བཤེར་འཚོལ།
ཉིན་ཞག(ཞར་བཀོད་གཅིག)
རྒྱང་རིང་རྒྱང་རིང་ཞིག
ཚོད་མི་ཐིག་པའི་མངོན་ལྐོག་རེས་མོས
མིག་ཆུ་ཡུར་བར་དྲངས་ཏེ
བྱམས་བརྩེའི་མྱུ་གུ་འབུས་པར་རེ་ནའང
ཡིད་འགྱུར་གྲང་མོ་འདི་ཡིས
སུ་ཡང་སྲོ་ཐབས་མེད་པས
ཉི་མའི་ངོགས་སུ་གཅིག་པུར
འཆམ་འཆམ་ལ་འགྲོ
གཞས་ལ་ཆགས་པའི་ཨམ་འབྱོག
རི་མོའི་གཟུགས་སུ་གྲུབ
སྡོད་ཤག་གླས་མའི་ནང་གི
གྲེ་བར་བསྐྱིལ་བའི་ཁེར་རྐྱང
གྱང་ངོས་ཀྱི་སྒྲེན་གཟུགས
ཉི་ངོགས་ན་འཚེར
ངག་གིས་རྨས་པ་གྲངས་མེད
དཀོན་ཅོག་ལ་མིག་ཆུ་ཕྱུང་བ་གྲངས་མེད
རྨི་ལམ་གྱི་ཡལ་གའི་ཁོང་སྨེ
ཡིད་ཀྱི་ན་ཚའི་ངོས་སུ་ཞོགས
ཉལ་བའི་སྔས་འགྲམ་ནས
གློ་བུར་གློ་བུར་ངང
འཐོར་ཞིག་ཏུ་གྱུར་བ་གང་ཞིག
མཛུབ་རྩེ་ནས་བགྲང་ཁོམ་མ་བྱུང
༢༠༢༣།༠༦།༠༦ཉིན་ལ།
མིང་མེད་སྙན་ངག་ཅིག
ང་ཚོ་ཇེ་ཡང་ནས་ཇེ་ཡང་ངང རླུང་གིས་ཡོམ་པའི་ཁུར་མོང་ལྟར
ཤ་ཁྲག་གི་རྩིག་པའི་ནང་གི་སྲ་མཁྲེགས་ཇེ་ཉུང་དུ་འགྲོ་བཞིན་འདུག
ང་ཚོ་རང་གི་རྐང་འོག་ཁོ་ནའི་རྡུལ་འཚུབ་ནང་ཡིད་ཆགས་ཏེ
མགོ་ཐོག་གི་སྤྲིན་པ་དང་རླུང་བུ་དང་སྐྲ་ལོ་བརྗེད་ཀིན་འདུག
རྒོད་པོ་དང་ནམ་མཁའི་ང་རྒྱལ་དག་ཀྱང་རིམ་པར་བརྗེད་ཀིན་འདུག
ང་ཚོ་ཟས་ཅོག་གཅིག་ཏུ་སོ་སོའི་ཁ་གཏད་དུ་འགྲེང་བསྡད་ཀྱང
སོ་སོའི་ཉམ་ཉེས་པའི་སྐད་ཆ་དག་རྙེད་ཐུབ་ཀྱི་མི་འདུག
ང་ཚོ་གསོལ་ཚིགས་རེ་རེའི་ཐུན་མཚམས་སུ་ཡང་ཡང་འཛོམས་ནའང
སྨྲ་བ་ཇེ་ཁེགས་སུ་ལྡབ་ཅིག་ཕྱིན་འདུག
ཁོ་ཚོའི་ལག་ཏུ་ད་ལྟ་བའི་རང་ཉིད་འབྱིད་བྱེད་ཀྱི་མེ་ལོང་རེ་ཐོགས་ཏེ
རང་གི་གདོད་མའི་ངོ་གདོང་ལ་བཟོ་བཅོས་སྣ་ཚོགས་རྒྱག
༢༠༢༣།༠༦།༠༢ ཞོགས་པར།
རྩོམ་སྒྲིག་པ། དབང་མོ།
ཚོད་མི་ཐིག་པའི་མངོན་ལྐོག་རེས་མོས
མིག་ཆུ་ཡུར་བར་དྲངས་ཏེ
བྱམས་བརྩེའི་མྱུ་གུ་འབུས་པར་རེ་ནའང
ཡིད་འགྱུར་གྲང་མོ་འདི་ཡིས
སུ་ཡང་སྲོ་ཐབས་མེད་པས
ཉི་མའི་ངོགས་སུ་གཅིག་པུར
འཆམ་འཆམ་ལ་འགྲོ
གཞས་ལ་ཆགས་པའི་ཨམ་འབྱོག
རི་མོའི་གཟུགས་སུ་གྲུབ
སྡོད་ཤག་གླས་མའི་ནང་གི
གྲེ་བར་བསྐྱིལ་བའི་ཁེར་རྐྱང
གྱང་ངོས་ཀྱི་སྒྲེན་གཟུགས
ཉི་ངོགས་ན་འཚེར
ངག་གིས་རྨས་པ་གྲངས་མེད
དཀོན་ཅོག་ལ་མིག་ཆུ་ཕྱུང་བ་གྲངས་མེད
རྨི་ལམ་གྱི་ཡལ་གའི་ཁོང་སྨེ
ཡིད་ཀྱི་ན་ཚའི་ངོས་སུ་ཞོགས
ཉལ་བའི་སྔས་འགྲམ་ནས
གློ་བུར་གློ་བུར་ངང
འཐོར་ཞིག་ཏུ་གྱུར་བ་གང་ཞིག
མཛུབ་རྩེ་ནས་བགྲང་ཁོམ་མ་བྱུང
༢༠༢༣།༠༦།༠༦ཉིན་ལ།
མིང་མེད་སྙན་ངག་ཅིག
ང་ཚོ་ཇེ་ཡང་ནས་ཇེ་ཡང་ངང རླུང་གིས་ཡོམ་པའི་ཁུར་མོང་ལྟར
ཤ་ཁྲག་གི་རྩིག་པའི་ནང་གི་སྲ་མཁྲེགས་ཇེ་ཉུང་དུ་འགྲོ་བཞིན་འདུག
ང་ཚོ་རང་གི་རྐང་འོག་ཁོ་ནའི་རྡུལ་འཚུབ་ནང་ཡིད་ཆགས་ཏེ
མགོ་ཐོག་གི་སྤྲིན་པ་དང་རླུང་བུ་དང་སྐྲ་ལོ་བརྗེད་ཀིན་འདུག
རྒོད་པོ་དང་ནམ་མཁའི་ང་རྒྱལ་དག་ཀྱང་རིམ་པར་བརྗེད་ཀིན་འདུག
ང་ཚོ་ཟས་ཅོག་གཅིག་ཏུ་སོ་སོའི་ཁ་གཏད་དུ་འགྲེང་བསྡད་ཀྱང
སོ་སོའི་ཉམ་ཉེས་པའི་སྐད་ཆ་དག་རྙེད་ཐུབ་ཀྱི་མི་འདུག
ང་ཚོ་གསོལ་ཚིགས་རེ་རེའི་ཐུན་མཚམས་སུ་ཡང་ཡང་འཛོམས་ནའང
སྨྲ་བ་ཇེ་ཁེགས་སུ་ལྡབ་ཅིག་ཕྱིན་འདུག
ཁོ་ཚོའི་ལག་ཏུ་ད་ལྟ་བའི་རང་ཉིད་འབྱིད་བྱེད་ཀྱི་མེ་ལོང་རེ་ཐོགས་ཏེ
རང་གི་གདོད་མའི་ངོ་གདོང་ལ་བཟོ་བཅོས་སྣ་ཚོགས་རྒྱག
༢༠༢༣།༠༦།༠༢ ཞོགས་པར།
རྩོམ་སྒྲིག་པ། དབང་མོ།
རྩོམ་ཁུངས། ངེད་དྲ་བ།