ལྷ་སྒྲོལ་མ་དང་མྱི་སྒྲོལ་མ། ད་དུང་ངའི་སྒྲོལ་མ།

འཁྱམ་པོ།༼ ཟི་ལིང ༽ མཆོད་མེ་བོད་ཀྱི་རྩོམ་རིག་དྲ་བ། 2015-03-30


འདམ་གྱི་འཇིམ་ལ་ཚོན་གྱི་རྩལ་ཞིག་བཏོན།།
པིར་གྱི་སྣེ་ནས་སྤྱན་གྱི་གཟིགས་ཕྱོགས་ཤར།།
མགུལ་གྱི་ཆིངས་བྱེད་དངུལ་གྱི་ཁྲ་ཤན་བཏབ།།
སྐུ་ཡི་བཀོད་པ་སྒྲོམ་གཞིའི་བཅུད་ལ་ལྷུང་།།

སྤྱན་དང་དཔྲལ་མཚམས་སྨིན་མ་གྱེན་ལ་གསེག།
སྙན་དང་ཞལ་ཁ་འཇོང་བོའི་དབྱིབས་ལ་སྤྲད།།
རྒྱས་པའི་ནུ་མའི་འབུར་གཞོམ་ཐུར་དུ་དཔྱངས།།
ཤར་ལྷོ་གང་གི་ལུགས་ཡིན་སུ་ལ་གསལ།།

རྐང་གསུམ་ལན་བུའི་སྐྲ་ལོ་རྒྱན་ལ་ངོམས།།
དམར་སྨུག་མཁུར་མགོ་མཛེས་པའི་གྲལ་ལ་འཇོག།།
བརྡ་ཡི་རྒྱག་སྟངས་མིག་གི་འགུལ་སྟངས་ཉིད།།
སྒྲོལ་མའི་ཚོགས་འདི་ལུགས་ལྡོག་གྲངས་ལ་འགྱུར།།

མིག་གི་གྲུང་ཤར་བཙན་གྱིས་ལམ་ཞིག་ཕྱེས།།
གདོང་གི་མདོག་ལ་ཚོས་ཀྱིས་ཐབས་ཤིག་འཐེན།།
ཕྲ་ལྡེམ་གཟུགས་ལ་ཟ་ཚོད་འཐུང་ཚོད་གཅུན།།
སྐྱེས་པ་དུ་ཡི་རྣམ་ཤེས་ག་ཚོད་སྦྲུམ།།

འཛུམ་གྱི་ངོས་ལ་སུ་ཡི་གསང་བ་སྦེད།།
ནེམ་པོའི་མཆུ་ཡི་ངད་ཁ་གང་ལ་འཁོར།།
ཟླ་བའི་མངལ་སྒོ་པད་མའི་ལྟོ་བར་ཟགས།།
དགུ་ཚིགས་འདི་ལ་བདག་པོ་སུ་ཡིས་རྒྱག།

བགྲང་བྱ་གང་དང་རབ་བྱེད་དུ་རག་བར།།
དབུགས་ཀྱི་འབྱིན་རྔུབ་སྐར་ཆའི་གཞི་གྲངས་དག།
སྐད་དང་ཚིག་གི་མཐུན་འཇུག་བར་ཤོད་པ།།
མ་བོས་ལྷོད་ཀྱིས་བབས་པ་སྒྲོལ་མ་ཉིད།།
               2014.12.17 

(མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ལྷ་སྒྲོལ་མ་དང་མྱི་སྒྲོལ་མ། ད་དུང་ངའི་སྒྲོལ་མ།

2015-03-30 འཁྱམ་པོ།༼ ཟི་ལིང ༽ ཀློག་གྲངས། མཆན ཡོད།


འདམ་གྱི་འཇིམ་ལ་ཚོན་གྱི་རྩལ་ཞིག་བཏོན།།
པིར་གྱི་སྣེ་ནས་སྤྱན་གྱི་གཟིགས་ཕྱོགས་ཤར།།
མགུལ་གྱི་ཆིངས་བྱེད་དངུལ་གྱི་ཁྲ་ཤན་བཏབ།།
སྐུ་ཡི་བཀོད་པ་སྒྲོམ་གཞིའི་བཅུད་ལ་ལྷུང་།།

སྤྱན་དང་དཔྲལ་མཚམས་སྨིན་མ་གྱེན་ལ་གསེག།
སྙན་དང་ཞལ་ཁ་འཇོང་བོའི་དབྱིབས་ལ་སྤྲད།།
རྒྱས་པའི་ནུ་མའི་འབུར་གཞོམ་ཐུར་དུ་དཔྱངས།།
ཤར་ལྷོ་གང་གི་ལུགས་ཡིན་སུ་ལ་གསལ།།

རྐང་གསུམ་ལན་བུའི་སྐྲ་ལོ་རྒྱན་ལ་ངོམས།།
དམར་སྨུག་མཁུར་མགོ་མཛེས་པའི་གྲལ་ལ་འཇོག།།
བརྡ་ཡི་རྒྱག་སྟངས་མིག་གི་འགུལ་སྟངས་ཉིད།།
སྒྲོལ་མའི་ཚོགས་འདི་ལུགས་ལྡོག་གྲངས་ལ་འགྱུར།།

མིག་གི་གྲུང་ཤར་བཙན་གྱིས་ལམ་ཞིག་ཕྱེས།།
གདོང་གི་མདོག་ལ་ཚོས་ཀྱིས་ཐབས་ཤིག་འཐེན།།
ཕྲ་ལྡེམ་གཟུགས་ལ་ཟ་ཚོད་འཐུང་ཚོད་གཅུན།།
སྐྱེས་པ་དུ་ཡི་རྣམ་ཤེས་ག་ཚོད་སྦྲུམ།།

འཛུམ་གྱི་ངོས་ལ་སུ་ཡི་གསང་བ་སྦེད།།
ནེམ་པོའི་མཆུ་ཡི་ངད་ཁ་གང་ལ་འཁོར།།
ཟླ་བའི་མངལ་སྒོ་པད་མའི་ལྟོ་བར་ཟགས།།
དགུ་ཚིགས་འདི་ལ་བདག་པོ་སུ་ཡིས་རྒྱག།

བགྲང་བྱ་གང་དང་རབ་བྱེད་དུ་རག་བར།།
དབུགས་ཀྱི་འབྱིན་རྔུབ་སྐར་ཆའི་གཞི་གྲངས་དག།
སྐད་དང་ཚིག་གི་མཐུན་འཇུག་བར་ཤོད་པ།།
མ་བོས་ལྷོད་ཀྱིས་བབས་པ་སྒྲོལ་མ་ཉིད།།
               2014.12.17 

(མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།