ཟངས་མདོག་དཔལ་རི་གསར་དུ་རྙེད་པ།

ཚངས་དབང་དགེ་འདུན་བསྟན་པ། མཆོད་མེ་བོད་ཀྱི་རྩོམ་རིག་དྲ་བ། 2012-03-31

  ཟངས་མདོག་དཔལ་རི་ནི་སློབ་དཔོན་པདྨ་འབྱུང་གནས་ཀྱི་ཞིང་བཀོད་ཡིན་ལ། སྤྱིར་ན་ཞིང་ བཀོད་ལ་ཆོས་ཀྱི་ཞིང་བཀོད་ཅིག་དང་ས་ཚུགས་ཀྱི་ཞིང་བཀོད་ཅིག་གཉིས་ཡོད་དེ། འདིར་བཤད་པ་ ནི་ས་ཚུགས་ཀྱི་ཞིང་བཀོད་དེ་འཇིག་རྟེན་ཐུན་མོང་གི་ལྟར་རོ།།  ཟངས་མདོག་དཔལ་རིའི་མིང་གཞན་ལ་མ་པང་སྤོས་མོ་མཁར་དང་། སྤོ་མོ་མཁར། པདྨ་མཁར་སོགས་འབྲི་སྟངས་ཅི་རིགས་ཤིག་སྣང་། དེང་སང་བྱིའུ་དགོན་ཟེར་ཞིང་། མངའ་རིས་ས་ཁུལ་པུ་རང་རྫོང་མ་ཕམ་གཡུ་མཚོའི་འགྲམ་དུ་ཡོད།སྔོན་འདིར་སློབ་དཔོན་པདྨ་འབྱུང་གནས་སྐུ་རང་ཉིད་ཀྱིས་བཞེངས་པའི་ཙན་དན་གྱི་ གུ་རུ་རིན་པོ་ཆེའི་འདྲ་སྐུ་ཞིག་བཞུགས། བསྟན་པ་སྔ་དར་གྱི་སྐབས་སུ་བྱིའུ་དགོན་ལ་པདྨ་མཁར་ཞེས་བརྗོད་ལ།  བར་དར་སྐབས་སུ་བྱིའུ་ཟམ་བཟོ་མཁར། ཕྱི་དར་སྐབས་སུ་ཟངས་མདོག་དཔལ་རིའི་ཕོ་བྲང་ཞེས་ཟེར། སྔོན་གྱི་དུས་ཤིག་ལ་མ་ཕམ་གཡུ་མཚོ་རྒྱས་ཏེ་ལང་ག་མཚོ་ནང་དུ་བཞུར་བས། དེ་གཉིས་ཀྱི་བར་ལ་ཟམ་པ་ཞིག་བཟོས་ཡོད་ཕྱིན་བྱིའུ་ཟམ་པ་མཁར་ཞེས་གྲགས་སོ།། བོན་གྱི་མཁས་དབང་ཆེན་པོའི་༼ཡོངས་འཛིན་བསྟན་འཛིན་རྣམ་དག་རིན་པོ་ཆེའི་གསུང་འབུམ༽་པོད་གསུམ་པ་ལས། དབུས་ཕྱོགས་སུ་མཁར་བཞི་དང་། ཕྱོགས་ཀྱི་རྫོང་བཞིའོ།། བྱ་བའི་སྐབས་སུ། མཁར་བཞི་ནི། ཁྱུང་ལུང་དངུལ་མཁར་དང་། སྤུ་ཧྲིང་སྟག་ལ་མཁར། སྨེ་ཤིང་བྱི་བ་མཁར། མ་པང་སྤོས་མོ་མཁར། ཞེས་ཞང་ཞུང་གི་མཁར་བཞིའི་གྲས་སུ་བརྩི་བ་དང་། གཞན་བོན་གྱི་ཡིག་ཚང་ཁག་ལས།པུ་ཧྲང་རྟ་ལྷ་མཁར། མ་པང་སྤོ་མོ་མཁར། གུ་གེ་རྩ་རང་མཁར། ཁྱུང་ལུང་རྔུལ་མཁར་ཞེས་བྲིས་ཡོད། གནས་འདི་ནི་བན་བོན་གང་ཐད་ནས་བཤད་ཀྱང་ཆེས་གལ་ཆེན་ཞིག་ཡིན་ལ། གནའ་དུས་སུ་གནས་འདིར་པདྨ་མཁར་ཞེས་མཁར་ཆེན་གྲགས་ཅན་ཞིག་ཡོད་ཅིང་། གནས་འདིའི་རྒྱབ་རི་ནི། སྤོས་ངད་རི་བོ་ཡིན་ཟེར། བོན་པོའི་༼གཟུངས་ཀུན་འདུས་པ་བཞུགས༽་བྱ་བ་ལས། དེའི་ཚེ་དེའི་དུས་ན། རི་བོ་བཀྲ་ཤིས་དཔལ་བརྩེགས་མདུན། །རྒྱ་མཚོ་བཀྲ་ཤིས་ཁྱུད་མོའི་གླིང་།། སྐུ་མཁར་བང་བ་དགུ་ཐོག་ནང་། །བྲམ་ཟེ་པའི་རྒྱལ་པོ་བཟང་སྐྱོང་ཞེས།། རྒྱུ་དང་བསོད་ནམས་ཚོགས་རྫོགས་ཕྱིར། །གསས་སང་པདྨ་གླིང་ཆེན་ཆེན་བཞེངས། །བདེ་གཤེགས་སྐུ་གདུང་གསུང་རབ་སོགས།། མངའ་གསོལ་རབ་ཏུ་ གནས་པའི་ཕྱིར། །བདེ་གཤེགས་སྲས་ཡུམ་འཁོར་དང་བཅས། །ཞེས་སྟོན་པ་གཤེན་རབ་མི་བོ་ཆེ་ཡུམ་སྲས་དང་བཅས་གནས་དེར་ཕེབས་ཚུལ་འཁོད་ཡོད་ཅིང་།གོང་གི་རི་བོ་བཀྲ་ཤིས་དཔལ་ བརྩེགས་ཞེས་པ་ནི་གངས་ཏི་སེ་ཡིན་ཞིང་།༼མདོ་དྲི་མེད་གཟི་བརྗིད༽་སོགས་སུ། གངས་རིན་པོ་ཆེ་ ལ་གཡུང་དྲུང་དགུ་བརྩེགས་ཀྱི་རི་བོ་ཞེས་འཁོད་ཡོད་པ་དེས་ཤེས་ཐུབ་བོ།། རྒྱ་མཚོ་བཀྲ་ ཤིས་ཁྱུད་མོའི་གླིང་བྱ་བ་ནི། མ་ཕམ་གཡུ་མཚོ་ཡིན་ལ། དཔལ་ལྡན་ལྷ་མོའི་ཆོ་ག་ཁག་ཏུ་མུ་ ལེ་ཁྱུད་མཚོ་བྱ་བ་དེ་ཡིན་ཏེ། མུ་ལེ་ནི་ཞང་སྐད་དེ་རྒྱ་མཚོའི་མིང་ཡིན་ནོ།། དེས་ན་གངས་ཏི་སེའི་ མདུན་ན་མ་ཕམ་གཡུ་མཚོ་ཡོད་པ་དེ་བཞིན་དུ། འདིར་ཡང་རི་བོ་བཀྲ་ཤིས་དཔལ་བརྩེགས་མདུན། ཞེས་མདུན་ན་ཡོད་པར་བསྟན་འདུག་གོ།། གསས་སང་པདྨ་གླིང་ཆེན་བྱ་བ་ནི་པདྨ་མཁར་ཡིན་ལ། མཁར་འདི་ལ་ཐོག་བརྩེགས་རིམ་པ་དགུ་ཡོད་པར་གདའ། དུས་འཁོར་གྱི་རྒྱུད་འགྲེལ་རྣམས་སུ་རི་བོ་མཱ་ལ་ཡའི་སྐྱེད་མོས་ཚལ་དུ་དུས་འཁོར་བློས་བསླངས་བཞེངས་ཞེས་པའང་དོན་དུ་གནས་འདི་ན་ཡིན་པར་གསལ་ལ དེང་སང་འདི་ལྟར་བཤད་ན། བན་བོན་གྱི་དགེ་བཤེས་ཚོས་ ལྟ་བ་ལོག་པའི་གྲས་སུ་བགྲང་སྟེ་བཀའ་བཀྱོན་བསྐྱོན་ངེས་པས་ཞེ་རེ་འཇིགས། གྲུབ་མཐའ་ཞེས་པ་དེ་ལ་ཡི་རེ་མུག པདྨ་མཁར་རམ་བྱིའུ་དགོན་འདི་རྒྱང་ནས་བལྟས་ན་སྙིང་ངམ་ཙི་ཏ་ཞིག་དང་མཚུངས་པས། ཟངས་མདོག་དཔལ་རི་ཡང་འདི་ཡིན། སྔ་མོའི་དུས་སུ་བྱིའུ་དགོན་གྱི་འདབས་སུ་མ་ཕམ་གཡུ་མཚོའི་ཆུ་བཞུར་བཞིན་པས་ཟམ་པ་ཞིག་ཀྱང་རྒྱབ་ཡོད། ཟངས་མདོག་དཔལ་རིའི་ཞིང་བཀོད་ཀྱི་ཐང་ག་རྣམས་སུ་ཟངས་མདོག་དཔལ་རིའི་འདབས་སུ་མཚོ་འཁྱིལ་བའི་རྣམ་པ་བྲིས་ཡོད་པའང་དོན་དུ་གོང་དུ་བཤད་པ་བཞིན་དེ་སྔོན་བྱིའུ་དགོན་གྱི་འདབས་རོལ་ན་མ་ཕམ་གཡུ་མཚོ་ཡོད་པ་དེ་ཡིན། ༼བཙུན་མོ་བཀའ་ཐང༽་ལས། བོད་དང་ཞང་ཞུང་གཉིས་ཀྱི་མཚམས་སུ་བྱོན། །མ་ཕམ་གཡུ་མཚོ་ནག་མོའི་འགྲམ་དུ་བཞུགས། །པད་མ་རྒྱས་པའི་ལྷ་ཁང་མཆོད་པ་ཕུལ། །ཅེས་པ་དང་། ཡང་དེ་ཉིད་ལས། མ་ཕམ་གཡུ་མཚོའི་ནང་དུ་ལྷ་ཁང་བཞེངས། །མི་ཡི་ཡུལ་དུ་པད་རྒྱལ་ལྷ་ཁང་བཞེངས། །ཞེས་པའང་པདྨ་མཁར་དུ་ལྷ་ཁང་བཞེངས་པར་བཤད་པ་དང་། གཞན་ ༼ཟངས་མདོག་དཔལ་རིའི་སྨོན་ལམ༽་ལས། འཛམ་གླིང་ས་ཡི་ལྟེ་བ་རྡོ་རྗེ་གདན།། དུས་གསུམ་རྒྱལ་བས་ཆོས་འཁོར་བསྐོར་བའི་གནས། །དེ་ཡི་ནུབ་བྱང་རྔ་ཡབ་ལང་ཀའི་ གླིང་། ། ཟངས་མདོག་དཔལ་གྱི་རི་བོར་སྐྱེ་བར་ཤོག།བཀོད་པ་ལྷུན་གྲུབ་ཙིཏྟའི་ས་འཛིན་སྤོ། ། རྩ་བ་གདེངས་ཅན་འཇོག་པོའི་ཐོད་དུ་བཅིངས། །སྐེད་པར་ལུས་མེད་མཁའ་འགྲོས་ཚོགས་འཁོར་བསྐོར། །རྩེ་མོ་གཟུགས་ཁམས་བསམ་གཏན་བསྙེག་པ་ལྟའི། །ཟངས་མདོག་དཔལ་གྱི་རི་བོར་སྐྱེ་ བར་ཤོག །ཅེས་གསུངས་པ་ལྟར། རྔ་ཡབ་ལང་གའི་གླིང་ནི། དེང་གི་དོལ་བུ་དང་པུ་རང་གཉིས་ཡིན་ལ། པཎ་ཆེན་དཔལ་ལྡན་ཡེ་ཤེས་ཀྱི་༼ ཤམ་བྷ་ལའི་རྣམ་བཤད༽ ་དུའང། རྔ་ཡབ་གླིང་ནི་དོལ་བུ་ཡིན་པར་བཤད་ཅིང་། ལང་ག་པུ་རང་ནི་ད་ལྟའི་པུ་རང་རྫོང་ཡིན་པ་ལོ་ཙཱ་བ་པ་ཚབ་ཉི་མ་གྲགས་ཀྱི་འགྱུར་བྱང་དུ་ཡང་གསལ་ཏེ།. དེ་ཉིད་གྱིས་བསྒྱུར་བའི་༼ཆོས་མངོན་པ་མཛོད་ཀྱི་འགྲེལ་བཤད༽་ཀྱི་འགྱུར་བྱང་དུ། འདི་ནི་གངས་རིན་པོ་ཏི་སེ་དང་ཡིད་བཞིན་གྱི་མཚོའི་ལྷོ་ངོས། རི་བོ་ ཆེན་པོ་སྤོས་ཀྱི་ངད་ལྡང་བའི་འདབ་ཡུལ་པུ་རངས་སུ་བསྒྱུར་བ། ཞེས་པ་དང་། གངས་མཚོ་གནས་གསུམ་གྱི་དཀར་ཆག་རྣམས་ལས་ཀྱང་མང་དུ་བཤད་པས་ཕྱིར་རོ།། འདི་ སྐབས་ཀྱི་རྩ་བ་གདེངས་ཅན་བྱ་བའང་མ་ཕམ་གཡུ་མཚོར་གོ་དགོས་པ་ཡིན་ལ།. བྱིའུ་དགོན་ནམ་པདྨ་མཁར་ནི་ད་ལྟའི་བར་མ་ཕམ་གཡུ་མཚོའི་འགྲམ་དུ་ཡོད་པའི་ཕྱིར་རོ།།བཀོད་པ་ལྷུན་གྲུབ་ཙིཏྟའི་ས་འཛིན་སྤོ།།ཞེས་པ་ནི་རི་འདིའི་དབྱིབས་སྙིང་དང་འདྲ་ཞིང་དེའི་རྩེར་གཞལ་ཡས་ཁང་ཡོད་པར་བསྟན་ཏོ།། ཆོས་གཞུང་ལ་ལར་ཀླུའི་ཕོ་བྲང་བྱ་བར་འཁོད་ཡོད་པའང་འདི་ཡིན་ལ། ཡུལ་འདིའི་གནས་བདག་ལ་སྔོན་ཀྱི་དཔེ་རྙིང་རྣམས་སུ་ཀླུའི་རྒྱལ་པོ་ཟེར་ཞིང་། ཀླུའི་རྒྱལ་པོ་བློ་གྲོས་ཞེས་པ་དེས་སངས་རྒྱས་ཤཱཀྱ་ཐུབ་པ་གདན་དྲངས་ཏེ་མ་དྲོས་པས་ཞུས་པའི་མདོ་ཡང་འདི་ནས་གསུངས་སོ།། སྦྱོར་དྲུག་ལ་རང་དབང་ཐོབ་པ་རྣམས་ཟངས་མདོག་དཔལ་རིའི་ཞིང་བཀོད་ཀྱི་ ཁྱད་ཆོས་ཡོངས་སུ་མཐོང་ཐུབ་ཀྱང་། ང་ལྟ་བུ་བསོད་འཛད་ཅིག་གིས་རི་དམར་ཧྲེང་བ་ལས་ཅི་ཡང་མ་མཐོང་། བྱིའུ་དགོན་དུ་ཡོད་པའི་སློབ་དཔོན་ཡབ་ཡུམ་གྱི་ཕྱག་ཞབས་ཀྱི་རྗེས་ཡིན་ཟེར་བ་དེ་ཚོ་མཇལ་སྐོར་བ་ཚང་མས་མཐོང་བཞིན་པས་ངས་ཀྱང་མཐོང་མྱོང་ངོ་།། འོན་ཏེ། རྒྱང་ནས་བལྟས་ཚེ། དངོས་གནས་བྱིའུ་དགོན་པ་འདི་སྙིང་གི་རྣམ་པ་དང་མཚུངས་པ་ནི་ཧ་ཅང་བདེན་ཡང་། མ་ཕམ་མཚོ་ དུས་ཀྱི་དབང་གིས་བྲི་བར་སོང་སྟེ་ད་སྐབས་བྱིའུ་དགོན་གྱི་འདབས་སུ་ཆུ་ཚན་ཆུང་ཆུང་ཞིག་ཡོད་པ་ལས་ཆེན་པོ་སྔོ་མེར་རེ་འཁྱིལ་བ་ནི་མེད་དོ།།  གཞན་ཉེ་ཆར་ཆོས་འཕེལ་གྱིས་བརྩམས་པའི་༼མངའ་ རིས་ཁུལ་གྱི་ལམ་ཡིག༽་བྱ་བ་ལས། བྱིའུ་དགོན་ནི། སྒྲུབ་ཕུག་གི་སྟེང་དུ་པད་རྒྱལ་ལྷ་ཁང་ཞེས་པ་ཡོད། རི་བོའི་དབྱིབས་ནི་ཟངས་མདོག་དཔལ་རི་འདྲ་ལ་རྒྱབ་རི་ནི་རི་བོ་མ་ལ་ཡ་ཡིན་ཞེས་གསུངས། དེ་ནས་གར་ལོག་དམག་སྐབས་པད་རྒྱལ་ལྷ་ཁང་རྩ་གཏོར་བཏང་། མ་ཕམ་གཡུ་མཚོ་ནི་ལང་ག་མཚོའི་ནང་དུ་ལུད་འགྲོ་བས་མཚོ་གཉིས་ཀྱི་བར་ལ་ཟམ་པ་ཞིག་ཀྱང་ཡོད་པས་བྱིའུ་ཟམ་མཚོ་ ཁ་ཞེས་ཀྱང་ཟེར།. ཡང་ཆུ་དེ་ལ་ཆུ་མོ་གངྒཱ་ཞེས་ཟེར་ཞིང་དེའི་ཆུ་མགོ་ཆུ་མིག་མཐོང་བ་རང་གྲོལ་ནས་ བྱུང་།. མཐོང་བ་རང་གྲོལ་མ་ཕམ་གཡུ་མཚོའི་ནང་དུ་བབས། མ་ཕམ་གཡུ་མཚོ་ལང་ག་མཚོའི་ནང་དུ་བབས།  དེ་ནས་ཟངས་ཀྱི་བུ་ག་ལྟ་བུའི་ནང་ནས་བབས་ཏེ་མ་སིང་བྲག་ཅེས་པ་ནས་སྐབས་རེ་རྒྱུགས་ལ་སྐབས་རེ་གྱེན་དུ་འགྲོ་བ་ལྟ་བུའང་བྱེད། དེར་མདུན་ཆུ་དགོན་ཞེས་པ་ཞིག་ཀྱང་ཡོད། དེ་ནས་ཆུ་དེ་རི་གླང་ཆེན་གྱི་ཁ་འདྲ་བ་ཞིག་ནས་བབས་པས་གླང་ཆེན་ཁ་འབབ་ཅེས་པ་དེ་ལྟར་བྱུང་། ཞེས་གསལ།  གོང་གི་ནང་དོན་དེ་ཡང་ཞིབ་ཏུ་བསམ་བློ་གཏོང་ཤེས་ན་གནད་ཀྱི་དོན་པོ་མང་ཡང་རེ་ཞིག་སྤྲོས་པར་མི་བྱའོ།།. མཐར་འདི་ལྟར་ཡང་བསམ་སྟེ། འོ་ན་ཟངས་མདོག་དཔལ་རིའི་ཞིང་བཀོད་ཀྱི་ཁྱད་ཆོས་བཞིན་འདིར་མི་མཐོང་བས།.མིན་པར་འདོད་སྙམ་ན། མཁས་དབང་དགེ་འདུན་ཆོས་འཕེལ་གྱིས་གསུངས་པ་བཞིན། གལ་ཏེ་ཁོ་བོས་བདེན་པ་ངོ་སྤྲོད་བྱས་པ་འདི་ལ་ཡིད་མ་ཆེས་ན། ཨོ་རྒྱན་བྱ་བ་དེ་གནས་དང་ས་གར་ཡོད་མི་ཤེས་པ། རི་ཐམས་ཅད་རུས་པ་དང་། ཆུ་ཐམས་ཅད་ཁྲག་ཏུ་འབབ་པ། ཚེ་འདིར་མ་ཟད་ཕྱི་མ་ཡང་མི་སླེབས་པའི་ས་ཞིག་ཏུ་གྱིས་དང་། མི་ཕལ་ཆེར་གྱི་ཁམས་ལ་དེ་འཕྲོད་པར་སྣང་། འོ་ན་གནས་འདིར་མཇལ་ས་ཅི་ཞིག་ཡོད་ཅེ་ན་། མཐོ་ཡེ་རེ་བ་དང་ཁྲ་ལམ་མེ་པ་ཅི་ཡང་མེད། ཅེས་གསུངས་པ་དང་དོན་ཤིན་ཏུ་མཚུངས་པས་དེ་ལྟར་དུ་བསྒོམ་པར་བྱའོ།། སྨྲས་པ། བདེན་པའི་ལོ་རྒྱུས་འཕྲང་ལམ་ཕྲ་ན་ཡང་།། འཁྱོག་བཤད་ལམ་ཆེན་དེ་ལ་བདག་མི་སྐྱོད།། མུན་པའི་ཕྱོགས་ལ་ཐེངས་བརྒྱར་ཕྱིན་པ་ལས།། འོད་གསལ་ལམ་དུ་ཐེངས་གཅིག་སོང་ན་དགའ།། བཀྲ་ཤིས་པར་གྱུར་ཅིག།རེབ་གོང་བློ་གྲོས་སྣང་བས་མཁོ་འདོན་བྱས།

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཟངས་མདོག་དཔལ་རི་གསར་དུ་རྙེད་པ།

2012-03-31 ཚངས་དབང་དགེ་འདུན་བསྟན་པ། ཀློག་གྲངས། མཆན ཡོད།

  ཟངས་མདོག་དཔལ་རི་ནི་སློབ་དཔོན་པདྨ་འབྱུང་གནས་ཀྱི་ཞིང་བཀོད་ཡིན་ལ། སྤྱིར་ན་ཞིང་ བཀོད་ལ་ཆོས་ཀྱི་ཞིང་བཀོད་ཅིག་དང་ས་ཚུགས་ཀྱི་ཞིང་བཀོད་ཅིག་གཉིས་ཡོད་དེ། འདིར་བཤད་པ་ ནི་ས་ཚུགས་ཀྱི་ཞིང་བཀོད་དེ་འཇིག་རྟེན་ཐུན་མོང་གི་ལྟར་རོ།།  ཟངས་མདོག་དཔལ་རིའི་མིང་གཞན་ལ་མ་པང་སྤོས་མོ་མཁར་དང་། སྤོ་མོ་མཁར། པདྨ་མཁར་སོགས་འབྲི་སྟངས་ཅི་རིགས་ཤིག་སྣང་། དེང་སང་བྱིའུ་དགོན་ཟེར་ཞིང་། མངའ་རིས་ས་ཁུལ་པུ་རང་རྫོང་མ་ཕམ་གཡུ་མཚོའི་འགྲམ་དུ་ཡོད།སྔོན་འདིར་སློབ་དཔོན་པདྨ་འབྱུང་གནས་སྐུ་རང་ཉིད་ཀྱིས་བཞེངས་པའི་ཙན་དན་གྱི་ གུ་རུ་རིན་པོ་ཆེའི་འདྲ་སྐུ་ཞིག་བཞུགས། བསྟན་པ་སྔ་དར་གྱི་སྐབས་སུ་བྱིའུ་དགོན་ལ་པདྨ་མཁར་ཞེས་བརྗོད་ལ།  བར་དར་སྐབས་སུ་བྱིའུ་ཟམ་བཟོ་མཁར། ཕྱི་དར་སྐབས་སུ་ཟངས་མདོག་དཔལ་རིའི་ཕོ་བྲང་ཞེས་ཟེར། སྔོན་གྱི་དུས་ཤིག་ལ་མ་ཕམ་གཡུ་མཚོ་རྒྱས་ཏེ་ལང་ག་མཚོ་ནང་དུ་བཞུར་བས། དེ་གཉིས་ཀྱི་བར་ལ་ཟམ་པ་ཞིག་བཟོས་ཡོད་ཕྱིན་བྱིའུ་ཟམ་པ་མཁར་ཞེས་གྲགས་སོ།། བོན་གྱི་མཁས་དབང་ཆེན་པོའི་༼ཡོངས་འཛིན་བསྟན་འཛིན་རྣམ་དག་རིན་པོ་ཆེའི་གསུང་འབུམ༽་པོད་གསུམ་པ་ལས། དབུས་ཕྱོགས་སུ་མཁར་བཞི་དང་། ཕྱོགས་ཀྱི་རྫོང་བཞིའོ།། བྱ་བའི་སྐབས་སུ། མཁར་བཞི་ནི། ཁྱུང་ལུང་དངུལ་མཁར་དང་། སྤུ་ཧྲིང་སྟག་ལ་མཁར། སྨེ་ཤིང་བྱི་བ་མཁར། མ་པང་སྤོས་མོ་མཁར། ཞེས་ཞང་ཞུང་གི་མཁར་བཞིའི་གྲས་སུ་བརྩི་བ་དང་། གཞན་བོན་གྱི་ཡིག་ཚང་ཁག་ལས།པུ་ཧྲང་རྟ་ལྷ་མཁར། མ་པང་སྤོ་མོ་མཁར། གུ་གེ་རྩ་རང་མཁར། ཁྱུང་ལུང་རྔུལ་མཁར་ཞེས་བྲིས་ཡོད། གནས་འདི་ནི་བན་བོན་གང་ཐད་ནས་བཤད་ཀྱང་ཆེས་གལ་ཆེན་ཞིག་ཡིན་ལ། གནའ་དུས་སུ་གནས་འདིར་པདྨ་མཁར་ཞེས་མཁར་ཆེན་གྲགས་ཅན་ཞིག་ཡོད་ཅིང་། གནས་འདིའི་རྒྱབ་རི་ནི། སྤོས་ངད་རི་བོ་ཡིན་ཟེར། བོན་པོའི་༼གཟུངས་ཀུན་འདུས་པ་བཞུགས༽་བྱ་བ་ལས། དེའི་ཚེ་དེའི་དུས་ན། རི་བོ་བཀྲ་ཤིས་དཔལ་བརྩེགས་མདུན། །རྒྱ་མཚོ་བཀྲ་ཤིས་ཁྱུད་མོའི་གླིང་།། སྐུ་མཁར་བང་བ་དགུ་ཐོག་ནང་། །བྲམ་ཟེ་པའི་རྒྱལ་པོ་བཟང་སྐྱོང་ཞེས།། རྒྱུ་དང་བསོད་ནམས་ཚོགས་རྫོགས་ཕྱིར། །གསས་སང་པདྨ་གླིང་ཆེན་ཆེན་བཞེངས། །བདེ་གཤེགས་སྐུ་གདུང་གསུང་རབ་སོགས།། མངའ་གསོལ་རབ་ཏུ་ གནས་པའི་ཕྱིར། །བདེ་གཤེགས་སྲས་ཡུམ་འཁོར་དང་བཅས། །ཞེས་སྟོན་པ་གཤེན་རབ་མི་བོ་ཆེ་ཡུམ་སྲས་དང་བཅས་གནས་དེར་ཕེབས་ཚུལ་འཁོད་ཡོད་ཅིང་།གོང་གི་རི་བོ་བཀྲ་ཤིས་དཔལ་ བརྩེགས་ཞེས་པ་ནི་གངས་ཏི་སེ་ཡིན་ཞིང་།༼མདོ་དྲི་མེད་གཟི་བརྗིད༽་སོགས་སུ། གངས་རིན་པོ་ཆེ་ ལ་གཡུང་དྲུང་དགུ་བརྩེགས་ཀྱི་རི་བོ་ཞེས་འཁོད་ཡོད་པ་དེས་ཤེས་ཐུབ་བོ།། རྒྱ་མཚོ་བཀྲ་ ཤིས་ཁྱུད་མོའི་གླིང་བྱ་བ་ནི། མ་ཕམ་གཡུ་མཚོ་ཡིན་ལ། དཔལ་ལྡན་ལྷ་མོའི་ཆོ་ག་ཁག་ཏུ་མུ་ ལེ་ཁྱུད་མཚོ་བྱ་བ་དེ་ཡིན་ཏེ། མུ་ལེ་ནི་ཞང་སྐད་དེ་རྒྱ་མཚོའི་མིང་ཡིན་ནོ།། དེས་ན་གངས་ཏི་སེའི་ མདུན་ན་མ་ཕམ་གཡུ་མཚོ་ཡོད་པ་དེ་བཞིན་དུ། འདིར་ཡང་རི་བོ་བཀྲ་ཤིས་དཔལ་བརྩེགས་མདུན། ཞེས་མདུན་ན་ཡོད་པར་བསྟན་འདུག་གོ།། གསས་སང་པདྨ་གླིང་ཆེན་བྱ་བ་ནི་པདྨ་མཁར་ཡིན་ལ། མཁར་འདི་ལ་ཐོག་བརྩེགས་རིམ་པ་དགུ་ཡོད་པར་གདའ། དུས་འཁོར་གྱི་རྒྱུད་འགྲེལ་རྣམས་སུ་རི་བོ་མཱ་ལ་ཡའི་སྐྱེད་མོས་ཚལ་དུ་དུས་འཁོར་བློས་བསླངས་བཞེངས་ཞེས་པའང་དོན་དུ་གནས་འདི་ན་ཡིན་པར་གསལ་ལ དེང་སང་འདི་ལྟར་བཤད་ན། བན་བོན་གྱི་དགེ་བཤེས་ཚོས་ ལྟ་བ་ལོག་པའི་གྲས་སུ་བགྲང་སྟེ་བཀའ་བཀྱོན་བསྐྱོན་ངེས་པས་ཞེ་རེ་འཇིགས། གྲུབ་མཐའ་ཞེས་པ་དེ་ལ་ཡི་རེ་མུག པདྨ་མཁར་རམ་བྱིའུ་དགོན་འདི་རྒྱང་ནས་བལྟས་ན་སྙིང་ངམ་ཙི་ཏ་ཞིག་དང་མཚུངས་པས། ཟངས་མདོག་དཔལ་རི་ཡང་འདི་ཡིན། སྔ་མོའི་དུས་སུ་བྱིའུ་དགོན་གྱི་འདབས་སུ་མ་ཕམ་གཡུ་མཚོའི་ཆུ་བཞུར་བཞིན་པས་ཟམ་པ་ཞིག་ཀྱང་རྒྱབ་ཡོད། ཟངས་མདོག་དཔལ་རིའི་ཞིང་བཀོད་ཀྱི་ཐང་ག་རྣམས་སུ་ཟངས་མདོག་དཔལ་རིའི་འདབས་སུ་མཚོ་འཁྱིལ་བའི་རྣམ་པ་བྲིས་ཡོད་པའང་དོན་དུ་གོང་དུ་བཤད་པ་བཞིན་དེ་སྔོན་བྱིའུ་དགོན་གྱི་འདབས་རོལ་ན་མ་ཕམ་གཡུ་མཚོ་ཡོད་པ་དེ་ཡིན། ༼བཙུན་མོ་བཀའ་ཐང༽་ལས། བོད་དང་ཞང་ཞུང་གཉིས་ཀྱི་མཚམས་སུ་བྱོན། །མ་ཕམ་གཡུ་མཚོ་ནག་མོའི་འགྲམ་དུ་བཞུགས། །པད་མ་རྒྱས་པའི་ལྷ་ཁང་མཆོད་པ་ཕུལ། །ཅེས་པ་དང་། ཡང་དེ་ཉིད་ལས། མ་ཕམ་གཡུ་མཚོའི་ནང་དུ་ལྷ་ཁང་བཞེངས། །མི་ཡི་ཡུལ་དུ་པད་རྒྱལ་ལྷ་ཁང་བཞེངས། །ཞེས་པའང་པདྨ་མཁར་དུ་ལྷ་ཁང་བཞེངས་པར་བཤད་པ་དང་། གཞན་ ༼ཟངས་མདོག་དཔལ་རིའི་སྨོན་ལམ༽་ལས། འཛམ་གླིང་ས་ཡི་ལྟེ་བ་རྡོ་རྗེ་གདན།། དུས་གསུམ་རྒྱལ་བས་ཆོས་འཁོར་བསྐོར་བའི་གནས། །དེ་ཡི་ནུབ་བྱང་རྔ་ཡབ་ལང་ཀའི་ གླིང་། ། ཟངས་མདོག་དཔལ་གྱི་རི་བོར་སྐྱེ་བར་ཤོག།བཀོད་པ་ལྷུན་གྲུབ་ཙིཏྟའི་ས་འཛིན་སྤོ། ། རྩ་བ་གདེངས་ཅན་འཇོག་པོའི་ཐོད་དུ་བཅིངས། །སྐེད་པར་ལུས་མེད་མཁའ་འགྲོས་ཚོགས་འཁོར་བསྐོར། །རྩེ་མོ་གཟུགས་ཁམས་བསམ་གཏན་བསྙེག་པ་ལྟའི། །ཟངས་མདོག་དཔལ་གྱི་རི་བོར་སྐྱེ་ བར་ཤོག །ཅེས་གསུངས་པ་ལྟར། རྔ་ཡབ་ལང་གའི་གླིང་ནི། དེང་གི་དོལ་བུ་དང་པུ་རང་གཉིས་ཡིན་ལ། པཎ་ཆེན་དཔལ་ལྡན་ཡེ་ཤེས་ཀྱི་༼ ཤམ་བྷ་ལའི་རྣམ་བཤད༽ ་དུའང། རྔ་ཡབ་གླིང་ནི་དོལ་བུ་ཡིན་པར་བཤད་ཅིང་། ལང་ག་པུ་རང་ནི་ད་ལྟའི་པུ་རང་རྫོང་ཡིན་པ་ལོ་ཙཱ་བ་པ་ཚབ་ཉི་མ་གྲགས་ཀྱི་འགྱུར་བྱང་དུ་ཡང་གསལ་ཏེ།. དེ་ཉིད་གྱིས་བསྒྱུར་བའི་༼ཆོས་མངོན་པ་མཛོད་ཀྱི་འགྲེལ་བཤད༽་ཀྱི་འགྱུར་བྱང་དུ། འདི་ནི་གངས་རིན་པོ་ཏི་སེ་དང་ཡིད་བཞིན་གྱི་མཚོའི་ལྷོ་ངོས། རི་བོ་ ཆེན་པོ་སྤོས་ཀྱི་ངད་ལྡང་བའི་འདབ་ཡུལ་པུ་རངས་སུ་བསྒྱུར་བ། ཞེས་པ་དང་། གངས་མཚོ་གནས་གསུམ་གྱི་དཀར་ཆག་རྣམས་ལས་ཀྱང་མང་དུ་བཤད་པས་ཕྱིར་རོ།། འདི་ སྐབས་ཀྱི་རྩ་བ་གདེངས་ཅན་བྱ་བའང་མ་ཕམ་གཡུ་མཚོར་གོ་དགོས་པ་ཡིན་ལ།. བྱིའུ་དགོན་ནམ་པདྨ་མཁར་ནི་ད་ལྟའི་བར་མ་ཕམ་གཡུ་མཚོའི་འགྲམ་དུ་ཡོད་པའི་ཕྱིར་རོ།།བཀོད་པ་ལྷུན་གྲུབ་ཙིཏྟའི་ས་འཛིན་སྤོ།།ཞེས་པ་ནི་རི་འདིའི་དབྱིབས་སྙིང་དང་འདྲ་ཞིང་དེའི་རྩེར་གཞལ་ཡས་ཁང་ཡོད་པར་བསྟན་ཏོ།། ཆོས་གཞུང་ལ་ལར་ཀླུའི་ཕོ་བྲང་བྱ་བར་འཁོད་ཡོད་པའང་འདི་ཡིན་ལ། ཡུལ་འདིའི་གནས་བདག་ལ་སྔོན་ཀྱི་དཔེ་རྙིང་རྣམས་སུ་ཀླུའི་རྒྱལ་པོ་ཟེར་ཞིང་། ཀླུའི་རྒྱལ་པོ་བློ་གྲོས་ཞེས་པ་དེས་སངས་རྒྱས་ཤཱཀྱ་ཐུབ་པ་གདན་དྲངས་ཏེ་མ་དྲོས་པས་ཞུས་པའི་མདོ་ཡང་འདི་ནས་གསུངས་སོ།། སྦྱོར་དྲུག་ལ་རང་དབང་ཐོབ་པ་རྣམས་ཟངས་མདོག་དཔལ་རིའི་ཞིང་བཀོད་ཀྱི་ ཁྱད་ཆོས་ཡོངས་སུ་མཐོང་ཐུབ་ཀྱང་། ང་ལྟ་བུ་བསོད་འཛད་ཅིག་གིས་རི་དམར་ཧྲེང་བ་ལས་ཅི་ཡང་མ་མཐོང་། བྱིའུ་དགོན་དུ་ཡོད་པའི་སློབ་དཔོན་ཡབ་ཡུམ་གྱི་ཕྱག་ཞབས་ཀྱི་རྗེས་ཡིན་ཟེར་བ་དེ་ཚོ་མཇལ་སྐོར་བ་ཚང་མས་མཐོང་བཞིན་པས་ངས་ཀྱང་མཐོང་མྱོང་ངོ་།། འོན་ཏེ། རྒྱང་ནས་བལྟས་ཚེ། དངོས་གནས་བྱིའུ་དགོན་པ་འདི་སྙིང་གི་རྣམ་པ་དང་མཚུངས་པ་ནི་ཧ་ཅང་བདེན་ཡང་། མ་ཕམ་མཚོ་ དུས་ཀྱི་དབང་གིས་བྲི་བར་སོང་སྟེ་ད་སྐབས་བྱིའུ་དགོན་གྱི་འདབས་སུ་ཆུ་ཚན་ཆུང་ཆུང་ཞིག་ཡོད་པ་ལས་ཆེན་པོ་སྔོ་མེར་རེ་འཁྱིལ་བ་ནི་མེད་དོ།།  གཞན་ཉེ་ཆར་ཆོས་འཕེལ་གྱིས་བརྩམས་པའི་༼མངའ་ རིས་ཁུལ་གྱི་ལམ་ཡིག༽་བྱ་བ་ལས། བྱིའུ་དགོན་ནི། སྒྲུབ་ཕུག་གི་སྟེང་དུ་པད་རྒྱལ་ལྷ་ཁང་ཞེས་པ་ཡོད། རི་བོའི་དབྱིབས་ནི་ཟངས་མདོག་དཔལ་རི་འདྲ་ལ་རྒྱབ་རི་ནི་རི་བོ་མ་ལ་ཡ་ཡིན་ཞེས་གསུངས། དེ་ནས་གར་ལོག་དམག་སྐབས་པད་རྒྱལ་ལྷ་ཁང་རྩ་གཏོར་བཏང་། མ་ཕམ་གཡུ་མཚོ་ནི་ལང་ག་མཚོའི་ནང་དུ་ལུད་འགྲོ་བས་མཚོ་གཉིས་ཀྱི་བར་ལ་ཟམ་པ་ཞིག་ཀྱང་ཡོད་པས་བྱིའུ་ཟམ་མཚོ་ ཁ་ཞེས་ཀྱང་ཟེར།. ཡང་ཆུ་དེ་ལ་ཆུ་མོ་གངྒཱ་ཞེས་ཟེར་ཞིང་དེའི་ཆུ་མགོ་ཆུ་མིག་མཐོང་བ་རང་གྲོལ་ནས་ བྱུང་།. མཐོང་བ་རང་གྲོལ་མ་ཕམ་གཡུ་མཚོའི་ནང་དུ་བབས། མ་ཕམ་གཡུ་མཚོ་ལང་ག་མཚོའི་ནང་དུ་བབས།  དེ་ནས་ཟངས་ཀྱི་བུ་ག་ལྟ་བུའི་ནང་ནས་བབས་ཏེ་མ་སིང་བྲག་ཅེས་པ་ནས་སྐབས་རེ་རྒྱུགས་ལ་སྐབས་རེ་གྱེན་དུ་འགྲོ་བ་ལྟ་བུའང་བྱེད། དེར་མདུན་ཆུ་དགོན་ཞེས་པ་ཞིག་ཀྱང་ཡོད། དེ་ནས་ཆུ་དེ་རི་གླང་ཆེན་གྱི་ཁ་འདྲ་བ་ཞིག་ནས་བབས་པས་གླང་ཆེན་ཁ་འབབ་ཅེས་པ་དེ་ལྟར་བྱུང་། ཞེས་གསལ།  གོང་གི་ནང་དོན་དེ་ཡང་ཞིབ་ཏུ་བསམ་བློ་གཏོང་ཤེས་ན་གནད་ཀྱི་དོན་པོ་མང་ཡང་རེ་ཞིག་སྤྲོས་པར་མི་བྱའོ།།. མཐར་འདི་ལྟར་ཡང་བསམ་སྟེ། འོ་ན་ཟངས་མདོག་དཔལ་རིའི་ཞིང་བཀོད་ཀྱི་ཁྱད་ཆོས་བཞིན་འདིར་མི་མཐོང་བས།.མིན་པར་འདོད་སྙམ་ན། མཁས་དབང་དགེ་འདུན་ཆོས་འཕེལ་གྱིས་གསུངས་པ་བཞིན། གལ་ཏེ་ཁོ་བོས་བདེན་པ་ངོ་སྤྲོད་བྱས་པ་འདི་ལ་ཡིད་མ་ཆེས་ན། ཨོ་རྒྱན་བྱ་བ་དེ་གནས་དང་ས་གར་ཡོད་མི་ཤེས་པ། རི་ཐམས་ཅད་རུས་པ་དང་། ཆུ་ཐམས་ཅད་ཁྲག་ཏུ་འབབ་པ། ཚེ་འདིར་མ་ཟད་ཕྱི་མ་ཡང་མི་སླེབས་པའི་ས་ཞིག་ཏུ་གྱིས་དང་། མི་ཕལ་ཆེར་གྱི་ཁམས་ལ་དེ་འཕྲོད་པར་སྣང་། འོ་ན་གནས་འདིར་མཇལ་ས་ཅི་ཞིག་ཡོད་ཅེ་ན་། མཐོ་ཡེ་རེ་བ་དང་ཁྲ་ལམ་མེ་པ་ཅི་ཡང་མེད། ཅེས་གསུངས་པ་དང་དོན་ཤིན་ཏུ་མཚུངས་པས་དེ་ལྟར་དུ་བསྒོམ་པར་བྱའོ།། སྨྲས་པ། བདེན་པའི་ལོ་རྒྱུས་འཕྲང་ལམ་ཕྲ་ན་ཡང་།། འཁྱོག་བཤད་ལམ་ཆེན་དེ་ལ་བདག་མི་སྐྱོད།། མུན་པའི་ཕྱོགས་ལ་ཐེངས་བརྒྱར་ཕྱིན་པ་ལས།། འོད་གསལ་ལམ་དུ་ཐེངས་གཅིག་སོང་ན་དགའ།། བཀྲ་ཤིས་པར་གྱུར་ཅིག།རེབ་གོང་བློ་གྲོས་སྣང་བས་མཁོ་འདོན་བྱས།

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།