གངས་ཅན་གཡུ་མཚོས་བསྒྱུར་བའི་སྙན་ངག་བདམས་བཀོད།

0031kYp0ty6U76MHKFi60&690.jpeg

སྟོན་མཚན་རིང་མོའི་མཛའ་གཞས།

རྩོམ་པ་བོ།  ལེ་བྷེ། [ཐང་གི་སྙན་ངག་པ]

ཁྲང་ཨན་མཁར་ལ་སྟོན་ཟླའི་འཛུམ་དཔལ་བཞད། །
གྲོང་དང་ཁྱིམ་མིའི་འུར་ཟིང་རྣ་བར་གཟན། །
སྟོན་རླུང་བསེར་བུ་ངེས་མེད་ལྡང་བ་ཡིས། །
གཡང་ཊིའི་སེམས་རྟེན་དྲན་པའི་རུམ་དུ་འཁྱིལ། །
ཞུང་ནུའི་འཐབ་འཛིང་ནམ་ཞིག་མཇུག་གྲིལ་ཏེ། །
མཛའ་གྲོགས་ཁྱོ་བོ་དམག་མཚམས་འཇོག་པར་བྲེལ།།

 སྨྱུག་སྤྱིལ།

རྩོམ་པ་བོ།  ཝང་ཝེ། [ཐང་གི་སྙན་ངག་པ།]

ཁུ་སིམ་ལྗོན་ཚལ་གཅིག་པུར་གནས་པའི་ཚེ། །
དངན་པ་རིང་མོ་རྒྱུད་མངས་སྒྲ་ལས་མཆེད། །
མི་མེད་གསང་བའི་བསྟི་གནས་ཉམས་དགའ་བར། །
ཟླ་གཞོན་ཁོ་ནས་བདག་གི་སྐྱོ་བ་བསངས། །

སྟོན་གྱི་དྲན་པ།

[ཐང་གི་སྙན་ངག་པ] ཀྲང་ཅིས།

ལུའོ་དབྱང་མཁར་ལ་སྟོན་རླུང་བསིར་བུར་རྒྱུ། །
སྙན་ངག་པ་ལ་ཡུལ་འཕྲིན་འབྲི་འདུན་སྐྱེས། །
དྲན་པའི་གདུང་བ་ཤིན་ཏུ་ཟབ་ལྕི་བས། །
འཕྲལ་དུ་བྲིས་ཀྱང་འདོད་འདུན་མི་རྫོགས་ཤིང་། །
ཡུལ་བགྲོད་འགྲུལ་བར་བར་ཆད་བྱེད་པར་འཇིགས། །

 བྲུལ་བའི་མེ་ཏོག

རྩོམ་པ་བོ།  ལིས་ཧྲིང་ཡན། [ ཐང་གི་སྙན་ངག་པ།]

ཐོག་བརྩེཊ་འགྲུལ་བ་རྒྱང་དུ་གཤེགས་ཤུལ་ནས། །
ལྡུམ་ར་ཆུང་ཆུང་མེ་ཏོག་འདབ་མས་ཁེངས། །
སྡོང་རྐང་ཡལ་ག་ཀྱག་དཀྱོག་འཁྱུད་པའི་མོད། །
ལོ་མ་རེ་རེ་མི་སྡུག་ཉམས་ཀྱིས་མནར། །
ཚུལ་འདི་མཐོང་བས་ཕྱགས་པའི་སྤོབས་པ་ཕྲ།  །
འཕྲང་ལ་ཅེར་ཡང་འགྲུལ་བ་སྔར་བཞིན་ལོག །
མེ་ཏོག་བསུང་ངད་དཔྱིད་དང་ལྷན་དུ་རྫོགས། །
འདོད་དོན་དྲན་ཚེ་མཆི་མས་ལུས་ཟུང་བརླན། །

 གྱེས་ཕྱག་འབུལ་བ།

རྩོམ་པ་བོ། ཏུའུ་མོ། [ཐང་གི་སྙན་ངག་པ།]

མཛའ་བོ་འབྲལ་ཁར་བཅོས་མའི་མཛུམ་མདངས་ཀྱིས། །
ཆང་ཕོར་ཁ་ནས་དགོད་སྒྲ་ག་ལ་ཐོན། །
སྒྲོན་མེ་འདིས་ཀྱང་གྱེས་བྲལ་གདུང་བ་ཡིས། །
འུ་ཅག་སླད་དུ་མཚན་ནམ་མིག་ཆུས་བསྐྱལ། ། 

མཚན་དུས་ཀྱི་ཕིང་ཅིན་གཙང་བོ།

རྩོམ་ཁུངས། [ཆུ་ངོགས་གཏམ་རྒྱུད།]

སྨུག་ཆར་དཀྲིགས་པའི་ཕིང་ཅིན་གཙང་བོ་ལགས།  །
ཁྱེད་ལས་མཛེས་སྡུག་སྲིད་འདིར་ཡོད་རེ་སྐན། །
རབ་རིབ་ཟླ་གཞོན་མཚོ་ལ་ལྷུང་བ་ནི། །
མཛེས་མའི་ལན་བུས་བཞིན་དཔལ་འཆིང་བ་འདྲ། །
ཟླ་ངོགས་པི་ཝང་འཁྲོལ་བའི་སྒྲ་སྙན་དེ། ། 
ཡུན་དུ་བོར་ཚེ་སྐྱ་མདོག་འདམ་གླིང་འདི། །
ད་ལྟ་གཙང་བོའི་རླབས་ཀྱིས་ཡོམ་ཡོམ་སྒུལ། །

མཚན་མོ།

རྩོམ་པ་བོ།  ཕུ་ཞིན་ཅིན། [ཨུ་རུ་སུའི་སྙན་ངག་པ།]

བརྩེ་ཞེན་འཇུ་ཐག་དམ་དུ་སྦྲེལ་བ་ཡིས། །
ལྷིང་འཇགས་མཚན་མོ་སྐྱོ་བའི་གླུ་ལ་གཏད། །
སྒྲོན་འོད་ངོགས་ནས་སྙན་ཚིག་འཚོལ་བའི་ཚེ། །
དྲན་པའི་གཅོང་གིས་ལང་ཚོ་ཉམས་འགྱུར་ཞིང་། །
འོ་དོད་ཀློང་ནས་ཁྱོད་ལ་དགའ་ཞེས་བོས། །

རོལ་དབྱངས་འཚོལ་བ།

རྩོམ་པ་བོ།  ཞི་ལེ། [དབྱིན་ཇིའི་སྙན་ངག་པ]

བདག་ནི་རོལ་དབྱངས་འཚོལ་བའི་ལམ་དུ་ཞུགས། །
འདུན་པ་འདི་ནི་སུས་ཀྱང་འགོག་ཐབས་བྲལ། །
དབྱངས་རྟགས་རེ་ལ་ཆང་གི་བྲོ་བ་རེ། །
རོལ་དབྱངས་པང་དུ་དངུལ་མདོག་འོད་ཀྱིས་འཐིགས། །
ཇི་ཙམ་གཞིབ་ཀྱང་ངོམས་མེད་བྲོ་བ་འདིས། །
སེམས་ཀྱི་འཆིང་ཐག་དལ་གྱིས་རབ་འཁྲོལ་ཞིང་། །
བདེ་དགའི་ཀློང་དུ་སྒྲ་མེད་ལྷོད་ཀྱིས་འཁྱམས། །

 རྩོམ་བཅད།

རྩོམ་པ་བོ།  པཎ་ཀྲི་ལན། [རྒྱའི་དེང་རབས་སྙན་ངག་པ།]

ཁྱོད་ཉིད་ཟམ་སྟེང་འགྲེང་སྟེ་ཡུལ་ལ་གཡེངས། །
གཡེངས་པའི་མི་དེས་ཐོག་ཁང་དྲྭ་མིག་ཅེར། །
ཅེར་བའི་ཚེ་ན་སྒེའུ་ཁུང་ཟླ་བས་བརྒྱན། །
བརྒྱན་པའི་དུས་དེར་རྒྱང་གི་རྨི་ལམ་རྒུམ། །

བརྩེ་དུང་གི་གོད་ཆག

རྩོམ་པ་བོ།  R.S ཐོ་མ་སི།  [ཨུ་རུ་སུའི་དུང་བརྗོད་སྙན་ངག་པ།]

ཁོ་བོ་གཏན་དུ་ཁྱེད་ལ་འཁྲེང་བའི་སེམས། །
ཁྲུས་རོལ་ངང་བའི་མགྲིན་གླུར་ལྷོད་ཀྱིས་སིམ། །
བགྲང་བྱའི་གཉེར་ཐག་ཐོད་དུ་འཆིང་བའི་དུས། །
བརྩེ་དུང་དུས་སྐལ་ཅི་འདྲའི་ཡུན་ཐུང་ཞིག །
སྒེག་མཛེས་ལང་ཚོའི་མེ་ཏོག་ཚོམས་བུ་དག །
སྐྱོ་ངལ་མིག་ཆུས་གཏིང་ནས་གཟན་པའི་ཚེ། །
འཆི་བདག་བདུད་ལ་བཅོས་མའི་འཛུམ་དཀར་གྱིས། །
རིང་ནས་བསུ་མ་བྱེད་ལ་དགའ་བ་འཕེལ། །

 ལྷུག་མའི་སྐོར།

འཇིག་རྟེན་ནས་རྒྱང་ཐག་རིང་ཤོས།

རྩོམ་པ་བོ། ཐེ་ཀོར།

[ཐེ་ཀོར་ནི་(1861.5.7-1941.8.7)རྒྱ་གར་གྱི་སྙན་ངག་པ་དང་རྩོམ་པ་པོ། སྒྱུ་རྩལ་པ། མཚན་ཉིད་རིག་པ་སོགས་ཀྱི་རླབས་ཆེ་ཞིང་རྒྱ་གར་གྱི་རྩོམ་རིག་ལོ་རྒྱུས་ཁྲོད་མེད་དུ་མི་རུང་བའི་མི་སྣ་གལ་ཆེན་ཞིག་ཡིན་ལ། འཛམ་གླིང་རྩོམ་རིག་གི་སྤྱིའི་འཕེལ་ཕྱོགས་ལའང་སྐུལ་འདེད་དང་བྱས་རྗེས་རབས་དང་རིམ་པ་ཞིག་བཞག་ཡོད། དེ་ཡང་1913ལོར་ཁོང་ལ་ནོར་འབེལ་རྩོམ་རིག་བྱ་དགའ་ཐོབ་ཅིང་། དུས་རབས་ཉི་ཤུ་བའི་འཛམ་གླིང་རྩོམ་སྟེགས་སུ་གཏིང་ཟབ་ཅིང་གཟི་འོད་འཁྱུད་པའི་ཤུགས་རྐྱེན་བཟོས་པ་མ་ཟད།  ལྷག་པར་དུ་ཨེ་ཤ་ཡའི་ལོ་རྒྱུས་ཀྱི་ཤོག་ལྷེ་ལ་སྔར་མེད་ཀྱི་ཟིན་ཐོ་གསར་བ་ཞིག་ཀྱང་བཀོད་པ་རེད།  ཁོང་གིས་ཚེ་གང་ལ་སྙན་ངག་གི་བརྩམས་ཆོས་༥༠དང་བརྩམས་སྒྲུང་རིང་གྲས་ཐུང་གྲས་༡༠༠ལྷག་དང་། དེ་མིན་འཁྲབ་གཞུང་དང་གླུ་དབྱངས། རི་མོའི་བརྩམས་ཆོས་སོགས་ཀྱི་བྱས་རྗེས་རླབས་ཆེན་བཞག་ཡོད་ལ། དཔྱོད་མཁས་ཀུན་གྱིས་ཁོང་ནི་ངེས་པ་དོན་གྱི་སྙན་ངག་གི་འཕགས་པར་བརྩི་བཞིན་ཡོད།]

འཇིག་རྟེན་ནས་རྒྱང་ཐག་ཆེས་རིང་ཤོས་དེ།
སྐྱེ་བ་དང་འཆི་བའི་བར་ཐག་མིན་པར།
ང་རང་ཁྱོད་ཀྱི་མདུན་དྲུང་དུ་འགྲེང་ཚེ།
ཁྱོད་ཀྱིས་ང་ཅི་ཙམ་ད་དུང་ཁྱོད་ལ་དགའ་བ་མི་ཤེས་པའི་ཧེ་བག་དེ་ཡིན།

འཇིག་རྟེན་ནས་རྒྱང་ཐག་ཆེས་རིང་ཤོས་དེ།
ང་རང་ཁྱོད་ཀྱི་མདུན་དྲུང་དུ་འགྲེང་ཚེ།
ཁྱོད་ཀྱིས་ང་ཅི་ཙམ་ཁྱོད་ལ་དགའ་བ་མ་ཤེས་པའི་ཧེ་བག་དེ་མིན་པར།
བརྩེ་འདུན་གྱིས་མྱོས་པའི་འཁྲུལ་སྣང་དང་ང་ཁྱོད་ལ་
དགའ་ཞེས་བཤད་མི་སྤོབས་པའི་བར་ཁྱད་དེ་ཡིན།

འཇིག་རྟེན་ནས་རྒྱང་ཐག་ཆེས་རིང་ཤོས་དེ།
བརྩེ་འདུན་གྱིས་མྱོས་པའི་འཁྲུལ་སྣང་དང་ང་ཁྱོད་ལ་དགའ་ཞེས་བཤད་མི་སྤོབས་པའི་བར་ཁྱད་དེ་མིན་པར།
ཁྱོད་ཉིད་དྲན་པའི་གདུང་སེམས་ལྕི་མོ་འདི་དང་།
སྙིང་མཐིལ་ཁོ་ནར་རུམ་པའི་གསང་གཏམ་དེའི་བར་ཐག་ཡིན།

འཇིག་རྟེན་ནས་རྒྱང་ཐག་ཆེས་རིང་ཤོས་དེ།
ཁྱོད་ཉིད་དྲན་པའི་གདུང་སེམས་ལྕི་མོ་འདི་དང་།
སྙིང་མཐིལ་ཁོ་ནར་རུམ་པའི་གསང་གཏམ་དེའི་བར་ཐག་མིན་པར།
ཕན་ཚུན་སེམས་གཏིང་ནས་དུང་ཞེན་གྱིས་སྦྲེལ་ནའང་།
ལྷན་དུ་འགྲོ་བར་མི་བཟོད་པའི་བར་ཁྱད་དེ་ཡིན།

འཇིག་རྟེན་ནས་རྒྱང་ཐག་ཆེས་རིང་ཤོས་དེ།
ཕན་ཚུན་སེམས་གཏིང་ནས་དུང་བའི་བརྩེ་བ་དང་།
ལྷན་དུ་འགྲོ་བར་མི་བཟོད་པའི་བར་ཁྱད་དེ་མིན་པར།
ཐབས་བཀོད་བྲལ་བའི་བཀག་འགོག་གི་གནས་ཚུལ་གསལ་བོར་མཐོང་ཡང་།
ད་དུང་ཞེ་སེམས་ཀྱི་འདུན་པ་ཆད་མེད་དུ་འབྲེལ་བའི་བར་ཐག་དེ་ཡིན།

འཇིག་རྟེན་ནས་རྒྱང་ཐག་ཆེས་རིང་ཤོས་དེ།
ཐབས་བཀོད་བྲལ་བའི་བཀག་འགོག་གསལ་བོར་མཐོང་བའི་གནས་ཚུལ་དང་།
ད་དུང་ཞེ་སེམས་ཀྱི་འདུན་པ་ཆད་མེད་དུ་འབྲེལ་བའི་བར་ཐག་དེ་མིན་པར།
སུ་ཞིག་གིས་སྲིན་ལག་བསྲིངས་ཏེ་(སྣང་མེད་དུ་བསྐྱུར་བའི་སེམས་)ཁྱོད་དང་ཁྱོད་ཀྱི་བརྩེ་བའི་བར་དུ།
བརྒལ་ཐབས་མེད་པའི་ཡུར་བུ་ཞིག་སྔོག་འདོན་བྱས་བའི་བར་ཐག་དེ་ཡིན།

འཇིག་རྟེན་ནས་རྒྱང་ཐག་ཆེས་རིང་ཤོས་དེ།
སྡོང་བོ་དང་སྡོང་བོའི་བར་ཁྱད་དེ་མིན་པར།
རྩ་བ་ལྷན་དུ་འབུས་པའི་ཡལ་ག་ཟུང་གཅིག
དྲག་རླུང་ཁྲོད་ཕན་ཚུན་འཁེན་པར་མི་ནུས་པའི་བར་ཐག་དེ་ཡིན།

འཇིག་རྟེན་ནས་རྒྱང་ཐག་ཆེས་རིང་ཤོས་དེ།
ཡལ་ག་ཕན་ཚུན་བརྟེན་ཐབས་མེད་པའི་ཧེ་བག་དེ་མིན་པར།
ཕན་ཚུན་ལ་རེ་བའི་རྒྱུ་སྐར་གྱི་ཚོམས་བུ་དག
ཤུལ་རྗེས་ཟབ་མོ་ཞིག་ལྷན་དུ་འཇོག་པའི་གོ་སྐབས་དབེན་པའི་བར་ཐག་དེ་ཡིན།

འཇིག་རྟེན་ནས་རྒྱང་ཐག་ཆེས་རིང་ཤོས་དེ།
སྐར་ཚོམས་ཕན་ཚུན་གྱི་འཁོར་ལམ་དེ་མིན་པར།
གལ་ཏེ་རྗེས་ཤུལ་མཉམ་དུ་འཇོག་པའི་དབང་དུ་བཏང་རུང་།
སྐད་ཅིག་མའི་འཁོར་བསྐྱོད་ཁྲོད་ཟིན་མེད་དུ་ཡལ་བའི་བར་ཐག་དེ་ཡིན།

འཇིག་རྟེན་ནས་རྒྱང་ཐག་ཆེས་རིང་ཤོས་དེ།
སྐད་ཅིག་མའི་འཁོར་བསྐྱོད་ཁྲོད་ཟིན་མེད་དུ་ཡལ་བའི་བར་ཐག་དེ་མིན་པར།
འཕྲད་པའི་གོ་སྐབས་རྫོགས་པ་དང་།
འདུ་བའི་ཐབས་ལམ་དབེན་པའི་བར་ཐག་དེ་ཡིན།

འཇིག་རྟེན་ནས་རྒྱང་ཐག་ཆེས་རིང་ཤོས་དེ།
ཉ་མོ་དང་འདབ་ཆགས་ཀྱི་བར་ཐག་དེ་ཡིན།
གཅིག་ནི་ནམ་མཁའི་མཐོངས་སུ་གནས་ཤིང་།
གཅིག་ཤོས་ནི་མཚོ་མོའི་གཏིང་རུམ་དུ་འཚོ།

ནམ་ཞིག་ཁྱོད་ཀྱི་ན་ཚོད་ཡོལ་བ་ན།

རྩོམ་པ་བོ།  ཡེའུ་ཚེ།  [དབྱིན་ཇིའི་མཚོན་རྟགས་རིང་ལུགས་ཀྱི་ཚབ་མཚོན་སྙན་ངག་པོ། ]

ནམ་ཞིག་ཁྱོད་ཀྱི་ན་ཚོད་ཡོལ་བ་ན།
སྐྲ་ལོ་དཀར་ཞིང་དྲན་སྣང་རབ་རིབ་ཀྱིས་ཐབ་འགྲམ་དུ་གཉིད་ཅོག་རྒྱག་ཚེ།
ཉིད་ཀྱིས་དལ་ལྷོད་ངང་སྙན་ངག་འདི་གདངས་སུ་གྱེར་དང་།
བརྩེ་འཛུམ་གྱི་དྲོད་ཁོལ་ལས་སྔར་གྱི་ཞེ་དུང་འཚོལ་ཐུབ།


ཁ་སང་།
ཁྱོད་ཀྱི་ལང་ཚོའི་སྙིམ་པ་དང་མཛེས་སྒེག་ལ་སེམས་ནས་སྨོན་མཁན་དང་སླུ་བྲིད་གཏོང་མཁན་ཅི་ཙམ་མཆིས་སམ།
དོན་དམ་དུ།
ཁྱོད་ཀྱི་བླ་སྲོག་གི་གཤིས་དང་མྱ་ངན་གྱིས་ཕབ་པའི་རྒས་གཉེར་ལ་དུང་མཁན་ག་ཙམ་ཡོད།

ནམ་ཞིག་ཁྱོད་ཀྱི་ན་ཚོད་ཡོལ་བ་ན།
ཐབ་ཀའི་མེ་དྲོད་ཀྱི་ཀློང་ནས་མགོ་བོ་དུད་དེ།
རང་ཉིད་བརྩེ་དུང་གི་རོལ་རྩེད་དང་ཡུན་གྱིས་གྱེས་དགོས་པར་རྟོགས་ཐུབ་ཅིང་།
ཡ་ཐོད་དུ་བྲིས་པའི་འཆར་ཡན་གྱི་རི་ཚོགས་དེ་དག
སྐར་ཚོམས་ཀྱི་དབུས་ནས་མྱ་ངན་གྱི་ངོ་གདོང་ཙམ་དུ་ངེས་སྲིད།

ངའི་སེམས་ཀྱི་ཟབ་ས་ན།

རྩོམ་པ་བོ། ཏོའོ་ཆིས་ཐེན་ཚོན། [ཉི་ཧོང་གི་དེང་རབས་སྙན་ངག་སྨྲ་བའི་དབང་བོ།]

ངའི་སེམས་ཀྱི་ཟབ་ས་ན།
མགྲིན་པ་རྣོང་བའི་གསང་བ་ཞིག་ཡོད་དེ།
ནམ་ཞིག་ཁོ་བོ་གཞིས་ལྷག་གི་དུར་རྫས་སུ་གྱུར་བ་ན།
ད་དུང་ཁྱོད་ཉིད་ལས་གཞན་སུ་ཞིག་གིས་རྟོགས་ནུས་སམ།

གལ་ཏེ་ང་རང་བྱེའུ་ཞིག་ཡིན་ཚེ།
ཁྱོའི་སྒེའུ་འགྲམ་གྱི་མཐོང་དབྱིངས་ནས།
སེམས་གཏིང་གི་མཛའ་གླུ་ཁྱོད་ལ་གྱེར་ཕྱིར།
ཞོགས་པ་ནས་ས་སྲོད་ལ་ཉེ་རུང་ངའི་གཤོག་པ་ལ་ངལ་དུབ་ཡོད་མི་སྲིད།

གལ་ཏེ་ང་རང་སྐུད་པ་ཞིག་ཡིན་ན།
ངས་ཁྱོད་ཀྱི་འཇམ་མཉེན་གྱི་སེན་མོའི་རེག་བྱ་ཚོར་ཐུབ།
ཁྱོད་ཀྱིས་ངའི་ལང་ཚོའི་གྲིབ་གཟུགས་ལ་སྦྲེལ་བའི་དྲན་སྣང་ཡོད་ཚད།
དཀར་གཙང་གི་རས་ཡོལ་དེའི་ལྟེབས་སུ་སིམ་པར་བགྱི་མཛོད།

གལ་ཏེ་ང་རང་ཐང་དཀྱིལ་དུ་ཡོད་པའི་རྩྭ་ཕྲན་ཞིག་ན།
ཕྱི་རོལ་གྱི་མཛེས་ལྗོངས་ཀུན་ལས་ཁྱོད་ཁོ་ནའི་ཕྱོགས་སུ་སྐྱེ་བར་བརྩོན་ངེས།
སྐབས་ཤིག་ཁྱོད་ཀྱི་ཞབས་མཐིལ་ལ་མཆུ་སྒྲོས་ཙམ་ཞིག་གླན་ཐུབ་པས།
ང་རང་ཁྱོད་ཀྱི་རྐང་འོག་གི་ས་རྡུལ་དུ་འགྱུར་རུང་བློ་འགྱོད་གཏན་ནས་མེད།

དངན་པ་འདིས་ང་རང་ནམ་ཡང་མྱ་ངན་ལ་སྐྱོན་ཞིང་།
གདུང་སེམས་ཤིག་བདག་གི་སྔས་སྟན་དུ་སིམ།
ཀྱེ་མ། ཞོགས་པའི་མགྲིན་གླུ་ད་དུང་གང་ནས་ཐོས་སམ།
མིག་ཆུའི་མཚོ་མོས་མལ་ཁྲི་འདི་སྙིལ་ལ་ཉེ་སོང་།

འཇིག་རྟེན་འདིར་བརྡ་ཐབས་ཅི་མང་བོ་ཞིག
འོན་ཀྱང་ངའི་སེམས་རིས་མཚོན་པའི་ཐ་སྙད་གང་དུ་ཡོད།
འོ་ན་ངའི་སེམས་པ་དམར་སྲེག་གཏོང་བའི་ཙག་སྒྲ་འདི་ཁོ་ན།
ཁྱོད་ལ་དབང་བའི་མཐའ་མཇུག་གི་སྙིང་གཏམ་ཡིན་ནམ།

མི་དང་རྒྱ་མཚོ།

རྩོམ་པ་བོ། བྷོ་ཏི་ལེ།[ཧྥ་རན་སིའི་དེང་རབས་རྩོམ་རིག་གི་རྨང་འདིང་མཁན།]ཁོང་གི་ཆེད་རྩོམ་<<མི་དགེའི་མེ་ཏོག་>>གི་ཚན་བཤུས་སྙན་ངག)

ཁྱོད་ཉིད་གཏན་དུ་རྒྱ་མཚོ་དང་མཛའ་བར་བྱོས།
རྒྱ་མཚོ་ནི་ཁྱོད་ཀྱི་མེ་ལོང་སྟེ། ཁྱོད་ནི་མུ་མཐའ་བྲལ་བའི་རྦ་རླབས་ཤིག
རྔམ་སྟབས་ཀྱི་བཞུར་རྒྱུན་ཁྲོད་ནས་ཁྱོད་ཀྱི་བླ་སྲོག་ནི་ཞི་ལྷོད་ཀྱི་མངོན་ཡོང་ལ།
ཁྱོད་ཀྱི་འདུ་ཤེས་ནི་མྱ་ངན་གྱི་གཡང་གཟར་ཞིག་དང་མཚུངས།
ཁྱོད་ནི་རང་གི་སྣང་བརྙན་ཁྲོད་རབ་ཏུ་བརླན་པར་དུང་སྟེ།
ཁྱོད་ཀྱིས་མིག་དབང་དང་ལག་ཟུང་གིས་དེ་ལ་དམ་དུ་འཁྱུད།
ད་དུང་ཁྱོད་ཀྱི་སེམས་པས་འདི་ལ་གཏད་ནས་བར་མཚམས་མེད་པར་སྨྲེང་ངག་འཐེན།
སྐབས་རེ་རང་ཉིད་ཀྱི་འཕོ་འགྱུར་དེ་ལྡོག་འགྲོས་སུས་གཏོང་ཡང་ཆོག་ཅིང་།
ཁྱོད་ཅག་ཟུང་ནི་ནམ་ཡང་གཟབ་ནན་དང་དོག་སྣང་1གིས་ཁེངས་འདུག
མི་ཡཱ། སུས་ཀྱང་ཁྱེད་ཀྱི་གཡང་གཟར་དེའི་དམའ་ཚད་དཔྱོད་མ་མྱོང་ལ།
སུས་ཀྱང་ཁྱོད་ཀྱིས་བསགས་པའི་ནོམ་པ་ཤེས་མི་སྲིད།
ཁྱེད་ཅག་གིས་གསང་བར་བརྫུས་པ་ནི་ཅི་འདྲའི་སྒམ་ཞིང་བརླིང་བ་ཞིག་ཨང་།
འོན་ཀྱང་། དུས་རབས་ཅི་ཙམ་འགོར་བར་མི་ཤེས་མོད།
ཁྱེད་ཅག་གིས་སྙིང་རྗེ་དང་གནོངས་འགྱོད་མེད་པར་ཡུན་དུ་འཐབ་འཛིང་ལ་ཞུགས་ཏེ།
དམར་གསོད་དང་འཆི་བ་ལག་ཏུ་བསྟར་དགོས།
ཨཱ་་་་གཏན་དུ་ཞུམ་མེད་ཀྱི་དཔའ་རྒོད་ཡཱ།
ཨཱ་་་་་བརྩེ་འདང་བོར་བའི་སྤུན་ཟླ་ཡཱ། 

གླུ་ཚིག་གི་སྐོར།

གྱེས་ཁའི་འོ་ཆུང་།

 [དབྱིན་ཇིར་ཆེས་མིང་གྲགས་ཆེ་བའི་མཛའ་གཞས་ཤིག ]

གངས་ཆར་ཁྲོད་དུ་གཞའ་ནས།
འདས་དོན་བརྗེད་པར་བརྩམས་ཀྱང་།
སེམས་འདི་རྨ་ཁས་གཟིར་འགྲོ།
སྲང་གི་མི་ཚོགས་མཐོང་བས།
སྙིང་གི་འཕར་སྒྲ་ཐོས་ཡོང་།
ཨཱ་་་ འཇིག་རྟེན་དུ་མི་ཚོགས་མང་ཡང་།
གསུངས་དང་། ཁྱོད་ཀྱི་ཚབ་ཏུ་སུ་ཞིག་འོས།
ཁོ་བོ་ཁྱོད་ཀྱི་དྲན་པར་བཏགས་རོགས།
ང་རང་ཁྱོད་ཀྱི་སྲོག་ཏུ་འཆང་རོགས།
ལང་ཚོ་མ་སད་སྔོན་དུ། ང་ལ་ལག་འཇུ་གནང་རོགས།
གསུངས་དང་། བརྩེ་དུང་ཟེར་བ་ཅི་ཞིག་རེད།
སྙིང་རྗེ་མེད་པ་མ་གནོངས།
གསུངས་དང་། བདག་གི་སེམས་འདུན་མངོན་འགྱུར་ཆོག་གམ།
ཀུན་གྱིས་ཕྲན་ལ་རེ་འབྲས་དོན་མེད་ཟེར།
འུ་ཅག་ངལ་བ་ད་ལྟའི་སྐད་གཅིག་ཅིག
བརྩེ་བ་ཟེར་བ་འཕྲལ་གྱི་ལས་འབྲེལ་ཙམ།
ཉིད་ཀྱིས་ཁོ་བོ་རྒྱང་དུ་ཁྲིད་དང་།
ཉིད་ཀྱིས་ཁོ་བོ་སེམས་སུ་འཆང་རོགས།
ཉིད་ཀྱིས་ཁོ་བོ་སྲོག་ཏུ་བསྒོམ་མཛོད།
ཁྱོད་ཉིད་བདག་གི་འགྲམ་དུ་བསླེབས་ཏེ།
ཁོ་བོའི་ལག་ཟུང་དམ་དུ་འཇུ་རོགས།
གསུངས་དང་། བརྩེ་བའི་བདེན་པ་ཟེར་བ་དེ།
ཇི་ལྟར་ངའི་བླ་སྲོག་གི་བྱེད་པོར་བྱ།
འདི་ནི། ཁོ་བོ་ཁྱོད་ཀྱི་སེམས་སུ་ཁྲིད་པས་ཆོག
ཁོ་བོ་ཁྱོད་ཀྱི་སེམས་སུ་ཁྲིད་པས་ཆོག
ཁོ་བོ་ཁྱོད་ཀྱི་སེམས་སུ་ཁྲིད་པས་ཆོག

མྱ་ངན་གྱི་བརྩེ་གླུ།

[ཁོ་རེ་ཡའི་བརྩེ་དུང་གློག་བརྙན་ཞིག་གི་བརྗོད་དོན་གླུ་དབྱངས།]

མི་ཚེའི་ལྷག་མ་རྫོགས་ལ་ཉེ་ཡང་།
གསང་སྟབས་ཀྱིས་ལུས་པའི་སྐད་ཆ་ཅི་འདྲའི་མང་།
འབྲལ་ནས་མང་བོ་འགོར་རུང་།
འུ་གཉིས་སྔར་བཞིན་སླར་ཡང་འཕྲད་སྲིད།
ལས་སྐལ་གྱི་མགོ་མཇུག་ཡོད་བདེན་པ་ཡིན་པས།
འུ་གཉིས་ཡུལ་ཕྱོགས་གང་དུ་སྙེག་ཀྱང་།
དུས་ཚོད་དང་གནས་ཡུལ་གཅིག་ཏུ་ཁེལ་ཐུབ།
རྨི་ལམ་ནས་ཁྱེད་ཀྱི་ཞལ་ངོ་མཐོང་འཕྲལ།
བདག་གིས་བྲེལ་འཚུབ་ཀྱིས་ཁྱོད་དང་འཕྲད་པར་བརྩམས་ཀྱང་།
བདག་གི་སྟོབས་ཤུགས་ཡོངས་སུ་ཟད་པས།
ཁྱོད་ཀྱི་ལག་ཟུང་ལ་རེག་ཐབས་གཏན་ནས་མ་བྱུང་།
གལ་ཏེ་འཕྲད་ཚེ་ཁྱེད་ཀྱིས་སླར་ཡང་བདེ་མོ་མི་འཇོག་པར་ཞུ།
ཁྱེད་ཀྱིས་བདག་གི་ལྷན་དུ་རེ་བ་ཞུས་པ་ལྟར།
དུས་རབས་མི་ཚེ་འགྱུར་ཡང་ཆོག
ང་ནི་ཁྱོད་ཀྱི་སྙིང་མཐིལ་དང་ལུས་འགྲམ་དུ་ནམ་ཡང་གསོན་ངེས།
ང་ཡི་དགའ་ས་ཁྱོད་ཁོ་ན།
ང་ཡི་དགའ་ས་ཁྱོད་ཁོ་ན།

 གྲིབ་མའི་གྲིབ་མ།

[རྒྱ་ནང་གི་དུང་བརྗོད་གླུ་དབྱངས་གྲགས་ཅན།]

ཁྱོད་ཀྱི་སྔོན་ཆད་བདག་གི་གྲིབ་གཟུགས་ཏེ། །
ང་ནི་ཁྱོད་ཀྱིས་བསྐྲུན་པའི་གྲིབ་མར་གོམས། །
དུས་དང་གནས་སྐབས་གང་དང་འཕྲད་ཀྱང་རུང་། །
འདས་པའི་ལས་ལ་ཕྱིར་དྲན་བྱེད་པར་མོས། །

ང་དང་ཁྱོད་ཀྱི་གྲིབ་གཟུགས་འཚོལ་བར་དགའ། །
ཁྱོད་ཉིད་ཁོ་མོའི་གྲིབ་མར་སུན་ན་ཡང་། །
ང་ནི་གཞི་ནས་ཁྱོད་ཀྱི་གྲིབ་མར་གྱུར། །
དུས་དང་གནས་སྐབས་གང་དང་འཕྲད་ཀྱང་རུང་། །

ང་དང་ཁྱོད་ཀྱི་གྲིབ་གཟུགས་མི་རྙེད་པས། །
འདས་པའི་ལས་ལ་ཕྱིར་དྲན་བྱེད་པར་འཇིགས། །
ནམ་ཞིག་གྲིབ་མ་ཟུང་འདི་བྲལ་བའི་ཚེ། །
ཁྱོད་དང་འུ་གཉིས་མིག་ཆུའི་ཀློང་ནས་ངལ། །

འོན་ཏེ་འུ་ཅག་གྲིབ་མ་མི་དམིགས་པས། །
རང་རང་གྲིབ་མ་རང་གིས་དམ་བཟུང་སྟེ། །
རང་ཁྱིམ་སོ་སོར་ལོག་ལས་བྱ་ཐབས་གཞན། །
ད་ནི་བདག་གིས་ཅི་ཞིག་ཁེར་རྐྱང་དང་། །
གང་ལ་སུན་སྣང་ཟེར་བའི་ངེས་ཤེས་རྙེད། །

མཚན་ཞག་རེ་རེ་གདུང་སེམས་ཟབ་མོ་ཡིས། །
རང་གི་གྲིབ་གཟུགས་པང་ནས་གཉིད་ལ་འཇུག །
སླད་མར་བདག་གིས་ཁྱོད་ཀྱི་ལག་ཟུང་ལ། །
གཏན་དུ་རེག་ཐབས་བྲལ་ཞིང་མཆུ་སྒྲོས་ལ། །

བརྩེ་བའི་འོ་ཆུང་གླན་པའི་སྐལ་བཟང་ཕྲ། །
དགའ་བས་པང་དུ་འཁྱུད་པའི་ལས་སྐལ་ཡང་དབེན། །
ད་ནི་བདག་གིས་ཉིད་ཀྱིས་རབ་བསྐྲུན་པའི། །
གྲིབ་མའི་གཟུགས་དེར་ཅུང་ཟད་ལེགས་པར་སྙམ། །

སླད་མར་བདག་གིས་ཁྱོད་ཀྱི་ལག་ཟུང་ལ། །
གཏན་དུ་རེག་ཐབས་བྲལ་ཞིང་མཆུ་སྒྲོས་ལ། །
བརྩེ་བའི་འོ་ཆུང་གླན་པའི་སྐལ་བཟང་ཕྲ། །
དགའ་བས་པང་དུ་འཁྱུད་པའི་ལས་སྐལ་ཡང་དབེན། །

 
                                                         རྩོམ་སྒྲིག་པ། སྐྱ་བོ།


(མཆོད་མེའི་པར་དབང་གཞན་གྱིས་དགོལ་མི་རུང)


རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

གངས་ཅན་གཡུ་མཚོས་བསྒྱུར་བའི་སྙན་ངག་བདམས་བཀོད།

2016-06-17 ལེ་བྷེ་སོགས། ཀློག་གྲངས། མཆན ཡོད།

0031kYp0ty6U76MHKFi60&690.jpeg

སྟོན་མཚན་རིང་མོའི་མཛའ་གཞས།

རྩོམ་པ་བོ།  ལེ་བྷེ། [ཐང་གི་སྙན་ངག་པ]

ཁྲང་ཨན་མཁར་ལ་སྟོན་ཟླའི་འཛུམ་དཔལ་བཞད། །
གྲོང་དང་ཁྱིམ་མིའི་འུར་ཟིང་རྣ་བར་གཟན། །
སྟོན་རླུང་བསེར་བུ་ངེས་མེད་ལྡང་བ་ཡིས། །
གཡང་ཊིའི་སེམས་རྟེན་དྲན་པའི་རུམ་དུ་འཁྱིལ། །
ཞུང་ནུའི་འཐབ་འཛིང་ནམ་ཞིག་མཇུག་གྲིལ་ཏེ། །
མཛའ་གྲོགས་ཁྱོ་བོ་དམག་མཚམས་འཇོག་པར་བྲེལ།།

 སྨྱུག་སྤྱིལ།

རྩོམ་པ་བོ།  ཝང་ཝེ། [ཐང་གི་སྙན་ངག་པ།]

ཁུ་སིམ་ལྗོན་ཚལ་གཅིག་པུར་གནས་པའི་ཚེ། །
དངན་པ་རིང་མོ་རྒྱུད་མངས་སྒྲ་ལས་མཆེད། །
མི་མེད་གསང་བའི་བསྟི་གནས་ཉམས་དགའ་བར། །
ཟླ་གཞོན་ཁོ་ནས་བདག་གི་སྐྱོ་བ་བསངས། །

སྟོན་གྱི་དྲན་པ།

[ཐང་གི་སྙན་ངག་པ] ཀྲང་ཅིས།

ལུའོ་དབྱང་མཁར་ལ་སྟོན་རླུང་བསིར་བུར་རྒྱུ། །
སྙན་ངག་པ་ལ་ཡུལ་འཕྲིན་འབྲི་འདུན་སྐྱེས། །
དྲན་པའི་གདུང་བ་ཤིན་ཏུ་ཟབ་ལྕི་བས། །
འཕྲལ་དུ་བྲིས་ཀྱང་འདོད་འདུན་མི་རྫོགས་ཤིང་། །
ཡུལ་བགྲོད་འགྲུལ་བར་བར་ཆད་བྱེད་པར་འཇིགས། །

 བྲུལ་བའི་མེ་ཏོག

རྩོམ་པ་བོ།  ལིས་ཧྲིང་ཡན། [ ཐང་གི་སྙན་ངག་པ།]

ཐོག་བརྩེཊ་འགྲུལ་བ་རྒྱང་དུ་གཤེགས་ཤུལ་ནས། །
ལྡུམ་ར་ཆུང་ཆུང་མེ་ཏོག་འདབ་མས་ཁེངས། །
སྡོང་རྐང་ཡལ་ག་ཀྱག་དཀྱོག་འཁྱུད་པའི་མོད། །
ལོ་མ་རེ་རེ་མི་སྡུག་ཉམས་ཀྱིས་མནར། །
ཚུལ་འདི་མཐོང་བས་ཕྱགས་པའི་སྤོབས་པ་ཕྲ།  །
འཕྲང་ལ་ཅེར་ཡང་འགྲུལ་བ་སྔར་བཞིན་ལོག །
མེ་ཏོག་བསུང་ངད་དཔྱིད་དང་ལྷན་དུ་རྫོགས། །
འདོད་དོན་དྲན་ཚེ་མཆི་མས་ལུས་ཟུང་བརླན། །

 གྱེས་ཕྱག་འབུལ་བ།

རྩོམ་པ་བོ། ཏུའུ་མོ། [ཐང་གི་སྙན་ངག་པ།]

མཛའ་བོ་འབྲལ་ཁར་བཅོས་མའི་མཛུམ་མདངས་ཀྱིས། །
ཆང་ཕོར་ཁ་ནས་དགོད་སྒྲ་ག་ལ་ཐོན། །
སྒྲོན་མེ་འདིས་ཀྱང་གྱེས་བྲལ་གདུང་བ་ཡིས། །
འུ་ཅག་སླད་དུ་མཚན་ནམ་མིག་ཆུས་བསྐྱལ། ། 

མཚན་དུས་ཀྱི་ཕིང་ཅིན་གཙང་བོ།

རྩོམ་ཁུངས། [ཆུ་ངོགས་གཏམ་རྒྱུད།]

སྨུག་ཆར་དཀྲིགས་པའི་ཕིང་ཅིན་གཙང་བོ་ལགས།  །
ཁྱེད་ལས་མཛེས་སྡུག་སྲིད་འདིར་ཡོད་རེ་སྐན། །
རབ་རིབ་ཟླ་གཞོན་མཚོ་ལ་ལྷུང་བ་ནི། །
མཛེས་མའི་ལན་བུས་བཞིན་དཔལ་འཆིང་བ་འདྲ། །
ཟླ་ངོགས་པི་ཝང་འཁྲོལ་བའི་སྒྲ་སྙན་དེ། ། 
ཡུན་དུ་བོར་ཚེ་སྐྱ་མདོག་འདམ་གླིང་འདི། །
ད་ལྟ་གཙང་བོའི་རླབས་ཀྱིས་ཡོམ་ཡོམ་སྒུལ། །

མཚན་མོ།

རྩོམ་པ་བོ།  ཕུ་ཞིན་ཅིན། [ཨུ་རུ་སུའི་སྙན་ངག་པ།]

བརྩེ་ཞེན་འཇུ་ཐག་དམ་དུ་སྦྲེལ་བ་ཡིས། །
ལྷིང་འཇགས་མཚན་མོ་སྐྱོ་བའི་གླུ་ལ་གཏད། །
སྒྲོན་འོད་ངོགས་ནས་སྙན་ཚིག་འཚོལ་བའི་ཚེ། །
དྲན་པའི་གཅོང་གིས་ལང་ཚོ་ཉམས་འགྱུར་ཞིང་། །
འོ་དོད་ཀློང་ནས་ཁྱོད་ལ་དགའ་ཞེས་བོས། །

རོལ་དབྱངས་འཚོལ་བ།

རྩོམ་པ་བོ།  ཞི་ལེ། [དབྱིན་ཇིའི་སྙན་ངག་པ]

བདག་ནི་རོལ་དབྱངས་འཚོལ་བའི་ལམ་དུ་ཞུགས། །
འདུན་པ་འདི་ནི་སུས་ཀྱང་འགོག་ཐབས་བྲལ། །
དབྱངས་རྟགས་རེ་ལ་ཆང་གི་བྲོ་བ་རེ། །
རོལ་དབྱངས་པང་དུ་དངུལ་མདོག་འོད་ཀྱིས་འཐིགས། །
ཇི་ཙམ་གཞིབ་ཀྱང་ངོམས་མེད་བྲོ་བ་འདིས། །
སེམས་ཀྱི་འཆིང་ཐག་དལ་གྱིས་རབ་འཁྲོལ་ཞིང་། །
བདེ་དགའི་ཀློང་དུ་སྒྲ་མེད་ལྷོད་ཀྱིས་འཁྱམས། །

 རྩོམ་བཅད།

རྩོམ་པ་བོ།  པཎ་ཀྲི་ལན། [རྒྱའི་དེང་རབས་སྙན་ངག་པ།]

ཁྱོད་ཉིད་ཟམ་སྟེང་འགྲེང་སྟེ་ཡུལ་ལ་གཡེངས། །
གཡེངས་པའི་མི་དེས་ཐོག་ཁང་དྲྭ་མིག་ཅེར། །
ཅེར་བའི་ཚེ་ན་སྒེའུ་ཁུང་ཟླ་བས་བརྒྱན། །
བརྒྱན་པའི་དུས་དེར་རྒྱང་གི་རྨི་ལམ་རྒུམ། །

བརྩེ་དུང་གི་གོད་ཆག

རྩོམ་པ་བོ།  R.S ཐོ་མ་སི།  [ཨུ་རུ་སུའི་དུང་བརྗོད་སྙན་ངག་པ།]

ཁོ་བོ་གཏན་དུ་ཁྱེད་ལ་འཁྲེང་བའི་སེམས། །
ཁྲུས་རོལ་ངང་བའི་མགྲིན་གླུར་ལྷོད་ཀྱིས་སིམ། །
བགྲང་བྱའི་གཉེར་ཐག་ཐོད་དུ་འཆིང་བའི་དུས། །
བརྩེ་དུང་དུས་སྐལ་ཅི་འདྲའི་ཡུན་ཐུང་ཞིག །
སྒེག་མཛེས་ལང་ཚོའི་མེ་ཏོག་ཚོམས་བུ་དག །
སྐྱོ་ངལ་མིག་ཆུས་གཏིང་ནས་གཟན་པའི་ཚེ། །
འཆི་བདག་བདུད་ལ་བཅོས་མའི་འཛུམ་དཀར་གྱིས། །
རིང་ནས་བསུ་མ་བྱེད་ལ་དགའ་བ་འཕེལ། །

 ལྷུག་མའི་སྐོར།

འཇིག་རྟེན་ནས་རྒྱང་ཐག་རིང་ཤོས།

རྩོམ་པ་བོ། ཐེ་ཀོར།

[ཐེ་ཀོར་ནི་(1861.5.7-1941.8.7)རྒྱ་གར་གྱི་སྙན་ངག་པ་དང་རྩོམ་པ་པོ། སྒྱུ་རྩལ་པ། མཚན་ཉིད་རིག་པ་སོགས་ཀྱི་རླབས་ཆེ་ཞིང་རྒྱ་གར་གྱི་རྩོམ་རིག་ལོ་རྒྱུས་ཁྲོད་མེད་དུ་མི་རུང་བའི་མི་སྣ་གལ་ཆེན་ཞིག་ཡིན་ལ། འཛམ་གླིང་རྩོམ་རིག་གི་སྤྱིའི་འཕེལ་ཕྱོགས་ལའང་སྐུལ་འདེད་དང་བྱས་རྗེས་རབས་དང་རིམ་པ་ཞིག་བཞག་ཡོད། དེ་ཡང་1913ལོར་ཁོང་ལ་ནོར་འབེལ་རྩོམ་རིག་བྱ་དགའ་ཐོབ་ཅིང་། དུས་རབས་ཉི་ཤུ་བའི་འཛམ་གླིང་རྩོམ་སྟེགས་སུ་གཏིང་ཟབ་ཅིང་གཟི་འོད་འཁྱུད་པའི་ཤུགས་རྐྱེན་བཟོས་པ་མ་ཟད།  ལྷག་པར་དུ་ཨེ་ཤ་ཡའི་ལོ་རྒྱུས་ཀྱི་ཤོག་ལྷེ་ལ་སྔར་མེད་ཀྱི་ཟིན་ཐོ་གསར་བ་ཞིག་ཀྱང་བཀོད་པ་རེད།  ཁོང་གིས་ཚེ་གང་ལ་སྙན་ངག་གི་བརྩམས་ཆོས་༥༠དང་བརྩམས་སྒྲུང་རིང་གྲས་ཐུང་གྲས་༡༠༠ལྷག་དང་། དེ་མིན་འཁྲབ་གཞུང་དང་གླུ་དབྱངས། རི་མོའི་བརྩམས་ཆོས་སོགས་ཀྱི་བྱས་རྗེས་རླབས་ཆེན་བཞག་ཡོད་ལ། དཔྱོད་མཁས་ཀུན་གྱིས་ཁོང་ནི་ངེས་པ་དོན་གྱི་སྙན་ངག་གི་འཕགས་པར་བརྩི་བཞིན་ཡོད།]

འཇིག་རྟེན་ནས་རྒྱང་ཐག་ཆེས་རིང་ཤོས་དེ།
སྐྱེ་བ་དང་འཆི་བའི་བར་ཐག་མིན་པར།
ང་རང་ཁྱོད་ཀྱི་མདུན་དྲུང་དུ་འགྲེང་ཚེ།
ཁྱོད་ཀྱིས་ང་ཅི་ཙམ་ད་དུང་ཁྱོད་ལ་དགའ་བ་མི་ཤེས་པའི་ཧེ་བག་དེ་ཡིན།

འཇིག་རྟེན་ནས་རྒྱང་ཐག་ཆེས་རིང་ཤོས་དེ།
ང་རང་ཁྱོད་ཀྱི་མདུན་དྲུང་དུ་འགྲེང་ཚེ།
ཁྱོད་ཀྱིས་ང་ཅི་ཙམ་ཁྱོད་ལ་དགའ་བ་མ་ཤེས་པའི་ཧེ་བག་དེ་མིན་པར།
བརྩེ་འདུན་གྱིས་མྱོས་པའི་འཁྲུལ་སྣང་དང་ང་ཁྱོད་ལ་
དགའ་ཞེས་བཤད་མི་སྤོབས་པའི་བར་ཁྱད་དེ་ཡིན།

འཇིག་རྟེན་ནས་རྒྱང་ཐག་ཆེས་རིང་ཤོས་དེ།
བརྩེ་འདུན་གྱིས་མྱོས་པའི་འཁྲུལ་སྣང་དང་ང་ཁྱོད་ལ་དགའ་ཞེས་བཤད་མི་སྤོབས་པའི་བར་ཁྱད་དེ་མིན་པར།
ཁྱོད་ཉིད་དྲན་པའི་གདུང་སེམས་ལྕི་མོ་འདི་དང་།
སྙིང་མཐིལ་ཁོ་ནར་རུམ་པའི་གསང་གཏམ་དེའི་བར་ཐག་ཡིན།

འཇིག་རྟེན་ནས་རྒྱང་ཐག་ཆེས་རིང་ཤོས་དེ།
ཁྱོད་ཉིད་དྲན་པའི་གདུང་སེམས་ལྕི་མོ་འདི་དང་།
སྙིང་མཐིལ་ཁོ་ནར་རུམ་པའི་གསང་གཏམ་དེའི་བར་ཐག་མིན་པར།
ཕན་ཚུན་སེམས་གཏིང་ནས་དུང་ཞེན་གྱིས་སྦྲེལ་ནའང་།
ལྷན་དུ་འགྲོ་བར་མི་བཟོད་པའི་བར་ཁྱད་དེ་ཡིན།

འཇིག་རྟེན་ནས་རྒྱང་ཐག་ཆེས་རིང་ཤོས་དེ།
ཕན་ཚུན་སེམས་གཏིང་ནས་དུང་བའི་བརྩེ་བ་དང་།
ལྷན་དུ་འགྲོ་བར་མི་བཟོད་པའི་བར་ཁྱད་དེ་མིན་པར།
ཐབས་བཀོད་བྲལ་བའི་བཀག་འགོག་གི་གནས་ཚུལ་གསལ་བོར་མཐོང་ཡང་།
ད་དུང་ཞེ་སེམས་ཀྱི་འདུན་པ་ཆད་མེད་དུ་འབྲེལ་བའི་བར་ཐག་དེ་ཡིན།

འཇིག་རྟེན་ནས་རྒྱང་ཐག་ཆེས་རིང་ཤོས་དེ།
ཐབས་བཀོད་བྲལ་བའི་བཀག་འགོག་གསལ་བོར་མཐོང་བའི་གནས་ཚུལ་དང་།
ད་དུང་ཞེ་སེམས་ཀྱི་འདུན་པ་ཆད་མེད་དུ་འབྲེལ་བའི་བར་ཐག་དེ་མིན་པར།
སུ་ཞིག་གིས་སྲིན་ལག་བསྲིངས་ཏེ་(སྣང་མེད་དུ་བསྐྱུར་བའི་སེམས་)ཁྱོད་དང་ཁྱོད་ཀྱི་བརྩེ་བའི་བར་དུ།
བརྒལ་ཐབས་མེད་པའི་ཡུར་བུ་ཞིག་སྔོག་འདོན་བྱས་བའི་བར་ཐག་དེ་ཡིན།

འཇིག་རྟེན་ནས་རྒྱང་ཐག་ཆེས་རིང་ཤོས་དེ།
སྡོང་བོ་དང་སྡོང་བོའི་བར་ཁྱད་དེ་མིན་པར།
རྩ་བ་ལྷན་དུ་འབུས་པའི་ཡལ་ག་ཟུང་གཅིག
དྲག་རླུང་ཁྲོད་ཕན་ཚུན་འཁེན་པར་མི་ནུས་པའི་བར་ཐག་དེ་ཡིན།

འཇིག་རྟེན་ནས་རྒྱང་ཐག་ཆེས་རིང་ཤོས་དེ།
ཡལ་ག་ཕན་ཚུན་བརྟེན་ཐབས་མེད་པའི་ཧེ་བག་དེ་མིན་པར།
ཕན་ཚུན་ལ་རེ་བའི་རྒྱུ་སྐར་གྱི་ཚོམས་བུ་དག
ཤུལ་རྗེས་ཟབ་མོ་ཞིག་ལྷན་དུ་འཇོག་པའི་གོ་སྐབས་དབེན་པའི་བར་ཐག་དེ་ཡིན།

འཇིག་རྟེན་ནས་རྒྱང་ཐག་ཆེས་རིང་ཤོས་དེ།
སྐར་ཚོམས་ཕན་ཚུན་གྱི་འཁོར་ལམ་དེ་མིན་པར།
གལ་ཏེ་རྗེས་ཤུལ་མཉམ་དུ་འཇོག་པའི་དབང་དུ་བཏང་རུང་།
སྐད་ཅིག་མའི་འཁོར་བསྐྱོད་ཁྲོད་ཟིན་མེད་དུ་ཡལ་བའི་བར་ཐག་དེ་ཡིན།

འཇིག་རྟེན་ནས་རྒྱང་ཐག་ཆེས་རིང་ཤོས་དེ།
སྐད་ཅིག་མའི་འཁོར་བསྐྱོད་ཁྲོད་ཟིན་མེད་དུ་ཡལ་བའི་བར་ཐག་དེ་མིན་པར།
འཕྲད་པའི་གོ་སྐབས་རྫོགས་པ་དང་།
འདུ་བའི་ཐབས་ལམ་དབེན་པའི་བར་ཐག་དེ་ཡིན།

འཇིག་རྟེན་ནས་རྒྱང་ཐག་ཆེས་རིང་ཤོས་དེ།
ཉ་མོ་དང་འདབ་ཆགས་ཀྱི་བར་ཐག་དེ་ཡིན།
གཅིག་ནི་ནམ་མཁའི་མཐོངས་སུ་གནས་ཤིང་།
གཅིག་ཤོས་ནི་མཚོ་མོའི་གཏིང་རུམ་དུ་འཚོ།

ནམ་ཞིག་ཁྱོད་ཀྱི་ན་ཚོད་ཡོལ་བ་ན།

རྩོམ་པ་བོ།  ཡེའུ་ཚེ།  [དབྱིན་ཇིའི་མཚོན་རྟགས་རིང་ལུགས་ཀྱི་ཚབ་མཚོན་སྙན་ངག་པོ། ]

ནམ་ཞིག་ཁྱོད་ཀྱི་ན་ཚོད་ཡོལ་བ་ན།
སྐྲ་ལོ་དཀར་ཞིང་དྲན་སྣང་རབ་རིབ་ཀྱིས་ཐབ་འགྲམ་དུ་གཉིད་ཅོག་རྒྱག་ཚེ།
ཉིད་ཀྱིས་དལ་ལྷོད་ངང་སྙན་ངག་འདི་གདངས་སུ་གྱེར་དང་།
བརྩེ་འཛུམ་གྱི་དྲོད་ཁོལ་ལས་སྔར་གྱི་ཞེ་དུང་འཚོལ་ཐུབ།


ཁ་སང་།
ཁྱོད་ཀྱི་ལང་ཚོའི་སྙིམ་པ་དང་མཛེས་སྒེག་ལ་སེམས་ནས་སྨོན་མཁན་དང་སླུ་བྲིད་གཏོང་མཁན་ཅི་ཙམ་མཆིས་སམ།
དོན་དམ་དུ།
ཁྱོད་ཀྱི་བླ་སྲོག་གི་གཤིས་དང་མྱ་ངན་གྱིས་ཕབ་པའི་རྒས་གཉེར་ལ་དུང་མཁན་ག་ཙམ་ཡོད།

ནམ་ཞིག་ཁྱོད་ཀྱི་ན་ཚོད་ཡོལ་བ་ན།
ཐབ་ཀའི་མེ་དྲོད་ཀྱི་ཀློང་ནས་མགོ་བོ་དུད་དེ།
རང་ཉིད་བརྩེ་དུང་གི་རོལ་རྩེད་དང་ཡུན་གྱིས་གྱེས་དགོས་པར་རྟོགས་ཐུབ་ཅིང་།
ཡ་ཐོད་དུ་བྲིས་པའི་འཆར་ཡན་གྱི་རི་ཚོགས་དེ་དག
སྐར་ཚོམས་ཀྱི་དབུས་ནས་མྱ་ངན་གྱི་ངོ་གདོང་ཙམ་དུ་ངེས་སྲིད།

ངའི་སེམས་ཀྱི་ཟབ་ས་ན།

རྩོམ་པ་བོ། ཏོའོ་ཆིས་ཐེན་ཚོན། [ཉི་ཧོང་གི་དེང་རབས་སྙན་ངག་སྨྲ་བའི་དབང་བོ།]

ངའི་སེམས་ཀྱི་ཟབ་ས་ན།
མགྲིན་པ་རྣོང་བའི་གསང་བ་ཞིག་ཡོད་དེ།
ནམ་ཞིག་ཁོ་བོ་གཞིས་ལྷག་གི་དུར་རྫས་སུ་གྱུར་བ་ན།
ད་དུང་ཁྱོད་ཉིད་ལས་གཞན་སུ་ཞིག་གིས་རྟོགས་ནུས་སམ།

གལ་ཏེ་ང་རང་བྱེའུ་ཞིག་ཡིན་ཚེ།
ཁྱོའི་སྒེའུ་འགྲམ་གྱི་མཐོང་དབྱིངས་ནས།
སེམས་གཏིང་གི་མཛའ་གླུ་ཁྱོད་ལ་གྱེར་ཕྱིར།
ཞོགས་པ་ནས་ས་སྲོད་ལ་ཉེ་རུང་ངའི་གཤོག་པ་ལ་ངལ་དུབ་ཡོད་མི་སྲིད།

གལ་ཏེ་ང་རང་སྐུད་པ་ཞིག་ཡིན་ན།
ངས་ཁྱོད་ཀྱི་འཇམ་མཉེན་གྱི་སེན་མོའི་རེག་བྱ་ཚོར་ཐུབ།
ཁྱོད་ཀྱིས་ངའི་ལང་ཚོའི་གྲིབ་གཟུགས་ལ་སྦྲེལ་བའི་དྲན་སྣང་ཡོད་ཚད།
དཀར་གཙང་གི་རས་ཡོལ་དེའི་ལྟེབས་སུ་སིམ་པར་བགྱི་མཛོད།

གལ་ཏེ་ང་རང་ཐང་དཀྱིལ་དུ་ཡོད་པའི་རྩྭ་ཕྲན་ཞིག་ན།
ཕྱི་རོལ་གྱི་མཛེས་ལྗོངས་ཀུན་ལས་ཁྱོད་ཁོ་ནའི་ཕྱོགས་སུ་སྐྱེ་བར་བརྩོན་ངེས།
སྐབས་ཤིག་ཁྱོད་ཀྱི་ཞབས་མཐིལ་ལ་མཆུ་སྒྲོས་ཙམ་ཞིག་གླན་ཐུབ་པས།
ང་རང་ཁྱོད་ཀྱི་རྐང་འོག་གི་ས་རྡུལ་དུ་འགྱུར་རུང་བློ་འགྱོད་གཏན་ནས་མེད།

དངན་པ་འདིས་ང་རང་ནམ་ཡང་མྱ་ངན་ལ་སྐྱོན་ཞིང་།
གདུང་སེམས་ཤིག་བདག་གི་སྔས་སྟན་དུ་སིམ།
ཀྱེ་མ། ཞོགས་པའི་མགྲིན་གླུ་ད་དུང་གང་ནས་ཐོས་སམ།
མིག་ཆུའི་མཚོ་མོས་མལ་ཁྲི་འདི་སྙིལ་ལ་ཉེ་སོང་།

འཇིག་རྟེན་འདིར་བརྡ་ཐབས་ཅི་མང་བོ་ཞིག
འོན་ཀྱང་ངའི་སེམས་རིས་མཚོན་པའི་ཐ་སྙད་གང་དུ་ཡོད།
འོ་ན་ངའི་སེམས་པ་དམར་སྲེག་གཏོང་བའི་ཙག་སྒྲ་འདི་ཁོ་ན།
ཁྱོད་ལ་དབང་བའི་མཐའ་མཇུག་གི་སྙིང་གཏམ་ཡིན་ནམ།

མི་དང་རྒྱ་མཚོ།

རྩོམ་པ་བོ། བྷོ་ཏི་ལེ།[ཧྥ་རན་སིའི་དེང་རབས་རྩོམ་རིག་གི་རྨང་འདིང་མཁན།]ཁོང་གི་ཆེད་རྩོམ་<<མི་དགེའི་མེ་ཏོག་>>གི་ཚན་བཤུས་སྙན་ངག)

ཁྱོད་ཉིད་གཏན་དུ་རྒྱ་མཚོ་དང་མཛའ་བར་བྱོས།
རྒྱ་མཚོ་ནི་ཁྱོད་ཀྱི་མེ་ལོང་སྟེ། ཁྱོད་ནི་མུ་མཐའ་བྲལ་བའི་རྦ་རླབས་ཤིག
རྔམ་སྟབས་ཀྱི་བཞུར་རྒྱུན་ཁྲོད་ནས་ཁྱོད་ཀྱི་བླ་སྲོག་ནི་ཞི་ལྷོད་ཀྱི་མངོན་ཡོང་ལ།
ཁྱོད་ཀྱི་འདུ་ཤེས་ནི་མྱ་ངན་གྱི་གཡང་གཟར་ཞིག་དང་མཚུངས།
ཁྱོད་ནི་རང་གི་སྣང་བརྙན་ཁྲོད་རབ་ཏུ་བརླན་པར་དུང་སྟེ།
ཁྱོད་ཀྱིས་མིག་དབང་དང་ལག་ཟུང་གིས་དེ་ལ་དམ་དུ་འཁྱུད།
ད་དུང་ཁྱོད་ཀྱི་སེམས་པས་འདི་ལ་གཏད་ནས་བར་མཚམས་མེད་པར་སྨྲེང་ངག་འཐེན།
སྐབས་རེ་རང་ཉིད་ཀྱི་འཕོ་འགྱུར་དེ་ལྡོག་འགྲོས་སུས་གཏོང་ཡང་ཆོག་ཅིང་།
ཁྱོད་ཅག་ཟུང་ནི་ནམ་ཡང་གཟབ་ནན་དང་དོག་སྣང་1གིས་ཁེངས་འདུག
མི་ཡཱ། སུས་ཀྱང་ཁྱེད་ཀྱི་གཡང་གཟར་དེའི་དམའ་ཚད་དཔྱོད་མ་མྱོང་ལ།
སུས་ཀྱང་ཁྱོད་ཀྱིས་བསགས་པའི་ནོམ་པ་ཤེས་མི་སྲིད།
ཁྱེད་ཅག་གིས་གསང་བར་བརྫུས་པ་ནི་ཅི་འདྲའི་སྒམ་ཞིང་བརླིང་བ་ཞིག་ཨང་།
འོན་ཀྱང་། དུས་རབས་ཅི་ཙམ་འགོར་བར་མི་ཤེས་མོད།
ཁྱེད་ཅག་གིས་སྙིང་རྗེ་དང་གནོངས་འགྱོད་མེད་པར་ཡུན་དུ་འཐབ་འཛིང་ལ་ཞུགས་ཏེ།
དམར་གསོད་དང་འཆི་བ་ལག་ཏུ་བསྟར་དགོས།
ཨཱ་་་་གཏན་དུ་ཞུམ་མེད་ཀྱི་དཔའ་རྒོད་ཡཱ།
ཨཱ་་་་་བརྩེ་འདང་བོར་བའི་སྤུན་ཟླ་ཡཱ། 

གླུ་ཚིག་གི་སྐོར།

གྱེས་ཁའི་འོ་ཆུང་།

 [དབྱིན་ཇིར་ཆེས་མིང་གྲགས་ཆེ་བའི་མཛའ་གཞས་ཤིག ]

གངས་ཆར་ཁྲོད་དུ་གཞའ་ནས།
འདས་དོན་བརྗེད་པར་བརྩམས་ཀྱང་།
སེམས་འདི་རྨ་ཁས་གཟིར་འགྲོ།
སྲང་གི་མི་ཚོགས་མཐོང་བས།
སྙིང་གི་འཕར་སྒྲ་ཐོས་ཡོང་།
ཨཱ་་་ འཇིག་རྟེན་དུ་མི་ཚོགས་མང་ཡང་།
གསུངས་དང་། ཁྱོད་ཀྱི་ཚབ་ཏུ་སུ་ཞིག་འོས།
ཁོ་བོ་ཁྱོད་ཀྱི་དྲན་པར་བཏགས་རོགས།
ང་རང་ཁྱོད་ཀྱི་སྲོག་ཏུ་འཆང་རོགས།
ལང་ཚོ་མ་སད་སྔོན་དུ། ང་ལ་ལག་འཇུ་གནང་རོགས།
གསུངས་དང་། བརྩེ་དུང་ཟེར་བ་ཅི་ཞིག་རེད།
སྙིང་རྗེ་མེད་པ་མ་གནོངས།
གསུངས་དང་། བདག་གི་སེམས་འདུན་མངོན་འགྱུར་ཆོག་གམ།
ཀུན་གྱིས་ཕྲན་ལ་རེ་འབྲས་དོན་མེད་ཟེར།
འུ་ཅག་ངལ་བ་ད་ལྟའི་སྐད་གཅིག་ཅིག
བརྩེ་བ་ཟེར་བ་འཕྲལ་གྱི་ལས་འབྲེལ་ཙམ།
ཉིད་ཀྱིས་ཁོ་བོ་རྒྱང་དུ་ཁྲིད་དང་།
ཉིད་ཀྱིས་ཁོ་བོ་སེམས་སུ་འཆང་རོགས།
ཉིད་ཀྱིས་ཁོ་བོ་སྲོག་ཏུ་བསྒོམ་མཛོད།
ཁྱོད་ཉིད་བདག་གི་འགྲམ་དུ་བསླེབས་ཏེ།
ཁོ་བོའི་ལག་ཟུང་དམ་དུ་འཇུ་རོགས།
གསུངས་དང་། བརྩེ་བའི་བདེན་པ་ཟེར་བ་དེ།
ཇི་ལྟར་ངའི་བླ་སྲོག་གི་བྱེད་པོར་བྱ།
འདི་ནི། ཁོ་བོ་ཁྱོད་ཀྱི་སེམས་སུ་ཁྲིད་པས་ཆོག
ཁོ་བོ་ཁྱོད་ཀྱི་སེམས་སུ་ཁྲིད་པས་ཆོག
ཁོ་བོ་ཁྱོད་ཀྱི་སེམས་སུ་ཁྲིད་པས་ཆོག

མྱ་ངན་གྱི་བརྩེ་གླུ།

[ཁོ་རེ་ཡའི་བརྩེ་དུང་གློག་བརྙན་ཞིག་གི་བརྗོད་དོན་གླུ་དབྱངས།]

མི་ཚེའི་ལྷག་མ་རྫོགས་ལ་ཉེ་ཡང་།
གསང་སྟབས་ཀྱིས་ལུས་པའི་སྐད་ཆ་ཅི་འདྲའི་མང་།
འབྲལ་ནས་མང་བོ་འགོར་རུང་།
འུ་གཉིས་སྔར་བཞིན་སླར་ཡང་འཕྲད་སྲིད།
ལས་སྐལ་གྱི་མགོ་མཇུག་ཡོད་བདེན་པ་ཡིན་པས།
འུ་གཉིས་ཡུལ་ཕྱོགས་གང་དུ་སྙེག་ཀྱང་།
དུས་ཚོད་དང་གནས་ཡུལ་གཅིག་ཏུ་ཁེལ་ཐུབ།
རྨི་ལམ་ནས་ཁྱེད་ཀྱི་ཞལ་ངོ་མཐོང་འཕྲལ།
བདག་གིས་བྲེལ་འཚུབ་ཀྱིས་ཁྱོད་དང་འཕྲད་པར་བརྩམས་ཀྱང་།
བདག་གི་སྟོབས་ཤུགས་ཡོངས་སུ་ཟད་པས།
ཁྱོད་ཀྱི་ལག་ཟུང་ལ་རེག་ཐབས་གཏན་ནས་མ་བྱུང་།
གལ་ཏེ་འཕྲད་ཚེ་ཁྱེད་ཀྱིས་སླར་ཡང་བདེ་མོ་མི་འཇོག་པར་ཞུ།
ཁྱེད་ཀྱིས་བདག་གི་ལྷན་དུ་རེ་བ་ཞུས་པ་ལྟར།
དུས་རབས་མི་ཚེ་འགྱུར་ཡང་ཆོག
ང་ནི་ཁྱོད་ཀྱི་སྙིང་མཐིལ་དང་ལུས་འགྲམ་དུ་ནམ་ཡང་གསོན་ངེས།
ང་ཡི་དགའ་ས་ཁྱོད་ཁོ་ན།
ང་ཡི་དགའ་ས་ཁྱོད་ཁོ་ན།

 གྲིབ་མའི་གྲིབ་མ།

[རྒྱ་ནང་གི་དུང་བརྗོད་གླུ་དབྱངས་གྲགས་ཅན།]

ཁྱོད་ཀྱི་སྔོན་ཆད་བདག་གི་གྲིབ་གཟུགས་ཏེ། །
ང་ནི་ཁྱོད་ཀྱིས་བསྐྲུན་པའི་གྲིབ་མར་གོམས། །
དུས་དང་གནས་སྐབས་གང་དང་འཕྲད་ཀྱང་རུང་། །
འདས་པའི་ལས་ལ་ཕྱིར་དྲན་བྱེད་པར་མོས། །

ང་དང་ཁྱོད་ཀྱི་གྲིབ་གཟུགས་འཚོལ་བར་དགའ། །
ཁྱོད་ཉིད་ཁོ་མོའི་གྲིབ་མར་སུན་ན་ཡང་། །
ང་ནི་གཞི་ནས་ཁྱོད་ཀྱི་གྲིབ་མར་གྱུར། །
དུས་དང་གནས་སྐབས་གང་དང་འཕྲད་ཀྱང་རུང་། །

ང་དང་ཁྱོད་ཀྱི་གྲིབ་གཟུགས་མི་རྙེད་པས། །
འདས་པའི་ལས་ལ་ཕྱིར་དྲན་བྱེད་པར་འཇིགས། །
ནམ་ཞིག་གྲིབ་མ་ཟུང་འདི་བྲལ་བའི་ཚེ། །
ཁྱོད་དང་འུ་གཉིས་མིག་ཆུའི་ཀློང་ནས་ངལ། །

འོན་ཏེ་འུ་ཅག་གྲིབ་མ་མི་དམིགས་པས། །
རང་རང་གྲིབ་མ་རང་གིས་དམ་བཟུང་སྟེ། །
རང་ཁྱིམ་སོ་སོར་ལོག་ལས་བྱ་ཐབས་གཞན། །
ད་ནི་བདག་གིས་ཅི་ཞིག་ཁེར་རྐྱང་དང་། །
གང་ལ་སུན་སྣང་ཟེར་བའི་ངེས་ཤེས་རྙེད། །

མཚན་ཞག་རེ་རེ་གདུང་སེམས་ཟབ་མོ་ཡིས། །
རང་གི་གྲིབ་གཟུགས་པང་ནས་གཉིད་ལ་འཇུག །
སླད་མར་བདག་གིས་ཁྱོད་ཀྱི་ལག་ཟུང་ལ། །
གཏན་དུ་རེག་ཐབས་བྲལ་ཞིང་མཆུ་སྒྲོས་ལ། །

བརྩེ་བའི་འོ་ཆུང་གླན་པའི་སྐལ་བཟང་ཕྲ། །
དགའ་བས་པང་དུ་འཁྱུད་པའི་ལས་སྐལ་ཡང་དབེན། །
ད་ནི་བདག་གིས་ཉིད་ཀྱིས་རབ་བསྐྲུན་པའི། །
གྲིབ་མའི་གཟུགས་དེར་ཅུང་ཟད་ལེགས་པར་སྙམ། །

སླད་མར་བདག་གིས་ཁྱོད་ཀྱི་ལག་ཟུང་ལ། །
གཏན་དུ་རེག་ཐབས་བྲལ་ཞིང་མཆུ་སྒྲོས་ལ། །
བརྩེ་བའི་འོ་ཆུང་གླན་པའི་སྐལ་བཟང་ཕྲ། །
དགའ་བས་པང་དུ་འཁྱུད་པའི་ལས་སྐལ་ཡང་དབེན། །

 
                                                         རྩོམ་སྒྲིག་པ། སྐྱ་བོ།


(མཆོད་མེའི་པར་དབང་གཞན་གྱིས་དགོལ་མི་རུང)


རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།