2023-01-21 དབུ་འཇིགས་མེད།(དཔལ་ཡུལ) ཀློག་གྲངས། མཆན ཡོད།

སྨིན་དྲུག་བརྩེ་བ་ཡི་ནམ་མཁའ།།
རྟག་ཏུ་གཙང་མ་རུ་བཞུགས་ན།།
སེམས་ཉིད་དུང་བ་ཡི་བདེན་པ།།
གཡུང་དྲུང་རི་མོ་ལྟར་བྲི་ཆོག།།

རྫོཊ་མེད་སྙིང་གཏམ་གྱི་རྒྱ་མཚོ།།
མཁའ་ཡི་སྨིན་དྲུག་ལ་གསོལ་བ།།
བདག་གི་འཁོར་བ་ཡི་རྨི་ལམ།།
ལས་ཀྱི་སྨིན་དྲུག་གིས་བསྐྲུན་སོང་།།

སྲིད་གླུ་མཐའ་མེད་ཅིག་བྲིས་པས།།
ཚེ་ཡི་བདེ་སྡུག་ཅིག་མཚོན་ཡོད།།
འཆི་མེད་བརྩེ་བ་ཡི་ཆགས་རིམ།།
རྫོགས་མེད་རྒྱ་མཚོ་ཡི་མཐར་སོན།།

གཞི་མཛེས་རྨི་ལམ་ཀྱི་གར་མ།།
ངག་རིག་མེ་ཏོག་ཅིག་འཐོར་བ།།
དྲན་པའི་དན་རྟཊ་ཤིག་ཡིན་པ།།
མཚན་གྱི་ཟླ་བ་ཡིས་རྟོགས་སོང་།།

ལོ་ཟླ་འགྱུར་བ་ཡིས་དེད་ཀྱང་།།
ཁྲེལ་གཞུང་ཉི་ཟླ་ཡི་འོད་ཟེར།།
རྟག་ཏུ་འགྱུར་བ་རང་མེད་ན།།
དམ་ཚིག་ནམ་མཁའ་ཡིས་བསྲུངས་ཡོད།།
        ༢༠༢༣.༡.༣ཉིན་བརྩམས།

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

རུས་མིང་།

གསང་ཨང་། མིང་མི་འགོད་པར་སྤེལ།

ར་སྤྲོད་ཨང་།

དཔྱད་མཆན།