གཏམ་རྒྱུད་དེ་ཁྱོད་ཀྱི་སྐད་ངག་བཞིན
 ངའི་སེམས་པའི་སྣང་ངོར་བབས་རྗེས
 ལོ་ཟླའི་འཁོར་ཤིང་གི་ངོས་སུ
 ཡིག་འབྲུ་ལྟ་བུའི་ཤུལ་རྗེས་ཞིག་འབུར
 ཁ་བ་མེད་པའི་དགུན་དུས་ཀྱི་ནམ་ཟླ་རིང་མོ
 ཁྱོད་ཀྱི་མཛུམ་ཆུང་ལྟར་
 ངའི་ཉེ་ལོགས་སུ་བཅར་དུས
 སྐྲ་གཏིང་དུ་བ་མོ་འཇོག་གྱིན་བའི
 ལང་ཚོའི་སྣེ་མོ་ན
 འཐབ་ར་གང་ཞིག་གི་འཚོ་བ་ལུས་ཡོད
 བརྩེ་བ་ལྟར་དགོད་་ཀྱིན་པའི
 དྲན་སྣང་གི་རྣོ་ངར་རེ་རེ
 སེམས་པའི་གཏིང་སོ་ནས
 ཕྱིར་འདང་གི་དྲ་རྒྱར་འཇུག་དུས
 ལག་འཇུ་མེད་ལ
 གྱེས་གཏམ་གླེང་མྱོང་བའི་སྒེའུ་ཁུང་གི
 སྙིང་གཏམ་བར་ན་ཡོད་ཚད
 ཡིད་ཆེས་ཀྱིས་སྐྱོ
 ནོར་བུ་སྐྱིད
 བརྩེ་བ་ལྟ་བུའི་དྲན་ཤིང་གི་བདག་མོ
 ངའི་སྨྱུག་རྩེ་ན་འཛུམ་ཀྱིན་པའི
 གླུ་སྐད་ཀྱི་གདངས་རིང་སྙན་མོ
 ངའི་རྟག་དུ་གླེང་གིན་བའི་
 རྟོགས་བཏགས་ཀྱི་རྣམ་ཤེས་སྨུག་པོ
          2007 1 15ཉིན་ཆབ་ཆ་ནས།

རྩོམ་ཁུངས། ངེད་དྲ་བ།