བཤེར་འཚོལ།
ཚིགས་སུ་བཅད་པའི་སྙན་ངག་ཞེ་སྡུག་བྱེ་མ་ལ་བདུན།
སྐྱིད་འཇིག་རྟེན་འཚོ་བའི་ཕྱི་ནང་དུ།།
སྡུག་དབྱངས་ཀྱི་འགྱུར་ཁུགས་སྣ་ཚོགས་ཡོད།།
དབྱངས་སོ་མའི་དཀྲོལ་ལུགས་རེ་རེ་ཡིས།།
སེམས་དར་དཀར་ངོས་སུ་གདུང་བ་བསྣན།།
ཁ་ཕར་འཁོར་མེ་ཡི་རི་ཚོགས་གསལ།།
ཁ་ཚུར་འཁོར་ཁྲག་གི་མཚོ་མོ་འཕྱུར།།
ལས་མྱ་ངམ་ཐང་གི་ཐང་སྟོད་དུ།།
སྡུག་རྡོག་ཁྲེས་གཅིག་ཐོག་གཉིས་བཞག་བྱུང་།།
སེམས་ཉམས་ཐག་སོག་མའི་ཕུང་པོ་སྟེ།།
སྡུག་ཆུ་ཡི་རྦ་རླབས་ཤུགས་ཀྱིས་འཕྱུར།།
ང་མ་ཟེར་འཇིག་རྟེན་ངོས་དག་ཏུ།།
ལས་འཇིགས་སྐྲག་རླུང་གི་སྤུ་གྲིར་འཛེམ།།
ལས་ངན་སོང་བསགས་པའི་འབྲས་བུ་ཡིས།།
ངའི་འཇིག་རྟེན་ངོས་སུ་དུག་ཚེར་སྐྱེས།།
རེག་མ་མྱོང་ཁྱོད་ཀྱང་རྒྱང་དུ་བཀྱེད།།
སྐྱུར་མ་མྱོང་བདག་ཀྱང་ཞེ་སྡུག་ལྕི།།
སྡུག་མུན་པའི་སྨག་རུམ་བརྒལ་མྱོང་བའི།།
གཞོན་ལང་ཚོའི་བྲོ་བར་བཟི་སྣང་ཆེ།།
ངའི་མདུན་གྱི་རེ་བའི་མིག་ཟུང་གང་།།
ལར་མཐོང་ཡང་འགྱོད་པའི་ཀློང་དུ་སིམ།།
ཚེ་བསྐལ་བར་དྲངས་པའི་གདུང་བའི་དབྱངས།།
སྐྱིད་མི་རྟག་འཇིག་རྟེན་ཧྲག་བར་འཚངས།།
ནང་ཕམ་ཁས་བཙུར་བའི་བདག་སེམས་སུ།།
གཉོམ་དུང་བའི་ཞེ་སྡུག་རེས་སུ་འཁོར།།
ངའི་ཚོར་བའི་བྱང་ཐང་སྒོ་མེད་དུ།།
སྐྱིད་མི་འདུག་སྐྱོ་བའི་ལ་མོ་བརྩེགས།།
དུས་འཁོར་དུ་མེད་པའི་གྲང་ངར་གྱིས།།
ངའི་རེ་བའི་མིག་ཟུང་འཁྱག་ལ་བརྫངས།།
ལས་དཀར་ནག་ས་བོན་རླུང་གིས་ཁུར།།
གཤིས་རི་མོའི་ཁ་དོག་རྡུལ་གྱིས་བཏུམས།།
བག་ལྷོད་པོར་སྡོད་རྒྱུ་མ་བྱུང་ལ།།
ཞེ་སྨྲེང་བའི་མདུད་པ་དམ་དུ་ཞགས།།
ངའི་ས་སྲོད་སྒྱུ་མའི་གར་དང་འདྲ།།
སྤྱན་དཀར་ནག་གཉིས་ཀྱི་དོན་མི་བྱེད།།
ཁམས་ཡང་མོའི་ཚལ་དུ་ཞེ་སྡུག་འཁྲུངས།།
གཞོན་དགྱེས་པའི་ཞལ་ལ་མུན་པ་གཏོར།།
ཚེ་གཅིག་ལ་མཐོང་བའི་འཇིག་རྟེན་འདི།།
ངའི་ཚོར་བའི་ཟབ་སར་མེ་སྟག་ཙམ།།
སྐྱིད་མི་འདུག་སྐྱོ་བའི་ངར་ཁ་རྒོད།།
བཅར་མི་ཐུབ་ཟུག་གཟེར་ཤིན་ཏུ་ཚ།།
སྤྱིར་འཇིག་རྟེན་མེ་ཏོག་སྟོང་འབབ་ཟེར།།
དྲི་ཞིམ་པོ་སྨན་གྱི་ལྗོན་པར་བསྔགས།།
ངའི་སྣང་བའི་གྲོང་གི་འཇིག་རྟེན་འདི།།
སྡུག་ཞེ་འཁོན་བསགས་པའི་ནམ་མཁའ་འདྲ།།
སྐྱིད་མཐོང་རྒྱུ་མི་འདུག་སྐྱོ་བའི་གྲོང་།།
འཛུམ་སྟོན་ཐབས་མི་འདུག་ཞལ་ངོ་ནག།
སྡུག་བྱེ་མའི་ལ་རིང་ལ་ཐུང་མང་།།
སེམས་ངལ་བའི་ཁུར་ཆེན་ཁུར་ཆུང་ཡོད།།
རྒྱུས་མི་ལོན་གསུང་ཡང་མི་ཡུལ་རེད།།
ལས་ཞེན་ཆགས་ལྕི་ཡང་སྐྱེས་ཡུལ་རེད།།
ངའི་ལོ་ཟླ་ནག་པོའི་སྲུབས་ཀ་རུ།།
སྡུག་ན་བུན་འཐིབ་ཀྱང་སུ་ལ་གླེང་།།
དུས་འཁོར་མའི་ཕྱི་ནང་གསང་གསུམ་དུ།།
སེམས་འགྱུར་བ་སྤྲིན་གྱི་རི་མོ་བཞིན།།
སྡུག་རླུང་བུས་དེད་དེ་བུད་སོང་ན།།
ཡིད་གདུང་བའི་དངན་པ་གང་ལ་འཐེན།།
སྤྱིར་གཉུག་མའི་གཤིས་སུ་གྲུབ་པའི་སྡུག།
ཚོད་ཚོད་ལ་ན་ཟུག་བཙན་ན་ཡང་།།
ལས་རྣམ་སྨིན་མཐའ་དག་སྒོམ་ནས་ན།།
སྐྱོ་མི་དགོས་ཁྲེལ་གྱི་རྒྱ་ཡང་འདེབས།།
བློ་རང་ལ་གཏད་པ་ཚུན་ཆོད་དུ།།
ངག་གང་བྱུང་གཞན་ལ་སྤྲོད་དགོས་མེད།།
ཡུལ་འཇིག་རྟེན་སྐྱ་ཆད་སྔོ་སྡུག་འདི།།
སྔོ་སངས་སེ་སོང་དུས་བྲོ་བ་འཕེལ།།
ཡུལ་རྒྱལ་ཁམས་འཚོ་བའི་བཞུད་ལམ་དུ།།
ལས་མངར་སྐྱུར་རྒྱུད་སྐུད་རབ་ཏུ་འདར།།
ངའི་ནང་སེམས་དངུལ་གྱི་ཨ་ལོང་ནང་།།
ཡིད་ཀུན་འབྱུང་སྒྲ་ཡི་ཟིལ་བ་འཐོར།།
ཕར་བལྟས་ན་འཇིག་རྟེན་རྒྱང་ཐག་རིང་།།
སེམས་བརྩེ་བས་བཅར་ན་ཤིན་ཏུ་ཉེ།།
ལས་མཐུན་པའི་རྨུ་ཐག་མ་བཅད་ན།།
ཞེ་སྐྱོ་སྡུག་སྐད་ཅིག་སྨུག་སྤྲིན་ཨང་།།
རྒས་ཉམས་ཐག་སྲོལ་གྱི་སྙིང་པོ་ལ།།
བློ་དཔྱོད་པས་བརྟག་བཞིན་རང་ལམ་འཚོལ།།
སྡུག་ལ་ལུང་བརྒྱུད་པའི་ཚོར་འདུ་ལས།།
གཏམ་བཟང་པོ་གཞལ་ཡས་ཁང་དུ་དྲོངས།།
དུས་ཉག་མ་རེ་རེའི་ཁུག་པ་རུ།།
ང་སྐྱིད་ཀྱང་ཁྱོད་ལ་གདུང་བ་བཙན།།
སེམས་འཁོར་འདུའི་བག་ཆགས་ཐམས་ཅད་པ།།
ཡུལ་མཐའ་མེད་འཇིག་རྟེན་ངོས་སུ་འཁོར།།
2023.2.13
རྩོམ་སྒྲིག་པ། དབང་མོ།
སྡུག་དབྱངས་ཀྱི་འགྱུར་ཁུགས་སྣ་ཚོགས་ཡོད།།
དབྱངས་སོ་མའི་དཀྲོལ་ལུགས་རེ་རེ་ཡིས།།
སེམས་དར་དཀར་ངོས་སུ་གདུང་བ་བསྣན།།
ཁ་ཕར་འཁོར་མེ་ཡི་རི་ཚོགས་གསལ།།
ཁ་ཚུར་འཁོར་ཁྲག་གི་མཚོ་མོ་འཕྱུར།།
ལས་མྱ་ངམ་ཐང་གི་ཐང་སྟོད་དུ།།
སྡུག་རྡོག་ཁྲེས་གཅིག་ཐོག་གཉིས་བཞག་བྱུང་།།
སེམས་ཉམས་ཐག་སོག་མའི་ཕུང་པོ་སྟེ།།
སྡུག་ཆུ་ཡི་རྦ་རླབས་ཤུགས་ཀྱིས་འཕྱུར།།
ང་མ་ཟེར་འཇིག་རྟེན་ངོས་དག་ཏུ།།
ལས་འཇིགས་སྐྲག་རླུང་གི་སྤུ་གྲིར་འཛེམ།།
ལས་ངན་སོང་བསགས་པའི་འབྲས་བུ་ཡིས།།
ངའི་འཇིག་རྟེན་ངོས་སུ་དུག་ཚེར་སྐྱེས།།
རེག་མ་མྱོང་ཁྱོད་ཀྱང་རྒྱང་དུ་བཀྱེད།།
སྐྱུར་མ་མྱོང་བདག་ཀྱང་ཞེ་སྡུག་ལྕི།།
སྡུག་མུན་པའི་སྨག་རུམ་བརྒལ་མྱོང་བའི།།
གཞོན་ལང་ཚོའི་བྲོ་བར་བཟི་སྣང་ཆེ།།
ངའི་མདུན་གྱི་རེ་བའི་མིག་ཟུང་གང་།།
ལར་མཐོང་ཡང་འགྱོད་པའི་ཀློང་དུ་སིམ།།
ཚེ་བསྐལ་བར་དྲངས་པའི་གདུང་བའི་དབྱངས།།
སྐྱིད་མི་རྟག་འཇིག་རྟེན་ཧྲག་བར་འཚངས།།
ནང་ཕམ་ཁས་བཙུར་བའི་བདག་སེམས་སུ།།
གཉོམ་དུང་བའི་ཞེ་སྡུག་རེས་སུ་འཁོར།།
ངའི་ཚོར་བའི་བྱང་ཐང་སྒོ་མེད་དུ།།
སྐྱིད་མི་འདུག་སྐྱོ་བའི་ལ་མོ་བརྩེགས།།
དུས་འཁོར་དུ་མེད་པའི་གྲང་ངར་གྱིས།།
ངའི་རེ་བའི་མིག་ཟུང་འཁྱག་ལ་བརྫངས།།
ལས་དཀར་ནག་ས་བོན་རླུང་གིས་ཁུར།།
གཤིས་རི་མོའི་ཁ་དོག་རྡུལ་གྱིས་བཏུམས།།
བག་ལྷོད་པོར་སྡོད་རྒྱུ་མ་བྱུང་ལ།།
ཞེ་སྨྲེང་བའི་མདུད་པ་དམ་དུ་ཞགས།།
ངའི་ས་སྲོད་སྒྱུ་མའི་གར་དང་འདྲ།།
སྤྱན་དཀར་ནག་གཉིས་ཀྱི་དོན་མི་བྱེད།།
ཁམས་ཡང་མོའི་ཚལ་དུ་ཞེ་སྡུག་འཁྲུངས།།
གཞོན་དགྱེས་པའི་ཞལ་ལ་མུན་པ་གཏོར།།
ཚེ་གཅིག་ལ་མཐོང་བའི་འཇིག་རྟེན་འདི།།
ངའི་ཚོར་བའི་ཟབ་སར་མེ་སྟག་ཙམ།།
སྐྱིད་མི་འདུག་སྐྱོ་བའི་ངར་ཁ་རྒོད།།
བཅར་མི་ཐུབ་ཟུག་གཟེར་ཤིན་ཏུ་ཚ།།
སྤྱིར་འཇིག་རྟེན་མེ་ཏོག་སྟོང་འབབ་ཟེར།།
དྲི་ཞིམ་པོ་སྨན་གྱི་ལྗོན་པར་བསྔགས།།
ངའི་སྣང་བའི་གྲོང་གི་འཇིག་རྟེན་འདི།།
སྡུག་ཞེ་འཁོན་བསགས་པའི་ནམ་མཁའ་འདྲ།།
སྐྱིད་མཐོང་རྒྱུ་མི་འདུག་སྐྱོ་བའི་གྲོང་།།
འཛུམ་སྟོན་ཐབས་མི་འདུག་ཞལ་ངོ་ནག།
སྡུག་བྱེ་མའི་ལ་རིང་ལ་ཐུང་མང་།།
སེམས་ངལ་བའི་ཁུར་ཆེན་ཁུར་ཆུང་ཡོད།།
རྒྱུས་མི་ལོན་གསུང་ཡང་མི་ཡུལ་རེད།།
ལས་ཞེན་ཆགས་ལྕི་ཡང་སྐྱེས་ཡུལ་རེད།།
ངའི་ལོ་ཟླ་ནག་པོའི་སྲུབས་ཀ་རུ།།
སྡུག་ན་བུན་འཐིབ་ཀྱང་སུ་ལ་གླེང་།།
དུས་འཁོར་མའི་ཕྱི་ནང་གསང་གསུམ་དུ།།
སེམས་འགྱུར་བ་སྤྲིན་གྱི་རི་མོ་བཞིན།།
སྡུག་རླུང་བུས་དེད་དེ་བུད་སོང་ན།།
ཡིད་གདུང་བའི་དངན་པ་གང་ལ་འཐེན།།
སྤྱིར་གཉུག་མའི་གཤིས་སུ་གྲུབ་པའི་སྡུག།
ཚོད་ཚོད་ལ་ན་ཟུག་བཙན་ན་ཡང་།།
ལས་རྣམ་སྨིན་མཐའ་དག་སྒོམ་ནས་ན།།
སྐྱོ་མི་དགོས་ཁྲེལ་གྱི་རྒྱ་ཡང་འདེབས།།
བློ་རང་ལ་གཏད་པ་ཚུན་ཆོད་དུ།།
ངག་གང་བྱུང་གཞན་ལ་སྤྲོད་དགོས་མེད།།
ཡུལ་འཇིག་རྟེན་སྐྱ་ཆད་སྔོ་སྡུག་འདི།།
སྔོ་སངས་སེ་སོང་དུས་བྲོ་བ་འཕེལ།།
ཡུལ་རྒྱལ་ཁམས་འཚོ་བའི་བཞུད་ལམ་དུ།།
ལས་མངར་སྐྱུར་རྒྱུད་སྐུད་རབ་ཏུ་འདར།།
ངའི་ནང་སེམས་དངུལ་གྱི་ཨ་ལོང་ནང་།།
ཡིད་ཀུན་འབྱུང་སྒྲ་ཡི་ཟིལ་བ་འཐོར།།
ཕར་བལྟས་ན་འཇིག་རྟེན་རྒྱང་ཐག་རིང་།།
སེམས་བརྩེ་བས་བཅར་ན་ཤིན་ཏུ་ཉེ།།
ལས་མཐུན་པའི་རྨུ་ཐག་མ་བཅད་ན།།
ཞེ་སྐྱོ་སྡུག་སྐད་ཅིག་སྨུག་སྤྲིན་ཨང་།།
རྒས་ཉམས་ཐག་སྲོལ་གྱི་སྙིང་པོ་ལ།།
བློ་དཔྱོད་པས་བརྟག་བཞིན་རང་ལམ་འཚོལ།།
སྡུག་ལ་ལུང་བརྒྱུད་པའི་ཚོར་འདུ་ལས།།
གཏམ་བཟང་པོ་གཞལ་ཡས་ཁང་དུ་དྲོངས།།
དུས་ཉག་མ་རེ་རེའི་ཁུག་པ་རུ།།
ང་སྐྱིད་ཀྱང་ཁྱོད་ལ་གདུང་བ་བཙན།།
སེམས་འཁོར་འདུའི་བག་ཆགས་ཐམས་ཅད་པ།།
ཡུལ་མཐའ་མེད་འཇིག་རྟེན་ངོས་སུ་འཁོར།།
2023.2.13
རྩོམ་སྒྲིག་པ། དབང་མོ།
རྩོམ་ཁུངས། ངེད་དྲ་བ།