ཆོས་སྲིད་འགལ་འདུའི་ཁྲོད་ཀྱི་གྲྭ་བ།

མགར་ཚང་དར་རྒྱས།༼རྩེ་ཁོག༽ མཆོད་མེ་བོད་ཀྱི་རྩོམ་རིག་དྲ་བ། 2011-08-31


མཚོ་ལྷོའི་ཀླུ་ཚང་གི་གྲྭ་བ་ཕལ་ཆེར་ཞིག།
ཆོས་སྲིད་ཟུང་འབྲེལ་གྱི་ལུགས་ལ་མོས་པ་དང་།།
ཤེས་རིག་ནོར་གླིང་གི་དགེ་རྒན་ཆེན་མོ་འགའ།།
ཁ་སྣ་མིང་བཏགས་ཀྱི་རྩོམ་རིག་འབྲི་ལ་དགའ།།

རྔ་བ་ཀིརྟི་ཡི་དགེ་བཤེས་སྒོ་ཤེར་གྱིས།།
ཆོས་སྲིད་ཐ་དད་ཀྱི་ཕྱོགས་ལ་འགྲོ་དགོས་ཟེར།།
མདོ་སྨད་རེབ་གོང་གི་གྲྭ་བཙུན་ཁ་ཤས་ཀྱིས།།
བསྟན་པ་ཆབ་སྲིད་ཀྱི་རྒྱུན་འདི་སྐྱོང་དགོས་བཤད།།

བོད་ཀྱི་འབྲོག་པ་ཚོའི་འཚོ་བ་རོལ་ཕྱོགས་ལ།།
ཞིབ་འདང་ཟབ་མོ་ཞིག་བརྒྱབ་མིན་མི་ཤེས་ཀྱང་།།
ཟི་ཁྲོན་གསེར་རྟ་ཡི་མཁན་པོ་རྣམས་གཉིས་ཀྱིས།།
སྡིག་ཤ་གཅོད་དགོས་ཞེས་གྲྭ་གྲོང་ཁྱད་མེད་གསུང་།།

ཨ་ཁུ་རྒྱ་གྲོལ་གྱི་ནང་བསྟན་དཔལ་འབྱོར་དེ།།
རྒྱལ་བའི་དགོངས་དོན་དང་འགལ་ཞེས་སྒོ་ཤེར་གླེང་།།
སྒོ་ཤེར་རིག་གསར་དང་མཐུན་ལུགས་མང་བོ་ཞིག།
བློ་བཟང་དོན་འགྲུབ་ཀྱིས་ཁ་ཚོན་བཅད་ནས་སྨྲས།།

ཆོས་སྲིད་ཐ་དད་ཀྱི་སྲོལ་དེ་མི་བཟང་བས།།
ཆོས་སྲིད་ཟུང་འབྲེལ་གྱི་ལུགས་ལ་འབད་དགོས་ཞེས།།
རྒྱལ་བོ་གླང་དར་གྱིས་དམྱལ་བའི་གཏིང་རིམ་ནས།།
བྱ་མདོ་གུར་ཀུམ་ལ་སེམས་ཀྱི་འཕྲིན་པ་འབྱོར།།

སྨར་ཁམས་དགོན་པ་ན་སྒ་བུ་སྨྱོ་ལ་ཁད།།
ཨ་མཆོག་སྒྱིས་ཚང་ན་སྟག་སྨིག་རྒྱུགས་ལ་ཁད།།
དུས་རབས་ཉེར་གཅིག་གི་བོད་ཀྱི་དགོན་སྡེ་ན།།
ཆོས་སྲིད་འགལ་མིན་ལ་ཁ་ཡོད་ཚང་མས་རྩོད།།

མང་རའི་རྒྱ་གྲོལ་གྱི་རྒྱབ་དཔུང་འཐུག་ནི་རེད།།
དཔའ་རིས་དོར་ཞི་ཁོང་རྗེས་ན་རི་བཞིན་འགྱིང་།།
རྔ་བའི་སྒོ་ཤེར་གྱི་སེམས་ལྗོངས་ཕྱུག་ནི་རེད།།
དུང་དཀར་ཆོས་སྲིད་ཀྱི་དཔེ་ཆ་མདུན་ན་ཡོད།།

སྤྲུལ་སྐུ་ཁ་ཤས་ཤིག་ཆབ་སྲིད་ལག་རྡོ་རེད།།
བཙུན་པ་ལ་ལ་ཞིག་གོང་མའི་ཕོགས་ལེན་རེད།
ཆོས་སྲིད་འགལ་མིན་གྱི་གནད་དོན་མི་ཤེས་ཀྱང་།།
ཆོས་པ་རྣལ་མ་ཞིག་འཁྲུངས་རྒྱུ་དཀའ་མོ་རེད།།
                  ༢༠༡༡  ༢   ༥ཉིན།

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཆོས་སྲིད་འགལ་འདུའི་ཁྲོད་ཀྱི་གྲྭ་བ།

2011-08-31 མགར་ཚང་དར་རྒྱས།༼རྩེ་ཁོག༽ ཀློག་གྲངས། མཆན ཡོད།


མཚོ་ལྷོའི་ཀླུ་ཚང་གི་གྲྭ་བ་ཕལ་ཆེར་ཞིག།
ཆོས་སྲིད་ཟུང་འབྲེལ་གྱི་ལུགས་ལ་མོས་པ་དང་།།
ཤེས་རིག་ནོར་གླིང་གི་དགེ་རྒན་ཆེན་མོ་འགའ།།
ཁ་སྣ་མིང་བཏགས་ཀྱི་རྩོམ་རིག་འབྲི་ལ་དགའ།།

རྔ་བ་ཀིརྟི་ཡི་དགེ་བཤེས་སྒོ་ཤེར་གྱིས།།
ཆོས་སྲིད་ཐ་དད་ཀྱི་ཕྱོགས་ལ་འགྲོ་དགོས་ཟེར།།
མདོ་སྨད་རེབ་གོང་གི་གྲྭ་བཙུན་ཁ་ཤས་ཀྱིས།།
བསྟན་པ་ཆབ་སྲིད་ཀྱི་རྒྱུན་འདི་སྐྱོང་དགོས་བཤད།།

བོད་ཀྱི་འབྲོག་པ་ཚོའི་འཚོ་བ་རོལ་ཕྱོགས་ལ།།
ཞིབ་འདང་ཟབ་མོ་ཞིག་བརྒྱབ་མིན་མི་ཤེས་ཀྱང་།།
ཟི་ཁྲོན་གསེར་རྟ་ཡི་མཁན་པོ་རྣམས་གཉིས་ཀྱིས།།
སྡིག་ཤ་གཅོད་དགོས་ཞེས་གྲྭ་གྲོང་ཁྱད་མེད་གསུང་།།

ཨ་ཁུ་རྒྱ་གྲོལ་གྱི་ནང་བསྟན་དཔལ་འབྱོར་དེ།།
རྒྱལ་བའི་དགོངས་དོན་དང་འགལ་ཞེས་སྒོ་ཤེར་གླེང་།།
སྒོ་ཤེར་རིག་གསར་དང་མཐུན་ལུགས་མང་བོ་ཞིག།
བློ་བཟང་དོན་འགྲུབ་ཀྱིས་ཁ་ཚོན་བཅད་ནས་སྨྲས།།

ཆོས་སྲིད་ཐ་དད་ཀྱི་སྲོལ་དེ་མི་བཟང་བས།།
ཆོས་སྲིད་ཟུང་འབྲེལ་གྱི་ལུགས་ལ་འབད་དགོས་ཞེས།།
རྒྱལ་བོ་གླང་དར་གྱིས་དམྱལ་བའི་གཏིང་རིམ་ནས།།
བྱ་མདོ་གུར་ཀུམ་ལ་སེམས་ཀྱི་འཕྲིན་པ་འབྱོར།།

སྨར་ཁམས་དགོན་པ་ན་སྒ་བུ་སྨྱོ་ལ་ཁད།།
ཨ་མཆོག་སྒྱིས་ཚང་ན་སྟག་སྨིག་རྒྱུགས་ལ་ཁད།།
དུས་རབས་ཉེར་གཅིག་གི་བོད་ཀྱི་དགོན་སྡེ་ན།།
ཆོས་སྲིད་འགལ་མིན་ལ་ཁ་ཡོད་ཚང་མས་རྩོད།།

མང་རའི་རྒྱ་གྲོལ་གྱི་རྒྱབ་དཔུང་འཐུག་ནི་རེད།།
དཔའ་རིས་དོར་ཞི་ཁོང་རྗེས་ན་རི་བཞིན་འགྱིང་།།
རྔ་བའི་སྒོ་ཤེར་གྱི་སེམས་ལྗོངས་ཕྱུག་ནི་རེད།།
དུང་དཀར་ཆོས་སྲིད་ཀྱི་དཔེ་ཆ་མདུན་ན་ཡོད།།

སྤྲུལ་སྐུ་ཁ་ཤས་ཤིག་ཆབ་སྲིད་ལག་རྡོ་རེད།།
བཙུན་པ་ལ་ལ་ཞིག་གོང་མའི་ཕོགས་ལེན་རེད།
ཆོས་སྲིད་འགལ་མིན་གྱི་གནད་དོན་མི་ཤེས་ཀྱང་།།
ཆོས་པ་རྣལ་མ་ཞིག་འཁྲུངས་རྒྱུ་དཀའ་མོ་རེད།།
                  ༢༠༡༡  ༢   ༥ཉིན།

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།