སྣང་བ་ཡན་པ།༼ཞར་བཀོད་གཅིག་ཡོད ༽


ལང་ཚོ་རྒས་ཏེ་གཞན་དུ་གྱུར་ན་ཡང་།།
སེམས་ཀྱི་འདུན་པ་མ་རྒས་སྤྲོ་སྣང་འཕེལ།།
ལུས་ཀྱི་བར་ཐག་རིང་དུ་སོང་གྱུར་ཀྱང་།།
མཛའ་བརྩེའི་སྙིང་གཏམ་མ་ཆད་དགའ་བ་ལ།།

རི་རྩེ་གན་གྱིས་གངས་ཀྱི་ཞྭ་མོ་གྱོན།།
དགུན་གྱི་ལྷ་མོ་བྱོན་པའི་སྔ་ལྟས་ཉིད།།
ལུང་གཤོང་ཕ་གིའི་ཆུ་ཕྲན་ཆུང་ཆུང་དེས།།
གླུ་སྒྲ་སྙན་པའི་གདངས་སུ་གྱེར་གྱེར་བྱེད།།

བྱེའུ་ཆུང་རེ་རེ་མཁའ་ན་འཕུར་འཕུར་བྱེད།།
སྟོན་ལོ་སེར་པོ་ས་གཞིར་ལྷབ་ལྷུབ་འཐོར།།
སེམས་ཀྱི་སྣང་བས་བྱ་རྗེས་རྐང་པ་འཇོག།
ལུས་ཀྱི་ཉམས་སྣང་སྟོན་ལོའི་ཟོལ་དུ་གྱུར།།

ལོ་མའི་ཆུ་ཐིགས་འབབ་པ་སྙིང་ལ་སྡུག།
ཞོགས་ཉི་ཤར་རིར་འཕོས་པ་ཡིད་དུ་འོངས།།
གྱེས་སོང་བྲལ་བའི་ཁྱེད་རང་འཛུམ་ཙམ་གྱིས།།
ས་གཞིའི་མཛེས་སྡུག་ཀུན་འདུས་དེ་ཀ་ཙམ།།

མེ་ཏོག་འདབ་ལོ་རེ་རེ་དལ་གྱིས་བབས།།
ས་གཞི་མ་ལུས་ལོ་མས་མཛེས་པ་གྱུར།།
ལོ་མ་རེ་རེ་རླུང་གིས་མཁའ་ལ་སྤུར།།
མིག་ཟུང་མཆི་མའི་རྒྱུན་ཐག་ཆད་པར་གྱུར།།

འོད་ཀྱི་སྣང་བ་ལམ་ལམ་མཁའ་རུ་འཚེར།།
རྒྱ་མཚོའི་རྦ་རླབས་ཡམ་ཡོམ་ས་རུ་གཡོ།།
ཁྱེད་ཉིད་འཛུམ་ཙམ་འཛུམ་ཙམ་རྒྱང་ལ་ཆས།།
བདག་གིས་སྐྱོ་ངལ་སེམས་ལ་ཁ་ཏ་བྱས།།

སྔས་གཞིར་མགོ་བོ་བཞག་ཏེ་གཉིད་ལ་རོལ།།
སྒེའུ་ཁུང་འགྲམ་གྱི་སྟོན་ལོ་གཟན་པ་ལ།།
མལ་ཐུལ་གྱོན་ནས་བཙན་གྱིས་ཉལ་ན་ཡང་།།
ཟླ་འོད་འདི་ཡང་ལུས་ལ་རྩུབ་རེག་ལྡན།།

                                        རྒྱང་ལ་ཆས་པ།

གན་གྱི་གངས་རི་དེ་ནི་དབུ་རྩེ་མཐོ་བ།།
སྨུག་པའི་རྨུ་ཐག་དེ་ཡང་མཁའ་ལ་ཟུག་པ།།
ང་ཡིས་ཁྱེད་ཉིད་མཐོང་བའི་མུན་པར་གནས་ཀྱང་།།
སེམས་ཀྱི་མེ་ལོང་ངོས་ལ་ཁྱེད་རང་གསལ་བ།།

སྤྲིན་པ་ཐར་ཐོར་རྒྱང་ལ་དལ་དལ་སྐྱོད་དུས།།
ཉི་འོད་དམར་ཟེར་སེམས་ཀྱི་དུང་བ་འདྲ་བ།།
མིག་ཆུ་འཁྱག་པ་ཉིལ་ལེར་མཁའ་ལ་བལྟས་ཡིན།།
དབྱིངས་ཀྱི་ཆུ་འཛིན་རྗེས་ལ་སེམས་རྐང་འཇོག་འགྲོ།།

དེ་རིང་གནམ་གྱི་ཉི་མའི་དཔང་ཚད་མཐོ་ཡང་།།
ཁྱེད་རང་ཉི་ཟླའི་འགྲམ་ལ་འཕུར་བར་ངེས་སོ།།
ས་གཞིའི་གངས་དང་མཛེས་པའི་རྩི་ཏོག་མ་ལུས།།
ཁྱེད་ཀྱི་རི་དྭགས་མིག་གི་སྤྱོད་ཡུལ་ཡིན་ནོ།།

ཡིད་ཀྱི་མེ་ཏོག་རྐང་གཅིག་མཁའ་ལ་བསྐྱོད་རེད།།
འཇམ་པོའི་རླུང་དང་འགྲོགས་ནས་ཐང་ལ་འབབ་རེད།།
ས་གཞིའི་གཉེན་དང་བཤེས་ཀྱིས་ལག་པར་བཟུང་བའི།།
མཛའ་བརྩེའི་ཁ་བཏགས་རེ་རེས་ཁྱེད་རང་དྲན་པ།།

འདི་ནས་མེ་ཏོག་རྐང་གཅིག་རླུང་གིས་ཁུར་སོང་།།
ལས་དབང་རླུང་བུ་འདི་འདྲའི་ཞེ་སེམས་ནག་པ།།
གངས་ཀྱིས་གཡོག་པའི་གོ་ལའི་རི་རྩེ་དེ་ན།།
ང་ཡི་མེ་ཏོག་དེད་སོང་ཡ་རེ་ང་བ།།

མཁའ་ཡི་སྤྲིན་པ་ཕར་བསྐྱོད་ཚུར་བསྐྱོད་མ་གནང་།།
མཁའ་གྲུ་བསྐྱོད་པའི་ལམ་སྒོ་ཕྱེ་བར་བརྩོན་ཅིག།
ང་ཡི་སེམས་པ་དམར་ཆུང་འདི་ནས་འགྲོ་དགོས།།
འདི་ལས་ལྷག་པ་ང་ལ་གང་ཡང་མེད་དོ།།

ཁ་སང་ད་ཚོད་ཅིག་ལ་གནས་འདིའི་རི་ཆུ།།
མཉེན་མཇམ་མེ་ཏོག་ཅིག་གིས་མཛེས་པར་བྱས་ཡོད།།
དེ་རིང་ཁོར་ཡུག་འདི་ཡི་ནམ་མཁའ་འདི་ཡང་།།
སྟོང་ཞིང་འཇགས་པའི་སྣང་བ་འགོག་མེད་འཆར་བ།།

ཨ་སྔོན་དབྱིངས་ལ་ཁྱེད་རང་ཡར་ཡར་འཕགས་དུས།།
མཛེས་པའི་གྲིབ་གཟུགས་ཙམ་ཡང་འདི་ནས་གྱེས་འགྲོ།།
མཁའ་ཡི་སྐས་འཛེགས་ལ་བརྟེན་མར་མར་འབབ་དུས།།
ས་གཞི་ཞིག་ནི་འོད་ཀྱིས་མཛེས་པར་བྱེད་འགྲོ།།

ལྷ་ཡི་བུ་མོ་མིན་པའི་མྱི་གཤིས་ཅན་པོ།།
བཅོས་མའི་སེམས་པ་བྲལ་བའི་ལྷད་མེད་བུ་ལོ།།
དེ་རིང་ལྟེ་བའི་ཁྲག་རྒྱུན་འཕོ་སར་ལྷུང་དུས།།
སང་ཉིན་འཛུམ་ཞལ་པར་གྱི་མེ་ཏོག་བསྐུར་ཤོག།

དེ་རིང་འདི་ན་ལྷགས་རླུང་བུ་ཡུག་རྒོད་པ།།
དམར་ཆུང་སེམས་ལ་ཁ་བས་གྲང་འཁྱག་ཆེ་བ།།
གྱེས་སོང་བྲལ་བ་སྐྱོ་ཞིང་སྐྱོ་བ་ཆེ་རུང་།།
ཁྱེད་ཉིད་བདེ་ན་ང་ཡི་བདེ་བ་དེ་ཡིན།།

                         2015 /10/ 1

                                                                       རང་ཉིད་དགའ་སའི་བུ་མོ་ཞིག་ཕ་ཡུལ་དུ་ཆས་རྗེས་བྲིས།


                                                                          རྩོམ་སྒྲིག་པ། དབང་མོ།

 (མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

སྣང་བ་ཡན་པ།༼ཞར་བཀོད་གཅིག་ཡོད ༽

2016-08-05 ཨ་འདུས་མིག་ཆུ། ཀློག་གྲངས། མཆན ཡོད།


ལང་ཚོ་རྒས་ཏེ་གཞན་དུ་གྱུར་ན་ཡང་།།
སེམས་ཀྱི་འདུན་པ་མ་རྒས་སྤྲོ་སྣང་འཕེལ།།
ལུས་ཀྱི་བར་ཐག་རིང་དུ་སོང་གྱུར་ཀྱང་།།
མཛའ་བརྩེའི་སྙིང་གཏམ་མ་ཆད་དགའ་བ་ལ།།

རི་རྩེ་གན་གྱིས་གངས་ཀྱི་ཞྭ་མོ་གྱོན།།
དགུན་གྱི་ལྷ་མོ་བྱོན་པའི་སྔ་ལྟས་ཉིད།།
ལུང་གཤོང་ཕ་གིའི་ཆུ་ཕྲན་ཆུང་ཆུང་དེས།།
གླུ་སྒྲ་སྙན་པའི་གདངས་སུ་གྱེར་གྱེར་བྱེད།།

བྱེའུ་ཆུང་རེ་རེ་མཁའ་ན་འཕུར་འཕུར་བྱེད།།
སྟོན་ལོ་སེར་པོ་ས་གཞིར་ལྷབ་ལྷུབ་འཐོར།།
སེམས་ཀྱི་སྣང་བས་བྱ་རྗེས་རྐང་པ་འཇོག།
ལུས་ཀྱི་ཉམས་སྣང་སྟོན་ལོའི་ཟོལ་དུ་གྱུར།།

ལོ་མའི་ཆུ་ཐིགས་འབབ་པ་སྙིང་ལ་སྡུག།
ཞོགས་ཉི་ཤར་རིར་འཕོས་པ་ཡིད་དུ་འོངས།།
གྱེས་སོང་བྲལ་བའི་ཁྱེད་རང་འཛུམ་ཙམ་གྱིས།།
ས་གཞིའི་མཛེས་སྡུག་ཀུན་འདུས་དེ་ཀ་ཙམ།།

མེ་ཏོག་འདབ་ལོ་རེ་རེ་དལ་གྱིས་བབས།།
ས་གཞི་མ་ལུས་ལོ་མས་མཛེས་པ་གྱུར།།
ལོ་མ་རེ་རེ་རླུང་གིས་མཁའ་ལ་སྤུར།།
མིག་ཟུང་མཆི་མའི་རྒྱུན་ཐག་ཆད་པར་གྱུར།།

འོད་ཀྱི་སྣང་བ་ལམ་ལམ་མཁའ་རུ་འཚེར།།
རྒྱ་མཚོའི་རྦ་རླབས་ཡམ་ཡོམ་ས་རུ་གཡོ།།
ཁྱེད་ཉིད་འཛུམ་ཙམ་འཛུམ་ཙམ་རྒྱང་ལ་ཆས།།
བདག་གིས་སྐྱོ་ངལ་སེམས་ལ་ཁ་ཏ་བྱས།།

སྔས་གཞིར་མགོ་བོ་བཞག་ཏེ་གཉིད་ལ་རོལ།།
སྒེའུ་ཁུང་འགྲམ་གྱི་སྟོན་ལོ་གཟན་པ་ལ།།
མལ་ཐུལ་གྱོན་ནས་བཙན་གྱིས་ཉལ་ན་ཡང་།།
ཟླ་འོད་འདི་ཡང་ལུས་ལ་རྩུབ་རེག་ལྡན།།

                                        རྒྱང་ལ་ཆས་པ།

གན་གྱི་གངས་རི་དེ་ནི་དབུ་རྩེ་མཐོ་བ།།
སྨུག་པའི་རྨུ་ཐག་དེ་ཡང་མཁའ་ལ་ཟུག་པ།།
ང་ཡིས་ཁྱེད་ཉིད་མཐོང་བའི་མུན་པར་གནས་ཀྱང་།།
སེམས་ཀྱི་མེ་ལོང་ངོས་ལ་ཁྱེད་རང་གསལ་བ།།

སྤྲིན་པ་ཐར་ཐོར་རྒྱང་ལ་དལ་དལ་སྐྱོད་དུས།།
ཉི་འོད་དམར་ཟེར་སེམས་ཀྱི་དུང་བ་འདྲ་བ།།
མིག་ཆུ་འཁྱག་པ་ཉིལ་ལེར་མཁའ་ལ་བལྟས་ཡིན།།
དབྱིངས་ཀྱི་ཆུ་འཛིན་རྗེས་ལ་སེམས་རྐང་འཇོག་འགྲོ།།

དེ་རིང་གནམ་གྱི་ཉི་མའི་དཔང་ཚད་མཐོ་ཡང་།།
ཁྱེད་རང་ཉི་ཟླའི་འགྲམ་ལ་འཕུར་བར་ངེས་སོ།།
ས་གཞིའི་གངས་དང་མཛེས་པའི་རྩི་ཏོག་མ་ལུས།།
ཁྱེད་ཀྱི་རི་དྭགས་མིག་གི་སྤྱོད་ཡུལ་ཡིན་ནོ།།

ཡིད་ཀྱི་མེ་ཏོག་རྐང་གཅིག་མཁའ་ལ་བསྐྱོད་རེད།།
འཇམ་པོའི་རླུང་དང་འགྲོགས་ནས་ཐང་ལ་འབབ་རེད།།
ས་གཞིའི་གཉེན་དང་བཤེས་ཀྱིས་ལག་པར་བཟུང་བའི།།
མཛའ་བརྩེའི་ཁ་བཏགས་རེ་རེས་ཁྱེད་རང་དྲན་པ།།

འདི་ནས་མེ་ཏོག་རྐང་གཅིག་རླུང་གིས་ཁུར་སོང་།།
ལས་དབང་རླུང་བུ་འདི་འདྲའི་ཞེ་སེམས་ནག་པ།།
གངས་ཀྱིས་གཡོག་པའི་གོ་ལའི་རི་རྩེ་དེ་ན།།
ང་ཡི་མེ་ཏོག་དེད་སོང་ཡ་རེ་ང་བ།།

མཁའ་ཡི་སྤྲིན་པ་ཕར་བསྐྱོད་ཚུར་བསྐྱོད་མ་གནང་།།
མཁའ་གྲུ་བསྐྱོད་པའི་ལམ་སྒོ་ཕྱེ་བར་བརྩོན་ཅིག།
ང་ཡི་སེམས་པ་དམར་ཆུང་འདི་ནས་འགྲོ་དགོས།།
འདི་ལས་ལྷག་པ་ང་ལ་གང་ཡང་མེད་དོ།།

ཁ་སང་ད་ཚོད་ཅིག་ལ་གནས་འདིའི་རི་ཆུ།།
མཉེན་མཇམ་མེ་ཏོག་ཅིག་གིས་མཛེས་པར་བྱས་ཡོད།།
དེ་རིང་ཁོར་ཡུག་འདི་ཡི་ནམ་མཁའ་འདི་ཡང་།།
སྟོང་ཞིང་འཇགས་པའི་སྣང་བ་འགོག་མེད་འཆར་བ།།

ཨ་སྔོན་དབྱིངས་ལ་ཁྱེད་རང་ཡར་ཡར་འཕགས་དུས།།
མཛེས་པའི་གྲིབ་གཟུགས་ཙམ་ཡང་འདི་ནས་གྱེས་འགྲོ།།
མཁའ་ཡི་སྐས་འཛེགས་ལ་བརྟེན་མར་མར་འབབ་དུས།།
ས་གཞི་ཞིག་ནི་འོད་ཀྱིས་མཛེས་པར་བྱེད་འགྲོ།།

ལྷ་ཡི་བུ་མོ་མིན་པའི་མྱི་གཤིས་ཅན་པོ།།
བཅོས་མའི་སེམས་པ་བྲལ་བའི་ལྷད་མེད་བུ་ལོ།།
དེ་རིང་ལྟེ་བའི་ཁྲག་རྒྱུན་འཕོ་སར་ལྷུང་དུས།།
སང་ཉིན་འཛུམ་ཞལ་པར་གྱི་མེ་ཏོག་བསྐུར་ཤོག།

དེ་རིང་འདི་ན་ལྷགས་རླུང་བུ་ཡུག་རྒོད་པ།།
དམར་ཆུང་སེམས་ལ་ཁ་བས་གྲང་འཁྱག་ཆེ་བ།།
གྱེས་སོང་བྲལ་བ་སྐྱོ་ཞིང་སྐྱོ་བ་ཆེ་རུང་།།
ཁྱེད་ཉིད་བདེ་ན་ང་ཡི་བདེ་བ་དེ་ཡིན།།

                         2015 /10/ 1

                                                                       རང་ཉིད་དགའ་སའི་བུ་མོ་ཞིག་ཕ་ཡུལ་དུ་ཆས་རྗེས་བྲིས།


                                                                          རྩོམ་སྒྲིག་པ། དབང་མོ།

 (མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།