ཉམ་ཆུང་ལུ་གུའི་སྨྲེ་ངག

ཀ་ཡེ་ལན་གཅིག་གསོན་དང་གྲོགས་པོ་ལགས། །
ཉམ་ཆུང་ལུ་གུ་ང་ཡི་དགའ་སྐྱོ་དང་། །
ཡ་ཆུང་སེམས་ནས་འཕྱུར་བའི་སྐྱབས་འཇུག་ཅིག །
སྨྲ་ཤེས་དོན་གོ་ཅན་ལ་ཞུ་བར་འདོད། །
 
ཁྱེད་རང་ཕ་མ་མཉམ་དུ་འཛོམས་པ་དང་། །
བདེ་སྐྱིད་ལྡན་པའི་འཚོ་བ་རོལ་བའི་སྐབས། །
གློ་བུར་གཞན་གྱི་འཚེ་བས་ཁ་ཕྲལ་ན། །
འབྲལ་འདོད་ཡོད་མེད་སུས་ཀྱང་བཤད་མ་དགོས། །
 
ཕྱི་རོལ་ཡུལ་གྱི་དངོས་པོའི་མཛེས་ལྗོངས་དང་། །
མ་བུའི་བར་གྱི་ལྷད་མེད་བརྩེ་དུངས་བཅས། །
རྩྭ་ཆུ་གང་བཟང་འཚོ་བ་རོལ་རྒྱུ་སོགས། །
གང་སྐྱིད་འདོད་པ་མི་དང་ཁྱད་ཅི་ཡོད། །
 
སྔོན་ལས་དབང་གི་རྐང་གཉིས་རྐང་བཞི་དང་། །
ཕན་ཚུན་གླེང་མོལ་ཤེས་མིན་མ་གཏོགས་པ། །
ནང་གི་སེམས་ཀྱི་དགའ་སྐྱོ་ཆགས་སྡང་སོགས། །
གཅིག་མཚུངས་ཡིན་པ་སྐྱེས་ཆེན་དུ་མས་གསུངས། །
 
ཁྲེལ་མེད་ཧམ་སེམས་ཅན་གྱི་བདག་པོ་ཁོས། །
དགེ་མེད་འཇིགས་རུང་ཤན་པའི་ལག་ཏུ་བཞག །
ནུས་མེད་ང་ཡི་གཟུགས་གཞི་ཐང་ལ་སྦྱར། །
བསླུ་མེད་མཆོག་གསུམ་དམ་པས་ལམ་སྟོན་མཛོད། །
 
ལུས་ལ་གང་འཇམ་བྱེད་རྒྱུའི་དངོས་མང་ཡང་། །
ལུ་གུའི་ཚ་རུ་ཡག་ཅེས་མཛེས་རྒྱན་རློམ། །
གནས་སྐབས་ཁྱེད་ཀྱི་ལུས་ལ་བདེ་སྲིད་ཀྱང་།  །
ང་ཡི་སྲོག་དབུགས་འདི་ལྟར་ཁྱེད་ཀྱིས་འཕྲོག །
 
ཁ་ནས་གཞན་ཕན་བྱམས་བརྩེ་གྱེར་བཞིན་དུ། །
གྱོན་རྒྱུ་ལྤགས་རིགས་བཟའ་རྒྱུ་ཤ་རིགས་བྱེད། །
ཁ་དོན་མི་མཚུངས་ལས་དག་རིང་དོར་ནས། །
ཉིན་བཞིན་ཉུང་དུ་གཏོང་རོགས་དུད་འགྲོའི་རེ། །
 
ཁྱེད་ནི་ལས་སྨོན་བཟང་པོའི་མཐུ་སྟོབས་ཀྱིས། །
འགྲོ་དྲུག་མཆོག་གྱུར་མི་ཡི་ལུས་རྟེན་རྙེད། །
གང་འདོད་ཡིན་བསམ་འདོད་རྔམ་མ་ཆེ་ནས། །
ངེད་ཚོའི་སྲོག་ལ་གཅེས་སྐྱོང་གནང་བར་རེ། །
   འདི་ནི་ཁོ་བོ་གཞུང་དོན་གྱིས་གཤམ་བསྐྱོད་སྐབས་སུ་མི་འགའི་སྐད་ཆའི་བཤད་སྟངས་དང་བྱ་སྤྱོད་ལ་གཞིགས་ནས་ལུག་གུ་ཆུང་ཆུང་ཞིག་གི་ཚབ་ཏུ་བྲིས།

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཉམ་ཆུང་ལུ་གུའི་སྨྲེ་ངག

2012-02-06 ལྷ་གཡག་དར་མ། ཀློག་གྲངས། མཆན ཡོད།

ཀ་ཡེ་ལན་གཅིག་གསོན་དང་གྲོགས་པོ་ལགས། །
ཉམ་ཆུང་ལུ་གུ་ང་ཡི་དགའ་སྐྱོ་དང་། །
ཡ་ཆུང་སེམས་ནས་འཕྱུར་བའི་སྐྱབས་འཇུག་ཅིག །
སྨྲ་ཤེས་དོན་གོ་ཅན་ལ་ཞུ་བར་འདོད། །
 
ཁྱེད་རང་ཕ་མ་མཉམ་དུ་འཛོམས་པ་དང་། །
བདེ་སྐྱིད་ལྡན་པའི་འཚོ་བ་རོལ་བའི་སྐབས། །
གློ་བུར་གཞན་གྱི་འཚེ་བས་ཁ་ཕྲལ་ན། །
འབྲལ་འདོད་ཡོད་མེད་སུས་ཀྱང་བཤད་མ་དགོས། །
 
ཕྱི་རོལ་ཡུལ་གྱི་དངོས་པོའི་མཛེས་ལྗོངས་དང་། །
མ་བུའི་བར་གྱི་ལྷད་མེད་བརྩེ་དུངས་བཅས། །
རྩྭ་ཆུ་གང་བཟང་འཚོ་བ་རོལ་རྒྱུ་སོགས། །
གང་སྐྱིད་འདོད་པ་མི་དང་ཁྱད་ཅི་ཡོད། །
 
སྔོན་ལས་དབང་གི་རྐང་གཉིས་རྐང་བཞི་དང་། །
ཕན་ཚུན་གླེང་མོལ་ཤེས་མིན་མ་གཏོགས་པ། །
ནང་གི་སེམས་ཀྱི་དགའ་སྐྱོ་ཆགས་སྡང་སོགས། །
གཅིག་མཚུངས་ཡིན་པ་སྐྱེས་ཆེན་དུ་མས་གསུངས། །
 
ཁྲེལ་མེད་ཧམ་སེམས་ཅན་གྱི་བདག་པོ་ཁོས། །
དགེ་མེད་འཇིགས་རུང་ཤན་པའི་ལག་ཏུ་བཞག །
ནུས་མེད་ང་ཡི་གཟུགས་གཞི་ཐང་ལ་སྦྱར། །
བསླུ་མེད་མཆོག་གསུམ་དམ་པས་ལམ་སྟོན་མཛོད། །
 
ལུས་ལ་གང་འཇམ་བྱེད་རྒྱུའི་དངོས་མང་ཡང་། །
ལུ་གུའི་ཚ་རུ་ཡག་ཅེས་མཛེས་རྒྱན་རློམ། །
གནས་སྐབས་ཁྱེད་ཀྱི་ལུས་ལ་བདེ་སྲིད་ཀྱང་།  །
ང་ཡི་སྲོག་དབུགས་འདི་ལྟར་ཁྱེད་ཀྱིས་འཕྲོག །
 
ཁ་ནས་གཞན་ཕན་བྱམས་བརྩེ་གྱེར་བཞིན་དུ། །
གྱོན་རྒྱུ་ལྤགས་རིགས་བཟའ་རྒྱུ་ཤ་རིགས་བྱེད། །
ཁ་དོན་མི་མཚུངས་ལས་དག་རིང་དོར་ནས། །
ཉིན་བཞིན་ཉུང་དུ་གཏོང་རོགས་དུད་འགྲོའི་རེ། །
 
ཁྱེད་ནི་ལས་སྨོན་བཟང་པོའི་མཐུ་སྟོབས་ཀྱིས། །
འགྲོ་དྲུག་མཆོག་གྱུར་མི་ཡི་ལུས་རྟེན་རྙེད། །
གང་འདོད་ཡིན་བསམ་འདོད་རྔམ་མ་ཆེ་ནས། །
ངེད་ཚོའི་སྲོག་ལ་གཅེས་སྐྱོང་གནང་བར་རེ། །
   འདི་ནི་ཁོ་བོ་གཞུང་དོན་གྱིས་གཤམ་བསྐྱོད་སྐབས་སུ་མི་འགའི་སྐད་ཆའི་བཤད་སྟངས་དང་བྱ་སྤྱོད་ལ་གཞིགས་ནས་ལུག་གུ་ཆུང་ཆུང་ཞིག་གི་ཚབ་ཏུ་བྲིས།

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།