ཡ་གིའི་ཐར་པའི་ལམ་སྣེ་འཚོལ་ཕྱིར་བདག་སེམས་ལྷ་ཡི་ཁང་བཟང་འགྲམ་ན་འཁོར་ཞིང་སྐོར་ལམ་རིང་མོ་འགྲིམས།།
མ་ཎི་འཁོར་ལོ་འཁོར་དང་ལྷན་དུ་བདག་ཀྱང་དབེན་པའི་གནས་འདིར་སེམས་པ་ལྷོད་ཀྱིས་རྒྱུ་བ་ཡང་དུ་རྒྱུ།།
མཛེས་སྡུག་ཡིད་འོང་འདམ་གྱི་སྐྱོན་བྲལ་པདྨ་དཀར་པོ་ཁྱེད་ནི་ལྷ་ཡི་ཕྱག་ནས་བདག་གི་འགྲམ་དུ་ལྷུང་།།
འཛུམ་པའི་བཞིན་བཟང་ཟླ་བ་དཀར་པོ་ཅུང་ཟད་དམར་བའི་མདངས་ཅན་མཚམས་སྤྲིན་གོས་བཟང་རྒྱན་གྱིས་ལྷུབ་པར་བྱས།།

མཐོང་བ་ཙམ་གྱིས་བདག་གི་ཡིད་སེམས་བུང་བ་སེར་པོའི་རོ་འཛིན་སྨྱོས་ཏེ་འདོད་སྲེད་རླུང་གི་གཤོག་འདབ་བསྐྱོད།།

ཨུཏྤལ་མདངས་ལྡན་དཀྱུས་རིང་སྤྱན་ཟུང་བདག་གི་ཕྱོགས་སུ་གཡོས་པ་ཙམ་གྱིས་དགའ་བ་རབ་རྒྱས་ཡིད་བདེ་འཕེལ།།
བདག་གིས་ངལ་བ་དང་དུ་བླངས་ནས་གནས་འདིར་ཁྱེད་རང་དྲན་ཞིང་བསམ་སྟེ་མདུན་དུ་བསྐྱོད་ཅིང་རྒྱབ་ཏུ་བལྟས།།
 

རྩོམ་ཁུངས། ངེད་དྲ་བ།