསལ་བྱུང་།།
མི་ཡུལ་ལུང་པ་འགྲིམ་པར།།
ལྷམ་ཆུང་རྡོག་པ་རལ་འདུག།
ཨ་མ་རྗེ་བཙུན་སྒྲོལ་མ།།
འཚེམ་བུ་རྒྱག་པར་ཕེབས་ཡོང་།།
ཁྱིམ་འདི་ལྷ་ཁྱིམ་གུར་ཁྱིམ།།
གཡང་གི་མཚོ་མོ་འཁྱིལ་ཡོད།།
བུ་མོ་ཚེ་རིང་མཚོ་མོ།།
ཁྱིམ་འདིའི་བདག་མོ་ཉན་ཡོད།།
སྒོ་ན་ཁྲ་ཁྲའི་ཕྱུགས་ཡོད།།
ནང་ན་རིགས་ཀྱི་སྲས་ཡོད།།
འཇིག་རྟེན་ང་དང་རྩོད་རུང་།།
ངས་ནི་རྩོད་དོན་མི་འདུག།
སང་ཉིན་ཉི་རྩེ་རྒྱག་དུས།།
འདོ་བ་རྐྱང་དཀར་ཞོན་ཏེ།།
ལུག་ཁྱུ་སྐར་ཚོགས་འདྲ་བོ།།
དེད་ནས་རི་ལ་བུད་འགྲོ།
༢༠༢༢-༡༢-༤
རྩོམ་སྒྲིག་པ། དབང་མོ།
སྒོམ་པའི་ལྷ་དེས་ཞལ་ཡང་བསྟན།།
དབྱངས་ཅན་ངང་མོ་འབུམ་ཕྲག་གིས།།
རྗེས་སུ་བཟུང་ཞེས་སྨྲས་ན་ཡང་།།
ངག་གི་རྩ་མདུད་མ་གྲོལ་བར།།
སྙན་པའི་འགྱུར་ཁུགས་ཡོད་དམ་ཅི།།
ལྷ་ཆེན་ཚངས་པའི་ཡི་གེ་རུ།།
སྙན་པའི་གླུ་འདི་ལུང་ཡང་བསྟན།།
འོན་ཀྱང་གསང་བའི་བརྡ་ཐབས་སུ།།
དབྱངས་ལ་འགྱུར་ཁུགས་མི་འདུག་ཅེས།།
མེད་མུག་འདོན་པའི་གླུ་བ་དེའི།།
ཚིག་ལ་འཁྲུལ་བ་ཡོད་དམ་ཅི།།
ཆབ་ཆབ་དེ་ཡི་ཕ་རོལ་ན།།
ཡར་ཆབ་དེ་ཡི་ཚུ་རོལ་ན།།
ཆང་མ་ཡེ་ཤེས་མཁའ་འགྲོ་མས།།
བརྩེ་བ་ཆེན་པོས་གདན་ཡང་དྲངས།།
བཞུགས་གྲལ་སྤྱི་ལ་བལྟས་པ་ན།།
ཨོ་ལོའི་བཞུགས་གདན་ཡོད་དམ་ཅི།།
འདི་ནས་ཡར་ཡར་སོང་བ་ན།།
ཡར་སྟོད་མཐོན་པོ་རྫ་ལ་ཐུག།
རྫ་རི་དཀར་པོ་གངས་ཀྱིས་བཟུང་།།
འདི་ནས་མར་མར་བབས་པ་ན།།
སྨད་ཕྱོགས་གཡུ་མཚོ་སྔོན་མོར་ཐུག།
དེ་རུ་གནས་ཚང་ཡོད་དམ་ཅི།།
ཡར་སྟོད་འབྲོག་གི་ས་ཆ་ན།།
ཁོ་བོའི་ལུག་ཁྱུ་དགོ་དང་འདྲེས།།
ཟ་ཁ་དར་བའི་སྤྱང་ལྟོགས་ཚོགས།།
དེ་བཞིན་ཁོ་བོའི་ལྷས་རར་རྒྱུ།།
དེས་ན་ནགས་ཀྱི་ཤྭ་ན་མོ།།
ཁོ་བོའི་སྒོ་ཁྱིར་ཉན་ནམ་ཅི།།
སྨད་ཕྱོགས་རོང་གི་ས་ཆ་ན།།
ལོ་ལེགས་གསེར་གྱི་སྙེ་མ་གཡོ།།
རྔམས་ནག་སེར་བས་བཅོམ་པ་ལ།།
ཁོ་བོ་རེ་ཞིག་ཐེ་ཚོམ་གྱུར།།
སེར་སྲུང་རྡོ་རྗེ་བདུད་འདུལ་རྩལ།།
དེང་སང་ད་དུང་བཞུགས་སམ་ཅི།།
སྒར་དང་དགོན་པ་ཁྲ་ལམ་མེར།།
གསེར་ཏོག་སེར་པོ་གསེར་ལས་བྱས།།
རྡོ་གཅལ་སྔོན་པོ་གཡུ་ལས་བྱས།།
བཞུགས་གྲལ་སྤྱི་ལ་ས་གདན་བཏིངས།།
ངུར་སྨུག་རྒྱལ་མཚན་འཛིན་པའི་སྡེར།།
ཆོས་ཀྱི་འཆན་ཉན་དར་རམ་ཅི།།
སློབ་གྲྭ་ཆེ་འབྲིང་ཆུང་གསུམ་ན།།
སྐད་རིགས་སྣ་ཚོགས་ཆུ་ལྟར་བཞུར།།
བརྡ་དང་ཐ་སྙད་ཕུན་སུམ་ཚོགས།།
ཨེ་མ་དེ་འདྲའི་ཉམས་སུ་དགའ།།
ཡིན་ཡང་རང་གི་ཕ་སྐད་ཀྱི།།
ངག་གི་རྩ་མདུད་མི་ཁྲོལ་ཅི།།
མེས་པོའི་རིང་གི་རྩྭ་ཐང་དེ།།
དེང་སང་གྲོང་ཁྱེར་ཆེན་པོར་གྱུར།།
དུས་ཀྱི་འགྱུར་བ་ཡིན་ནོ་ཞེས།།
བླ་དཔོན་དག་ཀྱང་གཅིག་ཏུ་སྨྲ།།
ཡིན་ཡང་སྲིད་པའི་རུས་སྦལ་གྱི།།
གཡང་གི་སྦྲ་ནག་ཀ་བརྒྱ་མ།།
ཚ་བོས་ལྟེབས་ནས་གང་ལ་བཞག།
བསྐལ་བ་ཆགས་པའི་དང་པོ་ལ།།
བ་སོ་ཁ་ལ་དར་བའི་དུས།།
རི་དྭགས་མང་པོ་གཡུང་དུ་བཀུག།
སྒོ་རུ་ནོར་ནག་རྡང་གང་བཏགས།།
ལྷས་རུ་སྟོང་ལུག་ཁྱུ་གཅིག་བསྐྱིལ།།
དེ་དག་ཇག་པ་སུ་ཡིས་དེད།།
སྲིད་པའི་བྱང་ཐང་སྐྱ་མོ་ནས།།
རྐྱང་ཁྱུ་ཁྱུ་གཅིག་རྟ་རུ་བཀུག།
སྟོད་ཕྱོགས་འབྲོག་གི་ས་ཆ་ནས།།
རི་སྤྱང་མང་པོ་སྒོ་ཁྱིར་བཀུག།
དེ་ལ་ད་དུང་མནའ་ཡང་བཅད།།
དེ་རིང་མནའ་བཅད་གང་ལ་སོང་།།
ཟས་སུ་ཤ་མར་ཐུད་གསུམ་གྱི།།
རི་རབ་བརྩིགས་ནས་ངོམ་སོ་བྱེད།།
བཏུང་བ་འོ་མའི་རྒྱ་མཚོ་ལས།།
གཡང་གི་འབྲི་མར་སེར་པོ་ལེན།།
གླུ་གར་རོལ་མོས་ཉིན་མཚན་སྐྱེལ།།
མེས་པོའི་སྲོལ་འདི་འཇིག་གམ་ཅི།།
དེ་རིང་ཚ་བོ་ཚ་མོ་ཚོ།།
ལག་གི་ཤེལ་ལེབ་གཅིག་ལ་འཇུར།།
དྲིན་ཅན་ཕ་མར་ཁ་བརྡ་མེད།།
མགྲོན་པོ་ཡོང་ན་བརྩི་བཀུར་མེད།།
ཆེ་ཆུང་མེད་ལ་ངོ་ཚ་མེད།།
དུས་དང་སྐལ་བ་འགྱུར་སོང་ངམ།།
དེ་ལྟར་སོམ་ཉིའི་མདུད་པ་འདི།།
རྒས་དུས་རང་གིས་རང་ལ་བརྒྱབ།།
སེམས་ཀྱི་དྲན་ཤིང་ཡིན་ཤག་བྱས།།
ཡིད་ཀྱི་ཨ་ཐང་ཆད་ཚུལ་བསྟན།།
ཡིན་ཡང་དུས་ལ་སླེབས་ཙ་ན།།
ཟློག་པའི་སྐལ་བ་ཡོད་མིན་ཏེ།།
བརྒྱབ་པའི་མདུད་པ་སུ་ཡིས་བཤིག།
༢༠༢༢-༡༢-༨
རྫི་བོའི་སྤྲོ་གླུ
འཛམ་གླིང་ཉི་མའི་དྲིན་ལ།།
འཇིག་རྟེན་འོད་ཀྱིས་གསལ་བྱུང་།།
ཕ་མ་དྲིན་ཅན་ཡིན་པས།།
སེམས་པ་འོད་ཀྱིས་གསལ་བྱུང་།།
མི་ཡུལ་ལུང་པ་འགྲིམ་པར།།
ལྷམ་ཆུང་རྡོག་པ་རལ་འདུག།
ཨ་མ་རྗེ་བཙུན་སྒྲོལ་མ།།
འཚེམ་བུ་རྒྱག་པར་ཕེབས་ཡོང་།།
ཁྱིམ་འདི་ལྷ་ཁྱིམ་གུར་ཁྱིམ།།
གཡང་གི་མཚོ་མོ་འཁྱིལ་ཡོད།།
བུ་མོ་ཚེ་རིང་མཚོ་མོ།།
ཁྱིམ་འདིའི་བདག་མོ་ཉན་ཡོད།།
སྒོ་ན་ཁྲ་ཁྲའི་ཕྱུགས་ཡོད།།
ནང་ན་རིགས་ཀྱི་སྲས་ཡོད།།
འཇིག་རྟེན་ང་དང་རྩོད་རུང་།།
ངས་ནི་རྩོད་དོན་མི་འདུག།
སང་ཉིན་ཉི་རྩེ་རྒྱག་དུས།།
འདོ་བ་རྐྱང་དཀར་ཞོན་ཏེ།།
ལུག་ཁྱུ་སྐར་ཚོགས་འདྲ་བོ།།
དེད་ནས་རི་ལ་བུད་འགྲོ།
༢༠༢༢-༡༢-༤
རྩོམ་སྒྲིག་པ། དབང་མོ།
རྩོམ་ཁུངས། ངེད་དྲ་བ།