ཀླུ་སྨྱོན་ཧེ་རུ་ཀའི་རྩོམ་གསར་བ། དགའ་ལྡན་ལྔ་མཆོད་ཀྱི་སྙན་ཐུང་།

ཀླུ་སྨྱོན་ཧེ་རུ་ཀ མཆོད་མེ་བོད་ཀྱི་རྩོམ་རིག་དྲ་བ། 2015-03-29


འཇམ་མགོན་ཆོས་ཀྱི་རྒྱལ་པོ། །
གངས་ཅན་མཁས་པའི་གཙུག་རྒྱན། །
ཟོལ་བསྟོད་འདི་ཚོ་མེད་ན། །
ཁྱོད་ནི་ཨ་མདོའི་གྲྭ་རྐྱང་། །
དགེ་འདུན་ཆོས་འཕེལ་ཇི་བཞིན། །
གྲྭ་པ་གྲྭ་རྐྱང་ཞིག་གིས། །
ཕ་ཡུལ་ཨ་མདོ་བསྐྱུར་ནས། །
དབུས་ལམ་འགྲིམས་པའི་གཏམ་རྒྱུད། །
མཁས་པ་ཡིན་ན་ཡིན་ཆུགས། །
སྦྱིན་བདག་ཡིན་ན་ཡོད་ཆུགས། །
ཨ་མདོའི་གྲྭ་རྐྱང་ཁྱོད་ལ། །
རྩམ་པ་མེད་དུས་ཡོད་སྲིད། །
སློབ་མ་མང་ན་མང་ཆུགས། །
གདན་འདྲེན་ཡོད་ན་ཡོད་ཆུགས། །
ཨ་མ་དྲན་པའི་གདུང་བས། །
ཁྱོད་ལ་མནར་གཅོད་བཏང་ཡོད། །
བྱ་དེ་ར་སྒྲེང་ཁུ་བྱུག །
གསུང་སྐད་སྙན་མོ་མ་སྒྲོགས། །
ཨ་མདོ་བློ་བཟང་གྲགས་པས། །
ཨ་མ་དྲན་ཐེངས་མང་གི །
མཁས་པའི་གྲགས་པ་འབར་རྗེས། །
ལྷ་ཚོགས་ཞལ་མཇལ་མང་རྗེས། །
སློབ་ཚོགས་གྲངས་ཀ་འཕེལ་བས། །
ཨ་མདོའི་གྲྭ་རྐྱང་ཁྱོད་ཀྱང་། །
མི་ནས་ལྷ་རུ་བསྒྱུར་སོང་། །
བསྟོད་པ་བྱེད་དུས་ལྷ་རེད། །
ཐང་ཀ་བཞེངས་དུས་ལྷ་རེད། །
ཡིད་ལ་སྒོམ་དུས་ལྷ་རེད། །
མི་ཡི་རྗེས་ཤུལ་མི་འདུག །
ཁྱོད་དང་ངེད་གཉིས་སྐྱེས་ས། །
ཨ་མ་གཉིས་ཀྱི་པང་རེད། །
ཤ་ཁྲག་ལུས་པོ་ཡོད་པས། །
མི་ཞིག་མིན་ན་གང་རེད། །
ཁྱོད་ཀྱིས་དགོན་པ་བཏབ་སོང་། །
ཁྱོད་ཀྱིས་བསྟན་བཅོས་བརྩམས་སོང་། །
ལྟ་ལོག་ཟེར་དུས་སྨད་སོང་། །
བདུད་སྤྲུལ་ལབ་ནས་དམོད་སོང་། །
ས་སྐྱ་མ་དགའ་ཁྲོས་སོང་། །
ཀར་གླིང་ལུང་བསྟན་རྩུབ་སོང་། །
ཁྱོད་ཀྱང་མི་ཁ་ངན་པས། །
དག་པའི་ཞིང་དུ་བདས་སོང་། །
ཡིན་ཡང་བོད་ཀྱི་ཕྱེད་ཀ །
སོག་པོའི་རྒྱལ་ཁམས་ཡོང་རྫོགས། །
ཁྱོད་ཀྱི་བུ་རབས་ཚ་བརྒྱུད། །
དངོས་ཡོད་ལོ་རྒྱུས་འདི་ཚོ། །
བསུབ་འདོད་ཡོད་ན་ལྟས་ངན། །
ཁྱོད་རང་དག་པའི་ཞིང་ན། །
བདེ་མོ་སྐྱིད་པོ་ཡིན་ནམ། །
ང་ནི་ས་མཐའ་ཞིག་ཏུ། །
ཁྱོད་རང་དྲན་ནས་བསྡད་ཡོད། །
དག་པའི་ཞིང་དུ་མཇལ་རྒྱུ། །
ཚོགས་བསགས་ལག་ཁྱེར་མེད་པས། །
ལྟག་སྒོ་འགྲོ་སྒོ་ཆུང་ཆུང་། །
ཕྱེ་རྒྱུ་ཡོད་ན་ཁྱེད་མཁྱེན། །
དགའ་ལྡན་ལྔ་མཆོད་ཟེར་དུས། །
ཡོད་པས་བརྒྱ་འབུལ་སྟོང་མཆོད། །
མེད་པས་མེ་ཏོག་མཆོད་འབུལ། །
ང་ནི་འདི་ཙམ་འབུལ་ལོ། །

(མཆོད་མེའི་པར་དབང་གཞན་གྱིས་དགོལ་མི་རུང)
 

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཀླུ་སྨྱོན་ཧེ་རུ་ཀའི་རྩོམ་གསར་བ། དགའ་ལྡན་ལྔ་མཆོད་ཀྱི་སྙན་ཐུང་།

2015-03-29 ཀླུ་སྨྱོན་ཧེ་རུ་ཀ ཀློག་གྲངས། མཆན ཡོད།


འཇམ་མགོན་ཆོས་ཀྱི་རྒྱལ་པོ། །
གངས་ཅན་མཁས་པའི་གཙུག་རྒྱན། །
ཟོལ་བསྟོད་འདི་ཚོ་མེད་ན། །
ཁྱོད་ནི་ཨ་མདོའི་གྲྭ་རྐྱང་། །
དགེ་འདུན་ཆོས་འཕེལ་ཇི་བཞིན། །
གྲྭ་པ་གྲྭ་རྐྱང་ཞིག་གིས། །
ཕ་ཡུལ་ཨ་མདོ་བསྐྱུར་ནས། །
དབུས་ལམ་འགྲིམས་པའི་གཏམ་རྒྱུད། །
མཁས་པ་ཡིན་ན་ཡིན་ཆུགས། །
སྦྱིན་བདག་ཡིན་ན་ཡོད་ཆུགས། །
ཨ་མདོའི་གྲྭ་རྐྱང་ཁྱོད་ལ། །
རྩམ་པ་མེད་དུས་ཡོད་སྲིད། །
སློབ་མ་མང་ན་མང་ཆུགས། །
གདན་འདྲེན་ཡོད་ན་ཡོད་ཆུགས། །
ཨ་མ་དྲན་པའི་གདུང་བས། །
ཁྱོད་ལ་མནར་གཅོད་བཏང་ཡོད། །
བྱ་དེ་ར་སྒྲེང་ཁུ་བྱུག །
གསུང་སྐད་སྙན་མོ་མ་སྒྲོགས། །
ཨ་མདོ་བློ་བཟང་གྲགས་པས། །
ཨ་མ་དྲན་ཐེངས་མང་གི །
མཁས་པའི་གྲགས་པ་འབར་རྗེས། །
ལྷ་ཚོགས་ཞལ་མཇལ་མང་རྗེས། །
སློབ་ཚོགས་གྲངས་ཀ་འཕེལ་བས། །
ཨ་མདོའི་གྲྭ་རྐྱང་ཁྱོད་ཀྱང་། །
མི་ནས་ལྷ་རུ་བསྒྱུར་སོང་། །
བསྟོད་པ་བྱེད་དུས་ལྷ་རེད། །
ཐང་ཀ་བཞེངས་དུས་ལྷ་རེད། །
ཡིད་ལ་སྒོམ་དུས་ལྷ་རེད། །
མི་ཡི་རྗེས་ཤུལ་མི་འདུག །
ཁྱོད་དང་ངེད་གཉིས་སྐྱེས་ས། །
ཨ་མ་གཉིས་ཀྱི་པང་རེད། །
ཤ་ཁྲག་ལུས་པོ་ཡོད་པས། །
མི་ཞིག་མིན་ན་གང་རེད། །
ཁྱོད་ཀྱིས་དགོན་པ་བཏབ་སོང་། །
ཁྱོད་ཀྱིས་བསྟན་བཅོས་བརྩམས་སོང་། །
ལྟ་ལོག་ཟེར་དུས་སྨད་སོང་། །
བདུད་སྤྲུལ་ལབ་ནས་དམོད་སོང་། །
ས་སྐྱ་མ་དགའ་ཁྲོས་སོང་། །
ཀར་གླིང་ལུང་བསྟན་རྩུབ་སོང་། །
ཁྱོད་ཀྱང་མི་ཁ་ངན་པས། །
དག་པའི་ཞིང་དུ་བདས་སོང་། །
ཡིན་ཡང་བོད་ཀྱི་ཕྱེད་ཀ །
སོག་པོའི་རྒྱལ་ཁམས་ཡོང་རྫོགས། །
ཁྱོད་ཀྱི་བུ་རབས་ཚ་བརྒྱུད། །
དངོས་ཡོད་ལོ་རྒྱུས་འདི་ཚོ། །
བསུབ་འདོད་ཡོད་ན་ལྟས་ངན། །
ཁྱོད་རང་དག་པའི་ཞིང་ན། །
བདེ་མོ་སྐྱིད་པོ་ཡིན་ནམ། །
ང་ནི་ས་མཐའ་ཞིག་ཏུ། །
ཁྱོད་རང་དྲན་ནས་བསྡད་ཡོད། །
དག་པའི་ཞིང་དུ་མཇལ་རྒྱུ། །
ཚོགས་བསགས་ལག་ཁྱེར་མེད་པས། །
ལྟག་སྒོ་འགྲོ་སྒོ་ཆུང་ཆུང་། །
ཕྱེ་རྒྱུ་ཡོད་ན་ཁྱེད་མཁྱེན། །
དགའ་ལྡན་ལྔ་མཆོད་ཟེར་དུས། །
ཡོད་པས་བརྒྱ་འབུལ་སྟོང་མཆོད། །
མེད་པས་མེ་ཏོག་མཆོད་འབུལ། །
ང་ནི་འདི་ཙམ་འབུལ་ལོ། །

(མཆོད་མེའི་པར་དབང་གཞན་གྱིས་དགོལ་མི་རུང)
 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།