ཕོ་ལོ་ཉེར་ལྔ༌།
རི་རོ་ལྟར་བྲིས་པའི་ཕོ་ལོ་ཉེར་ལྔ།
རླུང་རྟ་ལྟར་སྤུར་པའི་ཕོ་ལོ་ཉེར་ལྔ།
མིག་ཆུ་ལྟར་ཟགས་པའི་ཕོ་ལོ་ཉེར་ལྔ།
ཆུང་དུས་མ་བྱས་བསམ་པ་གང་མང་ཞིག
ཕོ་ལོ་ཉེར་ལྔའི་ལོ་རྒྱུས་ཀྱི་རི་མོ་བཀོད་ནས་རྫོགས།
ཆངཝ་དུས་བྱས་ཨང་བསམ་པའི་རེ་སེམས་དུ་མ།
ཕོ་ལོ་ཉེར་ལྔའི་མདུན་ལྗོངས་ན་རླུང་རྟ་བཞིན་འཕུར།
དེ་ནི་ཕོ་ལོ་ཉེར་ལྔའི་དགེ་སྡིག་ཡོད་ཚད་ཀྱི་རྩིས་ཐོ་རེད།
དེ་ནི་ཕོ་ལོ་ཉེར་ལྔའི་ལམ་དཀྱིལ་ངལ་གསོའི་མཚམས་ཀྱི་མིག་ཆུ་རེད།
ཕོ་ལོ་ཉེར་ལྔ། མཛེས་སྡུག་གི་རི་མོ་རེད།
འབྲི་རྒྱུར་ལུས་པའང་ད་དུང་མང་བོ་ཡོད།
ཕོ་ལོ་ཉེར་ལྔ། རི་རྩེ་ནས་སྤུར་བའི་རླུང་རྟ་རེད།
ད་དུང་ཡང་བར་སྣང་དུ་ལྡིང་ཞིང་འཕྱོ།
ཕོ་ལོ་ཉེར་ལྔ། ཁྲུམ་ཁྲུམ་དུ་ཟགས་པའི་མིག་ཆུ་རེད།
ཐིགས་ཕྲན་རེ་རེ་ན་འགྱོད་སེམས་ཀྱི་སྐྱོ་སྣང་གྲངས་མེད་འཁུར།
ཕོ་ལོ་ཉེར་ལྔ། ལམ་དཀྱིལ་དུ་ལུས་པའི་འགྲོན་པོ་རེད།
དོ་ནུབ་སྡོད་པའི་གནས་ཚང་ཞིག་ཀྱང་རྙེད་དཀའ།
སང་ཉིན་འགྲོ་སའི་ལམ་བུ་དེའང་ད་དུང་རྒྱང་ཐག་རིང༌།
རྩོམ་ཁུངས། ༢༠༠༩ལོའིི་སྦྲང་ཆར་དེབ་དང་པོ།