གནས་ཆེན་རི་བོ་རྩེ་ལྔའི་མཐོང་ཐོས་ཚིགས་སུ་ བཅད་པ་ལི་ཤིའི་ཕྲེང་བ།༡

ཀུན་དགའ་སྙིང་བོ། མཆོད་མེ་བོད་ཀྱི་རྩོམ་རིག་དྲ་བ། 2015-03-17


རི་བོ་གཏུབ་ཀྱིན་གཏུབ་ཀྱིན།།
ཆུ་བོར་བརྒལ་གྱིན་བརྒལ་གྱིན།།
རི་ཆུ་སྟོང་གི་ཕ་མཐར།།
རིམ་གྱིས་རིམ་གྱིས་སོང་ཡོད།།

ཕྱི་ཚུལ་ས་ཡི་རི་ལུང་།།
གནས་ཚུལ་ལྷ་ཡི་བཀོད་པ།།
དྭངས་བསིལ་རི་བོ་ཞེས་པར།།
བདེ་ལེགས་ངང་གིས་འབྱོར་ཡོད།།

སྨུག་སྤྲིན་ལང་ལོང་ཆད་ཅིང་།།
སྦྲང་ཆར་ཤག་ཤག་འཇོ་བའི།།
ལྷུན་ཆགས་རི་བོ་དེ་ནས།།
རང་བཞིན་སེམས་ལ་བལྟས་ཡོད།།


རིག་འཛིན་ཚང་དབྱངས་རྒྱ་མཚོས།།
རིག་སྟོང་དབྱེར་མེད་ངང་དུ།།
རི་བོར་དབེན་པ་སྟེན་སར།།
སྤྲོ་ཞིང་འཛུམ་ནས་བསྡད་ཡོད།།

འཇམ་དཔལ་ཡེ་ཤེས་སེམས་དཔའ།།
ཡིད་ཀྱི་གུར་དུ་སྒོམ་གྱིན།།
རང་སེམས་བླ་མའི་ཐུགས་དང་།།
མཉམ་པོར་བསྲེས་ནས་བསྡད་ཡོད།།

ཐང་མང་ས་སྐྱོང་མང་བོས།།
དད་པས་གཙུགས་སུ་མཆོད་པའི།།
ཤེས་རབ་ལྷ་ཡི་གནས་སུ།།
སེམས་བག་ལྷོད་དེ་བསྡད་ཡོད།།

ཁོ་བོ་གནས་ས་འགྲོ་ཡུལ།།
དེ་ལྟར་ཉུང་ཙམ་ཞུས་ནས།།
ཡུལ་འདིའི་ཕྱི་ཡི་བཀོད་པ།།
རག་ཙམ་རིག་ཙམ་ཞུ་ན།།

རི་བོ་མཐོ་ཞིང་བརྗིད་ཀི།།
ཆུ་བོ་དྭངས་ཤིང་གཙང་གི།།
རི་འདབས་ལྕང་ལོའི་གསེབ་ན།།
རུ་གྲོང་མཛེས་ཤིང་སྐྱིད་ཀི།།

ཕྱོགས་བཞི་ལྷུན་པོའི་རྩེ་ན།།
ལྷིང་འཇག་ཞི་བའི་གྲོ་རེ།།
ལྷུན་སྡུག་དབུས་ཀྱི་རི་བོའི།།
རྩེ་མོ་དགུང་ལ་ཟུག་འདུག།

རི་རྩེའི་སེར་ཆེན་མེ་ཏོག།
གསེར་ཕྱེ་ཐང་མར་བརྡལ་འདྲ།།
བདེ་འཇམ་ཡངས་བའི་སྤང་ཡང་།།
གཡུ་ཡི་མེ་ལོང་འདྲའོ།།

སྤང་དང་མེ་ཏོག་བར་ན།།
རྟ་ཟོག་སོས་བག་དལ་ཞིང་།།
རི་བྱིས་འཇོལ་མོའི་ཚོགས་ཀྱང་།།
ཀྱུར་ཀྱུར་སྐྱིད་ལ་རོལ་ལོ།།

རི་སྐེད་བྲག་རི་མདའ་མདུང་།།
བར་བར་ཆུ་མིག་ཤར་ཤུར།།
རི་བོའི་རྒྱང་ནས་བལྟས་ན།།
མཚམས་དང་མཚམས་སུ་ཆགས་ཡོད།།

བྲག་དང་ཆུ་མིག་བར་ན།།
གཡང་དཀར་ལུག་དང་ར་མ།།
རང་རང་ཚོགས་སུ་སྐྱིད་པ།།
ཕྱི་ནས་བལྟས་ན་མངོན་གི།

རི་འདབ་ནགས་ཀློང་ཕྱུག་མོ།།
ནགས་ལ་མེ་ཏོག་སྨིན་པ།།
མདོག་དབྱིབ་འདི་དང་ཞེས།།
གྲངས་དང་ངེས་བཟུང་མི་ཆོད།།

ཚང་ཚིང་ནགས་ཀྱི་གསེབ་ན།།
དམ་ཆོས་དཔལ་ལ་རོལ་བའི།།
ལྷུན་ཆགས་ཞི་བའི་གྲོང་དག།
མཐོང་བས་ཡིད་དབང་འཕྲོག་གོ།།

ཡལ་འདབ་གྲིབ་མའི་བསིལ་དུ།།
དགེ་འདུན་དལ་གྱིས་འདུས་ཏེ།།
འོད་མཚན་དབྱངས་སུ་འཐེན་དུས།།
དད་བའི་སྤུ་ལོང་གཡོ་འོང་།།
        ཞེས་པ་ནི་ཕྱིའི་རི་ལུང་གི་བཀོད་པའོ།།

(མཆོད་མེའི་པར་དབང་གཞན་གྱིས་དགོལ་མི་རུང)
 

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

གནས་ཆེན་རི་བོ་རྩེ་ལྔའི་མཐོང་ཐོས་ཚིགས་སུ་ བཅད་པ་ལི་ཤིའི་ཕྲེང་བ།༡

2015-03-17 ཀུན་དགའ་སྙིང་བོ། ཀློག་གྲངས། མཆན ཡོད།


རི་བོ་གཏུབ་ཀྱིན་གཏུབ་ཀྱིན།།
ཆུ་བོར་བརྒལ་གྱིན་བརྒལ་གྱིན།།
རི་ཆུ་སྟོང་གི་ཕ་མཐར།།
རིམ་གྱིས་རིམ་གྱིས་སོང་ཡོད།།

ཕྱི་ཚུལ་ས་ཡི་རི་ལུང་།།
གནས་ཚུལ་ལྷ་ཡི་བཀོད་པ།།
དྭངས་བསིལ་རི་བོ་ཞེས་པར།།
བདེ་ལེགས་ངང་གིས་འབྱོར་ཡོད།།

སྨུག་སྤྲིན་ལང་ལོང་ཆད་ཅིང་།།
སྦྲང་ཆར་ཤག་ཤག་འཇོ་བའི།།
ལྷུན་ཆགས་རི་བོ་དེ་ནས།།
རང་བཞིན་སེམས་ལ་བལྟས་ཡོད།།


རིག་འཛིན་ཚང་དབྱངས་རྒྱ་མཚོས།།
རིག་སྟོང་དབྱེར་མེད་ངང་དུ།།
རི་བོར་དབེན་པ་སྟེན་སར།།
སྤྲོ་ཞིང་འཛུམ་ནས་བསྡད་ཡོད།།

འཇམ་དཔལ་ཡེ་ཤེས་སེམས་དཔའ།།
ཡིད་ཀྱི་གུར་དུ་སྒོམ་གྱིན།།
རང་སེམས་བླ་མའི་ཐུགས་དང་།།
མཉམ་པོར་བསྲེས་ནས་བསྡད་ཡོད།།

ཐང་མང་ས་སྐྱོང་མང་བོས།།
དད་པས་གཙུགས་སུ་མཆོད་པའི།།
ཤེས་རབ་ལྷ་ཡི་གནས་སུ།།
སེམས་བག་ལྷོད་དེ་བསྡད་ཡོད།།

ཁོ་བོ་གནས་ས་འགྲོ་ཡུལ།།
དེ་ལྟར་ཉུང་ཙམ་ཞུས་ནས།།
ཡུལ་འདིའི་ཕྱི་ཡི་བཀོད་པ།།
རག་ཙམ་རིག་ཙམ་ཞུ་ན།།

རི་བོ་མཐོ་ཞིང་བརྗིད་ཀི།།
ཆུ་བོ་དྭངས་ཤིང་གཙང་གི།།
རི་འདབས་ལྕང་ལོའི་གསེབ་ན།།
རུ་གྲོང་མཛེས་ཤིང་སྐྱིད་ཀི།།

ཕྱོགས་བཞི་ལྷུན་པོའི་རྩེ་ན།།
ལྷིང་འཇག་ཞི་བའི་གྲོ་རེ།།
ལྷུན་སྡུག་དབུས་ཀྱི་རི་བོའི།།
རྩེ་མོ་དགུང་ལ་ཟུག་འདུག།

རི་རྩེའི་སེར་ཆེན་མེ་ཏོག།
གསེར་ཕྱེ་ཐང་མར་བརྡལ་འདྲ།།
བདེ་འཇམ་ཡངས་བའི་སྤང་ཡང་།།
གཡུ་ཡི་མེ་ལོང་འདྲའོ།།

སྤང་དང་མེ་ཏོག་བར་ན།།
རྟ་ཟོག་སོས་བག་དལ་ཞིང་།།
རི་བྱིས་འཇོལ་མོའི་ཚོགས་ཀྱང་།།
ཀྱུར་ཀྱུར་སྐྱིད་ལ་རོལ་ལོ།།

རི་སྐེད་བྲག་རི་མདའ་མདུང་།།
བར་བར་ཆུ་མིག་ཤར་ཤུར།།
རི་བོའི་རྒྱང་ནས་བལྟས་ན།།
མཚམས་དང་མཚམས་སུ་ཆགས་ཡོད།།

བྲག་དང་ཆུ་མིག་བར་ན།།
གཡང་དཀར་ལུག་དང་ར་མ།།
རང་རང་ཚོགས་སུ་སྐྱིད་པ།།
ཕྱི་ནས་བལྟས་ན་མངོན་གི།

རི་འདབ་ནགས་ཀློང་ཕྱུག་མོ།།
ནགས་ལ་མེ་ཏོག་སྨིན་པ།།
མདོག་དབྱིབ་འདི་དང་ཞེས།།
གྲངས་དང་ངེས་བཟུང་མི་ཆོད།།

ཚང་ཚིང་ནགས་ཀྱི་གསེབ་ན།།
དམ་ཆོས་དཔལ་ལ་རོལ་བའི།།
ལྷུན་ཆགས་ཞི་བའི་གྲོང་དག།
མཐོང་བས་ཡིད་དབང་འཕྲོག་གོ།།

ཡལ་འདབ་གྲིབ་མའི་བསིལ་དུ།།
དགེ་འདུན་དལ་གྱིས་འདུས་ཏེ།།
འོད་མཚན་དབྱངས་སུ་འཐེན་དུས།།
དད་བའི་སྤུ་ལོང་གཡོ་འོང་།།
        ཞེས་པ་ནི་ཕྱིའི་རི་ལུང་གི་བཀོད་པའོ།།

(མཆོད་མེའི་པར་དབང་གཞན་གྱིས་དགོལ་མི་རུང)
 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།