ཞིང་གྲོང་གི་གཟའ་ཉི་མ།

སླེབས་སྔ་བའི་དུས་ཚིགས་འདིར
དཔྱིད་ཀའི་རྨོ་འདེབས་ཀྱི་ཚ་རླབས་འཕྱུར་ཞིང
སྐྱ་རེངས་དང་ལྷན་དུ
ས་རྡུལ་དང་འཐབ་འཛིང་བྱེད་དུས
མཚན་མོ་ཐུང་ཐུང་དེ་ནི    ཞིང་གྲོང་ལ
ལྷིང་འཇགས་འཁྱིལ་བའི་གཟའ་ཉི་མ་རེད

དབྱར་གྱི་ཉི་འོད་མེ་ལྕེ་བཞིན་ས་གཞིར་བབསནའང
ལྡེམ་ལྡེམ་གཡོ་བའི་སྙེ་མའི་གསེབ་ཏུ
རྔུལ་ཆུ་དང་སྐོམ་གདུང་མཉམ་དུ་འཐོར་དུས
ཆར་བ་ཐེངས་ཤིག་བབས་པ་དེ་ནི    ཞིང་གྲོང་ལ
རང་བྱུང་གི་སྣང་ཚུལ་གྱིས་བསྩལ་བའི
ཐོལ་བྱུང་གི་གཟའ་ཉི་མ་རེད

སེམས་ཁྲལ་གྱིས་བསུས་པའི་སྟོན་ཁར
ཡོད་ཚད་སྨིན་ཐག་ཆོད་པས
རྔུལ་ཆུའི་ཞབས་རྗེས་ལ་འཛུམ་གྱི་རི་མོ་སྨིན་ཞིང
ལག་ཟུང་གི་སེར་ཀར་ཡང་དྲོད་ཐིག་ཅིག་འཁྱིལ
འུར་ཟླ་ལྷག ་གི་ལས་འགུལ་ཐུང་ཐུང་ཞིག་འཇགས་རྗེས་ཀྱི
ཤུགས་རིང་ནར་མོ་དེ་ནི     ཞིང་གྲོང་གི
ཡུན་རིང་སྒུག་པའི་གཟའ་ཉི་མ་རེད

ལྷབ་ལྷུབ་ཀྱི་ཁ་བས
དགུན་གྱི་རི་ལུང་ལ་གཉིད་བཀྱགས་ཤིང
གྲང་རླུང་གི་སྤུ་གྲིའི་དབང་གིས
ཆུ་མོའང་ཁུ་སིམ་མེར
ཁུ་སིམ་པའི་ཁྲོད་འཕུར་བའི་གླུ་སྐད་དེ་ནི
ཞིང་གྲོང་གི     མགྲོན་པོ་ཞིག་ཕར་བསྐྱལ་ཞིང
མགྲོན་པོ་གཞན་ཞིག་ཚུར་ལ་བསུས་པའི
གཞིས་བྱེས་ལྷན་འཛོམས་ཀྱི་གཟའ་ཉི་མ་རེད
                               ༢༠༠༠. ༧. ༢༩ཉིན་འབའ་གཞུང་ནས་བྲིས།

རྩོམ་ཁུངས། ༢༠༠༣ལོའི་གངས་རྒྱན་མེ་ཏོག་དེབ་གཉིས་པ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཞིང་གྲོང་གི་གཟའ་ཉི་མ།

2010-10-17 འབའ་སེང་སྨྱོན། ཀློག་གྲངས། མཆན ཡོད།

སླེབས་སྔ་བའི་དུས་ཚིགས་འདིར
དཔྱིད་ཀའི་རྨོ་འདེབས་ཀྱི་ཚ་རླབས་འཕྱུར་ཞིང
སྐྱ་རེངས་དང་ལྷན་དུ
ས་རྡུལ་དང་འཐབ་འཛིང་བྱེད་དུས
མཚན་མོ་ཐུང་ཐུང་དེ་ནི    ཞིང་གྲོང་ལ
ལྷིང་འཇགས་འཁྱིལ་བའི་གཟའ་ཉི་མ་རེད

དབྱར་གྱི་ཉི་འོད་མེ་ལྕེ་བཞིན་ས་གཞིར་བབསནའང
ལྡེམ་ལྡེམ་གཡོ་བའི་སྙེ་མའི་གསེབ་ཏུ
རྔུལ་ཆུ་དང་སྐོམ་གདུང་མཉམ་དུ་འཐོར་དུས
ཆར་བ་ཐེངས་ཤིག་བབས་པ་དེ་ནི    ཞིང་གྲོང་ལ
རང་བྱུང་གི་སྣང་ཚུལ་གྱིས་བསྩལ་བའི
ཐོལ་བྱུང་གི་གཟའ་ཉི་མ་རེད

སེམས་ཁྲལ་གྱིས་བསུས་པའི་སྟོན་ཁར
ཡོད་ཚད་སྨིན་ཐག་ཆོད་པས
རྔུལ་ཆུའི་ཞབས་རྗེས་ལ་འཛུམ་གྱི་རི་མོ་སྨིན་ཞིང
ལག་ཟུང་གི་སེར་ཀར་ཡང་དྲོད་ཐིག་ཅིག་འཁྱིལ
འུར་ཟླ་ལྷག ་གི་ལས་འགུལ་ཐུང་ཐུང་ཞིག་འཇགས་རྗེས་ཀྱི
ཤུགས་རིང་ནར་མོ་དེ་ནི     ཞིང་གྲོང་གི
ཡུན་རིང་སྒུག་པའི་གཟའ་ཉི་མ་རེད

ལྷབ་ལྷུབ་ཀྱི་ཁ་བས
དགུན་གྱི་རི་ལུང་ལ་གཉིད་བཀྱགས་ཤིང
གྲང་རླུང་གི་སྤུ་གྲིའི་དབང་གིས
ཆུ་མོའང་ཁུ་སིམ་མེར
ཁུ་སིམ་པའི་ཁྲོད་འཕུར་བའི་གླུ་སྐད་དེ་ནི
ཞིང་གྲོང་གི     མགྲོན་པོ་ཞིག་ཕར་བསྐྱལ་ཞིང
མགྲོན་པོ་གཞན་ཞིག་ཚུར་ལ་བསུས་པའི
གཞིས་བྱེས་ལྷན་འཛོམས་ཀྱི་གཟའ་ཉི་མ་རེད
                               ༢༠༠༠. ༧. ༢༩ཉིན་འབའ་གཞུང་ནས་བྲིས།

རྩོམ་ཁུངས། ༢༠༠༣ལོའི་གངས་རྒྱན་མེ་ཏོག་དེབ་གཉིས་པ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།