དུང་སེམས་ཀྱི་འཆར་སྣང་།(ཚན་པ་དྲུག་ཡོད)

       གསང་མཐིལ།
ཞོགས་པའི་ཉི་རྡུལ་ལ་ཟོས་པའི། །
སྣ་ཚོགས་མེ་ཏོག་གི་འཁྲི་ཤིང༌། །
གློ་བུར་མཚར་སྡུག་གི་བཞིན་རས། །
ང་ཡི་སྙིང་ཁ་རུ་དུད་བྱུང༌། །
བསུང་ཞིམ་ཐུལ་ཐུལ་གྱི་སྤོས་ངད། །
དྲི་འཛིན་བུ་ག་རུ་གཟན་ཅིང༌། །
སྦྲང་ཆུང་ཉིལ་ཉིལ་གྱི་གེ་སར། །
མཆུ་སྒྲོས་ན་ཆུང་ལ་གཙེས་བྱུང༌། །
དྲན་དང་ཤེས་བཞིན་གྱིས་བརྟགས་ན། །
གསང་མཐིལ་དཀའ་མོ་རང་མི་འདུག །
དབང་ཕྱོགས་བསིལ་རླུང་གི་རྔ་ཡབ། །
གདོང་ལ་སྐུལ་བ་འདིས་མིན་ནམ། །
དུས་འཛིན་ཉིན་བྱེད་ཀྱི་ཕོ་ཉ། །
མི་སྡོད་སྐྱེས་ལམ་དུ་བཏེག་པས། །
ཕྲན་པ་སྔ་ས་ན་སྡོད་ཀྱང༌། །
ལས་དབང་གོ་ལྡོག་ཏུ་སྣང་བྱུང༌། །
པདྨ་ཨུཏྤལ་གྱི་ཚོགས་ཀུན། །
སྐད་ཅིག་ཕ་རོལ་ལ་ཕྱོགས་ཏེ། །
འཇོ་སྒེག་ངེས་མེད་ཀྱི་བཞིན་རས། །
ནམ་མཁའི་བྱ་རྗེས་ལ་འགྲན་ཐལ། །
དྲན་དང་ཤེས་བཞིན་གྱིས་བརྟགས་ན། །
གསང་མཐིལ་དཀའ་མོ་རང་མི་འདུག །
ནུབ་ཕྱོགས་འཐོར་རླུང་གི་རྐུན་པོ། །
རྒྱབ་ནས་ལྡང་བ་ཡིས་ལན་འདུག །

མ་བསམ་འདྲེན་བྱེད་ཀྱི་སྣང་ངོར། །
དེང་ཡང་གཡོ་མེད་དུ་འགྲེང་བའི། །
འཆི་མེད་མེ་ཏོག་གི་ལྗོན་པ། །
འཛུམ་ཞལ་ཁོ་བོ་ལ་ཕྱོགས་འདུག །
མྱོས་པའི་སྟང་སྟབས་དེ་མེད་ལ། །
སླུ་བྱེད་བསུང་ཞིམ་ཡང་མི་སྤྲོ། །
སྨིན་པའི་དུས་ཚིགས་ལ་སྒུགས་དང༌། །
ཟིལ་དངར་དྭངས་མ་ཡིས་མཆོད་ཟེར། །
དྲན་དང་ཤེས་བཞིན་གྱིས་བརྟགས་ན། །
གསང་མཐིལ་དཀའ་མོ་རང་མི་འདུག །
རྩ་བ་བརྟན་པོ་ཞིག་ཆགས་པས། །
སྡོང་བུ་ཚུགས་ཐུབ་རེ་སྨིན་སོང༌། །

སྣང་སྲིད་ཟློས་གར་གྱི་འདེགས་འཇོག །
གར་མཁན་རྐང་སྟབས་ལས་མྱུར་བ། །
ངེས་མེད་དྲི་བཞོན་གྱི་སྣང་བ། །
སླར་ཡང་འཆར་ཁ་ནས་སྤྲོས་བྱུང༌། །
ཡིད་འོང་རིན་ཆེན་གྱི་བུམ་བཟང༌། །
དྭངས་བསིལ་སྨན་ཆུ་ཡིས་བཀང་སྟེ། །
བདག་ནི་བསང་གཏོར་གྱི་ཐོག་མ། །
འཆི་མེད་མེ་ཏོག་ལ་ཕྱོགས་སོང༌། །
དྲན་དང་ཤེས་བཞིན་གྱིས་བརྟགས་ན། །
གསང་མཐིལ་དཀའ་མོ་རང་མི་འདུག །
མ་བཅོས་དགེ་མཚན་ལ་ཞེན་པ། །
བག་ཆགས་འཇོག་ལུགས་ཀྱིས་ཡིན་འདུག །

      དབྱར་གྱི་ཆར་རྒྱུན།
དྲུག་པའི་ལྷོ་སྤྲིན་མོ་མལ་ནས་ལྡང་སྟེ། །
ཀུན་གསལ་མཛའ་བོ་ཡི་ལུས་ལ་འཁྱུད་བྱུང༌། །
ལིང་ལིང་གར་སྟབས་ཀྱིས་ཀུན་ནས་ངལ་ཡང༌། །
མྱོས་པའི་འགྲམ་ཆང་ལ་ཟད་པ་མི་འདུག །
དེ་ལ་ངོམས་མེད་དུ་ཡང་ཡང་འཐུང་བའི། །
རྩྭ་ལྗང་མྱུ་གུ་ཡི་ན་ཆུང་ཕོ་མོ། །
ལུས་ལ་མངོན་འདོད་ཀྱི་སྤུ་ལོང་གཟེངས་ཤིང༌། །
དངུལ་ཆུའི་ཐིགས་པའང་ཐོལ་ཐོལ་བྱེད་དོ། །
ན་ཕྲ་མཚར་སྡུག་གི་ལམ་གྲོགས་བུ་མོ། །
དྭངས་བསིལ་ཆར་རྒྱུན་གྱིས་བརླན་པའི་བཞིན་ན། །
སྨིན་ལེགས་མཁུར་ཚོས་ཀྱི་ཀུ་ཤུ་གསལ་ཞིང༌། །
ཡིད་འོང་ཟུར་མིག་གི་བུང་བ་ཁྱུག་ཁྱུག །
གནག་སྣུམ་ལན་བུ་ཡིས་ཕྱེད་ཙམ་བསྒྲིབས་པའི། །
བིལ་བའི་མཆུ་སྒྲོས་དེ་སྙིང་ལ་འབབ་ཅིང༌། །
ཆུ་ལྡན་སྟོད་གོས་དང་ཀུན་ནས་མཛའ་བའི། །
བྲང་སྐྱེས་མྱོས་བུམ་དེ་མིག་ལ་གཟན་པ། །
དཔྲལ་བའི་མེ་ལོང་ན་རྒྱུན་མར་འབབ་པའི། །
སྦྲང་ཆར་ཐིགས་ཕྲེང་དེ་ང་རང་ཡིན་ན། །
དབྱིབས་ལེགས་དྲི་འཛིན་གྱི་འཁྲི་ཤིང་བརྒྱུད་དེ། །
མཆུ་སྒྲོས་ཡལ་འདབ་ལ་མངོན་པར་ཕྱོགས་འགྲོ། །

    དགུན་གྱི་ལྷགས་རླུང༌།
བྱང་སྤྲིན་འདུ་འགོད་འཚུབ་འཚུབ། །
བུ་ཡུག་ལྷགས་རླུང་འུར་འུར། །
འཇག་སྐྱའི་ཤུགས་གླུ་གྱེར་གྱེར། །
ཕོ་རོག་སྟོང་སྐད་ལྷག་ལྷག །
གྲང་རེག་ལྷགས་པ་བརླིང་པོ། །
མཛེས་བག་ཤེས་པ་མི་འདུག །
སྙིང་སྡུག་ན་ཆུང་བུ་མོའི། །
གཞོན་པའི་ལུས་ལ་གཟས་བྱུང༌། །
གཡང་དཀར་པགས་པའི་ཤམ་ལྭ། །
ལུས་ལ་གྱོན་རོགས་ཞུས་པས། །
ཨ་ཇོ་དེ་འདྲ་མ་གསུངས། །
ཁྱོད་ཀྱང་ཤ་ཁྲག་ལུས་ཟེར། །
ཁྱོད་དང་འདྲ་བ་མི་འདུག །
ང་རང་ཕོ་རྒོད་དར་མ། །
ཟུངས་ཁྲག་ཁོང་ན་ཁོལ་ཅེས། །
ཁེངས་གཏམ་ཁ་ནས་ཤོར་བས། །
ཕོ་སྐྱེས་ལྕགས་ལས་མ་བྱས། །
བུད་མེད་མར་ལ་མ་གྲུབ། །
གཏམ་དེ་སྙན་པོ་མི་འདུག །
ཇོ་ཇོ་ཐུགས་ཁྲོ་མ་བཞེངས། །
སྐྱེས་པའི་ལུས་རྟེན་འབའ་ཞིག །
རང་བྱུང་གཡུལ་ལས་རྒྱལ་བ། །
ཁྱོད་རང་ཚད་མར་སྣང་ཞེས། །
མགུལ་བ་ཁྱོགས་ལ་འཕྱལ་སོང༌། །
སུག་པའི་འདེགས་འཇོག་སྒྱུར་བའི། །
ཅག་ཅག་རྡོག་པའི་སྒྲ་ཙམ། །
དེ་མི་ལྷགས་རླུང་འུར་སྒྲ། །
ཀྱེ་མ་སྙིང་ཁོང་གྲང་བ། །
ཨ་ཧོ་ཉིན་བྱེད་གཞོན་ནུ། །
མཁའ་ལ་ལྷག་གེར་འཛུམ་སྟེ། །
སྣང་བ་གསེར་ཞུན་ཐིགས་པས། །
ལུས་ལ་དྲོད་ཁོལ་གནང་བྱུང༌། །
ལག་སོར་པད་དཀར་ཆུ་བ། །
ཅུང་ཙམ་རྐྱོང་བའི་མོད་ལ། །
ཟུར་མིག་ལུས་མེད་ཞགས་པ། །
སླར་ཡང་གདོང་ལ་འཕངས་བྱུང༌། །
ཁྱོད་ལ་ཅི་ཞེས་སྨྲས་པས། །
ང་ལ་དྲོད་འཇམ་གནོངས་ཟེར། །
ཤམ་ལྭ་བཤུ་ཐེངས་གཅིག་གིས། །
ཁོ་མོའི་ལུས་ལ་བགོས་སོང༌། །

    གསར་བཞད་ལྗང་བུ།
“ན་ཆུང་གི་དུང་སེམས། །
གསར་འཁྲུངས་ཀྱི་ལྗང་བུ། །
གྲང་རེག་གི་རྐུན་པོས། །
འཁྱེར་ཉེན་ལ་དོགས་འོང༌། །
ཁུ་བྱུག་གི་བུ་མོ། །
མོན་ཡུལ་ནས་ཕེབས་ཚེ། །
གཏམ་སྙན་ཞིག་ཡོད་ན། །
མཉམ་པོ་རུ་སྒྲོགས་ཤོག །”
ལྟས་བཟང་གི་ཕོ་ཉ། །
དཔྱིད་དུས་ཀྱི་རླུང་བུས། །
འཕྲིན་ཤོག་གི་སྒྲོམ་ཞིག །
དལ་དལ་གྱིས་བཏེགས་བྱུང—
“ད་ལོ་ཡི་ཁུ་བྱུག །
འདས་ལོ་ལས་སྔ་བྱུང༌། །
ལྷོ་སྤྲིན་ཞིག་ཡིན་ན། །
སྦྲང་ཆར་ལ་སྒུག་ཡོད། །”

       ཕྱི་རོལ་དང་ནང་རོལ།
རྔམ་གནག་གི་སྤྲིན་པ་ལྷོག་ལྷོག་ཏུ་ཁོལ་ཞིང༌། །
ལྷོ་འབྲུག་གི་ང་རོ་ལྷང་ལྷང་དུ་སྒྲོག་བཞིན། །
བརྩེ་མེད་ཀྱི་སྐྱིན་ཐང་ཐར་ཐར་དུ་བྱུང་བས། །
ལྗོན་ཤིང་གི་ལོ་འདབ་ཅག་ཅག་ཏུ་བསྙིལ་བྱུང༌། །
སྙིང་གཏམ་གྱི་སྦྲང་ཆར་ལྷུག་ལྷུག་ཏུ་སྤྲོས་པས། །
མཆུ་སྒྲོས་ཀྱི་ཡལ་འདབ་ལྷག་ལྷག་ཏུ་གཡོ་བཞིན། །
འཁྲི་ཤིང་གི་དཔུང་བ་རིང་རིང་དུ་བརྐྱངས་ཏེ། །
གཞོན་ལུས་ཀྱི་ལྗོན་པ་དམ་དམ་དུ་འཁྱུད་བྱུང༌། །
དྭངས་ཤེལ་གྱི་དྲ་གླེགས་བྱང་གཅིག་གིས་ཆོད་པས། །
ཕྱི་ནང་གི་འཇིག་རྟེན་གོ་ལྡོག་ཏུ་སྣང་སོང༌། །
ཕྱི་རོལ་གྱི་འཇིགས་པ་ལྗོན་ཤིང་ཁོར་གསལ་ཅིང༌། །
ནང་རོལ་གྱི་རོ་མངར་ང་རང་ལ་དྲིས་ཤོག །

             ཕྱི་ཕྱག
མོས་འདུན་གྱི་གངས་ཆབ་བསིལ་མ། །
དུང་སེམས་ཀྱི་རྫ་ཆབ་སྔོན་མོ། །
དབྱེར་མེད་དུ་ལྷན་ཅིག་འདྲེས་པའི། །
རོ་མངར་ལ་ཚིམས་པར་རོལ་ཚེ། །
འདབ་སྟོང་གི་གནམ་རུ་འཛིན་པའི། །
སྒྱུ་འཕྲུལ་ལ་ཡིད་དབང་ཤོར་བྱུང༌། །
དགའ་དད་ཀྱི་ཆུ་རིས་འཛུམ་པའི། །
ཟུར་མིག་ཅིག་གདོང་ལ་གཡོས་སོང༌། །

མཛའ་སེམས་ཀྱི་ཟླ་གཞོན་གཟུགས་བརྙན། །
དགའ་ཞེན་གྱི་རླབས་དཀར་གཟེགས་མ། །
གཉིས་མེད་དུ་རྒྱ་མཚོར་སིམ་པའི། །
དགའ་བདེ་ལ་ཅི་དགར་རོལ་ཚེ། །
ནུབ་གླིང་གི་འདོད་ལྷའི་བུ་མོའི། །
རྣམ་སྤྲུལ་ལ་ངོ་མཚར་སྐྱེས་བྱུང༌། །
རྣམ་གསུམ་གྱི་དད་པ་མཚོན་པའི། །
སྙིམ་པ་དེ་སྙིང་ཁར་ཟུམ་སོང༌། །
བརྩེ་སྐྱོང་གི་སྤྱོད་ལམ་རྣམ་དག །
བརྩེ་བྱམས་ཀྱི་ངག་ཚིག་སྙན་མོ། །
གཞིས་ཁྱིམ་དུ་གཏན་དུ་འཛོམས་པའི། །
བདེ་སྐྱིད་ལ་ཡང་ཡང་བསམ་ཚེ། །
བྱུང་འདས་ཀྱི་བགྲང་བྱའི་བྱེད་པོའི། །
མཐུན་རྐྱེན་ལ་ཡི་རང་སྐྱེས་བྱུང༌། །
ཡན་ལག་ཀུན་ས་ལ་རེག་པའི། །
ཕྱི་ཕྱག་ཅིག་དབང་མེད་ཤོར་སོང༌། །


 

རྩོམ་ཁུངས།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

དུང་སེམས་ཀྱི་འཆར་སྣང་།(ཚན་པ་དྲུག་ཡོད)

2009-03-29 འཇུ་སྐལ་བཟང་། ཀློག་གྲངས། མཆན ཡོད།

       གསང་མཐིལ།
ཞོགས་པའི་ཉི་རྡུལ་ལ་ཟོས་པའི། །
སྣ་ཚོགས་མེ་ཏོག་གི་འཁྲི་ཤིང༌། །
གློ་བུར་མཚར་སྡུག་གི་བཞིན་རས། །
ང་ཡི་སྙིང་ཁ་རུ་དུད་བྱུང༌། །
བསུང་ཞིམ་ཐུལ་ཐུལ་གྱི་སྤོས་ངད། །
དྲི་འཛིན་བུ་ག་རུ་གཟན་ཅིང༌། །
སྦྲང་ཆུང་ཉིལ་ཉིལ་གྱི་གེ་སར། །
མཆུ་སྒྲོས་ན་ཆུང་ལ་གཙེས་བྱུང༌། །
དྲན་དང་ཤེས་བཞིན་གྱིས་བརྟགས་ན། །
གསང་མཐིལ་དཀའ་མོ་རང་མི་འདུག །
དབང་ཕྱོགས་བསིལ་རླུང་གི་རྔ་ཡབ། །
གདོང་ལ་སྐུལ་བ་འདིས་མིན་ནམ། །
དུས་འཛིན་ཉིན་བྱེད་ཀྱི་ཕོ་ཉ། །
མི་སྡོད་སྐྱེས་ལམ་དུ་བཏེག་པས། །
ཕྲན་པ་སྔ་ས་ན་སྡོད་ཀྱང༌། །
ལས་དབང་གོ་ལྡོག་ཏུ་སྣང་བྱུང༌། །
པདྨ་ཨུཏྤལ་གྱི་ཚོགས་ཀུན། །
སྐད་ཅིག་ཕ་རོལ་ལ་ཕྱོགས་ཏེ། །
འཇོ་སྒེག་ངེས་མེད་ཀྱི་བཞིན་རས། །
ནམ་མཁའི་བྱ་རྗེས་ལ་འགྲན་ཐལ། །
དྲན་དང་ཤེས་བཞིན་གྱིས་བརྟགས་ན། །
གསང་མཐིལ་དཀའ་མོ་རང་མི་འདུག །
ནུབ་ཕྱོགས་འཐོར་རླུང་གི་རྐུན་པོ། །
རྒྱབ་ནས་ལྡང་བ་ཡིས་ལན་འདུག །

མ་བསམ་འདྲེན་བྱེད་ཀྱི་སྣང་ངོར། །
དེང་ཡང་གཡོ་མེད་དུ་འགྲེང་བའི། །
འཆི་མེད་མེ་ཏོག་གི་ལྗོན་པ། །
འཛུམ་ཞལ་ཁོ་བོ་ལ་ཕྱོགས་འདུག །
མྱོས་པའི་སྟང་སྟབས་དེ་མེད་ལ། །
སླུ་བྱེད་བསུང་ཞིམ་ཡང་མི་སྤྲོ། །
སྨིན་པའི་དུས་ཚིགས་ལ་སྒུགས་དང༌། །
ཟིལ་དངར་དྭངས་མ་ཡིས་མཆོད་ཟེར། །
དྲན་དང་ཤེས་བཞིན་གྱིས་བརྟགས་ན། །
གསང་མཐིལ་དཀའ་མོ་རང་མི་འདུག །
རྩ་བ་བརྟན་པོ་ཞིག་ཆགས་པས། །
སྡོང་བུ་ཚུགས་ཐུབ་རེ་སྨིན་སོང༌། །

སྣང་སྲིད་ཟློས་གར་གྱི་འདེགས་འཇོག །
གར་མཁན་རྐང་སྟབས་ལས་མྱུར་བ། །
ངེས་མེད་དྲི་བཞོན་གྱི་སྣང་བ། །
སླར་ཡང་འཆར་ཁ་ནས་སྤྲོས་བྱུང༌། །
ཡིད་འོང་རིན་ཆེན་གྱི་བུམ་བཟང༌། །
དྭངས་བསིལ་སྨན་ཆུ་ཡིས་བཀང་སྟེ། །
བདག་ནི་བསང་གཏོར་གྱི་ཐོག་མ། །
འཆི་མེད་མེ་ཏོག་ལ་ཕྱོགས་སོང༌། །
དྲན་དང་ཤེས་བཞིན་གྱིས་བརྟགས་ན། །
གསང་མཐིལ་དཀའ་མོ་རང་མི་འདུག །
མ་བཅོས་དགེ་མཚན་ལ་ཞེན་པ། །
བག་ཆགས་འཇོག་ལུགས་ཀྱིས་ཡིན་འདུག །

      དབྱར་གྱི་ཆར་རྒྱུན།
དྲུག་པའི་ལྷོ་སྤྲིན་མོ་མལ་ནས་ལྡང་སྟེ། །
ཀུན་གསལ་མཛའ་བོ་ཡི་ལུས་ལ་འཁྱུད་བྱུང༌། །
ལིང་ལིང་གར་སྟབས་ཀྱིས་ཀུན་ནས་ངལ་ཡང༌། །
མྱོས་པའི་འགྲམ་ཆང་ལ་ཟད་པ་མི་འདུག །
དེ་ལ་ངོམས་མེད་དུ་ཡང་ཡང་འཐུང་བའི། །
རྩྭ་ལྗང་མྱུ་གུ་ཡི་ན་ཆུང་ཕོ་མོ། །
ལུས་ལ་མངོན་འདོད་ཀྱི་སྤུ་ལོང་གཟེངས་ཤིང༌། །
དངུལ་ཆུའི་ཐིགས་པའང་ཐོལ་ཐོལ་བྱེད་དོ། །
ན་ཕྲ་མཚར་སྡུག་གི་ལམ་གྲོགས་བུ་མོ། །
དྭངས་བསིལ་ཆར་རྒྱུན་གྱིས་བརླན་པའི་བཞིན་ན། །
སྨིན་ལེགས་མཁུར་ཚོས་ཀྱི་ཀུ་ཤུ་གསལ་ཞིང༌། །
ཡིད་འོང་ཟུར་མིག་གི་བུང་བ་ཁྱུག་ཁྱུག །
གནག་སྣུམ་ལན་བུ་ཡིས་ཕྱེད་ཙམ་བསྒྲིབས་པའི། །
བིལ་བའི་མཆུ་སྒྲོས་དེ་སྙིང་ལ་འབབ་ཅིང༌། །
ཆུ་ལྡན་སྟོད་གོས་དང་ཀུན་ནས་མཛའ་བའི། །
བྲང་སྐྱེས་མྱོས་བུམ་དེ་མིག་ལ་གཟན་པ། །
དཔྲལ་བའི་མེ་ལོང་ན་རྒྱུན་མར་འབབ་པའི། །
སྦྲང་ཆར་ཐིགས་ཕྲེང་དེ་ང་རང་ཡིན་ན། །
དབྱིབས་ལེགས་དྲི་འཛིན་གྱི་འཁྲི་ཤིང་བརྒྱུད་དེ། །
མཆུ་སྒྲོས་ཡལ་འདབ་ལ་མངོན་པར་ཕྱོགས་འགྲོ། །

    དགུན་གྱི་ལྷགས་རླུང༌།
བྱང་སྤྲིན་འདུ་འགོད་འཚུབ་འཚུབ། །
བུ་ཡུག་ལྷགས་རླུང་འུར་འུར། །
འཇག་སྐྱའི་ཤུགས་གླུ་གྱེར་གྱེར། །
ཕོ་རོག་སྟོང་སྐད་ལྷག་ལྷག །
གྲང་རེག་ལྷགས་པ་བརླིང་པོ། །
མཛེས་བག་ཤེས་པ་མི་འདུག །
སྙིང་སྡུག་ན་ཆུང་བུ་མོའི། །
གཞོན་པའི་ལུས་ལ་གཟས་བྱུང༌། །
གཡང་དཀར་པགས་པའི་ཤམ་ལྭ། །
ལུས་ལ་གྱོན་རོགས་ཞུས་པས། །
ཨ་ཇོ་དེ་འདྲ་མ་གསུངས། །
ཁྱོད་ཀྱང་ཤ་ཁྲག་ལུས་ཟེར། །
ཁྱོད་དང་འདྲ་བ་མི་འདུག །
ང་རང་ཕོ་རྒོད་དར་མ། །
ཟུངས་ཁྲག་ཁོང་ན་ཁོལ་ཅེས། །
ཁེངས་གཏམ་ཁ་ནས་ཤོར་བས། །
ཕོ་སྐྱེས་ལྕགས་ལས་མ་བྱས། །
བུད་མེད་མར་ལ་མ་གྲུབ། །
གཏམ་དེ་སྙན་པོ་མི་འདུག །
ཇོ་ཇོ་ཐུགས་ཁྲོ་མ་བཞེངས། །
སྐྱེས་པའི་ལུས་རྟེན་འབའ་ཞིག །
རང་བྱུང་གཡུལ་ལས་རྒྱལ་བ། །
ཁྱོད་རང་ཚད་མར་སྣང་ཞེས། །
མགུལ་བ་ཁྱོགས་ལ་འཕྱལ་སོང༌། །
སུག་པའི་འདེགས་འཇོག་སྒྱུར་བའི། །
ཅག་ཅག་རྡོག་པའི་སྒྲ་ཙམ། །
དེ་མི་ལྷགས་རླུང་འུར་སྒྲ། །
ཀྱེ་མ་སྙིང་ཁོང་གྲང་བ། །
ཨ་ཧོ་ཉིན་བྱེད་གཞོན་ནུ། །
མཁའ་ལ་ལྷག་གེར་འཛུམ་སྟེ། །
སྣང་བ་གསེར་ཞུན་ཐིགས་པས། །
ལུས་ལ་དྲོད་ཁོལ་གནང་བྱུང༌། །
ལག་སོར་པད་དཀར་ཆུ་བ། །
ཅུང་ཙམ་རྐྱོང་བའི་མོད་ལ། །
ཟུར་མིག་ལུས་མེད་ཞགས་པ། །
སླར་ཡང་གདོང་ལ་འཕངས་བྱུང༌། །
ཁྱོད་ལ་ཅི་ཞེས་སྨྲས་པས། །
ང་ལ་དྲོད་འཇམ་གནོངས་ཟེར། །
ཤམ་ལྭ་བཤུ་ཐེངས་གཅིག་གིས། །
ཁོ་མོའི་ལུས་ལ་བགོས་སོང༌། །

    གསར་བཞད་ལྗང་བུ།
“ན་ཆུང་གི་དུང་སེམས། །
གསར་འཁྲུངས་ཀྱི་ལྗང་བུ། །
གྲང་རེག་གི་རྐུན་པོས། །
འཁྱེར་ཉེན་ལ་དོགས་འོང༌། །
ཁུ་བྱུག་གི་བུ་མོ། །
མོན་ཡུལ་ནས་ཕེབས་ཚེ། །
གཏམ་སྙན་ཞིག་ཡོད་ན། །
མཉམ་པོ་རུ་སྒྲོགས་ཤོག །”
ལྟས་བཟང་གི་ཕོ་ཉ། །
དཔྱིད་དུས་ཀྱི་རླུང་བུས། །
འཕྲིན་ཤོག་གི་སྒྲོམ་ཞིག །
དལ་དལ་གྱིས་བཏེགས་བྱུང—
“ད་ལོ་ཡི་ཁུ་བྱུག །
འདས་ལོ་ལས་སྔ་བྱུང༌། །
ལྷོ་སྤྲིན་ཞིག་ཡིན་ན། །
སྦྲང་ཆར་ལ་སྒུག་ཡོད། །”

       ཕྱི་རོལ་དང་ནང་རོལ།
རྔམ་གནག་གི་སྤྲིན་པ་ལྷོག་ལྷོག་ཏུ་ཁོལ་ཞིང༌། །
ལྷོ་འབྲུག་གི་ང་རོ་ལྷང་ལྷང་དུ་སྒྲོག་བཞིན། །
བརྩེ་མེད་ཀྱི་སྐྱིན་ཐང་ཐར་ཐར་དུ་བྱུང་བས། །
ལྗོན་ཤིང་གི་ལོ་འདབ་ཅག་ཅག་ཏུ་བསྙིལ་བྱུང༌། །
སྙིང་གཏམ་གྱི་སྦྲང་ཆར་ལྷུག་ལྷུག་ཏུ་སྤྲོས་པས། །
མཆུ་སྒྲོས་ཀྱི་ཡལ་འདབ་ལྷག་ལྷག་ཏུ་གཡོ་བཞིན། །
འཁྲི་ཤིང་གི་དཔུང་བ་རིང་རིང་དུ་བརྐྱངས་ཏེ། །
གཞོན་ལུས་ཀྱི་ལྗོན་པ་དམ་དམ་དུ་འཁྱུད་བྱུང༌། །
དྭངས་ཤེལ་གྱི་དྲ་གླེགས་བྱང་གཅིག་གིས་ཆོད་པས། །
ཕྱི་ནང་གི་འཇིག་རྟེན་གོ་ལྡོག་ཏུ་སྣང་སོང༌། །
ཕྱི་རོལ་གྱི་འཇིགས་པ་ལྗོན་ཤིང་ཁོར་གསལ་ཅིང༌། །
ནང་རོལ་གྱི་རོ་མངར་ང་རང་ལ་དྲིས་ཤོག །

             ཕྱི་ཕྱག
མོས་འདུན་གྱི་གངས་ཆབ་བསིལ་མ། །
དུང་སེམས་ཀྱི་རྫ་ཆབ་སྔོན་མོ། །
དབྱེར་མེད་དུ་ལྷན་ཅིག་འདྲེས་པའི། །
རོ་མངར་ལ་ཚིམས་པར་རོལ་ཚེ། །
འདབ་སྟོང་གི་གནམ་རུ་འཛིན་པའི། །
སྒྱུ་འཕྲུལ་ལ་ཡིད་དབང་ཤོར་བྱུང༌། །
དགའ་དད་ཀྱི་ཆུ་རིས་འཛུམ་པའི། །
ཟུར་མིག་ཅིག་གདོང་ལ་གཡོས་སོང༌། །

མཛའ་སེམས་ཀྱི་ཟླ་གཞོན་གཟུགས་བརྙན། །
དགའ་ཞེན་གྱི་རླབས་དཀར་གཟེགས་མ། །
གཉིས་མེད་དུ་རྒྱ་མཚོར་སིམ་པའི། །
དགའ་བདེ་ལ་ཅི་དགར་རོལ་ཚེ། །
ནུབ་གླིང་གི་འདོད་ལྷའི་བུ་མོའི། །
རྣམ་སྤྲུལ་ལ་ངོ་མཚར་སྐྱེས་བྱུང༌། །
རྣམ་གསུམ་གྱི་དད་པ་མཚོན་པའི། །
སྙིམ་པ་དེ་སྙིང་ཁར་ཟུམ་སོང༌། །
བརྩེ་སྐྱོང་གི་སྤྱོད་ལམ་རྣམ་དག །
བརྩེ་བྱམས་ཀྱི་ངག་ཚིག་སྙན་མོ། །
གཞིས་ཁྱིམ་དུ་གཏན་དུ་འཛོམས་པའི། །
བདེ་སྐྱིད་ལ་ཡང་ཡང་བསམ་ཚེ། །
བྱུང་འདས་ཀྱི་བགྲང་བྱའི་བྱེད་པོའི། །
མཐུན་རྐྱེན་ལ་ཡི་རང་སྐྱེས་བྱུང༌། །
ཡན་ལག་ཀུན་ས་ལ་རེག་པའི། །
ཕྱི་ཕྱག་ཅིག་དབང་མེད་ཤོར་སོང༌། །


 

རྩོམ་ཁུངས།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།