ཁྱེད་ཀྱི་མགུར་དབྱངས་ལ་ཉན་ན་འདོད་ཅེས་པའི་ལན་དུ་བླངས་པ།

ཞབས་དཀར་ཚོགས་དྲུག་རང་གྲོལ། མཆོད་མེ་བོད་ཀྱི་རྩོམ་རིག་དྲ་བ། 2011-02-23

  
  ཡང་འགའ་རེས་ཁྱེད་ཀྱི་ཐུགས་རྒྱུད་དང་མཛད་སྤྱོད་ལེགས་ཤིང༌། མགུར་དབྱངས་སྙན་པའི་ཤུགས་ཀྱིས་ཉན་ན་འདོད་ཅིང་སེམས་ལ་ཕན་པར་འདུག་ཟེར་བའི་ལན་དུ་གླུ་དབྱངས་འདི་བླངས་སོ། །
   གངས་ཅན་བོད་ཀྱི་གླུ་དབྱངས་མཁན། ། རྣལ་འབྱོར་ཚོགས་དྲུག་རང་གྲོལ་ངས། ། མཚན་ལྡན་བླ་མ་བསྟེན་པའི་ཚེ། ། ཅི་གསུང་བཀའ་གཅིག་བཅག་མ་མྱོང༌། ། སྙིང་ནས་གསོལ་བ་འདེབས་པའི་ཚེ། ། མིག་ནས་མཆི་མ་དབང་མེད་གཡོ། ། ནམ་འཆི་ཆ་མེད་དྲན་པའི་ཚེ། ། ཐོས་བསམ་བསྒོམ་ལ་བརྩོན་འགྲུས་བྱུང༌། ། འདོད་ཡོན་ཉེས་དམིགས་བསམ་པའི་ཚེ། ། འཁོར་བའི་བདེ་ལ་ཞེན་པ་ལོག ། དབེན་པའི་རི་ལ་སྡོད་པའི་ཚེ། ། ཆོས་མིན་བསམ་པ་གཅིག་མི་འགྱུ། །གནས་ལུགས་ངང་ལ་མཉམ་བཞག་ཚེ། ། སྔར་མ་མཐོང་བའི་ལྟད་མོ་མཐོང༌། ། མི་རྟོག་ཏིང་འཛིན་ལ་གནས་ཚེ། ། ཐག་ཉེའི་མི་ཡང་ལྷན་ནེར་གནས། །  འགྲོ་ལ་སྙིང་རྗེ་སྐྱེས་པའི་ཚེ། ། ལྟོ་གོས་ཡིན་ཡང་ཕངས་མེད་སྟེར། ། རྒྱུ་འབྲས་ཆོས་བཤད་བྱེད་པའི་ཚེ། ། ལྷ་འདྲེ་མི་གསུམ་དད་པ་གཡོ། ། སྙན་པའི་གླུ་ དབྱངས་བླངས་པའི་ཚེ། ། དྲི་ཟ་རྣམས་ཀྱང་འཛུམ་ཆུང་བྱེད།  །      ཅེས་བླངས་པས་དད་ཅིང་འདུན་པར་གྱུར་ཏོ། །
 

 

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཁྱེད་ཀྱི་མགུར་དབྱངས་ལ་ཉན་ན་འདོད་ཅེས་པའི་ལན་དུ་བླངས་པ།

2011-02-23 ཞབས་དཀར་ཚོགས་དྲུག་རང་གྲོལ། ཀློག་གྲངས། མཆན ཡོད།

  
  ཡང་འགའ་རེས་ཁྱེད་ཀྱི་ཐུགས་རྒྱུད་དང་མཛད་སྤྱོད་ལེགས་ཤིང༌། མགུར་དབྱངས་སྙན་པའི་ཤུགས་ཀྱིས་ཉན་ན་འདོད་ཅིང་སེམས་ལ་ཕན་པར་འདུག་ཟེར་བའི་ལན་དུ་གླུ་དབྱངས་འདི་བླངས་སོ། །
   གངས་ཅན་བོད་ཀྱི་གླུ་དབྱངས་མཁན། ། རྣལ་འབྱོར་ཚོགས་དྲུག་རང་གྲོལ་ངས། ། མཚན་ལྡན་བླ་མ་བསྟེན་པའི་ཚེ། ། ཅི་གསུང་བཀའ་གཅིག་བཅག་མ་མྱོང༌། ། སྙིང་ནས་གསོལ་བ་འདེབས་པའི་ཚེ། ། མིག་ནས་མཆི་མ་དབང་མེད་གཡོ། ། ནམ་འཆི་ཆ་མེད་དྲན་པའི་ཚེ། ། ཐོས་བསམ་བསྒོམ་ལ་བརྩོན་འགྲུས་བྱུང༌། ། འདོད་ཡོན་ཉེས་དམིགས་བསམ་པའི་ཚེ། ། འཁོར་བའི་བདེ་ལ་ཞེན་པ་ལོག ། དབེན་པའི་རི་ལ་སྡོད་པའི་ཚེ། ། ཆོས་མིན་བསམ་པ་གཅིག་མི་འགྱུ། །གནས་ལུགས་ངང་ལ་མཉམ་བཞག་ཚེ། ། སྔར་མ་མཐོང་བའི་ལྟད་མོ་མཐོང༌། ། མི་རྟོག་ཏིང་འཛིན་ལ་གནས་ཚེ། ། ཐག་ཉེའི་མི་ཡང་ལྷན་ནེར་གནས། །  འགྲོ་ལ་སྙིང་རྗེ་སྐྱེས་པའི་ཚེ། ། ལྟོ་གོས་ཡིན་ཡང་ཕངས་མེད་སྟེར། ། རྒྱུ་འབྲས་ཆོས་བཤད་བྱེད་པའི་ཚེ། ། ལྷ་འདྲེ་མི་གསུམ་དད་པ་གཡོ། ། སྙན་པའི་གླུ་ དབྱངས་བླངས་པའི་ཚེ། ། དྲི་ཟ་རྣམས་ཀྱང་འཛུམ་ཆུང་བྱེད།  །      ཅེས་བླངས་པས་དད་ཅིང་འདུན་པར་གྱུར་ཏོ། །
 

 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།