2022-11-13 སོག་སྨྱུག(མཚོ་ལྷོ) ཀློག་གྲངས། མཆན ཡོད།

རྟོག་རིག་གཏུབས་ནས་སེམས་ཀྱི་མེ་ཁ་གསོས།།
ལྕང་མའི་ནགས་ཀླུང་རི་བོའི་ཁབ་ཏུ་བཞེས།།
གནམ་སྔོན་དུས་ཀྱི་ཁུག་པ་རྒྱག་ཕྱོགས་ཀྱིས།།
གསོན་ལ་ངུ་སྐད་དོད་ཀྱང་འཆི་བར་བརྔམས།།
ལས་སྨོན་ཕྲེད་ཐག་བཅད་ནས་གསོན་ལ་སྐྱོ།།
སྤོབས་སེམས་སྟག་གི་བུ་ཆུང་དམར་ལྡང་མ།།
ཐིག་ལེ་དཀར་དམར་འཁྱུག་པའི་ང་རང་ཡིན།།
བསགས་འབྲས་ས་ལ་གཏོར་བའི་ང་རང་ཡིན།།

ཁྱུང་ཆེན་རྩལ་གྱིས་འཕུར་བའི་ཤུགས་འགྲོས་ཀྱི།།
ནམ་མཁའ་འཕྲེད་ཀྱིས་བཅད་པའི་སྣང་བ་ཅན།།
ལེགས་ཉེས་བསིལ་ཁང་འདབ་ཀྱི་བུ་ཆུང་ངས།།
སྐྱིད་སྡུག་འདར་ཤ་ངོམ་པའི་མདངས་ལ་གཟིགས།།
ལྗགས་རྩལ་ས་ཆེན་ངོམ་པའི་ནམ་མཁར་གསོན།།
ཡིད་འགྱུར་སེམས་བྱུང་ཚོན་གྱིས་བྱུག་ལ་ལྟོས།།
མགུར་འབུམ་ཉི་ཟེར་མྱི་སེམས་མེ་སྟག་འབར།།
འོད་འབར་གངས་དཀར་རི་ལ་སྨུག་ཆེན་ཐོགས།།

དབྱངས་འབྲས་རྟ་ཕོའི་ཁ་རྔོག་རླུང་གིས་བསྐྱོད།།
མི་ཚེའི་གྲུ་གཟིངས་རྒྱ་མཚོའི་ཕ་མཐར་བསྐྱོན།།
ཆོས་ཉིད་ནམ་མཁའ་བགྲེས་ལ་བགྲེས་སྐད་ཀྱི།།
སྙིང་ཀ་དྲག་ཏུ་འགུལ་བའི་དཀོན་མཆོག་ཉིད།།
ཡི་གེའི་རུས་ཚུགས་སོ་སོར་འཐོར་བ་འདིས།
ཚེ་རབས་སྐམ་ལ་སྦྱར་བའི་བསྔོ་ཡིག་བརྩམས།།
ལར་ནས་ངུ་ཤུམ་འཐེན་དགོས་མི་འདུག་སྟེ།།
ཡིད་ཀྱི་ཟུག་རྔུའི་བསླངས་པའི་ན་ཚ་ལགས།།
            ༢༠༢༢.༡༡.༡༢.ཉིན་མགོ་ལོག་ནས།

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

རུས་མིང་།

གསང་ཨང་། མིང་མི་འགོད་པར་སྤེལ།

ར་སྤྲོད་ཨང་།

དཔྱད་མཆན།