བཤེར་འཚོལ།
དིང་རི། རིགས་ཀྱི་འཕར་རྩ་གཅིག་པའི་དིང་རི།
མི་ཡུལ་གྱི་ནམ་མཁའ་དྭངས་མོ་དེ།
རྡུལ་འཚུབ་སྐྱ་ལམ་ལམ།
སྟོང་ཞིང་འཇགས་པའི་རི་གྲོང་འདི་ནས།
སྐྱོ་གདུང་གི་མིག་ཆུ་རེ་རེའང་།
ས་གཞི་འདིའི་པང་དུ་འཐོར་དགོས་བྱུང་།
གདུང་སེམས་ཀྱི་འཁྲི་བ་འདི།
ཁྱོད་དང་ང་ཡི་སེམས་ལ་ལྷུང་དུས།
ཧི་མ་ལའི་རི་རྒྱུད་དུ་བབས་སོང་།
ཡར་འབྲོག་གཡུ་མཚོའི་རླབས་སྒྲ་ལ་འཕྱོ་སོང་།
དིང་རི། ལ་སྟོད་ཉི་མའི་བྱང་ཕྱོགས་སུ།
རིགས་ཀྱི་འཕར་རྩ་གཅིག་ཏུ་སྦྲེལ་བའི་དིང་རི།
སྐྱེ་འཆི་ཟློས་གར་གྱི་རླུང་འཚུབ་འདི།
ཁྱེད་ཀྱི་མགོ་ཐོག་ཏུ་ལྷུང་དགོས་དོན་གང་ཡིན་ནམ།
སྐྱོ་གདུང་གི་ན་བུན་དེ་དག
རི་རབ་ལས་ཀྱང་ལྕི་སོང་།
གངས་རིའི་ཉེ་འདབས་ཀྱི་ཁྱོད་དང་ང་ཡི་གཞིས་ཀ།
ལྷིང་འཇགས་ཀྱི་གནས་ལམ་དྲོད་མོ་དེ།
དོ་ནུབ་ས་རྡུལ་གྱི་མུན་པ་འཐིབས་སོང་།
ང་ཡི་ཤ་ཁྲག་ཁྱོད་དང་འབྲེལ་ཡོད།
ང་ཡི་སེམས་པ་ཁྱོད་དང་འབྲེལ་ཡོད།
མི་ཡུལ་འདི་ནས་བྲལ་ཟིན་པའི་ཁྱོད་ཚོ།
གཏན་དུ་གནས་མལ་འདི་ནས་བྲལ་བ་ཡིན་ནམ།
ང་ཡི་དིང་རི་བའི་སྤུན་ཟླ་དག
༢༠༢༥/༡/༧ཉིན།
རྡུལ་འཚུབ་སྐྱ་ལམ་ལམ།
སྟོང་ཞིང་འཇགས་པའི་རི་གྲོང་འདི་ནས།
སྐྱོ་གདུང་གི་མིག་ཆུ་རེ་རེའང་།
ས་གཞི་འདིའི་པང་དུ་འཐོར་དགོས་བྱུང་།
གདུང་སེམས་ཀྱི་འཁྲི་བ་འདི།
ཁྱོད་དང་ང་ཡི་སེམས་ལ་ལྷུང་དུས།
ཧི་མ་ལའི་རི་རྒྱུད་དུ་བབས་སོང་།
ཡར་འབྲོག་གཡུ་མཚོའི་རླབས་སྒྲ་ལ་འཕྱོ་སོང་།
དིང་རི། ལ་སྟོད་ཉི་མའི་བྱང་ཕྱོགས་སུ།
རིགས་ཀྱི་འཕར་རྩ་གཅིག་ཏུ་སྦྲེལ་བའི་དིང་རི།
སྐྱེ་འཆི་ཟློས་གར་གྱི་རླུང་འཚུབ་འདི།
ཁྱེད་ཀྱི་མགོ་ཐོག་ཏུ་ལྷུང་དགོས་དོན་གང་ཡིན་ནམ།
སྐྱོ་གདུང་གི་ན་བུན་དེ་དག
རི་རབ་ལས་ཀྱང་ལྕི་སོང་།
གངས་རིའི་ཉེ་འདབས་ཀྱི་ཁྱོད་དང་ང་ཡི་གཞིས་ཀ།
ལྷིང་འཇགས་ཀྱི་གནས་ལམ་དྲོད་མོ་དེ།
དོ་ནུབ་ས་རྡུལ་གྱི་མུན་པ་འཐིབས་སོང་།
ང་ཡི་ཤ་ཁྲག་ཁྱོད་དང་འབྲེལ་ཡོད།
ང་ཡི་སེམས་པ་ཁྱོད་དང་འབྲེལ་ཡོད།
མི་ཡུལ་འདི་ནས་བྲལ་ཟིན་པའི་ཁྱོད་ཚོ།
གཏན་དུ་གནས་མལ་འདི་ནས་བྲལ་བ་ཡིན་ནམ།
ང་ཡི་དིང་རི་བའི་སྤུན་ཟླ་དག
༢༠༢༥/༡/༧ཉིན།
རྩོམ་སྒྲིག་པ། དབང་མོ།
རྩོམ་ཁུངས། ངེད་དྲ་བ།