དམར་ཁ་ཚ།

  མ་བཏབ་སྤང་ལས་བརྡོལ་བའི་རྩི་ཏོག་མིན། །
མ་བསྙོར་གྱང་རྩར་འབུས་པའི་ལྡུམ་བུ་མིན། །
མ་བདག་ས་ན་འགྲིལ་བའི་སྡོང་ལོ་མིན།།
རིགས་དང་རུས་ལས་བརྡོལ་པའི་བྱུང་བ་ཡོད།།
རྨོད་དོར་དར་མས་ཐོང་གཤོལ་མཇེ་ཡིས་བསྣུན། །
ས་དཀར་བུ་མོའི་སྟུ་སྲུབས་ལྷོད་ཀྱིས་ཕྱེ། །
ལས་རླུང་ཞིང་བས་སོན་ཀྱི་རྣམ་ཤེས་བཅུག །
ཞིང་ས་གཤིན་པོའི་མངལ་ལ་དེ་ལྟར་སྦྲུམ། །
དཔྱིད་དཔལ་སྒེག་མོའི་ཆབ་ཀྱིས་ལུས་ཟུངས་བརླན། །
དབྱར་གཞུང་འོད་ཀྱིས་སྲོག་གི་དྲོད་ཁོལ་བསྐྱེད། །
སྟོད་རླུང་བསིལ་མོས་བཅུད་ཀྱི་དཔལ་ཡོན་གསོས། །
སོ་ནམ་རིག་པའི་ལོ་རྒྱུས་གསེབ་པས་འཁྲུངས། །
སྔོ་ལྗང་སྨྱུ་གུའི་ལང་ཚོ་མཐོ་རུ་འཕུར། །
རོ་ནུས་རྩལ་དགུའི་ཁ་སྟབས་རྩེ་རུ་ཕྱིན། །
བྱུ་དམར་ཡལ་ག་ནར་མོའི་གཟུགས་སུ་འཕོས། །
གླིང་བཞིའི་གྲོང་ཁྱེར་འགྲིམས་པའི་ཁོ་ལག་རྒྱས། །
ལ་ལས་ཐུག་སྡོར་རྒྱལ་བོའི་བློན་དུ་བསུས། །
འགའ་ཡིས་གཅོང་ནད་གྲང་མོའི་སྨན་དུ་བསྟེན། །
ཁ་ཅིག་ཁེ་གྱོང་གཉེར་བའི་ཟོང་དུ་བསྒྲིགས། །
གདུག་རྩུབ་མཚོན་གྱི་རོ་ནུས་སུ་ཡིས་རྟོགས། །
དང་པོ་སྲེད་ཞེན་བུ་ཆུང་གཉིེད་ལས་དཀྲོགས། །
གཉིས་པ་ཁ་ལྕེ་གསར་པ་ཚ་བས་བསྲེགས། །
གསུམ་པ་བཤང་སྒོའི་ནང་ཤར་ཚ་ཟུག་བསླངས། །
ཐ་མར་སྦྲང་ནག་བླུན་པོའི་མཆུ་ཡང་མནོལ། །
ས་ཆེན་མཆིན་པའི་བང་ལ་ཕྱི་ཐག་བཅད། །
ཁྲོམ་ཆེན་སྲང་མདའི་རྩེ་ལ་གཡོ་སྒྱུ་ལུད། །
ནང་ཁྲོལ་རྒྱུ་མའི་ཁུག་པར་ན་ཟུག་བསླངས། །
ཁྱོད་ཀྱི་ལོ་རྒྱུས་གསང་བ་ཅི་འདྲའི་ནག །
ཞིང་བདག་ཨ་ཕའི་གདོང་ལ་གཉེར་མ་བྱིན། །
བཀད་སའི་བདག་མོའི་ཕྱག་ལ་རྩེ་གྲུ་བཙུགས། །
ཡ་ཁོག་གློ་སྙིང་གསེབ་ལ་སྐྲན་ཞིག་བཟོས། །
ཁྱོད་ཀྱི་མཛད་རྗེས་དམར་མོ་ཅི་འདྲའི་སྡུག །
ལུས་ཕུང་རིད་ཀྱང་ཚ་བོའི་རྣོ་ངར་མཐོ། །
ཁ་མདོག་མཛེས་ཀྱང་ནང་རོལ་སྙིགས་མས་ཁེངས། །
ཆུ་ལ་བརྡུང་ཀྱང་དུག་གི་ཞུ་རྗེས་ནག།
རོ་ནུས་ཞུ་གསུམ་རྫོབ་པའི་དམིགས་དོན་ཅི། །
ཁྱོད་ཀྱི་ཕོ་བ་གྲི་ཆུང་རྣོ་པོས་གཤགས། །
ཁྱོད་ཀྱི་ནང་ཁྲོལ་མཛུབ་ཆུང་ལྔ་ཡིས་ཕྱུང་། །
ཁྱོད་ཀྱི་བེམ་རོ་ཚ་མོའི་སྣུམ་པ་བསྲེགས། །
འོན་ཀྱང་ཁྱོད་ཀྱི་གདུག་རྩུབ་འདི་ལྟར་རྣོ། །
དམར་བོའི་ཚ་བའི་དྲག་རྩལ་གང་ནས་བསླབས། །
རྩུབ་སྤྱོད་ངན་པའི་གོམས་གཤིས་གང་ནས་ལོབས། །
བདེན་ཞེན་རུས་པའི་དྭངས་མ་གང་ནས་བོར། ། ཀྱེ་མ་ཀྱི་ཧུད་ཅི་འདྲའི་ཀླ་ཀློ་ཞིག །
                                                              ༢༠༡༠.༡.༦
 
 

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

དམར་ཁ་ཚ།

2013-08-17 ཨ་དམར་པོ། ཀློག་གྲངས། མཆན ཡོད།
  མ་བཏབ་སྤང་ལས་བརྡོལ་བའི་རྩི་ཏོག་མིན། །
མ་བསྙོར་གྱང་རྩར་འབུས་པའི་ལྡུམ་བུ་མིན། །
མ་བདག་ས་ན་འགྲིལ་བའི་སྡོང་ལོ་མིན།།
རིགས་དང་རུས་ལས་བརྡོལ་པའི་བྱུང་བ་ཡོད།།
རྨོད་དོར་དར་མས་ཐོང་གཤོལ་མཇེ་ཡིས་བསྣུན། །
ས་དཀར་བུ་མོའི་སྟུ་སྲུབས་ལྷོད་ཀྱིས་ཕྱེ། །
ལས་རླུང་ཞིང་བས་སོན་ཀྱི་རྣམ་ཤེས་བཅུག །
ཞིང་ས་གཤིན་པོའི་མངལ་ལ་དེ་ལྟར་སྦྲུམ། །
དཔྱིད་དཔལ་སྒེག་མོའི་ཆབ་ཀྱིས་ལུས་ཟུངས་བརླན། །
དབྱར་གཞུང་འོད་ཀྱིས་སྲོག་གི་དྲོད་ཁོལ་བསྐྱེད། །
སྟོད་རླུང་བསིལ་མོས་བཅུད་ཀྱི་དཔལ་ཡོན་གསོས། །
སོ་ནམ་རིག་པའི་ལོ་རྒྱུས་གསེབ་པས་འཁྲུངས། །
སྔོ་ལྗང་སྨྱུ་གུའི་ལང་ཚོ་མཐོ་རུ་འཕུར། །
རོ་ནུས་རྩལ་དགུའི་ཁ་སྟབས་རྩེ་རུ་ཕྱིན། །
བྱུ་དམར་ཡལ་ག་ནར་མོའི་གཟུགས་སུ་འཕོས། །
གླིང་བཞིའི་གྲོང་ཁྱེར་འགྲིམས་པའི་ཁོ་ལག་རྒྱས། །
ལ་ལས་ཐུག་སྡོར་རྒྱལ་བོའི་བློན་དུ་བསུས། །
འགའ་ཡིས་གཅོང་ནད་གྲང་མོའི་སྨན་དུ་བསྟེན། །
ཁ་ཅིག་ཁེ་གྱོང་གཉེར་བའི་ཟོང་དུ་བསྒྲིགས། །
གདུག་རྩུབ་མཚོན་གྱི་རོ་ནུས་སུ་ཡིས་རྟོགས། །
དང་པོ་སྲེད་ཞེན་བུ་ཆུང་གཉིེད་ལས་དཀྲོགས། །
གཉིས་པ་ཁ་ལྕེ་གསར་པ་ཚ་བས་བསྲེགས། །
གསུམ་པ་བཤང་སྒོའི་ནང་ཤར་ཚ་ཟུག་བསླངས། །
ཐ་མར་སྦྲང་ནག་བླུན་པོའི་མཆུ་ཡང་མནོལ། །
ས་ཆེན་མཆིན་པའི་བང་ལ་ཕྱི་ཐག་བཅད། །
ཁྲོམ་ཆེན་སྲང་མདའི་རྩེ་ལ་གཡོ་སྒྱུ་ལུད། །
ནང་ཁྲོལ་རྒྱུ་མའི་ཁུག་པར་ན་ཟུག་བསླངས། །
ཁྱོད་ཀྱི་ལོ་རྒྱུས་གསང་བ་ཅི་འདྲའི་ནག །
ཞིང་བདག་ཨ་ཕའི་གདོང་ལ་གཉེར་མ་བྱིན། །
བཀད་སའི་བདག་མོའི་ཕྱག་ལ་རྩེ་གྲུ་བཙུགས། །
ཡ་ཁོག་གློ་སྙིང་གསེབ་ལ་སྐྲན་ཞིག་བཟོས། །
ཁྱོད་ཀྱི་མཛད་རྗེས་དམར་མོ་ཅི་འདྲའི་སྡུག །
ལུས་ཕུང་རིད་ཀྱང་ཚ་བོའི་རྣོ་ངར་མཐོ། །
ཁ་མདོག་མཛེས་ཀྱང་ནང་རོལ་སྙིགས་མས་ཁེངས། །
ཆུ་ལ་བརྡུང་ཀྱང་དུག་གི་ཞུ་རྗེས་ནག།
རོ་ནུས་ཞུ་གསུམ་རྫོབ་པའི་དམིགས་དོན་ཅི། །
ཁྱོད་ཀྱི་ཕོ་བ་གྲི་ཆུང་རྣོ་པོས་གཤགས། །
ཁྱོད་ཀྱི་ནང་ཁྲོལ་མཛུབ་ཆུང་ལྔ་ཡིས་ཕྱུང་། །
ཁྱོད་ཀྱི་བེམ་རོ་ཚ་མོའི་སྣུམ་པ་བསྲེགས། །
འོན་ཀྱང་ཁྱོད་ཀྱི་གདུག་རྩུབ་འདི་ལྟར་རྣོ། །
དམར་བོའི་ཚ་བའི་དྲག་རྩལ་གང་ནས་བསླབས། །
རྩུབ་སྤྱོད་ངན་པའི་གོམས་གཤིས་གང་ནས་ལོབས། །
བདེན་ཞེན་རུས་པའི་དྭངས་མ་གང་ནས་བོར། ། ཀྱེ་མ་ཀྱི་ཧུད་ཅི་འདྲའི་ཀླ་ཀློ་ཞིག །
                                                              ༢༠༡༠.༡.༦
 
 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།