ཀ་དང་ཁ་གཉིས་གཅིག་པུར་མ་འགྲོ་རོགས།།
ང་དང་ག་གཉིས་གཅིག་པུར་ལྷགས་ཉེས་གདའ།།
ང་ཚོའི་སྡེ་བའི་ཕུགས་ཀྱི་བདེ་སྡུག་ཆེད།།
མཉམ་མཐུན་བྱ་བའི་ལག་འདང་སྒྲེང་རོགས་གནང་།།
 
ཅ་དང་ཆ་གཉིས་ཁ་ཁག་མ་སྐྱོད་དང་།།
ཇ་དང་ཉ་གཉིས་དྭ་ཕྲུག་ལྷགས་ལས་ཆེ།།
སྐྱིད་དང་སྡུག་གི་རྟ་ཕོ་མཉམ་ཞོན་ནས།།
ང་ཚོའི་སྡེ་བ་འཕེལ་རྒྱས་གཏོང་དུ་འགྲོ།།
 
ཏ་དང་ཐ་གཉིས་རང་དོན་ཁོ་ནའི་ཆེད།།
ད་དང་ན་གཉིས་མཐའᨋངན་མ་གཏོང་རོགས།།
དགྲ་དགའᨋགཉེན་སྡུག་བྱ་བ་མང་བརྩམས་ན།།
ང་ཚོའི་སྡེ་བའི་ཕུགས་མདུན་བརླགས་ཉེས་ཆེ།།
 
པ་དང་ཕ་གཉིས་ནང་ཁུལ་མ་འཁྲུག་ཨང་།།
བ་དང་མ་གཉིས་སྡུག་གི་འཆི་ཉེས་འདུག།།
ཡབ་ཆེན་ཐུ་མི་ཨ་ནུ་དྲན་བསམས་ཏེ།།
ཕ་ས་གངས་རིའི་ཡུལ་གྱི་ཞབས་སྤྱི་བསྒྲུབས།།
 
ཙ་དང་ཚ་གཉིས་ཉེ་ཐག་མ་འཐེན་དང་།།
ཛ་དང་ཝ་ཡང་ལང་ལ་ཤོར་ཉེས་འདུག།།
ང་ཚོའི་སྡེ་བ་ནད་འདིས་ཟིན་པའི་ཚེ།།
མ་འོངས་ཕ་ནུ་དག་ལ་མདུན་ལམ་དབེན།།
 
ཞ་དང་ཟ་གཉིས་དཔེ་དེབ་མ་གཡུགས་དང་།།
འᨋདང་ཡ་ཡང་བརྩོན་པའི་གྲུར་ཞུགས་ཏེ།།
མཉམ་མཐུན་ཤེས་ཡོན་སྤྱི་ཚོགས་བསྐྲུན་གྱུར་ན།།
ང་ཚོའི་སྡེ་བ་འཛམ་གླིང་འདི་ཡི་རྒྱན།།
 
ར་དང་ལ་གཉིས་ཆང་འཐུང་མ་རྒྱག་དང་།།
ཤ་དང་ས་ལ་ཁྱད་པར་ཆེར་མེད་ཀྱང་།།
ང་ཚོའི་སྡེ་བའི་མཐུན་མོང་ལས་བསམས་ཏེ།།
བྱ་ངན་འདི་ཀོ་རྩ་ནས་སྤོངས་ན་ལེགས།།
 
ཧ་དང་ཨ་གཉིས་ཁྱིམ་ནས་མ་བུད་རོགས།།
ང་ཚོ་ཀ་མད་སུམ་ཅུ་སྤུན་ཟླ་ཡིན།།
བཙན་པོ་ཨ་ལི་དབྱངས་བཞིའི་རྗེས་བསྙེགས་ཏེ།།
ང་ཚོའི་ཁྱིམ་གཞིའི་བདེ་སྡུག་གླེང་དུ་འགྲོ།།
 
ཨི་དང་ཨུ་གཉིས་སྤྱི་སེམས་ཆེ་མདོག་གིས།།
ཨེ་དང་ཨོ་ལ་ལྟ་གྲུབ་མ་རྩོད་དང་།།
ང་ཚོའི་ཁྱིམ་གཞི་མུན་པས་བསྒྲིབས་ནས་བཟུང་།།
ང་ཚོའི་སྐྱོ་གར་ལས་དབང་གཅིག་པ་ཡིན།།
 
 
 

རྩོམ་ཁུངས། ངེད་དྲ་བ།