བཤེར་འཚོལ།
ཟླ་བ།
ཐོད་པའི་རྨི་ལམ་ག་ལེར་གསལ།།
གདོང་གི་གཉེར་མ་ཇི་བཞིན་དུ།།
ལུས་ཀྱི་ན་ཚོད་ཡོང་བ་བཞིན།།
བརྩེ་བའི་རྡུལ་ཚོགས་ག་ལེར་གཡོ།།
ཟླ་བ་དང་ནི་སྐར་མ་སོགས།།
ཁྲ་རྒྱན་མིག་གི་སྤྱན་ཕྱོགས་སུ།།
ཁྱོད་ཀྱི་མཛེས་སྡུག་ཡིད་འོང་མ།།
ཟླ་བའི་གྲོང་ནས་ཡིད་སྨོན་ཤོར།།
ཐོལ་གྱིས་བཟུང་བའི་རྣམ་ཤེས་འདིས།།
ལུས་ངག་ཡིད་གསུམ་བཅིངས་བའི་ཚེ།།
སྔོན་མའི་ལས་ཀྱི་ཨུ་ཁུང་ལ།།
བརྩེ་བའི་ལན་ཆགས་མིན་ན་ཅི།།
དེ་བས་ལས་ཀྱི་དཀྱིལ་འཁོར་ལ།།
ཚོར་བས་བཟུང་བའི་ངག་བསྐུར་ཏེ།།
ཁྱོད་རང་མགུ་བའི་གཞས་ཆུང་བྲིས།།
རྣམ་ཤེས་བཟུང་བའི་མེ་ནཱ་ཀ།
ནགས་མའི་ཚལ་གྱི་སྨུག་པ་རུ།།
རི་དྭགས་ཤྭ་སོགས་རྩེད་འཇོ་རོལ།།
ང་ཡང་དེ་ལྟར་ནགས་ཚལ་དུ།།
སྙན་ངག་མཆོག་གི་བྱེད་པོ་ལ།།
དངོས་གྲུབ་འཇོ་བའི་ལས་སུ་ཞུགས།།
མཁའ་རུ་གཤེགས་པའི་སྨུག་པ་ཅན།།
སྟོང་ཉིད་བྱང་བའི་རྣལ་འབྱོར་ལྟར།།
ཁྱོད་ཀྱི་མཁའ་ཡི་འཇའ་ལམ་ནས།།
འོད་ཟེར་ཉག་མའི་པང་དུ་བྱོན།།
བརྩེ་བས་བྲིན་པའི་འཕགས་མ་སྟེ།།
མཁའ་དབྱིངས་བདེ་བའི་ཕོ་བྲང་ནས།།
སྒྱུ་འཕྲུལ་ཚིག་གི་མེ་ཏོག་མཆོད།།
ཁྲུང་ཁྲུང་ཞིག་ལྟར་མཛེས་ཉམས་ཅན།།
ཁུ་བྱུག་ཅིག་ལྟར་གསུང་སྐད་སྙན།།
འཕགས་མ་ཞིག་ལྟར་ཐུགས་རྒྱུད་བྱམས།།
བརྩེ་བའི་ལྷ་མོ་ཁྱོད་ཀྱི་ལྟ་བུ།།
ལྷ་མོའི་ཚོགས་སུ་ཡོད་པ་ལས།།
འཁོར་བའི་གྲོང་དུ་ཨེ་ཡོད་ལགས།།
དེ་བས་ཁྱོད་ནི་ཀུན་ལས་མཆོག།
ཉེས་པའི་རྡུལ་ཙམ་མ་གོས་པའི།།
ཟླ་བ་སྙེམས་པའི་རྩེད་འཇོ་རུ།།
ཆེམ་ཆེམ་འོད་ཀྱིས་གནས་མལ་བཟུང་།།
བསོད་ནམས་སྦྱོར་བའི་ལག་པ་ཡང་།།
དཔག་བསམ་ཤིང་གི་ལྗོན་པའི་ཟོམ།།
ཁུ་བྱུག་ཅིག་གི་རྣམ་སྤྲུལ་འོག།
དབྱངས་ཀྱི་རྒྱལ་མོ་ཡུལ་ནས་་མཆེད།།
སྟོང་བའི་གཟུགས་ལས་ཐོན་པའི་དཔལ།།
སྒྱུ་མའི་འཕྲུལ་གྱི་མིག་ཡངས་མ།།
གླེགས་བམ་ངོས་ཀྱི་སྙན་ངག་མ།།
གཟུང་འཛིན་གཉིས་ཀྱི་བྱེད་པོ་སྟེ།།
བརྩེ་མདུད་གྲོལ་བའི་འཕགས་མ་ཁྱོད།།
ཁུ་བྱུག་གྲག་པའི་ནགས་རྫོང་ནས།།
དམ་ཚིག་སྙེ་མ་བདག་ལ་གཡོ།།
ཌཱ་ཀི་གཟུགས་འཆང་པདྨ་ཅན།།
མིག་ཏུ་ལྷུང་བའི་གོ་རིམ་ནང་།།
རྩ་ཡི་ཡན་ལག་ཡོངས་སྦྲིད་དེ།།
རྨི་ལམ་བརྩེག་པའི་མཚན་གཞུང་ན།།
ཚེམས་ཕྲེང་དཀར་བའི་དབྱངས་ཅན་མའི།།
གཟུགས་ཀྱི་མཚོན་དཔེ་ཁྱོད་ཀྱིས་བཟུང་།།
དྲི་མའི་རྡུལ་རྣམས་ཡོངས་སུ་དག།
ཟླ་བ་བང་རིམ་གན་དུ་གནས།།
འོད་དང་བཅས་ཏེ་རི་དྭགས་འཛིན།།
ཡོངས་སུ་འཛིན་པའི་རྡུལ་དག་ནི།།
དབྱངས་ཅན་མ་ཡི་སྲས་སུ་སྤྲུལ།།
སྙན་འཇེབས་ལས་སུ་གནས་མལ་བཟུང་།།
ཅི་སྟེ་ང་ཡང་དེ་ལྟར་ན།།
སྙན་པའི་གདངས་ཤིག་ལེགས་འགྲུབ་ཚེ།།
དབྱངས་ཅན་ལྟ་བུའི་ཟླ་བ་ལ།།
ངག་གི་ཕོ་བྲང་བཞེངས་ལ་ལྟོས།།
ཐིག་ལེ་མཆོག་མའི་མཛེས་རིས་ལ།།
ཚངས་པའི་ཡིད་ནི་སྒོམ་ལས་ལྡང་།།
ནགས་མའི་ཚལ་གྱི་ནང་སེམས་འདི།།
རྣལ་འབྱོར་ལས་སུ་རྟག་ཏུ་འཆང་།།
ཚོར་བས་བཏབ་པའི་འབྲས་བུ་ལ།།
རྣམ་རྟོག་གཙང་བོ་གཡོ་བ་མཐོང་།།
ང་ཡང་དེ་ལྟར་གཙང་བོ་སྟེ།།
ལྷ་མོའི་ཚོགས་སུ་རླབས་ཕྲེང་འཐོར།།
བློ་རུ་བཟུང་བའི་ཚིག་དག་ནི།།
ཡ་གིའི་རླུང་དང་འགྲོགས་སོང་བས།།
ལ་མོའི་སྒང་གི་ལྗོན་པ་ལ།།
གཡོ་བའི་ལས་ཤིག་བྱུང་བའི་ཚེ།།
ལས་ཀྱི་རི་མོའི་སྨོན་པ་དག།
ཟླ་བ་འཆར་སའི་ཡུལ་ལྗོངས་ནས།།
གླེགས་བམ་ཞིག་གི་གྲིབ་མ་ཡོད།།
ཡང་དུ་བྲིས་པའི་ཟླ་བ་སྟེ།།
སུ་ཡི་པང་དུ་གནས་པའི་ཚེ།།
རྨི་ལམ་ནང་གི་འཕགས་མ་ཞིག།
བྱིན་རློབས་ཆར་འབེབས་རྟག་ཏུ་གནང་།།
ཡང་དུ་བསྡམས་པའི་གླེགས་བམ་ཞིག།
ཀླུ་རྒྱབ་ལྷ་ཁང་གཡས་གཡོན་ནས།།
གསོལ་བའི་སྨོན་པ་ཁྱོད་ལ་འདེབས།།
སྨུག་པ་ནང་གི་སྐད་ཆ་ཞིག།
དུབ་ཅིང་དུབ་པའི་མཚན་མོར་ཆགས།།
ལས་ཀྱི་ཟིལ་བ་རབ་དྭངས་ཏེ།།
རྨི་ལམ་ཞིག་གི་ཞལ་ཁར་ཕྱེས།།
མ་རྙིང་པདྨའི་འདབ་མ་དང་།།
ཡིད་འོང་ཞལ་གྱི་མཛེས་སྡུག་སོགས།།
བསམ་གཏན་ནང་དུ་ཡང་བསྡུས་ཏེ།།
ཚིག་གི་ཐང་གའི་མཛེས་དཔལ་བྲིས།།
སྣང་བའི་སྟེང་གི་ཁྲུང་ཁྲུང་ཞིག།
འཕུར་བའི་ལས་སྣང་མ་ནོར་བ།།
ལས་ཀྱིས་བསྐོས་པའི་རིན་ཆེན་སྒང་།།
ལེན་པའི་མགུར་དེས་ཁྲིད་པ་དང་།།
ཅི་སྟེ་མ་རྟོགས་དྲུང་དུ་བསླེབས།།
བརྩེ་བས་བསྡུས་པའི་ལ་མོའི་རྩེར།།
མགུར་ཆུང་ཞིག་གིས་མཚན་མོར་བསྐྱལ།།
རིག་བྱེད་ངག་གིས་བླངས་བའི་གཞས།།
བར་སྐོར་གླིང་གི་མགུར་མ་དང་།།
ཆང་མས་བླངས་པའི་ཆང་གཞས་སོགས།།
ཟླ་བ་དྲན་པའི་ཆོ་འཕྲུལ་སིམས།།
ཡང་ན་རི་དྭགས་རྨས་མ་ཞིག།
ནགས་མའི་ཚལ་གྱི་ཕྱི་ནང་དུ།།
བདེ་སྡུག་མྱོང་བའི་སེམས་གཞས་ཤིག།
ཟླ་བའི་གྲོང་ནས་དབྱངས་རྟ་འཚོལ།།
འཛུམ་ལ་གོས་པའི་སྣང་བ་རུ།།
ཉི་ཟླའི་སྤྱན་གཉིས་དྲུང་དུ་གཡོ།།
སྨྲེང་བས་བཟུང་བའི་རྨི་ལམ་ལ།།
ལས་ཀྱི་མདུད་པ་ག་ལེར་གྲོལ།།
གཅིག་ཏུ་བསྡུས་པའི་སྒྲུང་འདི་དག།
སྒྱུ་མའི་འཕྲུལ་དུ་མངོན་པ་དང་།།
བརྩེ་བའི་དམ་ཚིག་མདུད་པ་ལ།།
ཡང་དུ་བརྐོས་པའི་རི་མོ་འདུག།
གང་ཞིག་ཡུལ་དུ་ཆགས་པའི་རྗེས།།
མ་རྙིང་བརྩེ་བའི་བུམ་པ་རུ།།
དུང་བས་གདུས་པའི་ལོ་མ་བསྙལ།།
དྲན་པ་གསོས་པའི་སྨན་ཡིན་ལ།།
རྣམ་རྟོག་ཡང་བའི་ལན་ཆགས་ཡིན།།
སྟོང་བའི་མཚོ་མོའི་གཉེར་མ་རུ།།
ལས་ཀྱི་ངང་བའི་བརྩེ་བར་འཁྱིལ།།
ཨུཏྤལ་ཞིག་ལྟར་མཛེས་ཉམས་ངང་།།
ངག་གི་ཟློས་གར་ཉག་མ་ལྷན།།
རྣམ་རྟོག་སྐོར་ཅིག་སེམས་སུ་འཐག།
རྨི་ལམ་བརྩེགས་པའི་མཚན་མོ་ལ།།
རི་དྭགས་འཛིན་པའི་ཟླ་བའི་གྲོང་།།
འོད་ཀྱི་དཀྱིལ་འཁོར་མལ་གདན་ནས།།
ཁྱོད་ཀྱི་མཚན་དང་བཞིན་གྱི་གཟུགས།།
བསྒོམ་པའི་བློ་ལས་བརྡོལ་གྱིན་འདུག།
རྨི་ལམ་འབྱམས་ལ་རི་མོ་བྲིས།།
ཌཱ་ཀི་གཟུགས་སུ་ཤུལ་བར་གླེང་།།
འཕྲུལ་བ་ནང་གི་རི་དྭགས་དེས།།
ལ་མོའི་བག་ཏུ་རྨི་ལམ་འཁུམས།།
ཅི་སྟེ་ཟླ་བའི་ཞལ་རས་ལ།།
ཡིད་འོང་ལས་ཀྱི་མཚོ་མོ་ཡོད།།
གསེར་ཉ་སྟོང་གི་གནས་མལ་ཡོད།།
ཡིག་འབྲུ་ནང་གི་རྨི་ལམ་ཡོད།།
གཏམ་རྒྱུད་སྦྲེལ་བའི་ཚངས་ཐིག་དེ།།
རི་ཆུ་བཅད་དེ་སྦྲེལ་བར་མཐོང་།།
འཛུམ་ལ་འཁྱུད་པའི་བརྩེ་བ་ནི།།
མཁའ་རུ་ཤར་བའི་འཇའ་ཚོན་བཞིན།།
ཡག་ཅིང་མཛེས་ལ་མིག་དབང་ཤོར།།
དེ་ལྟར་ཁྱོད་ཀྱང་དེ་འདྲ་བ།།
མཛེས་པའི་ཤུལ་ལ་སྤྱན་རིས་གཡོ།།
མེ་ནཱ་ཀ་ཡི་གཞས་ཆུང་ལ།།
བར་སྐོར་གླིང་གི་དབྱངས་རྟ་བརྒྱུས།།
ཟླ་བ་ཞེས་བྱ་འགྱུར་ཁུག་ཅིག།
ལ་མོའི་སྒང་ནས་སྙན་ལྷང་ལྷང་།།
འདི་ལྟར་ཁྱོད་ནི་འཕགས་མ་སྟེ།།
ཐམས་ཅད་འབུལ་སའི་ཡུལ་དེ་འོ།།
དབྱངས་ཅན་སྒྲ་ལ་ཐོགས་པའི་ཚེ།།
འཆི་བ་འོད་གསལ་ལུས་སུ་འཆང་།།
འཛུམ་པའི་བཞིན་གྱི་འཕགས་མ་སྟེ།།
ཞལ་རླངས་ཟླ་བའི་ཡིག་འབྲུར་གྱུར།།
འཕྲུལ་སྣང་ལས་ཀྱི་བརྟུལ་ཞུགས་ལ།།
འཁོར་བའི་མེ་ལོང་གསལ་སྒྲིབ་འོག།
གཏམ་རྒྱུད་འཁྲིད་པའི་ཟླ་བ་དྲན།།
ཞི་དུལ་ཟླ་བའི་ལྷ་ཁང་ལ།།
སྡིག་སྒྲིབ་ཉི་མས་ཡོངས་སུ་གསལ།།
རྟོག་སྒྲུང་མཚོ་མོའི་ལས་སྣང་དང་།།
ལས་སུ་ཕྱོགས་པའི་ཟླ་བ་སོགས།།
ཚིག་གི་མུ་ཏིག་ངག་ནས་གསལ།།
ཟླ་བའི་ཆགས་སྡང་དེ་ནས་མཚར།།
ཚིག་གི་རྩེ་མོའི་ལྷ་མོ་ལ།།
མ་བཅོས་ངག་གི་མགུར་མ་ཞིག།
རྨི་ལམ་ནང་དུ་འཛུལ་བས་ན།།
མིག་ཟུང་གྱེན་པའི་པདྨ་ཁོང་།།
ལས་ཀྱི་ཐོད་པའི་གཉེར་རིས་ལ།།
བརྩེ་བའི་ལག་མཐིལ་གསལ་བར་མཐོང་།།
2024 5 20
རྩོམ་སྒྲིག་པ། གངས་དགའ།
གདོང་གི་གཉེར་མ་ཇི་བཞིན་དུ།།
ལུས་ཀྱི་ན་ཚོད་ཡོང་བ་བཞིན།།
བརྩེ་བའི་རྡུལ་ཚོགས་ག་ལེར་གཡོ།།
ཟླ་བ་དང་ནི་སྐར་མ་སོགས།།
ཁྲ་རྒྱན་མིག་གི་སྤྱན་ཕྱོགས་སུ།།
ཁྱོད་ཀྱི་མཛེས་སྡུག་ཡིད་འོང་མ།།
ཟླ་བའི་གྲོང་ནས་ཡིད་སྨོན་ཤོར།།
ཐོལ་གྱིས་བཟུང་བའི་རྣམ་ཤེས་འདིས།།
ལུས་ངག་ཡིད་གསུམ་བཅིངས་བའི་ཚེ།།
སྔོན་མའི་ལས་ཀྱི་ཨུ་ཁུང་ལ།།
བརྩེ་བའི་ལན་ཆགས་མིན་ན་ཅི།།
དེ་བས་ལས་ཀྱི་དཀྱིལ་འཁོར་ལ།།
ཚོར་བས་བཟུང་བའི་ངག་བསྐུར་ཏེ།།
ཁྱོད་རང་མགུ་བའི་གཞས་ཆུང་བྲིས།།
རྣམ་ཤེས་བཟུང་བའི་མེ་ནཱ་ཀ།
ནགས་མའི་ཚལ་གྱི་སྨུག་པ་རུ།།
རི་དྭགས་ཤྭ་སོགས་རྩེད་འཇོ་རོལ།།
ང་ཡང་དེ་ལྟར་ནགས་ཚལ་དུ།།
སྙན་ངག་མཆོག་གི་བྱེད་པོ་ལ།།
དངོས་གྲུབ་འཇོ་བའི་ལས་སུ་ཞུགས།།
མཁའ་རུ་གཤེགས་པའི་སྨུག་པ་ཅན།།
སྟོང་ཉིད་བྱང་བའི་རྣལ་འབྱོར་ལྟར།།
ཁྱོད་ཀྱི་མཁའ་ཡི་འཇའ་ལམ་ནས།།
འོད་ཟེར་ཉག་མའི་པང་དུ་བྱོན།།
བརྩེ་བས་བྲིན་པའི་འཕགས་མ་སྟེ།།
མཁའ་དབྱིངས་བདེ་བའི་ཕོ་བྲང་ནས།།
སྒྱུ་འཕྲུལ་ཚིག་གི་མེ་ཏོག་མཆོད།།
ཁྲུང་ཁྲུང་ཞིག་ལྟར་མཛེས་ཉམས་ཅན།།
ཁུ་བྱུག་ཅིག་ལྟར་གསུང་སྐད་སྙན།།
འཕགས་མ་ཞིག་ལྟར་ཐུགས་རྒྱུད་བྱམས།།
བརྩེ་བའི་ལྷ་མོ་ཁྱོད་ཀྱི་ལྟ་བུ།།
ལྷ་མོའི་ཚོགས་སུ་ཡོད་པ་ལས།།
འཁོར་བའི་གྲོང་དུ་ཨེ་ཡོད་ལགས།།
དེ་བས་ཁྱོད་ནི་ཀུན་ལས་མཆོག།
ཉེས་པའི་རྡུལ་ཙམ་མ་གོས་པའི།།
ཟླ་བ་སྙེམས་པའི་རྩེད་འཇོ་རུ།།
ཆེམ་ཆེམ་འོད་ཀྱིས་གནས་མལ་བཟུང་།།
བསོད་ནམས་སྦྱོར་བའི་ལག་པ་ཡང་།།
དཔག་བསམ་ཤིང་གི་ལྗོན་པའི་ཟོམ།།
ཁུ་བྱུག་ཅིག་གི་རྣམ་སྤྲུལ་འོག།
དབྱངས་ཀྱི་རྒྱལ་མོ་ཡུལ་ནས་་མཆེད།།
སྟོང་བའི་གཟུགས་ལས་ཐོན་པའི་དཔལ།།
སྒྱུ་མའི་འཕྲུལ་གྱི་མིག་ཡངས་མ།།
གླེགས་བམ་ངོས་ཀྱི་སྙན་ངག་མ།།
གཟུང་འཛིན་གཉིས་ཀྱི་བྱེད་པོ་སྟེ།།
བརྩེ་མདུད་གྲོལ་བའི་འཕགས་མ་ཁྱོད།།
ཁུ་བྱུག་གྲག་པའི་ནགས་རྫོང་ནས།།
དམ་ཚིག་སྙེ་མ་བདག་ལ་གཡོ།།
ཌཱ་ཀི་གཟུགས་འཆང་པདྨ་ཅན།།
མིག་ཏུ་ལྷུང་བའི་གོ་རིམ་ནང་།།
རྩ་ཡི་ཡན་ལག་ཡོངས་སྦྲིད་དེ།།
རྨི་ལམ་བརྩེག་པའི་མཚན་གཞུང་ན།།
ཚེམས་ཕྲེང་དཀར་བའི་དབྱངས་ཅན་མའི།།
གཟུགས་ཀྱི་མཚོན་དཔེ་ཁྱོད་ཀྱིས་བཟུང་།།
དྲི་མའི་རྡུལ་རྣམས་ཡོངས་སུ་དག།
ཟླ་བ་བང་རིམ་གན་དུ་གནས།།
འོད་དང་བཅས་ཏེ་རི་དྭགས་འཛིན།།
ཡོངས་སུ་འཛིན་པའི་རྡུལ་དག་ནི།།
དབྱངས་ཅན་མ་ཡི་སྲས་སུ་སྤྲུལ།།
སྙན་འཇེབས་ལས་སུ་གནས་མལ་བཟུང་།།
ཅི་སྟེ་ང་ཡང་དེ་ལྟར་ན།།
སྙན་པའི་གདངས་ཤིག་ལེགས་འགྲུབ་ཚེ།།
དབྱངས་ཅན་ལྟ་བུའི་ཟླ་བ་ལ།།
ངག་གི་ཕོ་བྲང་བཞེངས་ལ་ལྟོས།།
ཐིག་ལེ་མཆོག་མའི་མཛེས་རིས་ལ།།
ཚངས་པའི་ཡིད་ནི་སྒོམ་ལས་ལྡང་།།
ནགས་མའི་ཚལ་གྱི་ནང་སེམས་འདི།།
རྣལ་འབྱོར་ལས་སུ་རྟག་ཏུ་འཆང་།།
ཚོར་བས་བཏབ་པའི་འབྲས་བུ་ལ།།
རྣམ་རྟོག་གཙང་བོ་གཡོ་བ་མཐོང་།།
ང་ཡང་དེ་ལྟར་གཙང་བོ་སྟེ།།
ལྷ་མོའི་ཚོགས་སུ་རླབས་ཕྲེང་འཐོར།།
བློ་རུ་བཟུང་བའི་ཚིག་དག་ནི།།
ཡ་གིའི་རླུང་དང་འགྲོགས་སོང་བས།།
ལ་མོའི་སྒང་གི་ལྗོན་པ་ལ།།
གཡོ་བའི་ལས་ཤིག་བྱུང་བའི་ཚེ།།
ལས་ཀྱི་རི་མོའི་སྨོན་པ་དག།
ཟླ་བ་འཆར་སའི་ཡུལ་ལྗོངས་ནས།།
གླེགས་བམ་ཞིག་གི་གྲིབ་མ་ཡོད།།
ཡང་དུ་བྲིས་པའི་ཟླ་བ་སྟེ།།
སུ་ཡི་པང་དུ་གནས་པའི་ཚེ།།
རྨི་ལམ་ནང་གི་འཕགས་མ་ཞིག།
བྱིན་རློབས་ཆར་འབེབས་རྟག་ཏུ་གནང་།།
ཡང་དུ་བསྡམས་པའི་གླེགས་བམ་ཞིག།
ཀླུ་རྒྱབ་ལྷ་ཁང་གཡས་གཡོན་ནས།།
གསོལ་བའི་སྨོན་པ་ཁྱོད་ལ་འདེབས།།
སྨུག་པ་ནང་གི་སྐད་ཆ་ཞིག།
དུབ་ཅིང་དུབ་པའི་མཚན་མོར་ཆགས།།
ལས་ཀྱི་ཟིལ་བ་རབ་དྭངས་ཏེ།།
རྨི་ལམ་ཞིག་གི་ཞལ་ཁར་ཕྱེས།།
མ་རྙིང་པདྨའི་འདབ་མ་དང་།།
ཡིད་འོང་ཞལ་གྱི་མཛེས་སྡུག་སོགས།།
བསམ་གཏན་ནང་དུ་ཡང་བསྡུས་ཏེ།།
ཚིག་གི་ཐང་གའི་མཛེས་དཔལ་བྲིས།།
སྣང་བའི་སྟེང་གི་ཁྲུང་ཁྲུང་ཞིག།
འཕུར་བའི་ལས་སྣང་མ་ནོར་བ།།
ལས་ཀྱིས་བསྐོས་པའི་རིན་ཆེན་སྒང་།།
ལེན་པའི་མགུར་དེས་ཁྲིད་པ་དང་།།
ཅི་སྟེ་མ་རྟོགས་དྲུང་དུ་བསླེབས།།
བརྩེ་བས་བསྡུས་པའི་ལ་མོའི་རྩེར།།
མགུར་ཆུང་ཞིག་གིས་མཚན་མོར་བསྐྱལ།།
རིག་བྱེད་ངག་གིས་བླངས་བའི་གཞས།།
བར་སྐོར་གླིང་གི་མགུར་མ་དང་།།
ཆང་མས་བླངས་པའི་ཆང་གཞས་སོགས།།
ཟླ་བ་དྲན་པའི་ཆོ་འཕྲུལ་སིམས།།
ཡང་ན་རི་དྭགས་རྨས་མ་ཞིག།
ནགས་མའི་ཚལ་གྱི་ཕྱི་ནང་དུ།།
བདེ་སྡུག་མྱོང་བའི་སེམས་གཞས་ཤིག།
ཟླ་བའི་གྲོང་ནས་དབྱངས་རྟ་འཚོལ།།
འཛུམ་ལ་གོས་པའི་སྣང་བ་རུ།།
ཉི་ཟླའི་སྤྱན་གཉིས་དྲུང་དུ་གཡོ།།
སྨྲེང་བས་བཟུང་བའི་རྨི་ལམ་ལ།།
ལས་ཀྱི་མདུད་པ་ག་ལེར་གྲོལ།།
གཅིག་ཏུ་བསྡུས་པའི་སྒྲུང་འདི་དག།
སྒྱུ་མའི་འཕྲུལ་དུ་མངོན་པ་དང་།།
བརྩེ་བའི་དམ་ཚིག་མདུད་པ་ལ།།
ཡང་དུ་བརྐོས་པའི་རི་མོ་འདུག།
གང་ཞིག་ཡུལ་དུ་ཆགས་པའི་རྗེས།།
མ་རྙིང་བརྩེ་བའི་བུམ་པ་རུ།།
དུང་བས་གདུས་པའི་ལོ་མ་བསྙལ།།
དྲན་པ་གསོས་པའི་སྨན་ཡིན་ལ།།
རྣམ་རྟོག་ཡང་བའི་ལན་ཆགས་ཡིན།།
སྟོང་བའི་མཚོ་མོའི་གཉེར་མ་རུ།།
ལས་ཀྱི་ངང་བའི་བརྩེ་བར་འཁྱིལ།།
ཨུཏྤལ་ཞིག་ལྟར་མཛེས་ཉམས་ངང་།།
ངག་གི་ཟློས་གར་ཉག་མ་ལྷན།།
རྣམ་རྟོག་སྐོར་ཅིག་སེམས་སུ་འཐག།
རྨི་ལམ་བརྩེགས་པའི་མཚན་མོ་ལ།།
རི་དྭགས་འཛིན་པའི་ཟླ་བའི་གྲོང་།།
འོད་ཀྱི་དཀྱིལ་འཁོར་མལ་གདན་ནས།།
ཁྱོད་ཀྱི་མཚན་དང་བཞིན་གྱི་གཟུགས།།
བསྒོམ་པའི་བློ་ལས་བརྡོལ་གྱིན་འདུག།
རྨི་ལམ་འབྱམས་ལ་རི་མོ་བྲིས།།
ཌཱ་ཀི་གཟུགས་སུ་ཤུལ་བར་གླེང་།།
འཕྲུལ་བ་ནང་གི་རི་དྭགས་དེས།།
ལ་མོའི་བག་ཏུ་རྨི་ལམ་འཁུམས།།
ཅི་སྟེ་ཟླ་བའི་ཞལ་རས་ལ།།
ཡིད་འོང་ལས་ཀྱི་མཚོ་མོ་ཡོད།།
གསེར་ཉ་སྟོང་གི་གནས་མལ་ཡོད།།
ཡིག་འབྲུ་ནང་གི་རྨི་ལམ་ཡོད།།
གཏམ་རྒྱུད་སྦྲེལ་བའི་ཚངས་ཐིག་དེ།།
རི་ཆུ་བཅད་དེ་སྦྲེལ་བར་མཐོང་།།
འཛུམ་ལ་འཁྱུད་པའི་བརྩེ་བ་ནི།།
མཁའ་རུ་ཤར་བའི་འཇའ་ཚོན་བཞིན།།
ཡག་ཅིང་མཛེས་ལ་མིག་དབང་ཤོར།།
དེ་ལྟར་ཁྱོད་ཀྱང་དེ་འདྲ་བ།།
མཛེས་པའི་ཤུལ་ལ་སྤྱན་རིས་གཡོ།།
མེ་ནཱ་ཀ་ཡི་གཞས་ཆུང་ལ།།
བར་སྐོར་གླིང་གི་དབྱངས་རྟ་བརྒྱུས།།
ཟླ་བ་ཞེས་བྱ་འགྱུར་ཁུག་ཅིག།
ལ་མོའི་སྒང་ནས་སྙན་ལྷང་ལྷང་།།
འདི་ལྟར་ཁྱོད་ནི་འཕགས་མ་སྟེ།།
ཐམས་ཅད་འབུལ་སའི་ཡུལ་དེ་འོ།།
དབྱངས་ཅན་སྒྲ་ལ་ཐོགས་པའི་ཚེ།།
འཆི་བ་འོད་གསལ་ལུས་སུ་འཆང་།།
འཛུམ་པའི་བཞིན་གྱི་འཕགས་མ་སྟེ།།
ཞལ་རླངས་ཟླ་བའི་ཡིག་འབྲུར་གྱུར།།
འཕྲུལ་སྣང་ལས་ཀྱི་བརྟུལ་ཞུགས་ལ།།
འཁོར་བའི་མེ་ལོང་གསལ་སྒྲིབ་འོག།
གཏམ་རྒྱུད་འཁྲིད་པའི་ཟླ་བ་དྲན།།
ཞི་དུལ་ཟླ་བའི་ལྷ་ཁང་ལ།།
སྡིག་སྒྲིབ་ཉི་མས་ཡོངས་སུ་གསལ།།
རྟོག་སྒྲུང་མཚོ་མོའི་ལས་སྣང་དང་།།
ལས་སུ་ཕྱོགས་པའི་ཟླ་བ་སོགས།།
ཚིག་གི་མུ་ཏིག་ངག་ནས་གསལ།།
ཟླ་བའི་ཆགས་སྡང་དེ་ནས་མཚར།།
ཚིག་གི་རྩེ་མོའི་ལྷ་མོ་ལ།།
མ་བཅོས་ངག་གི་མགུར་མ་ཞིག།
རྨི་ལམ་ནང་དུ་འཛུལ་བས་ན།།
མིག་ཟུང་གྱེན་པའི་པདྨ་ཁོང་།།
ལས་ཀྱི་ཐོད་པའི་གཉེར་རིས་ལ།།
བརྩེ་བའི་ལག་མཐིལ་གསལ་བར་མཐོང་།།
2024 5 20
རྩོམ་སྒྲིག་པ། གངས་དགའ།
རྩོམ་ཁུངས། ངེད་དྲ་བ།