བཤེར་འཚོལ།
ཐ་སྙད་ཀྱི་ཟླ་མཆོད།
ཟླ་བ་གོར་གོར་དེ་མཁའ་ནས་འཛུམ་ཅིང་།།
གདོང་བ་སྒོར་སྒོར་དེ་ཡིད་ལ་བཅགས་ནས།།
གོ་རེ་གོར་གོར་ཞིག་མདུན་དུ་བཞག་ན།།
དྲན་པ་སྒོར་སྒོར་ཞིག་སེམས་ལ་འཇགས་སོ།།
མཁའ་ཡི་ཉི་མ་དེ་སྤྲིན་ལ་མ་གཞའ།།
སེམས་ཀྱི་དྲན་པ་དེ་བག་ལ་མ་འཁུམ།།
ཁ་ཚིག་མགུར་མ་དེ་རོགས་ལ་མ་འཛེམས།།
འཚོ་བའི་ཁ་སྟབས་དེ་གཡེང་ལ་མ་བསྐུར།།
མིག་གི་ཕྱོགས་ས་རུ་པདྨོ་བཞད་པ།།
སྣང་བྱེད་གཞོན་ནུ་ཡི་རྫུ་འཕྲུལ་ཡིན་ན།།
ཞེན་པ་ཤོར་ས་ཡི་ཀུ་མུད་སྨད་པ།།
བློ་ཡི་ཟླ་བ་ལས་མི་སྟོན་མཛེས་པ།།
ཁ་བ་བ་མོ་བཞིན་འབབ་ལ་བྲེལ་བའི།།
སྟོན་ཟླ་འབྲིང་བ་ཡི་ཕུན་ཚོགས་ར་བ།།
རི་བོང་འཛིན་པ་དེའི་སྒེག་པས་བཀུག་ན།།
ཕྱོགས་ཀྱི་མ་བོས་མགྲོན་དལ་ཙམ་གནོངས་དང་།།
གོམ་ཁ་ཡར་འཁོར་ཞིག་གངས་ལ་གཏད་ན།།
གངས་ཀྱི་རྒྱལ་མོ་དེ་རྨ་ཆེན་སྦོམ་རས།།
ཆོ་འཕྲུལ་མིག་ནང་གི་ཁྲ་ཁྲ་རིག་རིག།།
བདག་མིན་རིང་ཐུང་གི་ལྟད་མོར་བྲིས་སོང་།།
རྩི་ཏོག་ཁྲི་སྟོང་གི་མགོ་བོ་དུད་དེ།།
ནོར་ལུག་བརྒྱ་སྟོང་གི་ཤེད་མོང་བརྟས་དུས།།
འབྲོག་མི་ས་ཡ་ཡི་ཕོ་རོག་རྒྱགས་འགྲོས།།
ཡ་གའི་གར་སྟེགས་སུ་ཤོམ་གྱིས་དྲེགས་པ།།
རྟ་བོ་སྟོང་ཕྲག་གི་རྨིག་རྗེས་གསལ་པོར།།
སྟག་ཤར་བརྒྱ་སྟོང་གི་འཇོན་ཐང་བྲིས་ན།།
མ་སྲུ་ཁྲི་འབུམ་གྱི་ལག་པའི་སོར་མོ།།
འབྲི་མོའི་ནུ་རྩེ་ན་འཁྱུག་ཅིང་རྩེན་པ།།
འབྲོག་དང་རིང་གྱེས་ཀྱི་འཚོ་བ་རྫིག་པོ།།
མར་ཆུར་འཇུངས་པ་ཡི་ཕྱག་ལག་འདར་དུས།།
ཁང་ཁྱིམ་རྒྱས་ཤོམ་གྱི་འཕྲུལ་བའི་ཡོལ་གོར།།
བདེ་བའི་སྙིང་བོ་ཞིག་སེམས་སུ་ཆགས་སམ།།
མྱི་རྗེས་འུད་ཟུག་གི་ཁྱིའུ་ཆུང་མགོ་འཐོམས།།
གཞོན་མའི་པང་ཁུགས་ན་བདེ་བས་བཟི་ཡང་།།
སང་ཉིན་རྒྱང་འཕེན་གྱི་བར་དོ་མྱོང་དུས།།
སྦྲ་འདབས་སོར་ཆགས་ཀྱི་ལོངས་སྤྱོད་དྲན་ནམ།།
སྙིགས་མ་ལྔ་བདོ་ཡི་མིག་འཕྲུལ་རྫོགས་མེད།།
ལྟ་བ་རྟེན་འབྱུང་གི་གཙུག་ནས་འཕགས་དུས།།
མཐར་ཆགས་སྙིང་རྗེ་ཡི་ངེས་འབྱུང་སྤུ་སུད།།
ཟླ་བའི་གདོང་བ་ནས་མག་མོག་འཇུར་བྱུང་།།
ཁ་ལག་ཞལ་ཟས་ཡི་སྦྱོར་བ་ཕྱུག་པོ།།
ཕལ་བའི་ཐབ་ཚང་ན་བྱུར་ཏུ་གཏམས་ཀྱང་།།
སེམས་པ་གཡའ་དག་གི་ཡ་ཐོག་ལོ་ཟླ།།
སོ་སོའི་ཡིད་ངོགས་ནས་རྒྱང་ལ་བྱེར་འདུག།
སྨུག་པ་ལང་ལོང་ཞིག་བློ་ནས་འཕྱུར་ཏེ།།
ཡིད་བྱུང་ལྡབ་ལྡིབ་ཅིག་ངག་ལས་ཐལ་དུས།།
བདག་ཡིད་ཉ་གང་གི་རི་བོང་ཆུང་ཆུང་།།
མ་དག་མཁའ་ངོགས་ནས་བྲོས་སུ་ཤོར་རམ།།
ཟླ་བ་མཆོད་ཚུལ་ཞིག་ཡིད་ཀྱིས་སྤྲུལ་ལ།།
མཆོད་པ་ཡང་དག་ཅིག་རང་ལ་བཤམས་ཏེ།།
པར་ཆུང་མིག་མཛེས་དག་ག་སར་སྤུར་སྐབས།།
ཐ་སྙད་འདི་དག་ཀྱང་དེ་བཞིན་འཕུར་སོང་།།
རྩོམ་སྒྲིག་པ། གངས་དགའ།
གདོང་བ་སྒོར་སྒོར་དེ་ཡིད་ལ་བཅགས་ནས།།
གོ་རེ་གོར་གོར་ཞིག་མདུན་དུ་བཞག་ན།།
དྲན་པ་སྒོར་སྒོར་ཞིག་སེམས་ལ་འཇགས་སོ།།
མཁའ་ཡི་ཉི་མ་དེ་སྤྲིན་ལ་མ་གཞའ།།
སེམས་ཀྱི་དྲན་པ་དེ་བག་ལ་མ་འཁུམ།།
ཁ་ཚིག་མགུར་མ་དེ་རོགས་ལ་མ་འཛེམས།།
འཚོ་བའི་ཁ་སྟབས་དེ་གཡེང་ལ་མ་བསྐུར།།
མིག་གི་ཕྱོགས་ས་རུ་པདྨོ་བཞད་པ།།
སྣང་བྱེད་གཞོན་ནུ་ཡི་རྫུ་འཕྲུལ་ཡིན་ན།།
ཞེན་པ་ཤོར་ས་ཡི་ཀུ་མུད་སྨད་པ།།
བློ་ཡི་ཟླ་བ་ལས་མི་སྟོན་མཛེས་པ།།
ཁ་བ་བ་མོ་བཞིན་འབབ་ལ་བྲེལ་བའི།།
སྟོན་ཟླ་འབྲིང་བ་ཡི་ཕུན་ཚོགས་ར་བ།།
རི་བོང་འཛིན་པ་དེའི་སྒེག་པས་བཀུག་ན།།
ཕྱོགས་ཀྱི་མ་བོས་མགྲོན་དལ་ཙམ་གནོངས་དང་།།
གོམ་ཁ་ཡར་འཁོར་ཞིག་གངས་ལ་གཏད་ན།།
གངས་ཀྱི་རྒྱལ་མོ་དེ་རྨ་ཆེན་སྦོམ་རས།།
ཆོ་འཕྲུལ་མིག་ནང་གི་ཁྲ་ཁྲ་རིག་རིག།།
བདག་མིན་རིང་ཐུང་གི་ལྟད་མོར་བྲིས་སོང་།།
རྩི་ཏོག་ཁྲི་སྟོང་གི་མགོ་བོ་དུད་དེ།།
ནོར་ལུག་བརྒྱ་སྟོང་གི་ཤེད་མོང་བརྟས་དུས།།
འབྲོག་མི་ས་ཡ་ཡི་ཕོ་རོག་རྒྱགས་འགྲོས།།
ཡ་གའི་གར་སྟེགས་སུ་ཤོམ་གྱིས་དྲེགས་པ།།
རྟ་བོ་སྟོང་ཕྲག་གི་རྨིག་རྗེས་གསལ་པོར།།
སྟག་ཤར་བརྒྱ་སྟོང་གི་འཇོན་ཐང་བྲིས་ན།།
མ་སྲུ་ཁྲི་འབུམ་གྱི་ལག་པའི་སོར་མོ།།
འབྲི་མོའི་ནུ་རྩེ་ན་འཁྱུག་ཅིང་རྩེན་པ།།
འབྲོག་དང་རིང་གྱེས་ཀྱི་འཚོ་བ་རྫིག་པོ།།
མར་ཆུར་འཇུངས་པ་ཡི་ཕྱག་ལག་འདར་དུས།།
ཁང་ཁྱིམ་རྒྱས་ཤོམ་གྱི་འཕྲུལ་བའི་ཡོལ་གོར།།
བདེ་བའི་སྙིང་བོ་ཞིག་སེམས་སུ་ཆགས་སམ།།
མྱི་རྗེས་འུད་ཟུག་གི་ཁྱིའུ་ཆུང་མགོ་འཐོམས།།
གཞོན་མའི་པང་ཁུགས་ན་བདེ་བས་བཟི་ཡང་།།
སང་ཉིན་རྒྱང་འཕེན་གྱི་བར་དོ་མྱོང་དུས།།
སྦྲ་འདབས་སོར་ཆགས་ཀྱི་ལོངས་སྤྱོད་དྲན་ནམ།།
སྙིགས་མ་ལྔ་བདོ་ཡི་མིག་འཕྲུལ་རྫོགས་མེད།།
ལྟ་བ་རྟེན་འབྱུང་གི་གཙུག་ནས་འཕགས་དུས།།
མཐར་ཆགས་སྙིང་རྗེ་ཡི་ངེས་འབྱུང་སྤུ་སུད།།
ཟླ་བའི་གདོང་བ་ནས་མག་མོག་འཇུར་བྱུང་།།
ཁ་ལག་ཞལ་ཟས་ཡི་སྦྱོར་བ་ཕྱུག་པོ།།
ཕལ་བའི་ཐབ་ཚང་ན་བྱུར་ཏུ་གཏམས་ཀྱང་།།
སེམས་པ་གཡའ་དག་གི་ཡ་ཐོག་ལོ་ཟླ།།
སོ་སོའི་ཡིད་ངོགས་ནས་རྒྱང་ལ་བྱེར་འདུག།
སྨུག་པ་ལང་ལོང་ཞིག་བློ་ནས་འཕྱུར་ཏེ།།
ཡིད་བྱུང་ལྡབ་ལྡིབ་ཅིག་ངག་ལས་ཐལ་དུས།།
བདག་ཡིད་ཉ་གང་གི་རི་བོང་ཆུང་ཆུང་།།
མ་དག་མཁའ་ངོགས་ནས་བྲོས་སུ་ཤོར་རམ།།
ཟླ་བ་མཆོད་ཚུལ་ཞིག་ཡིད་ཀྱིས་སྤྲུལ་ལ།།
མཆོད་པ་ཡང་དག་ཅིག་རང་ལ་བཤམས་ཏེ།།
པར་ཆུང་མིག་མཛེས་དག་ག་སར་སྤུར་སྐབས།།
ཐ་སྙད་འདི་དག་ཀྱང་དེ་བཞིན་འཕུར་སོང་།།
རྩོམ་སྒྲིག་པ། གངས་དགའ།
རྩོམ་ཁུངས། ངེད་དྲ་བ།