མྱ་ངན་གྱི་ཐང་ཆེན་ཞིག་ན།

སྔོན་དང་ཕྱི་མའི་མཐའ་ལ་མཁས་པ་ཡི།།
ཡབ་དང་ཡུམ་གྱི་སྙོམས་འཇུག་ཏིང་འཛིན་གྱིས།།
གདོས་བཅས་ལུས་ཀྱི་ཁང་བཟང་བསྐྲུན་ན་ཡང་།།
ན་ཆུང་བྱིས་པའི་གོམ་འགྲོས་འཁྱར་འཁྱོར་ཉིད།།

དགུན་ལ་བསྒྲུགས་པའི་ཤ་དང་མར་རྣམས་ཟད།།
དབྱར་ལ་རེ་བའི་ཞོ་དང་འོ་མ་རིང་།།
འཚོ་བའི་རྟེན་གྱི་ཁུག་མ་སྟོང་ལ་ཉེ།།
ང་ཉིད་འཆི་བའི་ཕྱི་ཡི་རྒྱུ་རྐྱེན་ཚང་།།

ཤ་ཁྲག་ལུས་ཀྱི་ཕུང་བོ་ནད་ཀྱིས་མནར།།
རུས་གོང་འདབ་མ་རླུང་གིས་དབང་མེད་སྐྱོད།།
ཕྱོགས་དང་ཕྱོགས་མཚམས་མི་ཡི་གྲིབ་མས་དབེན།།
སྙིང་ལ་བརྣག་པ་འཚོ་བྱེད་སྨན་གྱི་རྫས།།

བློ་ལྡན་ཕོ་རྒོད་ལྔ་བའི་ལམ་དུ་གཤེགས།།
བྱམས་ལྡན་ཡུམ་ཆེན་ཆུ་རྙོག་རླབས་ཀྱིས་ཁྱེར།།
ཁྲེལ་ཡོད་ན་ཟླའི་ཚོགས་རྣམས་ཡུལ་གྱིས་བསྐལ།།
ང་ཡི་ངུ་ངག་འདི་དག་སུ་ཡིས་ཐོས།།

སྨྲེང་བའི་རྣག་གིས་ལུས་ཀྱི་བྱང་ཁོག་གང་།།
མིག་ཆུའི་ཐིགས་པས་བྱེ་མའི་ས་གཞི་བརླན།།
ནུར་བས་སྐྱོད་པའི་རྗེས་ཤུལ་རི་མོ་གསལ།།
ཆ་རྒྱུས་མེད་པ་སྒྱུ་མའི་ཞིང་དུ་སླེབས།།

མུ་ཏིག་ལུས་ཕུང་འདམ་གྱིས་དྲི་མས་སྦགས།།
གཟི་འོད་ལང་ཚོ་སུས་ཀྱང་མཐོང་ནུས་མིན།།
སྒྱུ་མའི་ན་ཆུང་ཚོགས་ཀྱིས་མིག་ལམ་ན།།
གདོན་གྱི་ཐ་གུ་སྒྲིལ་བའི་མདུད་པ་ཉིད།།

བཙན་པོའི་བུ་ཡིས་བརྡུངས་ཀྱང་རྒྱབ་རོགས་མེད།།
ཡན་ལག་རྣམས་ལྔ་རྨས་ཀྱང་སྨན་པ་མེད།།
ཤར་ནུབ་གང་དུ་འཕགས་ཀྱང་བདག་པོ་མེད།།
མཐོ་དམན་སུ་ཡིས་བརྙས་ཀྱང་རིན་ཐང་མེད།།

ཆུ་ལ་སྐྱུར་བས་ལང་ཚོའི་རི་མོ་བསུབས།།
མེ་ཡིས་བསྲེགས་པས་ལུས་ན་རྨ་ཁ་མང་།།
རླུང་ནག་འཚུབ་མས་འདམ་རྫབ་ཁྲོད་དུ་འཕངས།།
ས་ཡི་སྟེང་ནས་ཀུན་གྱིས་རྐང་པས་བརྫིས།།

དེ་ལྟར་འབྱུང་བཞི་འཁྲུགས་པའི་ཡོ་ལང་གིས།།
དམར་ཆུང་སྲོག་གི་རྩ་བར་བཟང་གྱུར་ཀྱང་།།
རྟེན་འབྱུང་རྒྱལ་པོས་བྱིན་པ་སྲོག་གི་རྒྱུན།།
དུམ་བུར་གཅོད་པའི་ལས་ལ་ཐམས་ཅད་རྨོངས།།

ས་བདག་རྒྱལ་པོ་མནལ་བའི་རྨི་ལམ་གྱིས།།
ང་ཡི་སྲོག་གི་རིན་ཐང་རྟོགས་གྱུར་ཀྱང་།།
རྒྱལ་སྲས་དར་མའི་རིགས་ལ་གནོད་དོགས་ནས།།
ཕོ་འདོམ་དགུ་ལྡན་དོང་གི་ཞབས་སུ་སྦས།།

འུར་ཟིང་རླུས་གིས་སྐྱོད་པའི་འཇིག་རྟེན་མིས།།
ང་ཡི་ཕྱོགས་སུ་མིག་ཞགས་མ་གཏད་ཀྱང་།།
མཁའ་སྤྱོད་ཞིང་ན་བཞུགས་པའི་ཨ་མ་ཡི།།
སྤྲུལ་བའི་རྣམ་ཤེས་ང་ཡི་གམ་དུ་ཕེབས།།

གོས་ཀྱི་སྒྲིབ་གཡོགས་མེད་པ་གཅེར་བུའི་ལུས།།
ཨ་མའི་འཕྲུལ་གྱི་ཞགས་པས་དྲངས་གྱུར་ཀྱང་།།
ཁོར་ཡུག་འཁྱགས་པས་བསྡམས་པའི་ལྷགས་རླུང་ཁྲོད།།
ལུས་སུ་མཐོང་བ་གྲང་བའི་བ་སྤུ་ཉིད།།

གྲང་རེག་རྣོན་པོའི་ངར་ལྡན་དགུན་གྱི་མགྲོན།།
ཕྱིར་མི་འོང་བའི་ས་ལ་གཤེགས་ན་ཡང་་།།
ལྟོགས་སྐོམ་ཨ་ཐང་ཆད་པ་དཔྱིད་ཀྱི་བུ།།
འཆི་དང་གསོན་པའི་ངེས་པ་ལྐོག་གྱུར་ཉིད།།

རྩོམ་ཁུངས། འཇིགས་མེད་ཀྱི་སྙན་རྩོམ་ཕྱོགས་བསྒྲིགས།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག   བཤེར་འཚོལ།བཤེར་འཚོལ།

མྱ་ངན་གྱི་ཐང་ཆེན་ཞིག་ན།

2009-11-21 འཇིགས་མེད། ཀློག་གྲངས། མཆན ཡོད།

སྔོན་དང་ཕྱི་མའི་མཐའ་ལ་མཁས་པ་ཡི།།
ཡབ་དང་ཡུམ་གྱི་སྙོམས་འཇུག་ཏིང་འཛིན་གྱིས།།
གདོས་བཅས་ལུས་ཀྱི་ཁང་བཟང་བསྐྲུན་ན་ཡང་།།
ན་ཆུང་བྱིས་པའི་གོམ་འགྲོས་འཁྱར་འཁྱོར་ཉིད།།

དགུན་ལ་བསྒྲུགས་པའི་ཤ་དང་མར་རྣམས་ཟད།།
དབྱར་ལ་རེ་བའི་ཞོ་དང་འོ་མ་རིང་།།
འཚོ་བའི་རྟེན་གྱི་ཁུག་མ་སྟོང་ལ་ཉེ།།
ང་ཉིད་འཆི་བའི་ཕྱི་ཡི་རྒྱུ་རྐྱེན་ཚང་།།

ཤ་ཁྲག་ལུས་ཀྱི་ཕུང་བོ་ནད་ཀྱིས་མནར།།
རུས་གོང་འདབ་མ་རླུང་གིས་དབང་མེད་སྐྱོད།།
ཕྱོགས་དང་ཕྱོགས་མཚམས་མི་ཡི་གྲིབ་མས་དབེན།།
སྙིང་ལ་བརྣག་པ་འཚོ་བྱེད་སྨན་གྱི་རྫས།།

བློ་ལྡན་ཕོ་རྒོད་ལྔ་བའི་ལམ་དུ་གཤེགས།།
བྱམས་ལྡན་ཡུམ་ཆེན་ཆུ་རྙོག་རླབས་ཀྱིས་ཁྱེར།།
ཁྲེལ་ཡོད་ན་ཟླའི་ཚོགས་རྣམས་ཡུལ་གྱིས་བསྐལ།།
ང་ཡི་ངུ་ངག་འདི་དག་སུ་ཡིས་ཐོས།།

སྨྲེང་བའི་རྣག་གིས་ལུས་ཀྱི་བྱང་ཁོག་གང་།།
མིག་ཆུའི་ཐིགས་པས་བྱེ་མའི་ས་གཞི་བརླན།།
ནུར་བས་སྐྱོད་པའི་རྗེས་ཤུལ་རི་མོ་གསལ།།
ཆ་རྒྱུས་མེད་པ་སྒྱུ་མའི་ཞིང་དུ་སླེབས།།

མུ་ཏིག་ལུས་ཕུང་འདམ་གྱིས་དྲི་མས་སྦགས།།
གཟི་འོད་ལང་ཚོ་སུས་ཀྱང་མཐོང་ནུས་མིན།།
སྒྱུ་མའི་ན་ཆུང་ཚོགས་ཀྱིས་མིག་ལམ་ན།།
གདོན་གྱི་ཐ་གུ་སྒྲིལ་བའི་མདུད་པ་ཉིད།།

བཙན་པོའི་བུ་ཡིས་བརྡུངས་ཀྱང་རྒྱབ་རོགས་མེད།།
ཡན་ལག་རྣམས་ལྔ་རྨས་ཀྱང་སྨན་པ་མེད།།
ཤར་ནུབ་གང་དུ་འཕགས་ཀྱང་བདག་པོ་མེད།།
མཐོ་དམན་སུ་ཡིས་བརྙས་ཀྱང་རིན་ཐང་མེད།།

ཆུ་ལ་སྐྱུར་བས་ལང་ཚོའི་རི་མོ་བསུབས།།
མེ་ཡིས་བསྲེགས་པས་ལུས་ན་རྨ་ཁ་མང་།།
རླུང་ནག་འཚུབ་མས་འདམ་རྫབ་ཁྲོད་དུ་འཕངས།།
ས་ཡི་སྟེང་ནས་ཀུན་གྱིས་རྐང་པས་བརྫིས།།

དེ་ལྟར་འབྱུང་བཞི་འཁྲུགས་པའི་ཡོ་ལང་གིས།།
དམར་ཆུང་སྲོག་གི་རྩ་བར་བཟང་གྱུར་ཀྱང་།།
རྟེན་འབྱུང་རྒྱལ་པོས་བྱིན་པ་སྲོག་གི་རྒྱུན།།
དུམ་བུར་གཅོད་པའི་ལས་ལ་ཐམས་ཅད་རྨོངས།།

ས་བདག་རྒྱལ་པོ་མནལ་བའི་རྨི་ལམ་གྱིས།།
ང་ཡི་སྲོག་གི་རིན་ཐང་རྟོགས་གྱུར་ཀྱང་།།
རྒྱལ་སྲས་དར་མའི་རིགས་ལ་གནོད་དོགས་ནས།།
ཕོ་འདོམ་དགུ་ལྡན་དོང་གི་ཞབས་སུ་སྦས།།

འུར་ཟིང་རླུས་གིས་སྐྱོད་པའི་འཇིག་རྟེན་མིས།།
ང་ཡི་ཕྱོགས་སུ་མིག་ཞགས་མ་གཏད་ཀྱང་།།
མཁའ་སྤྱོད་ཞིང་ན་བཞུགས་པའི་ཨ་མ་ཡི།།
སྤྲུལ་བའི་རྣམ་ཤེས་ང་ཡི་གམ་དུ་ཕེབས།།

གོས་ཀྱི་སྒྲིབ་གཡོགས་མེད་པ་གཅེར་བུའི་ལུས།།
ཨ་མའི་འཕྲུལ་གྱི་ཞགས་པས་དྲངས་གྱུར་ཀྱང་།།
ཁོར་ཡུག་འཁྱགས་པས་བསྡམས་པའི་ལྷགས་རླུང་ཁྲོད།།
ལུས་སུ་མཐོང་བ་གྲང་བའི་བ་སྤུ་ཉིད།།

གྲང་རེག་རྣོན་པོའི་ངར་ལྡན་དགུན་གྱི་མགྲོན།།
ཕྱིར་མི་འོང་བའི་ས་ལ་གཤེགས་ན་ཡང་་།།
ལྟོགས་སྐོམ་ཨ་ཐང་ཆད་པ་དཔྱིད་ཀྱི་བུ།།
འཆི་དང་གསོན་པའི་ངེས་པ་ལྐོག་གྱུར་ཉིད།།

རྩོམ་ཁུངས། འཇིགས་མེད་ཀྱི་སྙན་རྩོམ་ཕྱོགས་བསྒྲིགས།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།