ཀ་རྩོམ་གླང་སྨྱོན་ས་སློག


ཀ་ར་ཤ་སོགས་སྡེར་ཁ་བཤམས་པའི་འགྲམ། །
ཁ་སྤུའི་ནང་ལ་སྣུམ་ཞག་ཆགས་པ་དེ། །
ག་ཤེད་ཅིག་ནས་ཐོན་པ་མི་ཤེས་མོད། །
ང་ཚོའི་བོད་རིགས་ལས་བྱེད་ཅིག་དང་འདྲ། །
ཅ་ཅོའི་སྐད་རིགས་མང་པོ་ལྷན་ཅིག་འཆད། །
ཆ་བྱད་རྒྱ་བོད་འདྲེས་མ་མཉམ་དུ་གྱོན། །
ཇ་ཕུད་འོ་མ་ཅན་ལས་བཏུང་མེད་ཀྱང༌། །
ཉ་ཤ་མ་གཏོགས་ཟ་ལོབ་མེད་ཁུལ་བྱེད། །
ཏ་རིན་མི་ཆེན་དག་གི་བཤད་སྒྲོས་ཀྱིས། །
ཐ་སྙད་ཆེན་པོ་འགའ་ཞིག་ལབ་བཞིན་དུ། ་
ད་དུང་མི་འགྲོ་ཕྱི་དལ་ཆེ་ལུགས་ལ། །
ན་ཆུང་བུ་མོ་ཞིག་ལ་དམིགས་པ་འདྲ། །
པ་ར་པི་རེའི་དུ་བ་འཐེན་ཞོར་དུ། །
ཕ་མ་སེམས་ཅན་ཟེར་ནས་ཆོས་ཀྱང་འཆད། །
བ་ལང་གྲངས་ཙམ་རྒྱ་ལ་བརྡ་མི་འཕྲོད། །
མཱ་མཱ་རི་ཐཱ་ཟེར་ནས་བོད་ལ་གཤེ། །
ཙ་མིན་ཀན་པུ་རྣམས་ཀྱི་གོ་ས་འདི། །
ཚ་པུ་ཏོ་ཞེས་ཡིན་མདོག་བྱེད་བཞིན་དུ། །
ཛེ་རེ་ཛོ་རེ་འབྲོག་པ་པུ་ཞིན་ཞེས། །
ཝ་མོ་དཔོན་ལ་བསྐོས་འདྲ་བྱེད་ནའང༌། །
ཞ་དང་ཞོར་ལ་ཀོ་དང་པགས་པ་ཉོ། །
ཟ་མ་ཤ་མར་ཅི་ལོན་གང་ལོན་བྱེད། །
འ་རོགས་འུ་གཉིས་ཚོང་ཞིག་ལབ་ཟེར་ཚེ། །
ཡ་མཚན་དེ་འདྲ་ཞིག་ཀྱང་མིན་ནམ་སྙམ། །
ར་ཁུ་མང་མང་འཐུང་ན་འདྲེ་དང་འདྲ། །
ལ་རྒྱ་མགོ་རྣ་འཆད་ཉིན་ལྷ་དང་འདྲ། །
ཤ་ལ་སྲེད་པ་ཆེ་བས་བོད་ཅིག་འདྲ། །
ས་ལ་ཙོག་མི་ཤེས་པས་རྒྱ་ཞིག་འདྲ། །
ཧ་ཧ་འབྲོག་པའི་བུ་འདི་ཁ་ལྕེ་བདེ། །
ཨ་ཕོ་ལས་བྱེད་རྣམ་པ་ཁོག་རྒྱ་ཡངས། །
ཧ་ཅང་ཐལ་བར་གྱུར་བའི་ཆ་ཡོད་ཀྱང༌། །
ཨ་རོགས་ཁྱེད་ཚོ་དགོངས་པ་ག་ལ་ཚོམས། །

 

རྩོམ་ཁུངས། སྙན་ངག་དེབ

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཀ་རྩོམ་གླང་སྨྱོན་ས་སློག

2009-03-29 འཇུ་སྐལ་བཟང་། ཀློག་གྲངས། མཆན ཡོད།


ཀ་ར་ཤ་སོགས་སྡེར་ཁ་བཤམས་པའི་འགྲམ། །
ཁ་སྤུའི་ནང་ལ་སྣུམ་ཞག་ཆགས་པ་དེ། །
ག་ཤེད་ཅིག་ནས་ཐོན་པ་མི་ཤེས་མོད། །
ང་ཚོའི་བོད་རིགས་ལས་བྱེད་ཅིག་དང་འདྲ། །
ཅ་ཅོའི་སྐད་རིགས་མང་པོ་ལྷན་ཅིག་འཆད། །
ཆ་བྱད་རྒྱ་བོད་འདྲེས་མ་མཉམ་དུ་གྱོན། །
ཇ་ཕུད་འོ་མ་ཅན་ལས་བཏུང་མེད་ཀྱང༌། །
ཉ་ཤ་མ་གཏོགས་ཟ་ལོབ་མེད་ཁུལ་བྱེད། །
ཏ་རིན་མི་ཆེན་དག་གི་བཤད་སྒྲོས་ཀྱིས། །
ཐ་སྙད་ཆེན་པོ་འགའ་ཞིག་ལབ་བཞིན་དུ། ་
ད་དུང་མི་འགྲོ་ཕྱི་དལ་ཆེ་ལུགས་ལ། །
ན་ཆུང་བུ་མོ་ཞིག་ལ་དམིགས་པ་འདྲ། །
པ་ར་པི་རེའི་དུ་བ་འཐེན་ཞོར་དུ། །
ཕ་མ་སེམས་ཅན་ཟེར་ནས་ཆོས་ཀྱང་འཆད། །
བ་ལང་གྲངས་ཙམ་རྒྱ་ལ་བརྡ་མི་འཕྲོད། །
མཱ་མཱ་རི་ཐཱ་ཟེར་ནས་བོད་ལ་གཤེ། །
ཙ་མིན་ཀན་པུ་རྣམས་ཀྱི་གོ་ས་འདི། །
ཚ་པུ་ཏོ་ཞེས་ཡིན་མདོག་བྱེད་བཞིན་དུ། །
ཛེ་རེ་ཛོ་རེ་འབྲོག་པ་པུ་ཞིན་ཞེས། །
ཝ་མོ་དཔོན་ལ་བསྐོས་འདྲ་བྱེད་ནའང༌། །
ཞ་དང་ཞོར་ལ་ཀོ་དང་པགས་པ་ཉོ། །
ཟ་མ་ཤ་མར་ཅི་ལོན་གང་ལོན་བྱེད། །
འ་རོགས་འུ་གཉིས་ཚོང་ཞིག་ལབ་ཟེར་ཚེ། །
ཡ་མཚན་དེ་འདྲ་ཞིག་ཀྱང་མིན་ནམ་སྙམ། །
ར་ཁུ་མང་མང་འཐུང་ན་འདྲེ་དང་འདྲ། །
ལ་རྒྱ་མགོ་རྣ་འཆད་ཉིན་ལྷ་དང་འདྲ། །
ཤ་ལ་སྲེད་པ་ཆེ་བས་བོད་ཅིག་འདྲ། །
ས་ལ་ཙོག་མི་ཤེས་པས་རྒྱ་ཞིག་འདྲ། །
ཧ་ཧ་འབྲོག་པའི་བུ་འདི་ཁ་ལྕེ་བདེ། །
ཨ་ཕོ་ལས་བྱེད་རྣམ་པ་ཁོག་རྒྱ་ཡངས། །
ཧ་ཅང་ཐལ་བར་གྱུར་བའི་ཆ་ཡོད་ཀྱང༌། །
ཨ་རོགས་ཁྱེད་ཚོ་དགོངས་པ་ག་ལ་ཚོམས། །

 

རྩོམ་ཁུངས། སྙན་ངག་དེབ

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།