སྲོལ་བཟང་བརྗོད་གཞིར་གླེང་བ་ཀ་ཕྲེང་མེ་ཏོག་ཆུན་པོ།

གཉལ་ཨ་བཀྲ།༼ལྷ་ས༽ མཆོད་མེ་བོད་ཀྱི་རྩོམ་རིག་དྲ་བ། 2012-05-26


ཀ་ཁ་སློབ་གནས་བདག་གི་ཕ་ཡུལ་ནི་གཉལ་གཞུང༌།  །
ཁ་ཙམ་མ་ཡིན་ཐོན་མིའི་ཞབས་རྗེས་ཀྱང་ཝ་ལེར།  །
ག་ནས་བལྟས་ཀྱང་ཐོན་མིའི་ཤུལ་འཛིན་པ་ང་ཚོས།  །
ང་དང་ང་ཞེས་མ་རྩོད་རིག་གཞུང་ལ་རྩོད་དང༌།  །

ཅ་ཅོའི་སྐད་ངན་མ་འབྱིན་སྲོལ་བཟང་གི་བོད་མི།  །
ཆ་ལུགས་བོད་ཆས་སྤྲས་ན་བོད་མི་རང་འདྲ་བ།  །
ཇ་ཆང་ཁོ་ནར་གཡེངས་ན་དུས་ཚོད་ཀྱང་མི་དབང༌།  །
ཉ་མོ་འཁྱུག་ལྟར་ཕ་ཡུལ་འཛུགས་སྐྲུན་ལ་བརྩོན་དགོས།  །

ཏ་རེན་དབུ་ཁྲིད་ཡིན་ཡང་འཇོན་མདོག་རང་མ་གནང༌།  །
ཐ་དག་དམངས་ལ་ཕན་ན་འཇོན་ཐང་ནི་ངོམས་ཆོག  །
ད་ལྟའི་དུས་བཟང་འདི་ལ་སྲོལ་བཟང་ཞིག་སྤེལ་ན།  །
ན་ཆུང་ང་ཡིས་ཁྱེད་ལ་བསྟོད་པ་ཡང་བཏང་ཆོག  །

པ་ཕས་ཨོ་ལོ་གཏིང་བརྗེད་ཨར་ཁང་ན་མྱུལ་བ།  །
ཕ་མ་མི་དྲན་ཨོ་ལོ་ཇ་ཁང་ལ་ཞེན་པ།  །
བ་རི་བི་རིའི་ཕ་བུ་གཉིས་པོ་ནི་ཡ་མེད།  །
མ་ཡང་བརྒྱལ་ཏེ་ལྔ་ལམ་བྱོནཔ་དེ་མང་ཨང༌།  །

ཙ་རི་བསྐོར་ན་སེམས་པ་རྣམ་དག་ཞིག་ལོས་དགོས།  །
ཚ་གྲང་འཇིགས་ན་གངས་ཅན་བོད་པ་ནི་མིན་པ།  །
ཛ་ལང་རབ་རིབ་ལེ་ལོའི་སྤྱོད་ངན་དག་སྤངས་ན།  །
ཝ་མོ་འདྲ་འདྲའི་མཇུག་མ་རིང་པོ་དེ་མི་ཐོན།  །

ཞྭ་ར་མཐོར་འཛེགས་ཡར་འགྲོའི་སྙིང་སྟོབས་ལ་བསྟོད་དོ།  །
ཟ་འདྲེ་རྐུབ་ཀྱོག་འཆལ་པོ་འཆལ་མོ་ལ་སྨད་དོ།  །
འ་ཅག་བོད་པ་བླང་དོར་གནས་ལུགས་རབ་འབྱེད་དགོས།  །
ཡ་མེད་སྲོལ་ངན་རྩ་བ་འདི་རུ་ནི་མ་འཛུགས།  །

ར་མོ་ཡིན་ཡང་ར་ལུག་ཁྱུ་ཚོགས་ཀྱི་མགོ་འདྲེན།  །
ལ་ཐག་རིང་ཡང་ར་མོ་མགོ་འདྲེན་ནི་ལོས་ཡིན།  །
ཤ་ཁྲག་གཅིག་པའི་བོད་མི་ར་མོ་ལ་བལྟས་ཏེ།  །
ས་གཞི་འདི་ཡི་སྟེང་ན་མིག་དཔེ་ཞིག་སྟོན་རོགས།  །

ཧ་ཅང་རིན་ཐང་ལྡན་པའི་བོད་པ་ཡི་སྲོལ་བཟང༌།  །
ཧ་ལས་ཧང་བསངས་མེད་པར་རྒྱུད་འཛིན་ཞིག་གྱིས་དང༌།  །
ཨ་ཙི་བློ་དམན་བདག་གིས་གཏམ་རྙོག་འདྲ་བཤད་ཀྱང༌།  །
ཨ་ཕོ་ང་ཡིན་རློམས་ཏེ་བརྗོད་པ་རང་མིན་ནོ།  །
 

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

སྲོལ་བཟང་བརྗོད་གཞིར་གླེང་བ་ཀ་ཕྲེང་མེ་ཏོག་ཆུན་པོ།

2012-05-26 གཉལ་ཨ་བཀྲ།༼ལྷ་ས༽ ཀློག་གྲངས། མཆན ཡོད།


ཀ་ཁ་སློབ་གནས་བདག་གི་ཕ་ཡུལ་ནི་གཉལ་གཞུང༌།  །
ཁ་ཙམ་མ་ཡིན་ཐོན་མིའི་ཞབས་རྗེས་ཀྱང་ཝ་ལེར།  །
ག་ནས་བལྟས་ཀྱང་ཐོན་མིའི་ཤུལ་འཛིན་པ་ང་ཚོས།  །
ང་དང་ང་ཞེས་མ་རྩོད་རིག་གཞུང་ལ་རྩོད་དང༌།  །

ཅ་ཅོའི་སྐད་ངན་མ་འབྱིན་སྲོལ་བཟང་གི་བོད་མི།  །
ཆ་ལུགས་བོད་ཆས་སྤྲས་ན་བོད་མི་རང་འདྲ་བ།  །
ཇ་ཆང་ཁོ་ནར་གཡེངས་ན་དུས་ཚོད་ཀྱང་མི་དབང༌།  །
ཉ་མོ་འཁྱུག་ལྟར་ཕ་ཡུལ་འཛུགས་སྐྲུན་ལ་བརྩོན་དགོས།  །

ཏ་རེན་དབུ་ཁྲིད་ཡིན་ཡང་འཇོན་མདོག་རང་མ་གནང༌།  །
ཐ་དག་དམངས་ལ་ཕན་ན་འཇོན་ཐང་ནི་ངོམས་ཆོག  །
ད་ལྟའི་དུས་བཟང་འདི་ལ་སྲོལ་བཟང་ཞིག་སྤེལ་ན།  །
ན་ཆུང་ང་ཡིས་ཁྱེད་ལ་བསྟོད་པ་ཡང་བཏང་ཆོག  །

པ་ཕས་ཨོ་ལོ་གཏིང་བརྗེད་ཨར་ཁང་ན་མྱུལ་བ།  །
ཕ་མ་མི་དྲན་ཨོ་ལོ་ཇ་ཁང་ལ་ཞེན་པ།  །
བ་རི་བི་རིའི་ཕ་བུ་གཉིས་པོ་ནི་ཡ་མེད།  །
མ་ཡང་བརྒྱལ་ཏེ་ལྔ་ལམ་བྱོནཔ་དེ་མང་ཨང༌།  །

ཙ་རི་བསྐོར་ན་སེམས་པ་རྣམ་དག་ཞིག་ལོས་དགོས།  །
ཚ་གྲང་འཇིགས་ན་གངས་ཅན་བོད་པ་ནི་མིན་པ།  །
ཛ་ལང་རབ་རིབ་ལེ་ལོའི་སྤྱོད་ངན་དག་སྤངས་ན།  །
ཝ་མོ་འདྲ་འདྲའི་མཇུག་མ་རིང་པོ་དེ་མི་ཐོན།  །

ཞྭ་ར་མཐོར་འཛེགས་ཡར་འགྲོའི་སྙིང་སྟོབས་ལ་བསྟོད་དོ།  །
ཟ་འདྲེ་རྐུབ་ཀྱོག་འཆལ་པོ་འཆལ་མོ་ལ་སྨད་དོ།  །
འ་ཅག་བོད་པ་བླང་དོར་གནས་ལུགས་རབ་འབྱེད་དགོས།  །
ཡ་མེད་སྲོལ་ངན་རྩ་བ་འདི་རུ་ནི་མ་འཛུགས།  །

ར་མོ་ཡིན་ཡང་ར་ལུག་ཁྱུ་ཚོགས་ཀྱི་མགོ་འདྲེན།  །
ལ་ཐག་རིང་ཡང་ར་མོ་མགོ་འདྲེན་ནི་ལོས་ཡིན།  །
ཤ་ཁྲག་གཅིག་པའི་བོད་མི་ར་མོ་ལ་བལྟས་ཏེ།  །
ས་གཞི་འདི་ཡི་སྟེང་ན་མིག་དཔེ་ཞིག་སྟོན་རོགས།  །

ཧ་ཅང་རིན་ཐང་ལྡན་པའི་བོད་པ་ཡི་སྲོལ་བཟང༌།  །
ཧ་ལས་ཧང་བསངས་མེད་པར་རྒྱུད་འཛིན་ཞིག་གྱིས་དང༌།  །
ཨ་ཙི་བློ་དམན་བདག་གིས་གཏམ་རྙོག་འདྲ་བཤད་ཀྱང༌།  །
ཨ་ཕོ་ང་ཡིན་རློམས་ཏེ་བརྗོད་པ་རང་མིན་ནོ།  །
 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།