མི་ལོ་བཅུ་བཞིར་མ་མཐོང་བའི་སྦྲ་ནག

 
            ___ངེད་ཚང་གི་མི་ལོ་བཅུ་བཞི་ལ་མཛོད་དུ་ཉར་བའི་མགོ་སྦྲ་སྨུག་པོ་དེ། ཁྱིམ་མི་དག་ལ་ཞུ་བ་ཡང་ཡང་བྱས་མཐར་ད་གཟོད་ཕྱིར་ཕུབ་ཏུ་འཇུག་ཐུབ་སོང་།

ཁྱེད་རང་མཛོད་དུ་ཉར་བའི་མི་ལོ་བཅུ་བཞི།།
ང་རང་གཉིད་དུ་ཡུར་བའི་མི་ལོ་བཅུ་བཞི།།
མི་ལོ་བཅུ་བཞིའི་རིང་གི་མགོ་སྦྲ་སྨུག་པོ།།
ཆུ་དང་རྡུལ་གྱིས་ཟགས་ནས་ག་ཙམ་འགོར་ཡོད།།

སྤུན་དང་ན་ཟླས་ལན་ཆགས་ཤིག་ཏུ་བསམ་ཡོད།།
གཡག་རྒན་རྒྱ་ཐོས་ཁུར་བོ་ཞིག་ཏུ་བསམ་ཡོད།།
ཡིན་ཡང་ཁྱེད་རང་སྤང་ཐང་འདི་ནས་འཚོ་རྒྱུ།།
ང་དང་རིགས་མཐུན་མང་པོའི་རེ་བ་ཡིན་ནོ།།

ཨ་ཕས་ངོ་ཐིག་སྒྲིམ་རྒྱུར་ཡི་ཐང་ཆད་ནས།།
ཨ་མས་རེ་ལྡེ་འཐག་རྒྱུར་རེ་བ་ཆད་ནས།།
ཕུ་བོས་ཕུར་བ་རྡེབ་རྒྱུར་སྐྱོ་བ་སྐྱེས་ནས།།
ཁྱེད་རང་མ་མཐོང་མི་ལོ་བཅུ་བཞི་འགོར་སོང་།།

རིང་ན་རིང་བར་བརྩིས་ཆོག་མི་ལོ་བཅུ་བཞི།།
ཐུང་ན་ཐུང་བར་བརྩིས་ཆོག་མི་ལོ་བཅུ་བཞི།།
མི་ལོ་བཅུ་བཞིའི་རིང་གི་མགོ་སྦྲ་སྨུག་པོ།།
ཨེན་ཙམ་མིན་ན་ས་དང་ཆུ་ཡིས་ཟེགས་སོང་།།

དེ་རིང་ང་ཡིས་ཨ་མར་ཞུ་བ་བྱས་ནས།།
དེ་རིང་ང་ཡིས་ཕུ་བོར་རེ་བ་བཏོན་ནས།།
དེ་རིང་ང་ཡིས་ནུ་བོར་ཁ་ཏ་བཏང་ནས།།
སྦྲ་ཁྱིམ་སྨུག་པོའི་ཕ་ཁྱིམ་ཡང་བསྐྱར་མཐོང་བྱུང་།།

ང་ནི་སྐྱེས་ས་བོད་པའི་ལུང་བ་ཡིན་པས།།
རི་ཆུ་ནགས་གསུམ་རེ་རེར་འདང་ཞིག་འདུག་གོ།
ང་ནི་སྐྱེས་ས་མཐིང་སྨུག་སྦྲ་ཆུང་ཡིན་པས།།
ཀ་བ་གདུང་མ་རེ་རེར་དྲོད་ཅིག་འདུག་གོ།

ས་རྡོའི་ཁང་བ་འདི་རང་བསོར་མོར་འདུག་ཀྱང་།།
ས་འགུལ་ཨེན་ཙམ་བརྒྱུག་ན་གསོད་སྤྱད་ཡིན་ནོ།།
འོ་བཤིག་འཕྲུལ་འཁོར་འདི་རང་བདེ་མོར་འདུག་ཀྱང་།།
ཁ་འཕེན་ཁ་ལ་འཕང་ན་ཁ་མོར་འདུག་གོ།

རྩྭ་ཐང་མཛེས་ཤིང་སྡུག་པ་ཕྱུགས་ཀྱི་དྲིན་ཡིན།།
མི་རྣམས་ཚེ་ཐག་རིང་བ་སྦྲ་ཡི་དྲིན་ཡིན།།
ད་ནི་སྒོ་ཟོག་བསྐྱུར་ཞིང་མགོ་སྦྲ་བོར་ན།།
གངས་ཅན་བོད་པ་རྒུད་པའི་སྔ་ལྟས་ཡིན་ནོ།།

མི་ལོ་བཅུ་ལ་མི་རིགས་སློབ་གསོ་བསྐྱངས་ནས།།
ཚ་ཟུག་ན་ཟུག་ང་ཡི་སེམས་ལ་འབབ་མྱོང་།།
བོད་པའི་སྲོལ་རྒྱུན་རེ་རེ་འབོར་ལ་ཉེ་དུས།།
ང་ཡི་མིག་ཆུའི་བཞུར་རྒྱུན་ད་དུང་རིང་ངོ་།།
 
          (མཆོད་མེ་དྲ་བའི་པར་དབང་གཞན་གྱིས་དགོལ་མི་རུང)

 
 

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

མི་ལོ་བཅུ་བཞིར་མ་མཐོང་བའི་སྦྲ་ནག

2014-01-09 བོང་སྟག་རི་ལུ། ཀློག་གྲངས། མཆན ཡོད།

 
            ___ངེད་ཚང་གི་མི་ལོ་བཅུ་བཞི་ལ་མཛོད་དུ་ཉར་བའི་མགོ་སྦྲ་སྨུག་པོ་དེ། ཁྱིམ་མི་དག་ལ་ཞུ་བ་ཡང་ཡང་བྱས་མཐར་ད་གཟོད་ཕྱིར་ཕུབ་ཏུ་འཇུག་ཐུབ་སོང་།

ཁྱེད་རང་མཛོད་དུ་ཉར་བའི་མི་ལོ་བཅུ་བཞི།།
ང་རང་གཉིད་དུ་ཡུར་བའི་མི་ལོ་བཅུ་བཞི།།
མི་ལོ་བཅུ་བཞིའི་རིང་གི་མགོ་སྦྲ་སྨུག་པོ།།
ཆུ་དང་རྡུལ་གྱིས་ཟགས་ནས་ག་ཙམ་འགོར་ཡོད།།

སྤུན་དང་ན་ཟླས་ལན་ཆགས་ཤིག་ཏུ་བསམ་ཡོད།།
གཡག་རྒན་རྒྱ་ཐོས་ཁུར་བོ་ཞིག་ཏུ་བསམ་ཡོད།།
ཡིན་ཡང་ཁྱེད་རང་སྤང་ཐང་འདི་ནས་འཚོ་རྒྱུ།།
ང་དང་རིགས་མཐུན་མང་པོའི་རེ་བ་ཡིན་ནོ།།

ཨ་ཕས་ངོ་ཐིག་སྒྲིམ་རྒྱུར་ཡི་ཐང་ཆད་ནས།།
ཨ་མས་རེ་ལྡེ་འཐག་རྒྱུར་རེ་བ་ཆད་ནས།།
ཕུ་བོས་ཕུར་བ་རྡེབ་རྒྱུར་སྐྱོ་བ་སྐྱེས་ནས།།
ཁྱེད་རང་མ་མཐོང་མི་ལོ་བཅུ་བཞི་འགོར་སོང་།།

རིང་ན་རིང་བར་བརྩིས་ཆོག་མི་ལོ་བཅུ་བཞི།།
ཐུང་ན་ཐུང་བར་བརྩིས་ཆོག་མི་ལོ་བཅུ་བཞི།།
མི་ལོ་བཅུ་བཞིའི་རིང་གི་མགོ་སྦྲ་སྨུག་པོ།།
ཨེན་ཙམ་མིན་ན་ས་དང་ཆུ་ཡིས་ཟེགས་སོང་།།

དེ་རིང་ང་ཡིས་ཨ་མར་ཞུ་བ་བྱས་ནས།།
དེ་རིང་ང་ཡིས་ཕུ་བོར་རེ་བ་བཏོན་ནས།།
དེ་རིང་ང་ཡིས་ནུ་བོར་ཁ་ཏ་བཏང་ནས།།
སྦྲ་ཁྱིམ་སྨུག་པོའི་ཕ་ཁྱིམ་ཡང་བསྐྱར་མཐོང་བྱུང་།།

ང་ནི་སྐྱེས་ས་བོད་པའི་ལུང་བ་ཡིན་པས།།
རི་ཆུ་ནགས་གསུམ་རེ་རེར་འདང་ཞིག་འདུག་གོ།
ང་ནི་སྐྱེས་ས་མཐིང་སྨུག་སྦྲ་ཆུང་ཡིན་པས།།
ཀ་བ་གདུང་མ་རེ་རེར་དྲོད་ཅིག་འདུག་གོ།

ས་རྡོའི་ཁང་བ་འདི་རང་བསོར་མོར་འདུག་ཀྱང་།།
ས་འགུལ་ཨེན་ཙམ་བརྒྱུག་ན་གསོད་སྤྱད་ཡིན་ནོ།།
འོ་བཤིག་འཕྲུལ་འཁོར་འདི་རང་བདེ་མོར་འདུག་ཀྱང་།།
ཁ་འཕེན་ཁ་ལ་འཕང་ན་ཁ་མོར་འདུག་གོ།

རྩྭ་ཐང་མཛེས་ཤིང་སྡུག་པ་ཕྱུགས་ཀྱི་དྲིན་ཡིན།།
མི་རྣམས་ཚེ་ཐག་རིང་བ་སྦྲ་ཡི་དྲིན་ཡིན།།
ད་ནི་སྒོ་ཟོག་བསྐྱུར་ཞིང་མགོ་སྦྲ་བོར་ན།།
གངས་ཅན་བོད་པ་རྒུད་པའི་སྔ་ལྟས་ཡིན་ནོ།།

མི་ལོ་བཅུ་ལ་མི་རིགས་སློབ་གསོ་བསྐྱངས་ནས།།
ཚ་ཟུག་ན་ཟུག་ང་ཡི་སེམས་ལ་འབབ་མྱོང་།།
བོད་པའི་སྲོལ་རྒྱུན་རེ་རེ་འབོར་ལ་ཉེ་དུས།།
ང་ཡི་མིག་ཆུའི་བཞུར་རྒྱུན་ད་དུང་རིང་ངོ་།།
 
          (མཆོད་མེ་དྲ་བའི་པར་དབང་གཞན་གྱིས་དགོལ་མི་རུང)

 
 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།