2022-09-25 དུར་མིག(དཀར་མཛེས) ཀློག་གྲངས། མཆན ཡོད།

                     ____སྐུ་ཚེ་མ་ཟིན་པའི་སྙན་ངག་པ་གཅན་མེ་སྟག་ལ་ཕུལ།
 
སྡོད་ཤག་གི་གྱང་ལྡེབས་སུ་འདུ་འབྲལ་གྱི་རི་མོ་བསུབ་ཐབས་བྲལ
མཐོང་སྣང་གི་མིག་ལམ་ནས་གྲིབ་གཟུགས་བོར་རྗེས
འཁྲུལ་སྣང་གི་ཟ་འཕྲུག་ལུས་ཡོངས་ལ་ཁྱབ་ནས་སྐྱོ་བར་གྱུར
དེས་བསྐྱེད་པའི་ཁེར་རྐྱང་གི་སྡུག་བསྔལ་ཡིད་ལ་འདྲེན
 
ཉི་ཟླ་རི་བོའི་པང་གི་མེ་ལོང་བོར་བ་ནང་བཞིན
གདོང་གི་མིག་ཤེལ་ནར་མོ་འདིའང་སིལ་བུར་བཏང་སོང
 
སྟོན་ཀའི་སྐྱོ་གདུང་ནང་དུ་ཉིན་གཅིག་ལ་འགྲེང་དུས
ཚེག་ཁྱིམ་དང་པོ་དེ་བློས་མི་དཔོགས་པའི་ལྡོག་གཟུགས་ཡིན
དྲ་ལམ་སོ་སོ་ན་ཁྱེད་བཞུད་པའི་གཏམ་ངན་ཁ་བ་བཞིན་འབབ་ཀྱིན་འདུག
སྐབས་དེར ངས་ཟླ་ལྔ་པ་ནང་གི་འདུ་འཛོམས་དང་ཧབ་ཆ་དེ་དྲན་བྱུང
 
དང་ཐོག་ཁྱེད་ཀྱིས་སྙན་ངག་ནི་བདག་མེད་ཀྱི་དྭ་ཕྲུག་ཅིག་ཡིན་ཞེས་བཤད
འུ་ཅག་འཛོམས་དུས་ནི་དབྱར་ཁ་ཡིན
ཚེར་མའི་མེ་ཏོག་ནང་དུ་རྐང་རྗེན་ལ་རྒྱུག་ཐུབ་ན་སྒྱུ་རྩལ་པ་ཡིན་ཞེས་བཤད
ད་ལྟ   གློག་འཁྱུག་པ་ལྟར་མི་ལོ་ལྔ་བཅུ་རྩ་གཉིས་མི་རྟག་པའི་སྦུབས་སུ་དྲངས་སོང
མཁོས་ཀ་ཞན་པོའི་ལག་པ་གཉིས་ཡར་ཁྱོག་ཐབས་མི་འདུག
 
ཉིན་འདི་དག་ལ་ངས་ལག་པ་གཉིས་བསྡམས་ནས་ལུས་སོང
ཕྱིར་དྲན་ནང་དུ་མགོ་ཡོམ་འཁོར་བྱུང
མདུན་ཅོག་སྟེང་གི་དཔེ་དེབ་ལ་བལྟས་ན
ཕངས་སེམས་ནས་འགྲོ་རྒྱུ་མེད་པའི་མེ་འཁོར་སྐྱོམ་འདར་བརྒྱབ་བྱུང
           ༢༠༢༢.༩.༢༤

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

རུས་མིང་།

གསང་ཨང་། མིང་མི་འགོད་པར་སྤེལ།

ར་སྤྲོད་ཨང་།

དཔྱད་མཆན།