ཛམྦྷ་ལའི་བསྟན་པ།

སྦྲ་དུངས་སེམས།༼རྔ་བ༽ མཆོད་མེ་བོད་ཀྱི་རྩོམ་རིག་དྲ་བ། 2012-08-04


ཤཱཀྱ་ཐུབ་པའི་མཆོད་སྟེགས་སྟེང་།།
སིལ་ཏོག་འགའ་ཡི་བསྙེན་བཀུར་གདའ།།
གནོད་སྦྱིན་དབང་བོའི་སྐུ་མདུན་ན།།Z
གསེར་དངུལ་འབུལ་བ་ལྕི་མོས་མནན།།

ཤཱཀྱ་ཐུབ་པའི་རྗེས་འབྲང་བ།།
ཉིན་རེ་བཞིན་དུ་ཉམས་པར་གྱུར།།
ནོར་གྱི་བདག་པོའི་རྒྱུད་འཛིན་པ།།
སྐར་ཚོགས་ཉིད་དུ་འཕེལ་བར་བྱུང་།།
 
ཡར་གི་དཔོན་པོའི་ཕོ་བྲང་ན།།
ཛམྦྷ་ལ་ཡི་གསེར་སྐུ་རྫིག།
མར་གི་སྤྲང་བོའི་གཞི་ཁྱིམ་ན།།
ནོར་ལྷའི་ཐང་ག་བརྗིད་ཉམས་ཤིག།
 
བཅོམ་ལྡན་འདས་ཀྱི་གསུང་རབ་དག།
འཆད་པའི་མཁས་པ་ཡོད་མ་ཡིན།།
ནོར་གྱི་བདག་པོ་གླེགས་བམ་ཀུན།།
མར་གི་སྤྲང་བོ་ཀུན་གྱིས་འཆད།། 

ཤཱཀྱ་ཐུབ་པའི་བསྟན་པ་འདི།།
མར་ངོས་ཟླ་བ་བཞིན་དུ་ཉམས།།
ཆུ་ཡི་དབང་བོའི་གདུལ་བྱ་དག།
ཡར་ངོས་བསིལ་ཟེར་ལྟར་དུ་འཕེལ།།
 
ནོར་གྱི་དབང་ཕྱུག་ཆོ་ག་འདི།།
ཡར་གི་ཕྱུག་པོ་གཞིའི་སྲུང་ཡིན།།
མར་གི་དབུལ་བོ་རིམ་གྲོ་ཡིན།།
དབྱུག་འཛིན་སྤྲང་བོའི་ཁ་འདོན་ཡིན།།
 
ཕྱུག་པོ་མེད་པར་བསྒྱུར་འདོད་ན།།
ནོར་གྱི་བདག་པོ་ཁྱེད་ཉིད་ཡིན།།
སྤྲང་བོ་ཕྱུག་ཏུ་འཕེལ་དགོས་ན།།
དེ་ཡང་འཛམ་ལྷ་ཁྱེད་ཉིད་ཡིན།།
 
ཀུན་གྱིས་བཀུར་བ་ཁྱེད་ཉིད་ཡིན།།
ཀུན་གྱིས་དགའ་བར་ཁྱེད་ཉིད་ཡིན།།
ནོར་གྱི་བདག་པོ་ཛམྦྷ་ལ།།
ཁྱེད་ལ་མི་དགའ་སུ་ཞིག་ཡོད།།

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཛམྦྷ་ལའི་བསྟན་པ།

2012-08-04 སྦྲ་དུངས་སེམས།༼རྔ་བ༽ ཀློག་གྲངས། མཆན ཡོད།


ཤཱཀྱ་ཐུབ་པའི་མཆོད་སྟེགས་སྟེང་།།
སིལ་ཏོག་འགའ་ཡི་བསྙེན་བཀུར་གདའ།།
གནོད་སྦྱིན་དབང་བོའི་སྐུ་མདུན་ན།།Z
གསེར་དངུལ་འབུལ་བ་ལྕི་མོས་མནན།།

ཤཱཀྱ་ཐུབ་པའི་རྗེས་འབྲང་བ།།
ཉིན་རེ་བཞིན་དུ་ཉམས་པར་གྱུར།།
ནོར་གྱི་བདག་པོའི་རྒྱུད་འཛིན་པ།།
སྐར་ཚོགས་ཉིད་དུ་འཕེལ་བར་བྱུང་།།
 
ཡར་གི་དཔོན་པོའི་ཕོ་བྲང་ན།།
ཛམྦྷ་ལ་ཡི་གསེར་སྐུ་རྫིག།
མར་གི་སྤྲང་བོའི་གཞི་ཁྱིམ་ན།།
ནོར་ལྷའི་ཐང་ག་བརྗིད་ཉམས་ཤིག།
 
བཅོམ་ལྡན་འདས་ཀྱི་གསུང་རབ་དག།
འཆད་པའི་མཁས་པ་ཡོད་མ་ཡིན།།
ནོར་གྱི་བདག་པོ་གླེགས་བམ་ཀུན།།
མར་གི་སྤྲང་བོ་ཀུན་གྱིས་འཆད།། 

ཤཱཀྱ་ཐུབ་པའི་བསྟན་པ་འདི།།
མར་ངོས་ཟླ་བ་བཞིན་དུ་ཉམས།།
ཆུ་ཡི་དབང་བོའི་གདུལ་བྱ་དག།
ཡར་ངོས་བསིལ་ཟེར་ལྟར་དུ་འཕེལ།།
 
ནོར་གྱི་དབང་ཕྱུག་ཆོ་ག་འདི།།
ཡར་གི་ཕྱུག་པོ་གཞིའི་སྲུང་ཡིན།།
མར་གི་དབུལ་བོ་རིམ་གྲོ་ཡིན།།
དབྱུག་འཛིན་སྤྲང་བོའི་ཁ་འདོན་ཡིན།།
 
ཕྱུག་པོ་མེད་པར་བསྒྱུར་འདོད་ན།།
ནོར་གྱི་བདག་པོ་ཁྱེད་ཉིད་ཡིན།།
སྤྲང་བོ་ཕྱུག་ཏུ་འཕེལ་དགོས་ན།།
དེ་ཡང་འཛམ་ལྷ་ཁྱེད་ཉིད་ཡིན།།
 
ཀུན་གྱིས་བཀུར་བ་ཁྱེད་ཉིད་ཡིན།།
ཀུན་གྱིས་དགའ་བར་ཁྱེད་ཉིད་ཡིན།།
ནོར་གྱི་བདག་པོ་ཛམྦྷ་ལ།།
ཁྱེད་ལ་མི་དགའ་སུ་ཞིག་ཡོད།།

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།