སྣང་བ་ཆུ་ཕྲན་ཡིན་ཞིང་རླུང་བུ་ཡིན་པས།།
བདག་ཉིད་བདག་ལ་བྱམས་པ་སུ་ལ་ཡོད་ཅིང་།།
འཁོར་བ་ཆུང་ལ་གཙང་བའི་རི་མོ་དམར་པོ།།
མིག་ཟུང་རྡོག་པོའི་གྲི་ཟུར་འདབ་མ་གྱུར་བྱུང་།།

སྨུག་སྤྲིན་ལང་ལོང་ལྡང་ཞིང་ཆར་ཆུ་འཇོ་བྱུང་།།
མཁར་རྫོང་ཞེ་དྲགས་མཐོ་བ་ལས་དབང་མ་རེད།།
བདག་གི་ལོ་འཁོར་བརྒྱ་ཚོ་ཚུར་ལ་ལོག་པས།།
གངས་རི་སྟོང་ཕྲག་ཙམ་ཡང་ལམ་ན་བཞད་འདུག།

འབུ་སེར་དག་ལ་གཤོག་སྒྲོ་མཛེས་པ་ཡོད་ཅིང་།།
བར་སྣང་སྤྲིན་གྱི་ལོག་ནས་ཚུར་ལ་ཕེབས་ཚུལ།།
རྟོག་པའི་ཟོལ་ནས་གསང་བའི་མེ་ཏོག་སྐྱེས་པ།།
ཁམས་ལ་སྣང་བའི་རི་བོ་ཆེན་པོ་བཞེངས་སམ།།

ལམ་ནི་རྡོ་བའི་གཙེས་ཤིང་མུན་པའི་དེད་བྱུང་།།
བདག་གི་རྐང་པའི་ང་རྒྱལ་སྲིད་རྩེར་བསྙེག་པ།།
ལོ་ནི་དམར་ཞིང་རལ་བས་གཙང་པོ་འཁྱུག་འདྲ།།
ལྷ་ཡི་སྣང་བ་དཀར་པོ་བྱིན་རླབས་ལྡེམ་ལྡེམ།།

                15. 7. 28 

(མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།