རང་གཞན་སྡུར་བའི་ངུ་ཤུམ།


གཞན་གྱིས་ཟླ་བའི་གོ་ལར་རང་ས་བཙན་བཟུང་འཁོར་ལོ་བསྒྱུར་བའི་དབང་ལ་བསྐུར༎
རང་གིས་རང་ཁྱིམ་གྲུ་བཞི་བསྲུང་བར་ཁག་ཏེ་ཁྱི་རྒན་རྒྱ་བོ་དཔུང་ལ་བརྟེན༎
གཞན་གྱིས་ས་འོག་གཏེར་ཁ་ཕྱི་རུ་བསྔོགས་ནས་སྐྱེ་དགུའི་འདོད་པ་དཔལ་དུ་གཏམས༎
རང་གིས་རྒྱུ་ནོར་ལོངས་སྤྱོད་གཏེར་དུ་སྦས་ནས་སྐྱེ་བ་ཕྱི་མར་ནོམ་དུ་བསགས༎
གཞན་གྱིས་རང་བྱུང་སྣོད་བཅུད་རི་མོར་བཀོད་དེ་སྐྱེ་བོའི་མིག་གི་བདུད་རྩིར་སྒྲུབ།།
རང་གིས་གསར་སྐྱེས་མེ་ཏོག་རྐང་བས་བརྫིས་ཏེ་རྩྭ་ཐང་ཡངས་བོའི་མཛེས་སྡུག་བརླག།
གཞན་གྱིས་བློ་རོག་རྣོནཔོས་བརྡར་ཤ་བཅད་ནས་ཚན་ཚན་རིག་པའི་ལས་ལ་བརྩོན༎
རང་གིས་རྐང་ལག་ཟུང་གི་ངལ་བ་ཁུར་ཏེ་རྟ་ནོར་ལུག་གི་རྨིག་རྗེས་སྙེག།
གཞན་གྱིས་དབྱངས་གསལ་སོ་བཞིའི་མགོ་རྐང་བསླབ་ཏེ་བཀྲ་ཤིས་ལ་སོགས་མིང་དུ་བཏགས༎
རང་གིས་བཅུ་ཕྲག་རིག་པའི་མ་ལག་དོར་ནས་སྐད་རིགས་འདྲེས་མའི་ཐ་སྙད་སྦྱོང་༎
གཞན་གྱིས་ཤ་བ་རྒོ་བ་ཐབས་ཀྱིས་གསོས་ཏེ་ཁོར་ཡུག་མཛེས་པའི་རྒྱུ་རུ་བསྒྲིགས།།
རང་གིས་རི་སྐྱེས་བུ་མོ་མེ་མདས་དཀྲོགས་ནས་རྒྱང་རིང་རི་བོའི་རྒྱབ་ལ་སྤྱུགས༎
གཞན་གྱིས་གཅེས་པའི་བུ་མོ་སློབ་གྲྭར་མངགས་ཏེ་ནོར་བུ་ལེན་པའི་དུས་བཟང་གནང་༎
རང་གིས་བཅོ་ལྔའི་བུ་མོ་གནས་ལ་བརྫངས་ཏེ་རང་དབང་འཚོ་བའི་སྒོ་མོ་བརྒྱབ༎
གཞན་ལ་ཐབས་ཤེས་ཟུང་ལ་ཁ་ལོ་སྒྱུར་བའི་འཁྲུལ་མེད་རྟོགས་པའི་མངོན་ཤེས་ཤིག།
རང་ལ་རྨོངས་པའི་འོབས་སུ་ཤུགས་ཀྱིས་འཐེན་པའི་མ་རུང་དགྲ་ཡི་འཆིང་ཐག་ཅིག།
རང་གཞན་བར་ཐག་རྟ་ཕོའི་བང་གིས་ཉིན་བརྒྱར་བསྐྱོད་ཀྱང་ཟིན་པའི་བསྐལ་བ་ཡོད་མིན་པས༎
རང་སེམས་སྐྱོ་ཞེས་ཐབས་སྡུག་ངང་ལ་འདུག་བཟོད་བདུད་ཀྱིས་བརླམས་པ་ཅིའི་ཕྱིར་མིན༎
 

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

རང་གཞན་སྡུར་བའི་ངུ་ཤུམ།

2013-01-15 ལྷ་མགོན། ཀློག་གྲངས། མཆན ཡོད།


གཞན་གྱིས་ཟླ་བའི་གོ་ལར་རང་ས་བཙན་བཟུང་འཁོར་ལོ་བསྒྱུར་བའི་དབང་ལ་བསྐུར༎
རང་གིས་རང་ཁྱིམ་གྲུ་བཞི་བསྲུང་བར་ཁག་ཏེ་ཁྱི་རྒན་རྒྱ་བོ་དཔུང་ལ་བརྟེན༎
གཞན་གྱིས་ས་འོག་གཏེར་ཁ་ཕྱི་རུ་བསྔོགས་ནས་སྐྱེ་དགུའི་འདོད་པ་དཔལ་དུ་གཏམས༎
རང་གིས་རྒྱུ་ནོར་ལོངས་སྤྱོད་གཏེར་དུ་སྦས་ནས་སྐྱེ་བ་ཕྱི་མར་ནོམ་དུ་བསགས༎
གཞན་གྱིས་རང་བྱུང་སྣོད་བཅུད་རི་མོར་བཀོད་དེ་སྐྱེ་བོའི་མིག་གི་བདུད་རྩིར་སྒྲུབ།།
རང་གིས་གསར་སྐྱེས་མེ་ཏོག་རྐང་བས་བརྫིས་ཏེ་རྩྭ་ཐང་ཡངས་བོའི་མཛེས་སྡུག་བརླག།
གཞན་གྱིས་བློ་རོག་རྣོནཔོས་བརྡར་ཤ་བཅད་ནས་ཚན་ཚན་རིག་པའི་ལས་ལ་བརྩོན༎
རང་གིས་རྐང་ལག་ཟུང་གི་ངལ་བ་ཁུར་ཏེ་རྟ་ནོར་ལུག་གི་རྨིག་རྗེས་སྙེག།
གཞན་གྱིས་དབྱངས་གསལ་སོ་བཞིའི་མགོ་རྐང་བསླབ་ཏེ་བཀྲ་ཤིས་ལ་སོགས་མིང་དུ་བཏགས༎
རང་གིས་བཅུ་ཕྲག་རིག་པའི་མ་ལག་དོར་ནས་སྐད་རིགས་འདྲེས་མའི་ཐ་སྙད་སྦྱོང་༎
གཞན་གྱིས་ཤ་བ་རྒོ་བ་ཐབས་ཀྱིས་གསོས་ཏེ་ཁོར་ཡུག་མཛེས་པའི་རྒྱུ་རུ་བསྒྲིགས།།
རང་གིས་རི་སྐྱེས་བུ་མོ་མེ་མདས་དཀྲོགས་ནས་རྒྱང་རིང་རི་བོའི་རྒྱབ་ལ་སྤྱུགས༎
གཞན་གྱིས་གཅེས་པའི་བུ་མོ་སློབ་གྲྭར་མངགས་ཏེ་ནོར་བུ་ལེན་པའི་དུས་བཟང་གནང་༎
རང་གིས་བཅོ་ལྔའི་བུ་མོ་གནས་ལ་བརྫངས་ཏེ་རང་དབང་འཚོ་བའི་སྒོ་མོ་བརྒྱབ༎
གཞན་ལ་ཐབས་ཤེས་ཟུང་ལ་ཁ་ལོ་སྒྱུར་བའི་འཁྲུལ་མེད་རྟོགས་པའི་མངོན་ཤེས་ཤིག།
རང་ལ་རྨོངས་པའི་འོབས་སུ་ཤུགས་ཀྱིས་འཐེན་པའི་མ་རུང་དགྲ་ཡི་འཆིང་ཐག་ཅིག།
རང་གཞན་བར་ཐག་རྟ་ཕོའི་བང་གིས་ཉིན་བརྒྱར་བསྐྱོད་ཀྱང་ཟིན་པའི་བསྐལ་བ་ཡོད་མིན་པས༎
རང་སེམས་སྐྱོ་ཞེས་ཐབས་སྡུག་ངང་ལ་འདུག་བཟོད་བདུད་ཀྱིས་བརླམས་པ་ཅིའི་ཕྱིར་མིན༎
 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།