བཤེར་འཚོལ།
༄༅།།ཨ་ཅག་ཨེ་ཁྲིHལ་བཏང་པའི་གཞས།(ཞར་བཀོད་གཅིག)
སེམས་ལ་རླུང་བུ་ཤིག་ཤིག་གིས།།
གནས་མོའི་ཞལ་རས་ལམ་ལམ་གཡོས།།
ངག་ཚིག་འཛིན་པ་མེད་ན་ཡང་།།
ཨ་ཅག་ཨེ་ཁྲི་འཛུམ་དམུལ་དམུལ།།
མང་པོའི་དཀྱིལ་གྱི་འཛུམ་ཡག་མ།།
སེམས་པའི་གསེང་གི་བག་ཡོད་མ།།
ཐབས་དང་བཀོད་པའི་བདག་མོ་མ།།
ཨ་ཅག་ཨེ་ཁྲི་གཞུང་དྲང་མ།།
དགོད་ཞོར་སྙིང་ཆུང་རྐུ་མཁས་མ།།
འཛུམ་ཞོར་བློ་ཡིད་འབྲིད་ཤེས་མ།།
གཡས་བསྐྱངས་གཡོན་བསྐུམས་ཏཱ་རེ་མ།།
ཉེར་གཅིག་བརྩིས་ཀྱང་མང་མེད་མ།
དེ་རིང་འཕྲིན་གྱི་ཉི་འོད་མ།།
སང་ཉིན་ཞེན་པའི་མེ་ལྕེ་མ།།
ད་ལྟ་མིག་གི་ཡིད་འོང་མ།།
མ་འོངས་བསྐལ་པར་བརྗེད་མེད་མ།།
གློ་ལ་འདོགས་པའི་ལས་མེད་ཀྱང་།།
སེམས་ལ་ཟུག་པ་བསུབ་ཏུ་བྲལ།།
ཟླ་བ་རི་བོང་ངང་ཚུལ་གྱིས།།
ཚེ་འགྲོགས་ཡིན་ན་ཨེ་མ་ཧོ།།
ཆང་ལ་མ་སྦྱར་མཆུ་འདབ་སྦྱར།།
མཆུ་ལ་མ་སྦྱར་མཆིན་པ་སྦྱར།།
མཆིན་ལ་མ་སྦྱར་གློ་ལ་སྦྱར།།
གློ་ལ་མ་སྦྱར་སྙིང་ལ་སྦྱར།།
དེ་ལྟའི་སྐལ་བ་བཟང་པོ་དག།
མངོན་ན་མེད་ཀྱང་ཆོག་པ་སྟེ།།
ལྐོག་ནས་འབྱུང་ལ་ཧམ་པ་བྲལ།།
རྨི་ལམ་ཡིན་ཀྱང་སྤྲོ་བས་བཟི།།
ཨ་ཅག་འབྲི་བརྒྱས་མི་ཁུག་པ།།
ཀུ་རེ་རྩེད་མོས་ག་ལ་ཁུགས།།
བདུད་རྩི་ཧུབ་གང་མ་བཏུང་ཡང་།།
ཁ་ཚིག་བར་ནས་བཟི་བར་བྱེད།།
ཆང་དང་མགུར་དག་མི་གླེང་སྟེ།།
འོ་བརྒྱལ་ཆེ་ལ་ཡི་མི་རང།།
ཁོམ་དུས་དལ་དུས་མེད་ན་ཡང་།།
འཛུམ་ཞལ་སྲང་རེ་རྟག་ཏུ་ཞུ།།
ཟོལ་དང་རྫུ་ཡི་ཐག་པ་དང་།།
སྤྱི་དང་སྒེར་གྱི་ཞགས་པ་དང་།།
ཆོས་དང་ལུགས་ཀྱི་ལྕགས་སྒྲོག་དང་།།
ལོ་དང་ཚོད་ཀྱི་གདོང་འབག་དང་།།
ག་ལེར་ག་ལེར་སིམ་པ་ཡི།།
གཟུགས་མེད་འདོགས་ཐག་ལྕགས་རྡུང་མ།།
ཡོད་ནི་ཡོད་ཅིང་སྟོབས་པོ་ཆེ།།
མེད་པར་བྱ་བའི་བློ་སྤོབས་མེད།།
ལག་འཕྲིན་ཡི་གེའི་རོལ་མོ་ཡིས།།
སྙིང་གི་ཚིག་དག་གཞས་ལ་དྲངས།།
ཨ་ཅག་ཨེ་ཁྲི་འདྲ་བ་ཚོས།།
འཛུམ་བཞིན་དགོད་བཞིན་ཐོས་པར་ཤོག།
སེམས་པའི་མཐིལ་ནས་འབར་བའི་མེ་ལྕེ་་སོ་གཉིས།།
མཚན་མོའི་རྨི་ལམ་འཕྲོག་པའི་གཤེད་མ་ཞིག་རེད།།
ལྷུག་ལྷུག་ཟ་འགྲམ་བཞད་པའི་འཛུམ་ཆུང་རེ་རེ།།
ཞེན་པའི་ཟེའུ་འབྲུར་འཐམ་པའི་གཡུ་སྦྲང་དཔེ་རེད།།
སྐྱོ་བ་གོས་སུ་གྱོན་པའི་མཚན་ལམ་རིང་མོ།།
རྨི་ལམ་ཐར་ཐོར་བར་ནས་སད་རྒྱུ་ཡོད་ཀྱང་།།
སྣང་བའི་ཕྱི་ནང་བསྐོར་བའི་ལན་ཆགས་སྐམ་པོ།།
མི་ཐོབ་བྱེ་མའི་ཐང་ན་སྐོམ་པས་གདུང་འདུག།
གསང་བའི་སེམས་ན་སྦས་པའི་ཨ་ཅག་ཨ་ེཁྲི།།
ཁ་པར་ཨང་གྲངས་གསེབ་ཀྱི་མེ་ཏོག་རྐང་གཅིག།
བྲི་དང་གང་བ་མེད་པ་སེམས་ཀྱི་མེ་ལོང་།།
ལག་པས་ལན་བརྒྱར་ཕྱིས་པ་ངལ་བའི་རྒྱུ་རེད།།
ཁྱོད་རང་དྲན་འགྲོ་རྒྱུ་མའི་མཐིལ་ན་མེད་ཅིང་།།
དྲན་འོས་རྒྱུ་དང་རྐྱེན་གྱི་གང་བུས་སྟོང་ཡང་།།
མ་དག་སེམས་རིས་འཚོལ་བའི་གླ་བོ་ཁེར་འགྲོ།།
རབ་རིབ་སྨིག་རྒྱུའི་ཀློང་ན་མགོ་བོ་འཁོར་འདུག།
གཉིས་མེད་མཐའ་བྲལ་སེམས་ཀྱི་ནམ་མཁའ་དེ་ན།།
བདེན་པའི་ལྷ་ཞིག་བཞུགས་པར་ཡིད་ཆེས་ཁེངས་ཡང་།།
ཉམ་ཐག་ངེས་མེད་སྐྱབས་བྲལ་བྱ་སྒྲོ་རླུང་ཁུར།།
བདེ་མོའི་གཞོངས་ལ་འབབ་པའི་ལས་འཕྲོ་མེད་དོ།།
སེམས་སོང་ཨ་ཅག་ལས་ཀྱི་རྫ་ནས་མ་འཕྲད།།
དུངས་པའི་འདུ་འཛོམས་རྨི་ལམ་ནང་ལ་བཙངས་སོང་།།
གཏན་གྱི་འདུན་མ་མི་འོངས་ཁོ་ཐག་ཆོད་ཀྱང་།།
ཞེན་པའི་སྤྱིལ་ཆུང་དྲན་པའི་མེ་ཡིས་བསྲེགས་སོང་།།
ལས་འཕྲོའི་ལྷམ་ཆུང་རལ་བའི་ལམ་ཕྲན་འཁྱོག་པོ།།
མཐའ་དང་འཛིན་དུ་མེད་པའི་ལོ་ཟླར་བསླེས་པས།།
དགའ་སྐྱོ་རྔུལ་ཆུ་འདྲེས་མའི་ཉིན་ཞག་ཕྲེང་བ།།
ཨེ་ཁྲི་བཙལ་བའི་འབྲས་མེད་སོན་འདེབས་ཁྲོད་ན།།
མོ་རང་ཡིན་པ་ཐ་ཆུང་མིག་གི་གཤེད་མ།།
གཞན་ཁྱིམ་དྲོན་མོར་སེམས་པ་བག་ལ་ཉལ་་བ།།
མོ་རང་ཡིན་པ་ཡ་ཆུང་སྙིང་གི་ཁེབས་མ།།
འགྲོ་ཞོར་མཐོང་ན་བདག་སྙིང་ལུ་གུ་རྩེན་པ།།
འཁོར་བའི་རི་ལ་གཞས་ཆུང་ཅི་ཙམ་བླངས་པ།།
གཞས་གྱིས་མིན་ཏེ་སེམས་ཀྱི་འཆར་སྒོས་བྱས་སོ།།
རྒས་ཡང་ཉམས་པ་མེད་པའི་ཞེན་ཆགས་དམར་པོ།།
བུ་མོས་མ་ཚོར་བཀྲེན་པའི་ལང་ཚོ་གསར་བ།།
གཞས་གཉིས་ངག་ལ་བསྐྱིལ་བའི་བདེ་བ་ཕྲ་མོ།།
སོར་རྩེའི་ཡི་གེས་འཕྲུལ་ལ་དབང་ཆེ་སྙམ་ན།།
དབྱངས་གསལ་སོ་བཞི་གསེར་གྱི་ས་བོན་འདི་ཀོ།།
བསྐལ་བརྒྱར་བརྟན་ལ་ཚེ་ཡི་ཞིང་ས་བསྲུང་འདོད།།
རྩོམ་སྒྲིག་པ། གངས་དགའ།
གནས་མོའི་ཞལ་རས་ལམ་ལམ་གཡོས།།
ངག་ཚིག་འཛིན་པ་མེད་ན་ཡང་།།
ཨ་ཅག་ཨེ་ཁྲི་འཛུམ་དམུལ་དམུལ།།
མང་པོའི་དཀྱིལ་གྱི་འཛུམ་ཡག་མ།།
སེམས་པའི་གསེང་གི་བག་ཡོད་མ།།
ཐབས་དང་བཀོད་པའི་བདག་མོ་མ།།
ཨ་ཅག་ཨེ་ཁྲི་གཞུང་དྲང་མ།།
དགོད་ཞོར་སྙིང་ཆུང་རྐུ་མཁས་མ།།
འཛུམ་ཞོར་བློ་ཡིད་འབྲིད་ཤེས་མ།།
གཡས་བསྐྱངས་གཡོན་བསྐུམས་ཏཱ་རེ་མ།།
ཉེར་གཅིག་བརྩིས་ཀྱང་མང་མེད་མ།
དེ་རིང་འཕྲིན་གྱི་ཉི་འོད་མ།།
སང་ཉིན་ཞེན་པའི་མེ་ལྕེ་མ།།
ད་ལྟ་མིག་གི་ཡིད་འོང་མ།།
མ་འོངས་བསྐལ་པར་བརྗེད་མེད་མ།།
གློ་ལ་འདོགས་པའི་ལས་མེད་ཀྱང་།།
སེམས་ལ་ཟུག་པ་བསུབ་ཏུ་བྲལ།།
ཟླ་བ་རི་བོང་ངང་ཚུལ་གྱིས།།
ཚེ་འགྲོགས་ཡིན་ན་ཨེ་མ་ཧོ།།
ཆང་ལ་མ་སྦྱར་མཆུ་འདབ་སྦྱར།།
མཆུ་ལ་མ་སྦྱར་མཆིན་པ་སྦྱར།།
མཆིན་ལ་མ་སྦྱར་གློ་ལ་སྦྱར།།
གློ་ལ་མ་སྦྱར་སྙིང་ལ་སྦྱར།།
དེ་ལྟའི་སྐལ་བ་བཟང་པོ་དག།
མངོན་ན་མེད་ཀྱང་ཆོག་པ་སྟེ།།
ལྐོག་ནས་འབྱུང་ལ་ཧམ་པ་བྲལ།།
རྨི་ལམ་ཡིན་ཀྱང་སྤྲོ་བས་བཟི།།
ཨ་ཅག་འབྲི་བརྒྱས་མི་ཁུག་པ།།
ཀུ་རེ་རྩེད་མོས་ག་ལ་ཁུགས།།
བདུད་རྩི་ཧུབ་གང་མ་བཏུང་ཡང་།།
ཁ་ཚིག་བར་ནས་བཟི་བར་བྱེད།།
ཆང་དང་མགུར་དག་མི་གླེང་སྟེ།།
འོ་བརྒྱལ་ཆེ་ལ་ཡི་མི་རང།།
ཁོམ་དུས་དལ་དུས་མེད་ན་ཡང་།།
འཛུམ་ཞལ་སྲང་རེ་རྟག་ཏུ་ཞུ།།
ཟོལ་དང་རྫུ་ཡི་ཐག་པ་དང་།།
སྤྱི་དང་སྒེར་གྱི་ཞགས་པ་དང་།།
ཆོས་དང་ལུགས་ཀྱི་ལྕགས་སྒྲོག་དང་།།
ལོ་དང་ཚོད་ཀྱི་གདོང་འབག་དང་།།
ག་ལེར་ག་ལེར་སིམ་པ་ཡི།།
གཟུགས་མེད་འདོགས་ཐག་ལྕགས་རྡུང་མ།།
ཡོད་ནི་ཡོད་ཅིང་སྟོབས་པོ་ཆེ།།
མེད་པར་བྱ་བའི་བློ་སྤོབས་མེད།།
ལག་འཕྲིན་ཡི་གེའི་རོལ་མོ་ཡིས།།
སྙིང་གི་ཚིག་དག་གཞས་ལ་དྲངས།།
ཨ་ཅག་ཨེ་ཁྲི་འདྲ་བ་ཚོས།།
འཛུམ་བཞིན་དགོད་བཞིན་ཐོས་པར་ཤོག།
Hཞེ་ལ་ལྷུང་བ།
སེམས་པའི་མཐིལ་ནས་འབར་བའི་མེ་ལྕེ་་སོ་གཉིས།།
མཚན་མོའི་རྨི་ལམ་འཕྲོག་པའི་གཤེད་མ་ཞིག་རེད།།
ལྷུག་ལྷུག་ཟ་འགྲམ་བཞད་པའི་འཛུམ་ཆུང་རེ་རེ།།
ཞེན་པའི་ཟེའུ་འབྲུར་འཐམ་པའི་གཡུ་སྦྲང་དཔེ་རེད།།
སྐྱོ་བ་གོས་སུ་གྱོན་པའི་མཚན་ལམ་རིང་མོ།།
རྨི་ལམ་ཐར་ཐོར་བར་ནས་སད་རྒྱུ་ཡོད་ཀྱང་།།
སྣང་བའི་ཕྱི་ནང་བསྐོར་བའི་ལན་ཆགས་སྐམ་པོ།།
མི་ཐོབ་བྱེ་མའི་ཐང་ན་སྐོམ་པས་གདུང་འདུག།
གསང་བའི་སེམས་ན་སྦས་པའི་ཨ་ཅག་ཨ་ེཁྲི།།
ཁ་པར་ཨང་གྲངས་གསེབ་ཀྱི་མེ་ཏོག་རྐང་གཅིག།
བྲི་དང་གང་བ་མེད་པ་སེམས་ཀྱི་མེ་ལོང་།།
ལག་པས་ལན་བརྒྱར་ཕྱིས་པ་ངལ་བའི་རྒྱུ་རེད།།
ཁྱོད་རང་དྲན་འགྲོ་རྒྱུ་མའི་མཐིལ་ན་མེད་ཅིང་།།
དྲན་འོས་རྒྱུ་དང་རྐྱེན་གྱི་གང་བུས་སྟོང་ཡང་།།
མ་དག་སེམས་རིས་འཚོལ་བའི་གླ་བོ་ཁེར་འགྲོ།།
རབ་རིབ་སྨིག་རྒྱུའི་ཀློང་ན་མགོ་བོ་འཁོར་འདུག།
གཉིས་མེད་མཐའ་བྲལ་སེམས་ཀྱི་ནམ་མཁའ་དེ་ན།།
བདེན་པའི་ལྷ་ཞིག་བཞུགས་པར་ཡིད་ཆེས་ཁེངས་ཡང་།།
ཉམ་ཐག་ངེས་མེད་སྐྱབས་བྲལ་བྱ་སྒྲོ་རླུང་ཁུར།།
བདེ་མོའི་གཞོངས་ལ་འབབ་པའི་ལས་འཕྲོ་མེད་དོ།།
སེམས་སོང་ཨ་ཅག་ལས་ཀྱི་རྫ་ནས་མ་འཕྲད།།
དུངས་པའི་འདུ་འཛོམས་རྨི་ལམ་ནང་ལ་བཙངས་སོང་།།
གཏན་གྱི་འདུན་མ་མི་འོངས་ཁོ་ཐག་ཆོད་ཀྱང་།།
ཞེན་པའི་སྤྱིལ་ཆུང་དྲན་པའི་མེ་ཡིས་བསྲེགས་སོང་།།
ལས་འཕྲོའི་ལྷམ་ཆུང་རལ་བའི་ལམ་ཕྲན་འཁྱོག་པོ།།
མཐའ་དང་འཛིན་དུ་མེད་པའི་ལོ་ཟླར་བསླེས་པས།།
དགའ་སྐྱོ་རྔུལ་ཆུ་འདྲེས་མའི་ཉིན་ཞག་ཕྲེང་བ།།
ཨེ་ཁྲི་བཙལ་བའི་འབྲས་མེད་སོན་འདེབས་ཁྲོད་ན།།
མོ་རང་ཡིན་པ་ཐ་ཆུང་མིག་གི་གཤེད་མ།།
གཞན་ཁྱིམ་དྲོན་མོར་སེམས་པ་བག་ལ་ཉལ་་བ།།
མོ་རང་ཡིན་པ་ཡ་ཆུང་སྙིང་གི་ཁེབས་མ།།
འགྲོ་ཞོར་མཐོང་ན་བདག་སྙིང་ལུ་གུ་རྩེན་པ།།
འཁོར་བའི་རི་ལ་གཞས་ཆུང་ཅི་ཙམ་བླངས་པ།།
གཞས་གྱིས་མིན་ཏེ་སེམས་ཀྱི་འཆར་སྒོས་བྱས་སོ།།
རྒས་ཡང་ཉམས་པ་མེད་པའི་ཞེན་ཆགས་དམར་པོ།།
བུ་མོས་མ་ཚོར་བཀྲེན་པའི་ལང་ཚོ་གསར་བ།།
གཞས་གཉིས་ངག་ལ་བསྐྱིལ་བའི་བདེ་བ་ཕྲ་མོ།།
སོར་རྩེའི་ཡི་གེས་འཕྲུལ་ལ་དབང་ཆེ་སྙམ་ན།།
དབྱངས་གསལ་སོ་བཞི་གསེར་གྱི་ས་བོན་འདི་ཀོ།།
བསྐལ་བརྒྱར་བརྟན་ལ་ཚེ་ཡི་ཞིང་ས་བསྲུང་འདོད།།
རྩོམ་སྒྲིག་པ། གངས་དགའ།
རྩོམ་ཁུངས། ངེད་དྲ་བ།